Blog Page 1235
Euskal sindikalgintzaren erronkak hizpide izango ditu Ainhoa Etxaidek gaur Bilboko 7 katu gaztetxean
Ernai gazte antolakunde independentistak eta LABek antolatuta, gaur hilak 29, gazteria eta sindikalgintzaz mintzatzeko hitzaldi-solasaldia burutuko da Bilboko 7 katu gaztetxean.
Ekimenari Ainhoa Etxaide, LABeko idazkari nagusiak, emango dio hasiera "Euskal sindikalgintzaren erronkak" izenburupean eskainiko duen hitzaldiarekin. Horren ostean, gazteria eta sindikalgintza izango dute mintzagai.
Baztan Bidasoako LAB eta Ernaik Maiatzaren Lehenean eta maiatzaren 3ko manifestAKZIOAn parte hartzera deitu dute
Baztan Bidasoako LAB sindikatuak eta Ernai gazte antolakunde independentistak Estatuetatik inposatzen ari diren agenda ultraneoliberalaren kontra Maiatzaren Lehenean eta maiatzaren 3an Bilbon burutuko den manifestAKZIOan parte hartzeko deia luzatu dute.
Mutualitatetako zein Prebentzio Zerbitzuetako baliabideen publifikazioa eskatu du LABek Lan Osasunaren Nazioarteko Egunean
LAB sindikatuak kalean izan da aurtengo Nazioarteko Lan Osasunaren Nazioarteko egunean ere. Eskualde ezbedinetan eta Hego Euskal Herriko hiriburuetan egindako mobilizazioetan, mutualitateei ematen zaien boterea langileon osasunaren kontra egiten den erasoa dela salatu du sindikatuak eta Mutualitatetako zein Prebentzio Zerbitzuetako baliabideen publifikazioa exijitu du.
Bide horretan Gizarte Segurantzaren Diruzaintzaren buloegoetan kontingentzi profesionalen kobertura aldaketaren eskaera erregistratu du LABek. Horrela osasun zerbitzua Osasunbideak eta Osakidetzak betetzea eskatuz.
Botere osoa mutualitateei, KOSKA bat ESTUAGO gure osasunaren kontra
Aurtengo apirilaren 28an, Lan Osasun eta Segurtasunaren nazioarteko egunean, langile klasearen lan baldintzak okertu egin direla salatzen jarraitu behar dugu. Honek, administrazio publikoen utzikeria eta konplizitate ideologikoak, eta enpresetan dagoen benetako prebentzioaren ezak lan istripuak eta laneko gaixotasunak areagotzea ekarri dute; gainera, mutualitateak betetzen duten lanaren ondorioz, istripu eta gaixotasun horien laneko jatorria ukatu egiten da sarritan, osasun sistema publikora desbideratuz.
Mutualitateak irabazi asmorik gabeko enpresari elkarteak dira legearen definizioaren arabera, elkarte hauek Gizarte Segurantzako diru publikoaren kudeaketan laguntzen dute eta botere osoa dute laneko gertakizunetan. Urteekin gainera, boterea handitzea lortu dute: gertakizun arruntetan ( langile klaseaganako diskriminaziorik gabeko eta gehiegizko kontrola erabiltzen dutelarik) odolkideen gaixotasun larriengatiko prestazioan, autonomoen langabezian …; administrazio publikoenak izan behar zirenak, mutualitateen eskuetan dira.
Baina guzti hau eredu zehatz bati lotuta dago: publikoa denaren deskapitalizazioa interes pribatuaren mesedetan. 90eko hamarkadan hasitako bideak, mutuen boterea handiagotzearenak, ondorio larriagoak ekarriko ditu datozen hilabeteetan: martxan diren zirriborro ezberdinek ( Mutualitateetako Legea eta Aldi-baterako Ezintasunari buruzko Errege Dekretua) enpresari elkarte hauen boterea handituko dute, osasun sistema publikoa eta beren langileria (Osasunbidea-Osakidetza) ahalmenik gabe utziz. Oraingo egoera ekonomikoan aurreztu beharra edo langileok sistema publikoari egiten dioten iruzurra bezala argudio faltsuetan oinarritzen dira publikoa dena deskapitalizatzeko eta negozioa esku pribatuetan uzteko, oinarrizkoa den osasun arloan bada ere.
Zirriborroetan ikus daitezkeen araudi aldaketak:
• Enpresa eta mutua-arteko hitzarmenen iraupena 3 urtera luzatzea.
• Bajaren jatorria lanekoa edo arrunta den erabakia, mutualitateak hartzea.
• Mutualitateak emandako altari erreklamazioa sartzeko epea 10 egunetara murriztea.
• Gaixotasunen bataz besteko iraupen optimoa taulatan jaso eta, horren arabera, bajaren iraupena kontrolatzea.
• Zerbitzu publikoek emandako bajetan burokrazia handitzea (mutuak emandakoetan ez).
• Zerbitzu publikoetan dauden gure historia klinikoak, Gizarte Segurantzako Institutu Nazionalak (GSIN) eta mutuak ikusi ahal izatea.
• Gertakizun arruntetan:
– Bajaren lehen egunetik badute zita ematea.
– Errekonozimenduak egitera derrigortuak izatea (bestela, GSINek badu osasun alta ematea, eta mutualitateak ere badu bajaren prestazioa kentzea).
– Mutualitateak agindutako diagnosirako probak, tratamendu terapeutiko eta erreabilitatzaileak, zerbitzu publikoak ordaintzea.
– Mutualitatearen errekonozimenduetara ez joateagatiko arrazoiak azaltzeko 10 egun, bestela mutualitateak prestazioa kenduko luke.
– Mutualitateak altarako proposamena egitea.
Hau da, aldaketa honek zera dakar:
• Zentralizazioa. Osasun Sistema publikoaren eskuduntzak eta honen ikuskatzailetza medikuaren eskuduntzak zentralizatzen eta deskapitalizatzen dituzte.
• Osasun publikoa pribatizatzen da, sistema osasun publikoaren ekitate eta unibertsaltasun irizpideen aurka.
• Osasun Sistema erdibitzen ari da: bata, sendoa, jardunean dauden langileentzat, kudeaketa pribatizatzen duena; bestea, publikoa, deskapitalizatua, benefizentziatik hurbilago dena.
• Sistema pribatu hori funtsa publikoekin finantzatzea, kotizazioetatik nahiz diagnosia eta tratamenduetako azterketak eta tratamenduak aurreratuz, osasun sistemak sanitarioak egin dituen ordainketatik deribatuak.
• Mutualitateen erabateko ahalduntzea.
• Enpresen mutualitateetako benetako jarduera ez da benetan kontrolatzen.
Behin betikoz, Mutualitatentzako ahalmen berriek, langile klasearen kontrola areagotzea ekarriko dute, eta argi dago nola egungo ereduak, bata bestearen atzetik datozen erreformekin, sistema publikoaren suntsiketa dakarren: osasunaren eredu pribatua eta ekonomizistarantz garamatzate; eredu honek mutualitateei eman die botere osoa, inolako kontrolik gabe, laneko gaixotasunen erregistroan dagoen iruzurra zigortu gabe. Kudeaketa pribatua, publikoarena baino hobea delakoaren aitzakian; baina, alta goiztiarrek edo eta gaixo diren pertsonen kaleratzeek dakarten kostu soziala ezkutatuz.
Publikoa indartu behar dugu pribatuaren aurrean, enpresaten ez dadila mutualitateekin kontratatuko mutuekin gertakizun arrunten kontrola, laneko gertakizunak GSINekin kontratatu daitezen, eta osasun arreta Osasunbidea-Osakidetzak eman dezan, beste eredu baten defentsan.
Eredu publikoaren defentsa, berdintzailea, unibertsala, bakarra, erabiltzaileen arretarako oinarrizko eskubideen karta garatuko lukeena, Euskal Herrikoa, prebentzioari begirakoa, parte-hartzailea, ikerketa bultzatu duena. Ardatz nagusi hauekin:
• Araubide marko eta erregimen ekonomiko propioak. Jendarte Babesa eta Lan Harremanetarako Euskal Esparruak indartuz.
