Basoko langile bat hil da Muxikan, lan istripu baten ondorioz, 61 urterekin, bizi osoa lanean pasa ostean. Babes eta elkartasunik zintzoena hildakoaren senitarteko, auzokide eta gertukoei. Gutxienez, hamar langile hil dira jada Euskal Herrian, urtea hasi zenetik: Bizkaian, 5; Gipuzkoan, 3; Nafarroan, 2.

LAB sindikatutik irmoki salatzen dugu,  baso lanean ari zela, 61 urteko langileen heriotza. Azken bost hilabeteetan, bi basoko langilek galdu dute bizia Busturialdea eta Lea Artibai eskualdeetan. Izan ere, Markinan, beste langile bat hil zen urrian, zuhaitz bat gainean erorita ere. Dagoeneko 10 langile dira, gutxienez, lan istripuz aurten Euskal Herrian hildakoak. Bizkaian izandako bosgarren heriotza da.

Lehenik eta behin , LAB sindikatutik gure babes eta elkartasuna adierazi nahi diogu familia, senide eta adiskideei. Basoen sektorean, arriskuak handiak dira; aldiz, lan baldintzak gero eta prekarioagoak dira, langileen osasuna eta bizitzaren gainetik, irabazi ekonomikoak nagusitzen direlako.

Langile honen heriotzaren arrazoiak ikertzea eskatzen dugu, baita ere bere lan baldintzak, lan erritmoak eta abarrekoak ere. Aldi berean,  erantzuleak seinalatu nahi ditugu.

Kezkagarria eta asaldagarria gertatzen ari zaigu lan istripuak gero eta gehiago izatea urtez urte. Lan istrupuen gorakada ez da jarduera ekonomikoaren hazkundearen ondorioa, orain arte esaten duten moduan, prekarizazio politikaren ondorioa baizik, baita erekundeek lan osasunean egiten ez duten kontrol zehatzaren ondorio ere. Lan arriskuen prebentzioan behar diren neurriak hartuz gero, eta sortutako enplegua kalitatezkoa balitz, lan istripuak ez lukete zertan igo behar.

Instituzioei eta gobernuei beste aldera begiaratzeari uzteko eta behingoz lan osasun politikak errotik aldatzeko exigitzen diegu, sarraski honen aurrean neurriak hartu eta lanean ematen diren istripuak ekiditzeko beharrezko diren politika errealak martxan jar ditzaten. Horretarako, interes ekonomiko gainetik langileen segurtasuna eta bizitza bermatu behar dira.

LAB sindikatutik lanean eta borrokan jarraituko dugu langileon eskubide, segurtasun eta osasunaren alde. Klase sindikatuak erantzun irmoa eman beharra du, langileria eta gizarte osoa martxan jarriz. Horregatik, azken istripua salatzeko, dei egiten dugu langile klaseari antolatuko diren mobilizazioetan parte hartzera. Zentzu honetan, asteartean, martxoak 26, mobilizazioa egingo dugu euskal gehiengo sindikaletik, Mungian. 11:30ean izango da, udaletxe aurrean.

Ildo beretik, eredu justu eta langileen segurtasuna eta osasuna aintzat hartuko duen marko propio baten beharra aldarrikatu nahi dugu.