2025-12-31
Blog Page 1209

Langileen lan baldintzak eta zentruen bideragarritasuna bermatzen dituen proposamen batekin negoziazioaren bidean berresten da LAB

admin
-
0
Langileen lan baldintzak eta zentruen bideragarritasuna bermatzen dituen proposamen batekin negoziazioaren bidean berresten da LAB

Orain urtebete, 2013ko uztailaren 5ean, Kristau Eskolak hitzarmenaren negoziazioak apurtu zituen Estatuko hitzarmena aplikatzeko. Sindikatuek salaketa aurkeztu zuten eta TSJPVk arrazoia eman zien. Ebazpena errekurritu egin zuen Kristau Eskolak eta gaur oraindik Auzitegi Gorenaren erresoluzioaren zain daude.

Gaur astelehena, urteurrenaren harira, ELKARRETARATZEA egin du LABek KRISTAU ESKOLAK Donostian duen egoitzaren aurrean "Kristau Eskolak, EAEko lan Hitzarmena. Negoziazioa orain!" lelopean. 

LABen irakurketa
LAB negoziazioaren bidean berresten da, langileen lan baldintzak eta zentruen bideragarritasuna bermatzen dituen proposamen batekin

«Jada urtebete pasa da Kristau Eskolak negoziazio mahaia apurtu zuenetik eta Estatuko lan hitzarmena inposatu zuenetik.

Urtebete luze honetan ez ditugu aurrera-pausorik ikusi eta horren erantzule baditugu:

Kristau Eskolak, 2013ko uztailaren 5ean negoziazio mahaia apurtu zuen eta Estatuko lan hitzarmena inposatu zuen. Erabaki horren kontra sindikatu guztiek salaketa jarri genuen eta TSJPVk arrazoia eman zigun. Kristau eskolak berehala errekurritu zuen sententzia eta orain Madrilen ebazpenaren zain gaude. Urte osoan zehar ez du erakutsi negoziatzeko jarrerarik. LABek behin baino gehiagotan EAEko lan hitzarmena aplikatzea eskatu dio (negoziatzeko borondate bezala) eta ez du egin.

Kristau Eskolako Gehiengo sindikala, urte luze honetan arlo ekonomikotik haratago ez du proposamenik egin, jarrera maximalistak izan ditu hauteskundeei begira eta ez da izan gai akordioetara heltzeko. Jakinda, langileen egoera gero eta kaxkarragoa dela. Zeren zain daude akordio batera heltzeko, non langile guztien lanpostuak mantenduko diren eta zentroen bideragarritasuna bermatuko den? Zenbat langile gehiago geratu behar dira langabe? Ezgaitasun horren islada jada badaukagu; ikastetxe bat itxi da eta 39 langileen etorkizuna kolokan dago.

Eusko Jaurlaritza, egoera honen sortzailea da. PSEren Gobernuarekin neurri murriztatzaileak hasi ziren eta PNVk politika berdinei segida eman dizkio. Hezkuntza sistemaren finantziazioaren gakoa konpontzen ez dugun bitartean arazoa errepikatuko da urtetik urtera. Horregatik Hezkuntza Lege berri bat inoiz baino garrantzitsuagoa da, Euskal Herrian sortua eta Euskal Herrirako zuzenduta.

Itundutako Ikastetxeen beste sarean akordioa lortu bada, Gizarte Ekimeneko ikastetxeetan zergatik ez?

LAB Sindikatuak argi du akordioetara heltzea posible dela, baina horretarako erakunde sindikal batzuk euren zilborretik haratago begiratu beharko dute. Nahikoa da! Negoziazio mahaietan jarrera maximalistak eramaten ari dira eta gero zentro batzuetan soldaten murrizketak sinatu.

LAB sindikatuak bere aldetik, gatazkaren konponbidea bilatu nahian proposamen integrala aurkezten du, non langileen lan baldintzak eta zentroen bideragarritasunak uztartzen diren:

• EAEko Lan hitzarmena berehala aplikatzea, Estatukoa alde batera utziz.
• Lanpostu guztiak mantenduko direla bermatu.
• Zorraren kitapenerako akordioa lortu.
• Ikastetxeen kudeaketarako eta parte-hartzerako mekanismoak adostu (gardentasuna bultzatu).
• Eusko Jaurlaritzari interpelazioa egitea egoera hau berriro gerta ez dadin.
▪ Hezkuntza Lege berri bat behar dugu Euskal Herritik Euskal Herrirako.
▪ Hezkuntzarako finantziazio handiagoa bideratzea.