• Gure beharren arabera, antolaketarako ahalmena osoa.
• Gizarte Segurantza propioa, eta berau defenditzeko konpromisoa.
• Kotizazioak jaso eta kudeatzeko erakundearen sorkuntza, gizarteak eta sindikatuek erakundean parte hartzea izango dutela.
• Euskal osasun sistema publikoaren kalitatea hobetzeko, giza baliabide eta baliabide material eta ekonomikoz hornitzea.
• Araubide aldaketak, lanak eragindako osasun galerak eta kalteak osasun sistema publikoak soilik artatu ditzan.
• Mutualitatetako zein Prebentzio Zerbitzuetako baliabideen publifikazioa.
Langile klasearen osasuna berezko eskubidetzat onartuko duen eredua, faktore ekonomikoen baldintzetatik libre, eta osasun irizpideak soilik gidatuta.
Maiatzaren lehenean langileok kalera Euskal Herriak erabaki dezan
Lerro hauen bidez LAB sindikatutik gure eskubideen defentsan eta Euskal Herriak behar duen erabakitzeko eskubidearen alde, Maiatzaren Lehenean kalera irteteko gonbitea luzatu nahi dizuegu.
Erabakitzeko eskubidea da krisitik irteteko beharrezko dugun burujabetza prozesuaren giltza, eta gu langileok, gure parte hartzearekin berma.
MAIATZAREN LEHENEKO EKIMENEN AGENDA
LAB sindikatuak Maiatzaren Leheneko mobilizazioak eskualdeka egingo ditu aurten. "Langileok erabaki, Euskal Herriak erabaki dezan" lelopean 28 mobilizazio ezberdin burutuko dira Euskal Herriko zazpi herrialdeetan.
LAB sindikatuak Maiatzaren Leheneko mobilizazioak eskualdeka egingo ditu aurten. "Langileok erabaki, Euskal Herriak erabaki dezan" lelopean 28 mobilizazio ezberdin burutuko dira Euskal Herriko zazpi herrialdeetan.
ENTZUN GAITZATELA OZEN! #langileokerabaki
Entzun gaitzatela argi eta garbi Maiatzaren Lehenean. Lagundu gaitzazu egunak emango duenaren jarraipena egiten zuen aportazioen bitartez. Bidali zuen argazki, bideo, kronikak… LAB sindikatuaren webgunera (Nora eta nola bidali) eta txertatu #langileokerabaki "hashtag"a sare sozialetan.
Entzun gaitzatela argi eta garbi Maiatzaren Lehenean. Lagundu gaitzazu egunak emango duenaren jarraipena egiten zuen aportazioen bitartez. Bidali zuen argazki, bideo, kronikak… LAB sindikatuaren webgunera (Nora eta nola bidali) eta txertatu #langileokerabaki "hashtag"a sare sozialetan.
«Botere osoa Mutualitateei, koska bat estuago gure osasunaren kontra» lelopean irtengo da LAB Laneko Segurtasunaren eta Osasunaren Nazioarteko egunean
Mobilizazio ugari egingo dira gaur, Apirilak 28, hainbat eskualdeetan eta Hego Euskal Herriko hiriburu guztietan (Gasteizen 29an izango da). Halaber, Gizarte Segurantzaren Diruzaintzaren buloegoetan kontingentzi profesionalen kobertura aldaketaren eskaera erregistratuko du LABek. Horrela osasun zerbitzua Osasunbideak eta Osakidetzak betetzea eskatuko du; langile klasearen osasunaren defentsa eta arlo publiko defentsan ildo bat markatuko du sindikatuak, beste eredu baterako bidean lehen pausu bezala.
Ainhoa Etxaide idazkari nagusiak Donostiako mobilizazioan hartuko du parte. Eguerdiko 12.15etan Gizarte Segurantzaren Diruzaintza bulegoaren aurrera (Zurriola etorbidea 12) iritsiko da LABen giza katea.
Amaitzeko, Laneko Segurtasun eta Osasunaren Nazioarteko egunaren baitan, bada LABek deituko duen beste mobilizazio bat azpimarratzekoa: Durangoko Fumbarri enpresaren aurrean, hilarek 28an, 10.00etatik 11.30etara elkarretaratzea egingo da. Bertako langileen %10 silikosi gaitzak jota dago; marmol eta fundizio enpresetan zabaltzen den gaixotasuna da, silize hautsarekiko esposizioak eragiten duena. Enpresa honek prebentzio neurririk sekula ez du hartu, eta gaur, kaltetutako langileen kopurua gero eta handiagoa izanik ere, neurriak hartzeari uko egiten jarraitzen du. Hori da hain zuen ere bertan salatuko dena.
Maiatzaren lehenean langileok kalera Euskal Herriak erabaki dezan
LAB sindikatuak pasadan Maiatzaren Lehenetik hona zerbitzu publikoen eta negoziazio kolektiboaren defentsan, enpleguaren eta langileon eskubideen alde eta euskal herriak bere bidea egiteko duen eskubidea aldarrikatuz egindako ekimenenak laburbiltzen dituen bideoa landu du. Langileok erabakitzeko ordua da, Euskal Herriak erabaki dezan.
Maiatzaren lehenean denok kalera!
Langileok erabaki, Euskal Herriak erabaki dezan
Langileok erabaki, Euskal Herriak erabaki dezan
«Krisia iruzur handi bat da, iruzur bat bestearen atzetik. Erantzuleek ez dute ardurarik bereganatu eta gu langileok, egin gaituzte arduradun.
Ez dugu guztiok berdin ordaindu, aberatsak gero eta aberatsagoak dira eta pobreak gero eta pobreagoak. Krisiak, espekulazioaren mesedetan produkzio esparrua suntsitu egin du eta espekulatzaileak negozioa egiten jarraitzeko bide berriak aurkitu dituzte. Neurrien aitzakiarekin erreforma estrukturalak inposatu dizkigute. Euren mesedetan.
Saltzen diguten hazkunde ekonomikoa ez da benetakoa. Enplegua suntsitzen ari da, soldatak erasotzen dituzte, langabezia gora doa eta babes soziala murriztu dute.
Pobrezia eta prekarietatearen gainean ez dago ekonomia indartzerik.
Produkzio ehuna eta ekonomia erreala suntsitzen dute espekularioaren mesedetan.
Zerbitzu publikoak murrizten ari dira eta sektore publikoaren gaitasuna ahuldu nahi dute.
Erabakitzeko eskubidea behar dugu, krisitik nola atera nahi degun guk erabalitzeko.
Ezin dugu onartu orain egiten den moduan elite ekonimikoak haien mesedetan erabakitzea. Irtenbide propio bat behar dugu, burujabetza prozesu bat behar dugu eta horrela aldarrikatuko dugu maiatzaren lehenean ere.
Aske gaitezen, behingoz, Espainia markatik eta gaurko politiketatik. Burujabetza ekonomiko, soziala eta politikoa aldarrikatzen dugu. Eta gaurdanik nahi dugu, bizi dugun egoera larriari buelta ematea ekarriko duen hautu politiko bakarra baita.
Guri dagokigu Euskal Herrian dugun aberastasuna nola sortu, banatu eta antolatu erabakitzea. Hor dago irtenbidea.
Hori erabaki behar dugu, guk langileok erabaki, Euskal Herriak erabaki dezan.
Erabakitzeko eskubidea da prozesuaren giltza, eta gu langileak, gure parte hartzearekin berma.»
LABek Argentinako CTA sindikatuaren Biltzar Nagusian parte hartu du
LAB Argentinako CTA zentral sindikalaren Biltzar Nagusian gonbidatua izan zen, eta sindikatuaren izenean, Nazio Komiteko kide den Urtzi Ostolozagak parte hartu zuen naziorteko delegatu bezala. Argentinan apirilak 10erako deituta zuten greba orokorrerako deiari sindikatuaren babesa eta elkartasun osoa adierazi zien.
Bidaia aprobetzatuz, Uruguayn ere izan zen Ostolazaga, eta bertan PIT-CNTzentral sindikaleko hainbat sektoretako sindikaturekin elkarrizketak burutu zituen LAB eta PIT-CNT zentralaren arteko hartu emanak sendotuz. PIT-CNTko kideek pasa den abenduan hil zitzaigun Igor Urrrutikoetxea LABeko Nazioarteko Idazkaria izan zuten gogoan, kide zein lagun bezala asko estimatzen bait zuten, eta bere oroigarria ere eraman genien.LAB: «Botere osoa mutualitateei, koska bat estuago gure osasunaren kontra»
Aurtengo Apirilaren 28an, Lan Osasun eta Lan segurtasun nazioarteko egunean, langile klasearen lan baldintzak okertu egin direla salatzen jarraitu behar dugu. Honek, administrazio publikoen utzikeriak eta konplizitate ideologikoak, eta enpresetan dagoen benetako prebentzioaren ezak lan istripuak eta laneko gaixotasunak areagotzea ekarri dute; gainera, mutualitateek betetzen duten lanaren ondorioz, istripu eta gaixotasun horien lan jatorria ukatu egiten da sarritan, osasun sistema publikora desbideratuz.
Mutualitateak irabazi asmorik gabeko enpresari elkarteak dira legearen definizioaren arabera, elkarte hauek Segurantza Sozialeko diru publikoaren kudeaketan lagundu egiten dute eta laneko gertakizunetan botere osoa dute. Urteekin, gainera, boterea handitzea lortu dute: gertakizun arruntetan (langile klaseaganako diskriminaziorik gabeko eta gehiegizko kontrola erabiltzen dutelarik) odolkideen gaixotasun larriengatiko prestazioan, autonomoen langabezian…; administrazio publikoenak izan behar zirenak, mutualitateen eskuetan dira.
Baina hau guztia eredu zehatz bati lotuta dago: Interes pribatuaren mesedean publikoa denaren deskapitalizazioa. 90eko hamarkadan hasitako bideak, mutualitateen boterea handiagotzean oinarritua, ondorio larriagoak ekarriko ditu datozen hilabeteetan: martxan diren zirriborro ezberdinek (Mutualitateen Legea eta Aldi-baterako Ezintasunari buruzko Errege Dekretua) enpresari elkarte hauen boterea handituko dute, osasun sistema publikoa eta langileria (Osasunbidea-Osakidetza) ahalmenik gabe utziz. Oraingo egoera ekonomikoan aurreztu beharra edo langileon iruzurra sistema publikoari, horrelako argudio faltsuetan oinarritzen dira publikoa dena deskapitalizatzeko eta negozioa esku pribatuetan uzteko, baita lehentasunezkoa den osasun arloan ere.
Zirriborroetan ikus daitezkeen araudi aldaketak:
• Enpresa eta mutua-arteko hitzarmenen iraupena 3 urtera luzatzea.
• Bajaren jatorria, lanekoa edo arrunta den erabakia, mutualitateak hartzea.
• Mutualitateak emandako altari erreklamazioa sartzeko epea 10 egunetara murriztea.
• Gaixotasunen bataz besteko iraupen optimoa taulatan jaso eta, horren arabera, bajaren iraupena kontrolatzea.
• Zerbitzu publikoek emandako bajaren burokrazia handitzea (mutualitateak emandakoetan ez) jarraipen eta kontrol informeak.
• Zerbitzu publikoetan dauden gure historia klinikoak GSINk ikusi ahal izatea. Eta mutualitateei gero eta informa eta dokumentu kantitate sarbide gehiago.
• Gertakizun arruntetan:
◦ Bajaren lehen egunetik zita emateko aukera dute.
◦ Errekonozimenduak egitera derrigortuak izatea (bestela, GSINk badu osasun alta ematea, eta mutualitateak ere badu bajaren prestazioa kentzea).
◦ Mutualitateak agindutako diagnosirako probak, tratamendu terapeutiko eta erreabilitatzaileak, zerbitzu publikoak ordaintzea.
◦ Mutualitatearen errekonozimendutara ez joateagatiko arrazoiak demostratzeko 10 egun, bestela mutualitateak prestazioa kenduko luke.
◦ Mutualitateak altarako proposamena egitea.
Hau da, aldaketa honek zera dakar:
• Zentralizazioa. Osasun sistema publikoaren eskuduntzak eta honen ikuskatzailetza medikoaren eskuduntzak zentralizatzen eta deskapitalizatzen dituzte.
• Osasun publikoa pribatizatzen da, osasun sistema publikoaren ekitate eta unibertsaltasun irizpideen aurka.
• Sistema sanitarioa zatibitu egiten ari da: bata, sendoa, jardunean dauden langileentzat, kudeaketa pribatizatzen duena; bestea, publikoa, deskapitalizatua, benefizentziatik hurbilago dena.
• Sistema pribatu hori funtsa publikoekin finantzatzea, kotizazioetatik nahiz diagnosia eta tratamenduetako azterketak eta tratamenduak aurreratuz, sistema sanitarioak egin dituen ordainketatik deribatuak.
• Mutualitateen eta enpreseen erabateko ahalduntzea.
• Enpresen mutualitateetako benetako jarduera ez da benetan kontrolatzen.
Behin betikoz, Mutuentzako ahalmen berriek, langile klasearen kontrola areagotzea ekarriko dute, eta argi dago nola egungo ereduak, erreformak bata bestearen atzetik dabilzkiela, sistema publikoaren suntsiketa dakarren: osasunaren eredu pribatua eta ekonomizistarantz garamatzate; eredu honek botere osoa mutualitateei eman die, inolako kontrolik gabe, laneko gaixotasunen erregistroan dagoen iruzurra zigortu gabe. Kudeaketa pribatua publikoa baino hobea delakoaren aitzakian; baina, alta goiztiarrak edo eta gaixo diren pertsonen kaleratzeak dakarren kostu soziala ezkutatuz.
Horregatik guztiagatik (mutualitateen praktika okerrak, bai gertakizun arruntetan bai profesionaletan, bai amatasuna eta edoskitzeko arriskuen aurrean ukazio eta dilatazioa; erreformak eta patronalaren botere hartzea (enpresak eta mutualitateak) eta eredu publikoaren desmantelatzea) eta jakinda gaur egun ez dela existitzen eredu ideal bat, gure ustez publikoa indartu behar dugu pribatuaren aurrean, enpresatan ez dadin kontratatuko mutualitateekin gertakizun arrunten kontrola, laneko gertakizunak GSINekin kontratatu daitezen, eta osasun arreta Osasunbidea-Osakidetzak eman dezaten. Era horretara, Gizarte Segurantzaren Diruzaintzak batzen dituen kotizazioak osasungintzako zerbitzu publikoa kaltetuko luke, hau da, errekurtso gehiago suposatu beharko lukete bai ekonomikoki bai giza baliabideen aldetik, horrela zerbitzuaren kalitatea hobetuz.
Hori horrela, hurrengo apirilaren 28an, Gizarte Segurantzaren Diruzaintzaren bulegoetan kontingentzi profesionalen kobertura aldaketaren eskaera (gaur egun mutualitate batean gizarte segurantzari eskaera) erregistratuko du LABek. Horrela osasun zerbitzua Osasunbideak eta Osakidetzak betetzea eskatuko dugu. Langile klasearen osasunaren defentsa eta arlo publiko defentsan ildo bat markatuko dugu, beste eredu baterako biedean lehen pausu bezala: eredu publikoaren defentsan, berdintzailea, unibertsala, bakarra, kalitatezkoa, erabiltzaileen arretarako oinarrizko eskubideen karta garatuko lukeena, Euskal Herrikoa, prebentzioari begirakoa, parte-hartzailea, ikerkuntzaren bultzatzailea. Langile klasearen osasuna berezko eskubidetzat onartua izango duen eredua, faktore ekonomikoen baldintzetatik libre, eta osasun irizpideek soilik gidatua.
