Gizarte Ekimeneko ikastetxeak, 2009tik lan hitzarmena berritu gabe egon dira eta borrokaldi luze eta neketsu baten ondoren, batasun sindikalak eta langileen borrokak patronala mugi arazi zuten, ELA, STEILAS eta CCOOrentzat nahikoak izan ziren eduki batzuk mahai gainean jartzera arte. Honek bide eman zion 2019ko azaroan sinatu zuten Gizarte Ekimeneko akordioari. Momentu horretan LABek publikoki salatu zuen adostu zuten akordio horrek zenbait puntutan ez zituela gutxieneko edukiak betetzen eta beraz, ez ziola bere sinadurarekin babesik emango.
Blog Page 596
“Aldaketa sozialaren eta burujabetzaren aldeko borrokak bat datoz, borroka bera dira”
Euskal Herria, Galiza eta Kataluniako LAB, ELA, CIG eta CSC sindikatuok adierazpen sindikal bat aurkeztu dugu, Bilboko Itsas Museoan. Adierazpenaren bitartez, hiru nazioetan eta Espainiako Estatuan bizi den egoera laboral, sozial eta politikoaren harira, Madrilen osatu den gobernu berriaren aurrean hainbat aldarrikapen egin ditugu, agenda soziala indartu eta erabakitzeko eskubidea aitortzearen ildotik. LABeko idazkari nagusi Garbiñe Aranbururen hitzetan, "garrantzitsua da posizio bateratu bat ezartzea Gobernuaren aurrean. Horrekin batera, norberak gure herrian borrokan jarraitu behar dugu eraldaketa soziala, dermokrazia eta burujabetza oinarri dituen prozesuan aurrera egiteko".
LAB, ELA, CIG eta CSC sindikatuon adierazpena: "Gizarte agenda eta erabakitzeko eskubidea”
Manifiesto de los sindicatos LAB, ELA, CIG y CSC: "Agenda social y derecho a decidir”
Garbiñe Aranburuk hitza hartu du ekitaldian, Euskaldunako Adierazpenaren izaera azaltzeko: "Espainiako Estatuaren errealitateari buruzko diagnostiko bateratu bat dugu. Garai politiko berri bat irekitzen da, eta horregatik kokatu nahi izan ditugu gure aldarrikapenak PSOE eta Unidas Podemos alderdiek osatutako Gobernu berriaren aurrean".
LABeko idazkari nagusiaren arabera, Espainiako Estatuan bizi den krisia, arlo politiko zein sozialean, jasangaitza den errealitate bat da, eta orain jokoan dagoena da nola konpontzen den krisi hori. "Ultraeskuindarren gorakadak agenda politikoa baldintzatzen du autoritarismoaren aldera, eta eskuineko blokeak inboluzio nazional, sozial eta patriarkalaren aldeko apustua egin du argi eta garbi. Birzentralizazioaren aldeko apustu garbi bat da, eskubide laboral eta sozialen galeraren aldekoa", azaldu du.
Egungo Gobernuaren apustua, dirudienez, erregimena mantentzea da, aldaketa gehiegirik gabe, "azken urteetan izandako murrizketak bere osotasunean bertan behera utzi gabe, autodeterminazio eskubidea aitortu gabe eta gatazka politikoak konpontzeko eskaintza demokratizatzailerik gabe".
Garbiñe Aranbururen esanetan, Estatuaren krisia konponduko ez lukeen "bide autonomista" da apustua, "milaka eta milaka kataluniar, euskal herritar eta galiziarren nahiak asebetetzen ez dituenean".
LABeko idazkari nagusiaren hitzetan, "herri burujabetza defenditzen dugunak gaude. Egungo sistema errotik aldatu nahi dugu, beste eredu sozial bat defendatzen dugu eta proposamen zehatzak ditugu prekarizazioa gelditzeko eta bizitzaren iraunkortasuna erdigunean jarriko duen ereduan aurrera egiteko. Proposamenak ditugu, eta proposamen horiek gauzatzeko botere politikoa behar dugu langileok. Horregatik diogu: aldaketa sozialaren eta burujabetzaren aldeko borrokak bat datoz, borroka bera dira".
Urtarrilean langabeziak gora egin du Hego Euskal Herrian
Urtarrilak urtea langabeziaren igoera kezkagarri batekin hasi du. Gaur egun Hego Euskal Herrian orain dela hilabete baino 4.161 pertsona gehiago daude langabezian. Bilakaera negatibo honen ondorioz langabeziaren zifra ofiziala 151.521 pertsonetakoa da. Urtarrila inoiz ez da izan enpleguarentzat hil ona; hala ere, oraingo honetan 2016tik hilabete honetan gertatu den langabezia igoera handienaren aurrean gaude.