Hau guztia ikusirik, LAB negoziaziorako bidean berresten da eta argi du, alde guztiak pausuak eman behar ditugula ataka honetatik ateratzeko. Gizarte ekimeneko langileen etorkizuna dago jokoan.

Donostian, 2014ko uztailaren 7an»

 

 

 

Langile bat hil da Muxikan, lanean ari zela erorita

admin
-
0

Gaur ostirala, hilak 4, langile baten heriotzaren berri izan dugu: Muxikan gertatu da jazoera, ezagutzen ez ditugun arrazoiengatik altura batetik erori eta langile bat hil da. Cubiertas Dual enpresarentzat ari zen lanean.

LAB sindikatutik lehenik eta behin, elkartasuna adierazi nahi diogu haren sendiari, lankideei, lagun eta gertuko guztiei. Halaber, lehenbailehen jazoera argitzeko eskatzen dugu.

Modu berean gogor salatu nahi dugu azken heriotz honekin, Euskal Herrian gutxienez 24 langile hil direla 2014an, urtarriletik uztaila bitarte. Gaurkoa aste honetan gertatzen den bigarren heriotz istripua da.

Non daude administrazioko arduradunak heriotz berri hau salatzeko? Zein aldaketa eta zein pausu enateko prest daudeegoera eta eredu hau geldiarazteko? Langileok bizi ahal izateko egiten dugu lan eta ez, saiakera horretan hiltzeko. Lan istripuak ez dira bizitzako gertakari arruntak, langile bat hiltzea ez da lanaren ezaugarri bat. Ez, lan istripuak patronalak lan egiteko orduan ezartzen dizkigun baldintza eta lan egiteko moduen emaitza dira.

Ondorengo orduetan burutuko diren protesta elkartaratzetan parte hartzera deitzen dugu LABetik, guztien artean, langile zein jendartean odolhoste hau geldiarazi dezagun.

 

 


LABek FREMAPen iruzurra salatu eta mutuen erreformari muzin egin dio

admin
-
0
LABek FREMAPen iruzurra salatu eta mutuen erreformari muzin egin dio

Gaur, uztailak 4an, LABeko delegatu eta afiliatu anitzek FREMAPek eragindako 43 miloi euroko iruzurra salatzeko eta langileon gertakizun arruntak nahiz profesionalen estaldura zerbitzu publikoen bitartez kudeatzea aldarrikatzeko mobilizazioa ekimena burutu dute.

Mutua patronalek urteetan eragindako iruzurra publikoki salatu dute. Izan ere, FREMAPen kasua (duela gutxi argitaratu dena) ez da bakarra. Gaur egun, Fondoen erabilpenetan eta Gizarte Segurantzarentzako nahi ta nahiezko itzulpenetan mutuen aldetik irregularitateak daude. Madrilgo Kontu epaitegiak (2009ko txostena) okerreko 15 milioiko gastua ikusi zuen.

Duela gutxi, Gizarte Segurantzak (GS) FREMAP mutuari eskatu egin dio 43’2 miloi euro (diru publikoa dena) itzultzea. Mutua honek diru publiko hori GS-ri itzuli beharrean marisko, BMW eta bestelako luxuzko kotxeak, mutuaren zuzendaritza taldekoak nahiz hauen bikotekideen bidaiak eta nazio paradoretan egonaldiak, etab. ordaintzeko baliatu dute. FREMAP Estatu espainolean dagoen mutuarik handiena da eta urtero 2300 miloi euro publikoak kudeatzen ditu.

Bestalde, zenbait medio filtratu dutenaren arabera, gaur Gobernu espainarraren ministro kontseiluan onartu behar dituzten Mutuen legearen proiektua eta Aldi baterako ezgaitasunaren (incapacidad temporal) kontrolaren inguruko Errege Dekretuaren proiektua zorrotz kritikatu du LAB sindikatuak.

Azken zirriborroak oinarri hartuta eta gaur onartu daitezkeen proiektuak aztertzeke izanik, LAB sindikatua erreforma honen kontra posizionatu da. Mutua patronalek langileon osasunaren kalteetan, gero eta eskumen zein boterea gehiago izanen dutela salatu egin dute.

Izan ere, mutuei aitortuko zaizkien eskumen berriekin erabateko kontrola izan dezakete. Esate baterako:

-Gertakizun arrunten kontrola bajen 1. egunetik abiatuko da.
-Gertakizun arrunten kasuetan errebisio medikuak egiteko nahitaezkotasuna.
-Alta emateko aukera eta eskumena.
-Langileon historia klinikoa eskuratzeko aukera
-Minaren jatorria arrunta edota lanekoa den erabakitzeko ahalmena.

Hau da, Osasun sistema publikoa pribatizatzeko arriskua dago, Osasun sistema bikoitza sortuz. Bata, aktiboan dauden langileentzako eta errekurtsoak izanen dituena. Eta bigarrena, gainontzeko herritarrentzat eta errekurtso gutxiago izanen dituena.

Mutuen erreformaren aurrean eta duela 60 urte gainontzeko Europan gertatu bezala, mutuak desagerraraztea funtsezkoa dela aldarrikatzen du sindikatu honek. Halaber, mutuen baliabideak eta konpetentziak publikoak bilakatzearen aldeko apustua egiten du. LABen alternatiba zehatza da:

-Gertakizun arrunten kontrolerako mutuen eskuduntza baztertzea. Hau da, enpresek gertakizun arrunten prestazio ekonomikoa eta gertakizun hauen ondorioz egon daitezken bajak eta alten kontrolerako estaldura Gizarte Segurantzaren bitartez hitzartu dezatela.

-Enpresek eta erakundeek laneko gertakizunek prestazio ekonomikoaren estaldurari

-Gizarte Segurantzaren bidez hitzartu dezatela, eta ez mutuen bitartez. Hala, gertakizun hauek direla-eta, Osasun zerbitzu publikoak emango du osasun arreta.

-Nafarroako administrazioak, lantalde publiko osoa Gizarte Segurantzaren erakunde-laguntzailea den Autoaseguradoraren baitan barnebildu dezala. Langile hauen laneko gertakizunen asistentzia medikua Osasunbidetik bermatuz. Autoaseguradora honetan kontrolerako guneak egongo dira, eragile politiko nahiz sindikalen parte hartzea bermatuz.

-Gizarte Segurantzaren medikuek langileon historia klinikoa eskuratzeko aukera baztertu.

Izan ere, sindikatu honek denbora luze darama hau aldarrikatzen eta aurrera eramateko baldintzak sortzen. Hau da, mutuen iruzurra eta kudeaketa txarra salatuz, langileon eskubideak eta lan osasunaren aldeko kontzientzia eta informazioa zabalduz eta gertakizunen estaldura mota aldatzeko urrats praktikoak bultzatuz.

Azken hilabeteotan, lan toki askoetan langileon asanbladak burutu ditugu, zenbait enpresen ordezkaritzekin negoziatu egin da eta hainbat hitzarmen lortzen ari dira gertakizunen estaldura mota aldatzeko.

Zehazki, Nafarroako eremu publiko nahiz pribatuko zenbait lan tokietan adostu dute edota kudeatzen ari dira mutuen zerbitzua baztertu eta zerbitzu publikoaren bitartez gertakizunen estaldura bermatzea. Esatebaterako, MANK mankomunitatea, KATUKA haur eskola, K.K.E Txantrea, GUEMA SA, Arbizu eta Lakuntzako Udalak, Etxarri-aranatzeko Ikastola, Aita Barandiaran zahar etxea…

Azkenik, egun zenbait enpresetan mutuarekiko kontratazio irregularrak egiten ari direla salatu dute. Izan ere, egun Xedapen iragankorra dago, zeinak mutuarekiko edo gizarte segurantzarekiko hitzarmen guztiak luzatzen dituen Mutuen Lege berria indarrean egon arte eta beraz, gaur egun indarrean dauden kontratazioak ezin dira aldatu. Eta sindikatu honek salatuko ditu, joan den astelehenean Nafarroako Lan Ikuskaritzan salatu zuen bezala, mutuarekiko kontratazio irregularra egiteagatik.
 

 

 

Osasun zerbitzuak euskaraz exijitzeko herritar agerraldi jendetsua Zumaian

admin
-
0
Osasun zerbitzuak euskaraz exijitzeko herritar agerraldi jendetsua Zumaian

Datorren asteartean, hilak 8, Zumaiako eta EAEko Osasun zerbitzuetan eta zerbitzu publiko guztietan herritarrok bi hizkuntz ofizialetan hartatuak izateko dugun eskubidea bermatzeko administrazioak neurri, bitarteko eta laguntzak ezar ditzala eskatzeko herritar agerraldi jendetsua burutuko da Zumaiako anbulategian. Deialdia arratsaldeko 18:30etarako egin dute.

