2026-02-01
Blog Page 559

Bilbo eta Bizkaiko boterea ordezkatzen duten erakundeak salatuko ditugu bihar, Greba Orokorrera deitzeko manifestazioan

admin
-
0
Bilbo eta Bizkaiko boterea ordezkatzen duten erakundeak salatuko ditugu bihar, Greba Orokorrera deitzeko manifestazioan

Euskal Herriko Eskubide Sozialen Kartako eragileok manifestazioa egingo dugu bihar Bilbon, “Txikitik handira, Bilbo Handia grebara!” lemapean, urtarrilaren 30eko Greba Orokorrarerako 13 egun falta direla.

Euskadi plazatik abiatuta Gran Via zeharkatuko duen mobilizazioan, Bilboko 11 auzo batzorde eta inguruko herrietako greba batzordeak elkartuko dira. Gero eta gertuago dago Greba Orokorra eta urtarrilaren 30ean Bilboko kaleak ere jendez betetzeko deia eginez.

Manifestazioan Bilbo eta Bizkaiko boterea ordezkatzen duten erakunde batzuk salatuko dituzte, hala nola, Iberdrola, Confebask, Espainiako Gobernua, Bizkaiko Foru Aldundia eta RETAbet apustu etxea; hauek baitira gaur egungo prekarietatearen erantzulerik nagusienak. Udaletxean amaituko da, agiri baten irakurketarekin.
 

 

 

Akordioarekin amaitu da Elecnor Telecomunicaciones Araba-ko greba mugagabea

admin
-
0
Akordioarekin amaitu da Elecnor Telecomunicaciones Araba-ko greba mugagabea

38 egun greba mugagabean eta aurretik beste 5 greban egon ondoren, langileek, asanbladan elkartuta, erabaki dute gaur ixtea akordioa PRECOren bulegoetan.

Ez da erraza izan, baina mobilizazioetan hilabete baino gehiago egon ostean langileen lan-baldintzak hobetuko dituen akordioa sinatuko da.

Beste hobekuntza batzuen artean, soldata-igoerak lortu dira, behin-behinekotasuna murriztea, bulegoetako langileen egoera hobetzea, eta langile batek azken 16 urteotan jasaten zuen diskriminazioarekin amaitzea. Akordioaren, aldi baterako kontratua mugagabe egingo zaie langile batzuei, eta 350 euro baino gehiago igo zaie soldata. Igoerarik txikiena lortu dutenek 100 eurotakoa izango dute.

LABek balioan jarri nahi du mobilizazioetan zehar langileek izandako konpromiso eta tinkotasuna. Xantaia eta presioei aurre eginez, eta asko borrokatu ondoren, lortu da Elecnor bezalako enpresa handi bat Gasteizkoa bezalako tailer txiki batekin hitz egitera eseri behar izana, erraza izan ez den arren. Lankideen arteko tinkotasun eta elkartasun honen adibide bat izan da grebalariek erabaki zutela, aldi-baterako kontratua zutenen egoera konpondu arte greba ez zela amaituko. Eskertzekoa da, baita ere, aldi-baterako langile hauen konpromisoa, euren jarraikortasuna arriskuan jarrita ere, euren jarrerari eutsi diotelako.

Aste hauetan zehar, enpresak langileekin batzartzea saihestu du, komunikazioak posta elektroniko bidezko mezu eta telefono deietara mugatuz. Aurrez-aurreko hiru bilera baino ez dira egin, eta horietako bi, aste honetan bertan. Negoziazioan zehar, enpresa ahalegindu da bilera bakoitzean aldagai berriak sartzen, adostuta zegoena erretiratuz. Gainera, akordioa gertu izanda, enpresak modu artifizialean luzatu nahi izan du gatazka, langileek amore ematea helburu. Eta bitartean, grebarako eskubidea urratzeari ekin dio, beste lurralde batzutako langileak bidaliz grebalarien lana egitera.

Azkenik, langileek eta bere ordezkariek instituzioen inplikazioa eskertu nahi dute, ateak zabalik jaso dituztenak gatazkaren berri eman dietenean.

Beste behin ere argi geratu da patronalak ez digula ezer oparituko, eta eskubideak borrokatu egin behar direla. Langileriaren mobilizazioa gakoa da horretarako. Horregatik, langileen ordezkariek datorren hitzordu garrantzitsua gogoratu nahi izan dute, urtarrilaren 30eko Greba Orokorra, Elecnor-eko langileei eta herritar guztiei bertan parte hartzeko deia eginez.
 