Langabeziaren igoera honek herrialde guztietan izan du hedapena, baina gazteen eta bereziki emakumeen artean izan du eragin gogorrena. Izan ere, urtarrilean batazbeste %2,8 igo da langabezia, gazteen arteko langabezia tasak ordea igoera bikoitza baino handiagoa izan du (%5,9). Gainera, langabezia egoerara batu diren pertsona berrien %95 emakumeak dira.
Gizarte Segurantzaren afiliazioak ere kolpe gogorra jaso du iraupen oso laburreko kontratu asko bukatzearen ondorioz, batik bat merkataritzan eta ostalaritzan.
Hilabete bakarrean, Gizarte Segurantzan 13.500 afiliatu baino gehiago galdu dira eta horrek suntsitu diren lanpostuen zenbatekoaren ideia bat ematen digu, gaizki ordaindutako enplegu prekarioak gehienak.
Lan kontratazioaren datuen arabera, gutxi gorabehera behin-behineko hamar kontratutik lau (iraupen mugatukoak) astebeteko epea baino laburragoak dira. Eta Hego Euskal Herrian 400.000 pertsona baino gehiago daude lan prekarioetatik langabeziara eta langabeziatik prekarietatera bueltan daramaten ate birakarietan harrapatuta.
Instituzioek kanpainak egin arren enplegua ez dela gizarte inklusiorako giltza gogorarazten digu aipatu ditugun datuek. Aitzitik, laneko prekarietatea areagotzearen ondorioa da enpleguak pobrezia egoerarekin gero eta lotura zuzenagoa izatea.
Horregatik, pobrezia errealean bizi den jendarteko %39a ez da etxerik gabekoa edota eskalea, beraien kideetako batek lan harreman motaren bat (behin-behinekoa edo finkoa) duten familiak dira, azkeneko Pobrezia eta Desberdintasun Sozialen Inkestaren arabera.
Eusko Jaurlaritzaren soldata igoeraren inposizioa arbuiatzen dugu berriro ere
LABek negoziazio kolektiboa benetako edukiekin eta bermeekin Euskal Herrrian eman dadin borrokan jarraituko du, eta hain zuzen ere U30eko greba orokorrak bidea zein den are argiago utzi digu.
Gaurko Gobernu Kontseiluan Eusko Jaurlaritzak bere menpeko langileen soldata igoera urtarrilaren 1eko atzeraeragina izango duela iragarri duela eta, LABek gobernuak adierazten duen langileekiko mespretxua eta agintekeria eta era berean, Madrilekiko morrontza salatzen du.
• Langileekiko mespretxua, hain zuzen, greba orokor arrakastatsuaren ondoren negoziazio eta akordioetarako borondate ezan sakontzen duelako. Hitzekin jolastuz, igoera negoziazio baten ondorioa dela esanez, ohiko inposizioekin jarraitzen du.
• Ohiko agintekeria sindikatuon eta langileon eskakizunei uko eginez bere erabakiak inposatu egiten dituelako, eros-ahalmena eta gainontzeko murrizketak berreskuratzeari ateak itxiz.
• Eta Madrilekiko morrontza erabat agerian gelditu da forman eta fondoan. Madrilek ezarritako gastu araua zintzo betez, eta Madrilek igoera gauzatzeko baimena eman dionean bakarrik.
Eusko Jaurlaritzak lan baldintzen neurriak Madrilek aginduko duenaren aurreikuspenen arabera iragarri eta inposatu baino ez ditu egiten. Publizitatearekin eta marketinarekin oso trebea dela onartu beharra badago ere, kudeatzaile erabat nagia eta txapuzeroa dela argi uzten du behin eta berriro: prekarietatea eta murrizketak bere horretan mantentzen ditu.
Jendarteak kalera eramandako aldarriei erantzuteko eskatu diogu Maria Chiviteri
Euskal Herriko Eskubide Sozialen Kartako ordezkariak Nafarroako presidente Maria Chiviterekin bildu dira, joan den urtarrilaren 30eko Greba Orokorraren testuinguruan. LABeko idazkari nagusi Garbiñe Aranburu eta LABeko Nafarroako bozeramaile Imanol Karrera izan dira bertan. Bilera amaituta, Garbiñe Aranburuk adierazi du patronalari presionatzeko eta interpelatzeko eskatu diotela Chiviteri, patronala bera delako egun bizi dugun prekarietate egoeraren erantzule nagusia.
Bilera giro onean joan dela azaldu du Garbiñe Aranburuk: “Normaltasun baten barruan ulertzen dugu bilera, Maria Chiviteri bere ardura instituzionalaren baitan eskatutako bilera izan den neurrian. Gogoeta bat eraman dugu bilerara, kezka bat, bizitzen ari garen prekarietate eta pobreziaren inguruan”.
Bilera giro onean joan dela azaldu du Garbiñe Aranburuk: “Normaltasun baten barruan ulertzen dugu bilera, Maria Chiviteri bere ardura instituzionalaren baitan eskatutako bilera izan den neurrian. Gogoeta bat eraman dugu bilerara, kezka bat, bizitzen ari garen prekarietate eta pobreziaren inguruan”.
Hain zuzen ere, LABeko idazkari nagusiak Chiviteri jakinarazi dio aipatutako kezka hori gero eta zabalduago dagoela jendartean, joan den urtarrilaren 30eko Greba Orokorrean argi geratu zen bezala. “Nafarroako Gobernuak kontu hartu behar duela esan diogu, eta aldarrikapen oso zehatzak helarazi dizkiogu”, aipatu du.
Hala, mahai gainean jarritako aldarriak zerrendatu ditu: besteak beste, gutxieneko pentsioa osagarritzea, 1.080 euro arte; azpikontratetako langileei 1.200 euroko soldata eta 35 orduko lanaldia bermatzea; enplegatu publikoen lan baldintzak kalitatezkoak izatea eta egun dagoen behin behinekotasun tasa altuarekin amaitzea; berrikuntzak errenta bermatuaren inguruan; eta alokairuzko etxebizitza bermatua izan dadin neurri zehatzak.
Garbiñe Aranbururen hitzetan, “patronalari akordio intersektoriala negoziatzeko egindako eskaeraren aurrean, eskatu diogu ere Gobernuak patronala interpelatu dezala, presionatu dezala, patronala bera delako bizi dugun prekarietate egoeraren erantzule nagusia”.
Gaurko bileraren ostean, interpelazioak eginda, erantzunaren zain geratuko gara Euskal Herriko Eskubide Sozialen Kartako eragileak. “Erantzun baikorrik jaso ezean, mobilizaziora jo beharko genuke berriro”, ohartarazi du Garbiñe Aranburuk.
Bidarteko Mr Bricolage dendaren itxieraren aurka mobilizatuko gara larunbatean
Bidarteko Mr Bricolage dendak ateak itxiko ditu udan, behin betiko. Hamahiru langile geratuko dira kalean, eta, hori dela eta, mobilizatzera deitu dugu larunbaterako, otsailak 8. Hain zuzen ere, elkarretaratze batera deitu dugu LAB, CFDT eta CGT sindikatuok, 15:00etarako, dendaren aparkalekuan.
Hilabeteak eman ditugu itxieraren aurka mobilizatzen. Joan den urtarrilaren 31n, esaterako, ekimen sinboliko bat egin genuen dendaren parean. Langile bakoitza ordezkatuz, gurutzeak ezarri genituen, hilobiak bailiran, eta hilobi bakoitzean langileak lanean eman dituzten urteak jarri genituen; 20 urte, 24 urte, 27 urte… Langileek bizitzaren zati handi bat eman dute bertan lanean, eta orain kale gorrian utzi nahi dituzte. aitzakiak erabilita, arrazoirik gabeko itxiera bat gauzatuz.
Laneko indarkeriarekin amaitzeko lan eta bizitza duina bermatu behar dira, lanetik etxera bizirik bueltatzea eskubidea dugulako
Urtea hasi berria eta 10 langile hil dira honezkero lanean Euskal Herrian. Azkenekoa gaur arratsaldean, Gadakaoko GHI Hornos Industriales enpresan. Langileari pieza bat gainean erori zaio eta bertan hil da.
Lehenik eta behin, LAB sindikatutik gure elkartasuna eta babesa adierazi nahi diegu hildako langilearen familia eta gertukoei. Onartezina da behin eta berriz istripu mota hau errepikatzea, oinarrizko segurtasun neurriekin ekiditu zezakeena. Enpresa honek 2018an irabaziak bikoiztu zituen eta onartezina da etekin ekonomikoak langileen segurtasun eta bizitzaren aurretik ezartzea. Nazkatuak gaude. Administrazioei ,arduradunak seinalatzeko eta ordain dezatela exigitzen diegu.
LABen argi dugu laneko indarkeriarekin amaitzeko lan eta bizitza duina bermatu behar direla, lanetik onik eta bizirik bueltatzea eskubidea dugulako. Ezinbestez eredu berri bat
gauzatu behar dugu, enpresen etekinen gainetik langileon bizitza eta osasuna lehentsiko dituena.
LAB sindikatutik lanean eta borrokan jarraituko dugu langileon eskubide, segurtasun eta osasunaren alde. Dei egiten dugu hurrengo orduetan antolatu daitezkeen salatze mobilizazioetan parte hartzera.
Elkarrizketa Sozialeko Mahaia Greba Orokorrean plazaratutako aldarrikapenen aurrean beren burua zuritzeko deialdia da
LAB eta ELAren ustez, urtarrilaren 30eko Greba Orokorrean langileek ozen adierazi zuten patronal eta gobernuen aldetik nahi duten erantzuna. Biharko Elkarrizketa Sozialeko Mahaiak ez die erantzungo grebara eraman gaituzten aldarrikapen bati ere ez, ezta Eusko Jaurlaritza eta CONFEBASKen esku dauden eskuduntzetan ere. Biharko bileraren helburu bakarra langileen aldarrikapenei entzungor egiten dieten eragile guztiek beren burua zuritzea izango da.
Langileek argi hitz egin zuten greba orokorraren egunean, mobilizazioekin masiboki bat eginez, eta horrek argi uzten du langileen aldeko neurri eraginkorrak behar direla, grebaren aldarrikapen taulan jasotzen den moduan. Greba orokorreko aldarrikapen taulako neurriak aplikatzen hasi ezean, LAB eta ELAk ez dute EAEko Elkarrizketa Sozialaren Mahaian parterik
hartuko.
Biharko bilerarako deialdia bera lan, bizi eta pentsio duinen aldeko greba orokorraren bezperan jaso izana probokazio hutsa da, bat egiten duena Jaurlaritzak daraman langileak eta euren ordezkaritza mespretxuz tratatzeko ildoarekin. Era berean, bilera
LAB eta ELAk Chivite Lehendakariarekin bilera duten egun berean ezarri izanak oso argi erakusten du deitzaileek Urkullu Lehendakariaren jarrera harroputza ezkutatzea
besterik ez dutela nahi, honek ELA eta LABekin biltzeari uko egin baitio.
LAB eta ELAk gaineratu dute, mahai guztiz antidemokratikoa dela Elkarrizketa Sozialarena, gutxiengo sindikalarekin jarri zena martxan, eta gainera, guztiz edukirik gabekoa eta antzua da. Mahai horren funtzionamenduaren arabera %10eko ordezkaritza duen sindikatuarekin akordioa nahikoa da langileon ordezkaritza osoaren zilegitasuna izateko, hau da, patronalak beto eskubidea duen bitartean langileon ordezkaritza manipulagarria da akordio irudia emateko. Mahai honek ez du langileentzako inolako akordiorik lortu, martxan jarri zenetik, eta ez du ezer egin nahi
izan langileen baldintzak hobetzeko.
Egungo baldintzetan, Elkarrizketa Sozialeko Mahaia iruzur hutsa da. Lehenik eta behin, ez duelako langileen egoera kontutan hartzen. Eta bigarrenik, ez duelako ezer egin nahi langileen baldintzak hobetzeko. Mahai honek beste helburu bi ditu, zehatzak, Confebasken planak garatzen jarraitzearena, lan-zentroetan prekarietatea hedatzen jarraitzearena eta Urkulluren politika neoliberalak zuritzea. Hori gutxi balitz esan beharra dago mahai antidemokratikoa dela, ez duelako kontutan hartzen langileek ordezkaritza sindikala. Gehiengo sindikala baztertu egiten gaituzte eta gutxiengo sindikalarekin lortu nahi dituzte adostasunak. Eta hau zergatik? Gutxiengo sindikala osatzen duten sindikatuek sindikalismo otzana praktikatzen dutelako eta askoz errazagoa delako hauekin akordioak lortzea prekarietatea zabaltzen jarraitzeko eta politika neoliberalak zuritzeko.
Hauek guztiak Elkarrizketa Sozialaren defendatzaile sutsuak dira, baina, hori bai, edukirik gabeko Elkarrizketa Sozial bat defendatzen dute; denbora pasatzeko Elkarrizketa Sozial bat; patronalaren politikak legitimatzeko Elkarrizketa Soziala, non
sindikatu batzuek uko egiten dioten borrokari.
Iruña Veleiako prozesu judizial amaigabe eta neurrigabea salatu nahi dugu
11 urte pasa dira prozedura judiziala martxan jarri zenetik eta Arabako Foru Aldundiak eta Eusko Jaurlaritzak 7 urte eta erdiko kartzela zigorra eta 300.000 euroko kalte ordaina eskatu dizkiete auziperatuei. Egoera hau izanik, LABetik prozesu judizial amaigabe eta neurrigabea salatu nahi dugu.
Arabako Foru Aldundiak, 2008ko udazkenean hartutako erabaki baten bidez, ofizialki faltsutzat jo zituen 2005 eta 2006ko jardunaldietan Iruña-Veleiako aztarnategian aurkitutako grafitoak eta handik gutxira, zigor-espedientea irekiz, auzibidean jarri zituen indusketa lanetan zebilen enpresako hainbat kide eta kolaboratzaile.