2024-02-28
HomeMaiatzaren Lehena 2014Maiatzaren lehenean langileok kalera Euskal Herriak erabaki dezan

Maiatzaren lehenean langileok kalera Euskal Herriak erabaki dezan

LAB sindikatuak pasadan Maiatzaren Lehenetik hona zerbitzu publikoen eta negoziazio kolektiboaren defentsan, enpleguaren eta langileon eskubideen alde eta euskal herriak bere bidea egiteko duen eskubidea aldarrikatuz egindako ekimenenak laburbiltzen dituen bideoa landu du. Langileok erabakitzeko ordua da, Euskal Herriak erabaki dezan.

Maiatzaren lehenean denok kalera!
Langileok erabaki, Euskal Herriak erabaki dezan

«Krisia iruzur handi bat da, iruzur bat bestearen atzetik. Erantzuleek ez dute ardurarik bereganatu eta gu langileok, egin gaituzte arduradun.

Ez dugu guztiok berdin ordaindu, aberatsak gero eta aberatsagoak dira eta pobreak gero eta pobreagoak. Krisiak, espekulazioaren mesedetan produkzio esparrua suntsitu egin du eta espekulatzaileak negozioa egiten jarraitzeko bide berriak aurkitu dituzte. Neurrien aitzakiarekin erreforma estrukturalak inposatu dizkigute. Euren mesedetan.

Saltzen diguten hazkunde ekonomikoa ez da benetakoa. Enplegua suntsitzen ari da, soldatak erasotzen dituzte, langabezia gora doa eta babes soziala murriztu dute.
Pobrezia eta prekarietatearen gainean ez dago ekonomia indartzerik.

Produkzio ehuna eta ekonomia erreala suntsitzen dute espekularioaren mesedetan.

Zerbitzu publikoak murrizten ari dira eta sektore publikoaren gaitasuna ahuldu nahi dute.

Erabakitzeko eskubidea behar dugu, krisitik nola atera nahi degun guk erabalitzeko.

Ezin dugu onartu orain egiten den moduan elite ekonimikoak haien mesedetan erabakitzea. Irtenbide propio bat behar dugu, burujabetza prozesu bat behar dugu eta horrela aldarrikatuko dugu maiatzaren lehenean ere.

Aske gaitezen, behingoz, Espainia markatik eta gaurko politiketatik. Burujabetza ekonomiko, soziala eta politikoa aldarrikatzen dugu. Eta gaurdanik nahi dugu, bizi dugun egoera larriari buelta ematea ekarriko duen hautu politiko bakarra baita.

Guri dagokigu Euskal Herrian dugun aberastasuna nola sortu, banatu eta antolatu erabakitzea. Hor dago irtenbidea.
Hori erabaki behar dugu, guk langileok erabaki, Euskal Herriak erabaki dezan.

Erabakitzeko eskubidea da prozesuaren giltza, eta gu langileak, gure parte hartzearekin berma.»

 

 

 

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.