 

 

SEAren itxikeriaren aurrean, borroka eta aktibaziorako deia egiten dugu Arabako metalgintzan

admin
-
0
SEAren itxikeriaren aurrean, borroka eta aktibaziorako deia egiten dugu Arabako metalgintzan

Gaur, urtarrilak 15, Arabako metalgintzako mahai negoziatzailea bildu da berriro. Azken bileratik 6 hilabete pasatu ostean, SEAk ez du inolako aurrerapenik ekarri eta sektoreko arazo nagusietan ez dago inolako hurbilketarik. Horren aurrean, LABek langileen aktibazioaren aldeko apustua berresten du, langileak urtarrilaren 30eko Greba Orokorrera deituz.

Arabako metalgintzako mahaia iazko uztailaren 30ean bildu zen azkenengo aldiz, eta SEAk irailean deitzeko konpromisoa hartu arren, ez du egin, bere utzikeria agerian utziz. Gaurkoan, SEAk adierazi du bere enpresari afiliatuek ez dutela inolako aurrerapenik nahi. Bukaeran berriro beraiekin kontrastea egingo duela iragarri digu, hurrengo bilera otsailerako atzeratuz eta negoziazio prozesua inora ez doan norian mantenduz.

Negoziatzeko prestutasuna agertu nahi du baina benetan jarrera itxia mantentzen du funtsezko gaietan: azpikontratetako langileen subrogazioa ukatzeaz gain, 2018ko soldata igoera desagertuta dago, lanaldia ez dute jaitsi nahi, lan baldintzak hobetu ere ez, prekarietatea bere horretan mantentzea bilatzen dute, neurri gabeko ebentualiteari eta kontratazioen iruzurrari mugak jarri gabe, lan osasunean eta berdintasunean neurri eraginkorrik ez, errelebu kontratuaz ezer ez,…

Horren aurrean, LABek Arabako enpresari handien jokabidea salatu nahi du, Arabako metalgintzan egoera iraunkortu nahi dutelako, sektoreko arazoei erantzun gabe. Horregatik, borrokatzeko eta aktibatzeko beharra berresten dugu, eta enpresetan arazoei erantzuteko langileen aktibazioa bultzatzeko apustua egiten dugu. Lan baldintza duinak behar ditugu enpresetan, eta sektore mailan eta horien alde borrokatzeko prestasuna agertu nahi dugu.

Borrokak aktibatzeko bide horretan LABek dei egiten die Arabako metalgintzako langileei urtarrilaren 30eko greban parte hartzera. Sektore honetan hamaika arrazoi baititugu borrokatzeko eta lan duina aldarrikatzeko.
 

 

 

Ipar zein Hego Euskal Herrian pentsio duinen alde mobilizatzeko deia luzatu dugu Hendaian, urtarrilaren 30eko Greba Orokorra mugarri

admin
-
0
Ipar zein Hego Euskal Herrian pentsio duinen alde mobilizatzeko deia luzatu dugu Hendaian, urtarrilaren 30eko Greba Orokorra mugarri

Beste mobilizazio egun bat izan da Ipar Euskal Herrian, eta LAB sindikatuak era aktiboan hartu du parte berriro, Macronen Gobernuak bultzatutako erretreten erreformaren aurkako protesten baitan. Hendaiako karrikak hartu ditugu gaurkoan, eta, bidean, Carrefour eta Intermarche supermerkatuetako sarrerak blokeatu ditugu hamar minutuz. 400 bat lagun bildu ditu manifestazioak. Bihar, berriz, Baionan mobilizatuko gara, 10:30ean, Lapurdiko hiriburuko tren geltokitik abiatuta.

Gutxieneko pentsioak ez dira segurtatuak; pentsioa kalkulatzeko oinarriak bizi osoa hartuko du; emakumeek diskriminatuta jarraituko dute; gazte gehienak 25 urterekin lanean hasten direla kontutan hartuta, 43 urte lan egin behar badute, 68 urte arte lan egitera kondenatuko dituzte… hauek dira erretreten erreformaren ondorioetako batzuk.

Ipar Euskal Herriko LABeko bozermaile Eñaut Aramendik nabarmendutakoaren arabera, pentsioen aurkako erasoa Europa mailan ematen ari den afera bat da. Hori dela eta, Iparraldean zein Hegoaldean, pentsio duinen alde borrokatzeko deia luzatu du, baita urtarrilaren 30eko Greba Orokorrerako deia egin ere.

 

 

 

Mobilizazioa beste biderik ez dutela nabarmendu dute Lasarteko Michelin enpresako langileek

admin
-
0
Mobilizazioa beste biderik ez dutela nabarmendu dute Lasarteko Michelin enpresako langileek

Enpresak negoziazioaren aurrean duen jarreraren aurrean, lanuzteak egiten hasi dira langileak. Bihar, ordubeteko lanuztea egingo dute.

Hauxe da enpresa batzodearen oharra:

Michelin Lasarte enpresa batzordeak honako hausnarketa publikoa egin eta konpainiaren negoziazio egoerari buruzko ikuspegia partekatu nahi du.

2015-2018 aldian 200 milioi euro inguruko etekin konstanteak lortu ditu urtero, 860 milioi baino gehiago aldi osoan.

 2018an, egindako ekoizpena eskuragarri dagoen ahalmen osoaren %90 izan zen, beraz, instalazioen okupazio ona dugu.

Datu hauek publikoak dira eta enpresak urtero aurkezten duen txosten ekonomikotik ateratzen dira. Garai ekonomiko korapilatsuetan, langileak moldatu egin gara eta elkarlanean aritu gara aurrera egiteko.

2019ko ekainean plataforma bateratua entregatu zen enpresa batzordeko sindikatu guztien artean. Negoziazio mahaiaren 12 bilera egin ondoren, posizioak oso urrun daude eta enpresak negoziazioan ez du inolako interesik erakusten:

 Lehenengo bost bileretan ez zuen inolako proposamenik egin, ez eta enpresa batzordeak aurkeztutako plataforma aldarrikatzailari inolako erantzunik eman. Merkatuen egoera katastrofikoa deskribatu zuen, oro har, eta hori ez da batere egokitzen Michelin Espainiaren egoerarekin.

 Oraingo eskaintza hauxe da:

-%2.5-ko soldata igoera 4 urtetan zehar inolako bermerik edo
berrikuspenik egin gabe.

-8h-ko gehikuntza 5 ekipoko lan-sisteman. Gainerako sistemek
ez dute igoerarik izan.
-Eragin txikiak dituzten arazo zehatzetan aurrerapen xume batzuk egin dira, 14 orrialdeko plataforma batetik.

Eskaintza hau enpresa batzorde osoak bidegabe eta merezigabea dela baloratu du. Enpresaren egoera ekonomikoarekin edo gure inguruko negoziazio kolektiboaren errealitatearen egoerakin ez dator bat. 2019. urtean zehar adostutako hitzarmenetan, batez besteko igoera %1,7 da EAEn.

Hori dela eta, eskaintza hau langile osoarekiko eraso gisa kontsideratzen dugu eta ez du urte zail hauetan erakutsi duen profesionaltasunarekin eta konpromisoarekin at egiten. Planteamendu arduragabe eta berekoiarekin erantzuten duela ulertzen dugu, zeinean, enpresak, berak gehiago irabasteko langileos gutxiago irabastea bilatzen dueña soilik.

Baldintza hauekin, zerbait adostea ezinezkoa da.

Abenduan, 4 protesta kontzentrazio egin dira fabrikako atarian, produkzioari eraginik egin gabe, jarraipen masiboa izanez.

Enpresa batzorde honek elkarrizketaren eta negoziazioaren alde apustu egiten jarraituko du, baina azken bilera abenduaren 20koa da, eta ez dugu hurrengorako deirik. Enpresaren jarrera honek mobilizatzera behartzen gaitu:

 Ordu bateko lan geldialdiak urtarrilaren 8, 15, 22 eta 29an.

 8 orduko lan geldialdiak otsailaren 5ean eta 19an.

Lehenengo lan geldialdia arrakasta izugarriarekin burutu da dagoeneko, ordu horretan fabrikazioa geldituz.

Enpresako zuzendaritzari egoera birplanteatzeko deia egiten diogu eta beste bilera batera dei gaitzan, akordio on bat izan beharko litzatekeen negoziazioarekin jarraitzeko.
 

 

 
 

Pentsioen %0,9ko igoera urruti geratzen da euskal pentsiodunen mugimenduaren aldarrietatik

admin
-
0
Pentsioen %0,9ko igoera urruti geratzen da euskal pentsiodunen mugimenduaren aldarrietatik

Espainiako Gobernuak iragarritako KPI-aren igoera pentsioetan (%0,9 Espainiako Estatuan) berandu iristen den neurri bat da eta ez ditu inolaz ere asebetetzen Euskal Herriko pentsiodunen mugimenduaren beharrak eta aldarriak. Pentsio, enplegu eta bizi duinaren alde, ezinbestekoa da mobilizazioa indartzea eta Greba Orokorrerako deialdia urrats berria da norabide honetan.

Espainiako Gobernuak, gainera, ez du KPI-aren igoera bermatu datozen urteetarako. Horrenbestez, iraunkortasun faktorea ere ez da bertan behera utziko; PSOE eta Podemosek sinatutako akordio programatikoaren arabera, aukera hori jasotzen da, “beti ere sistemaren iraunkortasuna epe ertainean eta luzean bermatuz gero”. Bada, zehaztapen hori ezkutuko elementu bat da balizko derogazio hori baldintzatzeko eta etorkizuneko pentsioak murriztu ahal izateko.

Hego Euskal Herriko pentsiodunen erdiak baino gehiagok 1.000 euro baino gutxiago jasotzen ditu. Bistan da %0,9ko igoera batek (kasu onenean, 9 euro lirateke pentsiodunen erdiarentzat) ez diola amaiera jartzen pertsona hauek bizi duten prekarietateari.

Kontutan hartu behar da, EAEn, pentsio baxuenak Diru-sarrerak Bermatzeko Errentarekin (DBE) osagarritzen direla. DBEa jasotzen duten pertsonen %25 pentsiodunak dira, hots, 13.421 pertsona. Pertsona hauei ez zaie igoera aplikatuko (osagarriak absorbatu egiten du). Modu honetan, Eusko Jaurlaritzak igoerari dagokion dirua aurreztuko du, eta diru hori baliatu beharko luke hemen eta orain pentsioak 1.080 eurora arte osagarritzeko aldarria gauzatzeko.

Inoiz baino arrazoi gehiago dago urtarrilaren 30eko Greba Orokorrerako. Hego Euskal Herriko Pentsionisten Mugimendua aldarrikatzen ari den bezala eta Greba Orokorrerako bere aldarrikapen taulan Euskal Herriko Eskubide Sozialen Kartak jasotzen duen moduan:

• Premiazkoa da 2013 eta 2011ko pentsio-erreformak indargabetzea.

• 1.080 eurotako gutxienezko pentsioa ezinbestekoa da bizi duinak bermatzeko.

• Pentsioen genero arrakalarekin amaitu behar da. Hego Euskal Herrian, emakumeek gizonezkoek baino %40 apalagoak diren pentsioak jasotzen dituzte. Honi lotuta, bereziki larria da emakume alargunen egoera.

Madrilgo gobernuak ez ditu aldarrikapen hauek agendan jasotzen. Neurri guzti hauek bermatu eta euskal langile eta pentsionisten beharrizanak asetuko dituen babes sozialerako sistema artikulatuko dituen bidea mobilizazio soziala da, gizarte mugimendua erakusten ari den moduan eta hemen erabakitzea gure pentsioen etorkizuna.

“Aurrerabide-gobernuaren” proposamena, Toledoko Ituna indartzearena pentsioen inguruko kontuak argitzeko espazio moduan alkandora hertsagarri bat da euskal pentsionisten aldarrikapeen aurrean. Honi lotuta, urrats sendoak eman behar ditugu aipatu sistema publiko, propio eta duinaren eraikuntzan.
 

 

 

Erretreten erreformaren aurka mobilizatu gara Baionan, berriro

admin
-
0
Erretreten erreformaren aurka mobilizatu gara Baionan, berriro

Macronen Gobernuak inposatu nahi duen erretreten erreformaren aurka irten gara kalera, berriro ere. Hain zuzen ere, manifestazio bateratua egin dugu Baionako geltokitik abiatuta, eta 1.500 lagun inguru elkartu gara. Bertan izan gara hainbat sindikatu eta eragiletako ordezkariak, borroka indartu eta mugimendua handitzeko unea den heinean. Beste manifestazio bat egingo dugu bihar, 10:30ean, Hendaiako Herriko Etxetik abiatuta. Ostegunean, berriz, Baionako geltokitik abiatuko dugu berriro protesta, 10:30ean ere.