Azken asteotan zalaparta ugari izan da Zumaiako anbulatorioan gaztelera hutsezko zerbitzuak eskaintzearen ondorioz. Hala ere, arazo hau ez da soilik Zumaian ematen, orokorra da.

Guretzat begibistakoa da euskara, herri honetako hizkuntza izanik, administrazio publikoaren hizkuntza izan behar dela, bestelako hizkuntza ofizialetan ere arreta bermatuz, noski. Osasungintzan behar hori are eta garbiagoa da, guztiz onartua bait dago gertuko komunikazioaren garrantzia osasun arretan. Eta ezin ahaztu ere hainbat lege eta araudik zerbitzu elebiduna eskaintzearen betekizuna ezartzen dutela eta Osakidetza lege eta araudi horiek, horietako batzuk Osakidetza berak ezarriak, betetzera behartua dagoela.

Osakidetzak euskararen egoera normalizatzeko neurriak, bitartekoak eta laguntzak ezarri behar lituzke EAEko Osasun zerbitzuetan eta zerbitzu publiko guztietan herritarrok bi hizkuntz ofizialetan hartatuak izateko. Laguntzak euskara ikasteko, euskaraz trebatzeko eta euskaraz lana egin eta zerbitzua eskaintzeko. Gaur egun ez dugu ikusten beharrezkoak diren neurri, bitarteko eta laguntza horiek ematen direnik. Alderantziz, Zumaiako kasuan garbi ikusi den modua, Osakidetzako zuzendaritzak ez du inolako eskaintzarik, proposamenik, ezta borondaterik ere, langilegoak lana euskaraz egin eta zerbitzua eskaintzea erraztu eta laguntzeari begira. Eta horren kaltetuak guztiok gara: langileak eta herritarrak., guzti honetan langileok ez baikara arazoaren sortzaile, guzti hau Administrazioak izan duen jarreraren eta kudeaketaren ondorioa baita.

Bereziki larria da kontratazioetan dagoen gardentasun eza. Bakante dauden lanpostuak betetzeko jarraitu beharreko prozedura sistematikoki urratzen da, eta baita oporren edota jai egunen ondorioz hutsik geratzen diren lanpostuak betetzeko prozedura ere. Ondorioa: kontratu laburrak, lan prekarioa, baldintza okerragoak, lanpostua dagokion langilea kanpo geratzea eta lanpostuaren betekizunak ez betetzea, hizkuntz gaitasunaren betekizuna barne. Guzti hori erakartzen du Osakidetzak, Zumaian eta Zumaiatik kanpo, sistematikoki egiten dituen “izendapen ebentualak”.

Eskubide urraketak, irregulartasunak eta bitarteko ezak ohikoak eta sistematikoak izanagatik ere, ez digugu “normalak” balira bezala hartuko. Euskal Herrian osasun zerbitzu publikoa, unibertsala, kalitatezkoa, gertukoa, euskalduna, gardena, langile eta erabiltzaileen eskubideak bermatzen dituena, behar dugu. Hori da euskal herri langilegoaren beharra eta hori da LABen erronka. Bide horretan, Eusko Jaurlaritza eta Osakidetzako zuzendaritzari osasun zerbitzuak euskalduntzeari begira plangintza eta neurri eraginkorrak eskatzearekin batera, euskaraz bizitzeko eskubidearen aldeko ekimenetan parte hartzera animatzen dugu Osakidetzako langilegoa. Bide horretan, asteartean uztailak 8an arratsaldeko 18:30etan Zumaiako anbulategi aurrean herritar agerraldi jendetsu bat burutuko da, jadanik hainbat eragileon babesa jaso duena. Beraz, bertan parte hartzeko gonbidapena luzatzen dizuegu.
 

 

 

LABek grafikagintzan adostu duena beste hitzarmenetan sinatu dezan galdegin dio Adegiri

admin
-
0
LABek grafikagintzan adostu duena beste hitzarmenetan sinatu dezan galdegin dio Adegiri

LAB sindikatuak sinatu berri den grafikagintzako hitzarmenaren balorazioarekin batera, beste hitzarmenetan mantentzen duen blokeo jarrera apurtu dezala eta negoziatu dezan eskatu dio Adegi patronalari Donostian duen egoitzaren aurrean.

Grafikagintzako hitzarmenaren LABen balorazioa
LABek pasadan ekainaren 26an LABek, CCOO – UGTrekin  Gipuzkoako Grafikagintzako langileentzako sinatu zuen hitzarmen sektoriala oso positiboki baloratzen du. Sindikatuak negoziazioari jarritako helburuak betetzen ditu eta hitzarmen honen bidez LABek negoziazio kolektiboan bultzatzen dugun lerroari jarraipena ematen dio. Langileen kontra inoiz eman den erasorik handienaren aurrean LAB langileak indartzen ari da eta Grafikagintza hitzarmena LABek enpresa zein sektore eremuan bideratzen duen estrategiaren adierazlea da, hau da atzera pausu gabeko hitzarmena, soldata igoerarekin eta Madrilen erabakitako erreformari klausulak jarrita.

ELAk ez du sinatu. Mahaian esan zuen delegatuekin kontrastatu behar zuela eta hurrengo goizean gogor jo zuen hitzarmen honen edukien kontra. Badirudi, langileen interesen arabera baino parean duten patronalaren arabera edota interes propioen arabera erabakitzen dutela hitzarmena sinatu bai ala ez.

Edukiak ez dira garrantzitsuena antza denez, hitzarmen batean onartezina dena, beste batean garaipen itzela da berak sinatzen duelako. Orain gutxi sinatu du Arabako Ehungintza merkataritzako hitzarmena eduki kaskarragoekin.

LABentzat hitzarmen hau momentu oso egokian dator, Madrilen estatu mailako grafikagintzako akordio bat negoziatzen ari denean sinatutako akordioa da. Beraz erreforma ezberdinen aurrean langileak babestu ditugu, eremua babestu dugu bai klausulekin eta baita sinadurarekin ere Madrilen eta CCOO eta UGTren babesarekin bideratzen ari den zentralizazio prozesuaz.

Gipuzkoako grafikagintzako langile guztientzat erreferentzia izango den hitzarmena sinatuz, negoziatzeko eskumena mantentzen dugu, hemen lan egin hemen erabaki.

Hitzarmen honek agerian uzten du soldata igoera eta KPIren erreferentzia mantentzea ez dela lehiakortasunaren kontrako bide bat. Lehiakortasunaren eztabaida faltsuaren atzean Adegiren barruan dagoen irabazi nahia dago, langileen kontrako lapurreta baten nahia erreformak aukera ematen diolako. 

LABek  beste hitzarmenetan mantentzen duen blokeo jarrera apurtu dezala eskatzen dio Adegiri
Sektoreko langile guztientzat gutxieneko erreferentzia izango diren hitzarmenak sinatzea da LABen helburua, euskal esparrua babestu eta estatuko hitzarmenak gurean sartzea ekiditea. Erreformak enpresatako akordioei ematen die lehentasuna, baita sektorekoa okertzeko bada ere baina errealitate honi aurre egitkeo LABek oso argi dauka enpresatan ez duela sektoreko hitzarmena okertuko duen akordiorik sinatuko eta beste sindikatuei ere gauza bera planteatu diegu, borroka egin dezagun sektoreko langile guztientzat erreferentzia izango diren hitzarmenen alde eta ondoren borroka, ekintza sindikala, egin deagun akordio horiek enpresatan ez okertzeko. Ez dugu baiezko erantzunik jaso.

Oraindik hainbat hitzarmenen negoziazioak daude irekita gipuzkoan, Adegik negoziazioak blokeatzeko erabaki politikoa hartu duelako. 15 dira berritu gabe dauden hitzarmenak eta horietatik 11an Adegik du gehiengoa eta noski Adegiren jarrerak beste patronalengan ere, beste negoziazio mahaietan ere eragina du.

Akordioei atea ixten diete: lan erreforman sakontzeko ez bada, soldata igoerak mugatu eta lan baldintzak kaskartzeko ez bada, azken batean, sortzen den aberastasuna gero eta okerrago banatzeko ez bada. Salpuespena dira sinatzen diren sektoreko akordioak, berriki sinaturiko grafikak kasu.

LAB mobilizatzen jarraituko du herrialdeko hitzarmenen defentsan
Orain egun batzuk hemen mobilizatu ginen hitzarmenak berritu arte borrokan jarraituko dugula aldarrikatzeko. Barrutik atera egin gintuzten eta orduan esaten genuen, bueltatuko gara.

Gaur berriro hemen gaude, hitzarmenen defentsan. Adegiri mezu zuzen bat bidaltzeko, grafikagintzan posible izan dena beste hitzarmen batzuetara ere eramateko eta mantentzen ari den blokeo jarrera apurtzeko. Bitartean, aste honetan egin dugun moduan LABek jarraituko du mobilizatzen.
 

 

 


Mutuen erreformaren kontrako jarrera azalduko du LABek Iruñean

admin
-
0
Mutuen erreformaren kontrako jarrera azalduko du LABek Iruñean

Gaur, hilak 4, Madrilgo ministro kontseiluak Mutuen erreformari bide emango dio; LABek erreforma honen kontrako jarrera argia adierazi nahi du eta horretarako goizeko 11:00etan Iruñean, FREMAPen egoitzan aurrean mobilizatuko da.

Argi dugu Mutuen Lege berriak mutuen patronalen konpetentziak zabaltzea duela helburu, horiek langileen gaineko presio eta kontrol handiagoa izan dezaten. Horren aurrean, kontingentzia profesional eta komunak sistema publikotik kontratatuak izatea defendatzen dugu. Alegia, mutuen patronalen interes ekonomikoen aurrean Osasun Sistema Publikoaren aldeko apustuak irabazi behar duela diogu, mediku arreta profesional bat bermatu ahal izateko, eta ez patronalaren interesen araberakoa.
 

 

 

Azken heriotz istripua salatu du LABek Gasteizen

admin
-
0
Azken heriotz istripua salatu du LABek Gasteizen

LABek elkarretaratzea egin zuen atzo SEAren aurrean lan istripuak, uztailaren 1ean izandako azken heriotz istripua barne, patronalak lan egiteko orduan ezartzen dizkigun baldintza eta lan egiteko moduen emaitza direla salatzeko. Instituzioei non dauden eta zein aldaketa emateko prest dauden egoera eta eredu hau geldiarazteko galdetu zien LABek.

Gaur Lezaman, hildako langilearen herrian, beste elkarretaretze bat dago deituta eguerdiko 12:00etan. LABek mobilizatzera dei egiten du guztien artean, langile zein jendartean odolhoste hau geldiarazi dezagun.

 

«PREKARIETATEA HILTZAILEA»
14.07.02
  23 dira jadanik 2014an lan istripuan hildako langileak

Prekarietatea hiltzailea
  2014an lan istripuan hildako langileak
 

 

Kidez & kide 5. alea

admin
-
0
Kidez & kide 5. alea

LAB osasungintzaren buletin digitala.
{edocs}http://biltegia.labsindikatua.org/zerbitzupublikoak/Osasungintza/kidezKide05.pdf,550,778,link{/edocs}

 

 

  {linkr:related;keywords:kidezKide;limit:10;title:Albiste+gehiago}

    

Mañana paro parcial en Correos contra la destrucción de empleo en los centros de Bizkaia

admin
-
0

La totalidad de los sindicatos de Correos en Bizkaia (LAB, CCOO, ESK, UGT, ELA y CSI-F) han convocado para el viernes 4 de julio un paro de dos horas, de 10 a 12 de la mañana, en protesta por la reducción de puestos de trabajo en distintas unidades de reparto en Bizkaia. El paro afecta al turno de mañana en la totalidad de los centros de trabajo que Correos tiene en este herrialde.

Asimismo, a las 10,30 de esa jornada, las trabajadoras y trabajadores de Correos realizarán un acto de protesta en la sede de la Jefatura Provincial y Dirección de Zona 2ª situada en la Central de Alda. Urkijo 19 en Bilbo.

Con esta protesta la representación sindical exige a la dirección de Correos la revisión de los estudios de plantilla, que en el último año y medio han supuesto la reducción de 38 puestos de trabajo, y que se dote a todos los centros que Correos tiene en Bizkaia del personal necesario para garantizar el reparto diario en todo el área geográfica encomendada a cada puesto de trabajo.

En opinión de los sindicatos de Correos la destrucción de puestos de trabajo denunciada, unida a la falta de contratación, está provocando el frecuente y deliberado incumplimiento de las obligaciones legales contraídas por el operador público en la prestación del Servicio Postal Universal.
 

 

 
1...1,2081,2091,210...1,583Page 1,209 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus