Gizarte Ekimeneko ikastetxeak, 2009tik lan hitzarmena berritu gabe egon dira eta borrokaldi luze eta neketsu baten ondoren, batasun sindikalak eta langileen borrokak patronala mugi arazi zuten, ELA, STEILAS eta CCOOrentzat nahikoak izan ziren eduki batzuk mahai gainean jartzera arte. Honek bide eman zion 2019ko azaroan sinatu zuten Gizarte Ekimeneko akordioari. Momentu horretan LABek publikoki salatu zuen adostu zuten akordio horrek zenbait puntutan ez zituela gutxieneko edukiak betetzen eta beraz, ez ziola bere sinadurarekin babesik emango.
Gizarte Ekimeneko ikastetxeak, 2009tik lan hitzarmena berritu gabe egon dira eta borrokaldi luze eta neketsu baten ondoren, batasun sindikalak eta langileen borrokak patronala mugi arazi zuten, ELA, STEILAS eta CCOOrentzat nahikoak izan ziren eduki batzuk mahai gainean jartzera arte. Honek bide eman zion 2019ko azaroan sinatu zuten Gizarte Ekimeneko akordioari. Momentu horretan LABek publikoki salatu zuen adostu zuten akordio horrek zenbait puntutan ez zituela gutxieneko edukiak betetzen eta beraz, ez ziola bere sinadurarekin babesik emango.
Akordioaren sinaduraren ondoren, hainbat mahai negoziatzaile egin dira hitzarmena negoziatzeko eta akordioaren garapena gauzatzeko, eta mahai horietan akordioko zenbait punturen garapenari dagokionez zenbait erabaki hartu ziren, akordioa murriztuz langileen kaltetan LABen babesik gabe.
Akordioan sinatutako lanaldi murrizketak eta soldata igoerak ez dira betetzen ari Gizarte Ekimeneko ikastetxe guztietan. 2020an sartu garen honetan, oraindik hainbat ikastetxetako langileek ordu murrizketarik izan gabe jarraitzen dute eta zuzendaritzen aldetik egutegi berriaren inguruko proposamenik jaso gabe.
Soldatari dagokionez, 2020an urtarrileko nominan adostu zituzten igoerak jasoko zirenaren konpromiso hartu zuten aldeek. Baina zoritxarrez horrek ez du islatzen benetako errealitatea. Hainbat zentrok igoerak ez dizkiela emango jakinarazi die langileei, eta beraz, ez dira adostutakoa betetzen ari, langileak soldata igoerarik gabe utziz.
Esan genuen bezala, agerian geratu da akordioak ez betetzera ohituta dauden patronalekin presaka sinatutako akordio hark, gabeziak izateaz gain, betetzeko eta kudeatzeko arazoak ekarriko zituela.