 

 

 

Hezkuntza Itunaren sindikatu sinatzaileok 2020rako Nafarroako aurrekontuen bidez hura betetzea eta garatzea eskatu dugu

admin
-
0
Hezkuntza Itunaren sindikatu sinatzaileok 2020rako Nafarroako aurrekontuen bidez hura betetzea eta garatzea eskatu dugu

Hezkuntza Ituna sinatu dugun sindikatuak kezkatuta agertu gara, Hezkuntza Departamentuak ez baitu deus ere egin 2018ko abuztuan sinatutako Itunaren ondoriozko neurriak gauzatzeko.

Egoeraren aurrean, LAB, STEILAS, AFAPNA, ANPE, CCOO eta UGT sindikatuok honako hau jakinarazi nahi diegu irakasleei eta iritzi publikoari:

– Kezkatuak gaude Itunaren Jarraipen Batzordearen hurrengo bilera behin eta berriz atzeratzen ari delako. Bilera hori hitzartua dago; izan ere, Batzordea hiru hilean behin bildu behar da, eta 6 hilabete darama bilerarik egin gabe. Hurrengo bilera urtarrilaren 15era atzeratu dute, baina uste dugu ez dela batere eraginkorra izango, bertan jorratzen ez badira gertatu diren atzerapen eta ez-betetze guztiak, bai eta Itunaren testuan jasotako neurriak aplikatzean sortutako desadostasunak ere.

– Eskatzen dugu Nafarroako Gobernuaren Aurrekontuen aurreproiektuan sar ditzatela Itunean jasotako neurriak betetzeko eta garatzeko beharrezkoak diren aurrekontu-partida guztiak. Izan ere, hori izan zen egungo Hezkuntzako kontseilariak lehenengo mahai sektorialean hartu zuen konpromisoa.

– Argi eta garbi adierazi nahi dugu Ituna zintzo betetzen ote den begiratuko dugula, eta, hitzarmena sinatzeko egin zen bezala, ez dugu baztertzen beharrezko neurriak hartzea betetzen dela ziurtatzeko.

 

 

 

Forjas Unidas-eko langileen bigarren greba eguna, soldatak ordaintzea eskatzeko

admin
-
0
Forjas Unidas-eko langileen bigarren greba eguna, soldatak ordaintzea eskatzeko

Bediako Forjas Unidas-eko 38 langileak bigarren greba eguna egiten ari dira gaur, urtarrilaren 14ean, urtarrilaren 10ean egindako lehenaren ondoren, enpresari zor dizkieten hiru nominen ordainketa eskatzeko.

Asanbladan onartu zuten mobilizazio egutegia, urtarrilaren 10ean hasi zena langileen %100ak jarraitu zuen greba egun batekin.

Forjas Unidas enpresak Bedian du egoitza eta forjaketan dihardu. Gaur, urtarrilak 10, batzarrak adostutako mobilizazio egutegi baten lehen greba eguna izan da.

Forjas Unidas-ek hiru hileko soldata zor die langileei. Egoera horren aurrean, langileek, beren ordezkarien bidez, enpresari konponbideak eskatzeko eskatu zizkioten joan den abenduan. Enpresaren zuzendaritzak konpromisoa hartu zuen plan industrial bat aurkezteko eta zorra urtarrilaren 8a baino lehen ordaintzeko. Enpresak, ordea, ez du bere konpromisoetako bat ere bete.

Langileek ez dute enpresaren gardentasun falta onartzen eta ez dute egoera ulertzen, enpresak jakin badakienean azken urteetako ekoizpena oso ona izan dela eta bereziki altua 2019ko lehen sei-hilabetekoan.

Langileen asanbladak mobilizazioei ekitea erabaki zuen enpresari exijitzeko bere konpromisoak bete eta zor dizkieten soldatak ordaintzeko, urtarrilaren 10, 14 eta 16rako greba-egunak deituz.
 

 

 
1...558559560...1,588Page 559 of 1,588

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus