Euskal Herriko Mundu Martxan antolatuta urriaren 10ean «Austeritate politikei alternatibak» izeneko mahaingurua izango da Donostian. Bertan Polonia, Kurdistan, Turkia, Portugal eta EHko esperientziak elkar banatuko dira. Zita Donostiako Gipuzkoa Plazan arratsaldeko 19:00etan.
Blog Page 1186
LABek bere sostengua eta elkartasuna adierazi nahi die Arkemako langileei
Berriro ere, Enkarterriko enpresa bat ixtearen atarian dago: plantilla hartako 59 beharginak gehi kontratetan beharra egiten dutenak langabeziaren putzu beltzean erortzear daude. Honi erantsi behar diegu Enkarterri osoan izango duen eragina (merkataritzari, ostalaritzari, zerbitzu publikoei,…). LABek haren sostengua eta elkartasuna adierazi nahi die Arkemako langileei, enpresa ixtearen aurka borrokatzen ari diren eta borroka horren partaide diren langileei.
Kapitalaren dinamika ankerrak, merkatuak irrazionalki globalizatu izanak, berezko proiekturik ez izateak eta enplegu duina sortuko eta iraunaraziko dituzten industria-politikei erakundeek lagundu ez izanak,… itxiera berria ekarri dute, nahiz eta “ekonomia eta ekoizpen zioak” aipatuz eta PpE-PsoE-PnV-k babestu Lan Erreforma ezarriz, zuritzen eta ezartzen duten.
Enpresariek, kudeatzaileek, politikariek,… erabiltzen, bermatzen eta bataiatzen dituzte ikuspegi eta ohitura jakin batzuk, non “ondo gabiltzanean irabaziez jabetzen diren eta egoera txarra denean, guztion artean ordaintzen dugun”. Garai onean gabiltzanean, jabetza pribatua babesten da, aldiz, egoera txarra denean, galerak “sozializatzen dira”.
Enkarterri poliki-poliki eta isilka hitzen ari da. Eskualdearen egoera gure kezken eta eztabaida politikoaren erdian kokatu behar da.
Jadanik garai da, beharginak eta hiritarrak izanik, politikariek eta erakundeek argitu diezaguten zein neurriak hartuko dituzten gure eskualdean bizi eta beharra egin ahal izan dezagun. Neurriok eragotzi behar izango dute esleituko den diru-publikoa “desager dadin” enpresarien eta hauen kudeatzaileen (Pastguren, Virtisu,…) atzaparretatik igarotzen denean. Neurriok ez lukete sakrifikatu behar enplegua, higiezinen burbuilari laguntzeko.
Garaia da honetan nahas gaitezen eta politikariak eta erakundeak behartu ditzagun industria-eraispena geraraztera, argazkia egite hutsetik eta laguntza morala erakustetik haratago joan daitezen, eta arbuia ditzaten, Enkarterri bizitegi-gunea eraldatzearen truke eta berton bizi garenon pertsonen premiak baztertuz, lanpostuak sakrifikatzen dituzten erabakiak.
Garaia da honetan nahas gaitezen eta politikariak eta erakundeak behartu ditzagun hauteskunde aurreko titularrak egiteari eta diru-publikoarekin geratzen diren enpresariak abalatzeari utz diezaioten.
Garaia da nonbait ager daitezen Habiditekin (higiezinen burbuilarekin ere ez dute nahiko), eta PnV buru zela (Ibarretxe), sortu behar zituzten 1.000 lanpostuak.
Garaia da gutako bakoitzak sindikatuak, politikariak, erakundeak, elkarteak, gizarte-erakundeak,… behartu ditzagun gizartea zutunik jartzera, Enkarterrik etorkizuna izan dezan.
Gure afiliatuak deitzen ditugu Arkemako langileek, itxieraren aurka, antolatuko dituzten mobilizazio guztietan parte har dezaten, enpresetan nahiz kalean eta borroka hau Enkarterrin Lan eta Bizi aldarrikapenari batu diezaiogun.
LABek hitzarmenen aldeko defentsa Jaurlaritzaren Bilboko egoitzara eraman du
LABeko industria federazioko kideak Jaurlaritzak Bilbon duen egoitza okupatu du gaur goizean hitzarmenen defentsan eta Jaurlaritzak metalgintzako negoziazio kolektiboan mantentzen duen ixiltasuna salatzeko. Pasa den maiatzean Eusko Jaurlaritzak metaleko negoziazioak bultzatzeko konpromisoa hartu zuen LABen aurrean eta ez dute bere hitza errespetatu. Ez dute ezertxo ere egin.
LABeko kideak Jaurlaritzak Bilbon duen egoitzara goizeko 11:00etan iritsi dira eta barruan zirela sarrerako atea itxi diete. Aldarrikatzen ezberdinak oihukatu ostean (Langilerik ez hitzarmenik gabe, gaurko borroka biharko enplegua, zuek zarete euskal troika eta hemen bizi hemen erabaki, besteren artean), 11:45 aldera kalean zeuden LABeko beste kideekin elkartu dira hitzarmenen defentsan konzentrazioa burutuz.
Elkarretaratzean Industria Federazioko kidea den Jonan Goñik adierazpenak eskaini ditu.
Jonan Goñiren adierazpenak
«Gaurko mobilizazioarekin Eusko Jaurlaritzak metalgintzako negoziazio kolektiboan mantentzen duen ixiltasuna salatu nahi izan dugu.
«Gaurko mobilizazioarekin Eusko Jaurlaritzak metalgintzako negoziazio kolektiboan mantentzen duen ixiltasuna salatu nahi izan dugu.
Pasa den maiatzean Eusko Jaurlaritzak metaleko negoziazioak bultzatzeko konpromisoa hartu zuen LABen aurrean eta ez dute bere hitzik errespetatu. Ez dute ezertxo ere egin.
Confebaskek herri honen sektore garrantzitsuena, bai langile kopuruaren aldetik, bai ekonomian duen pisu eta garrantziagatik, desarautu nahi duen bitartean, Eusko Jaurlaritzak burua makurtu eta ixildu besterik ez du egin.
Argi geratu dena da hemen benetan agintzen duena Confebask dela eta Eusko Jaurlaritza bere morroia eta bere aginduetara besterik ez dagoela.
Nola esan dezake Eusko Jaurlaritzak industria errekuperatzen hasia dela sektoreko langileen lan baldintzak gero eta prekarioagoak direnean? Ez al dute lotsik? Halako baieztapenak egiten dituenean langileen eskubideak bost axola zaizkiola erakusten du. Oso boteretsua den elite txiki baino boteretsu baten interesak baino ez ditu defendatzen.
Confebaski ez zaio enpresetan aplikatuko den hitzarmenik interesatzen. Bestela LABen proposamena onartuko luke, beste sektoreetan iada egin duen bezala. Confebask-entzat metaleko sektore hitzarmenak oztopo bat bilakatu dira enpresetan lan baldintzak gero eta prekarioagoak lortzeko. Horregatik ez du negoziatu nahi.
LAB, gaurko mobilizazioarekin, hain zuzen ere, benetako negoziazioa eman dadin borrokatzen ari da. Tamalez LAB soilik dago beste behin ere. Non daude beste sindikatuak?Dagoen blokeoaren aurrean zein da euren ekarpena? Hauek ere, Eusko Jaurlaritza bezala, patronalaren jarrera harroputz aurrean burua makur eta ixildu besterik ez dute egiten.
LAB metalgintzako langile guztientzat lan baldintza duin batzuk bermatzeko etengabeko borrokan ari da. Eta horrela jarraituko dugu aurrerantzean. »
LABentzat oso positiboa da Gipuzkoako Aldundiak Kabia izeneko Foru organismo autonomoa sortu izana
Gipuzkoako Foru Aldundiak Kabia izeneko Foru organismo autonomoa sortu nahi du. Organismo autonomo honek progresiboki 16 adinduen egoitzak bereganatu nahi ditu eta etorkizunean gainontzeko gizarte zerbitzu guztiak gipuzkoako gizarte zerbitzuen eredu aldaketa baterako bidean urratsak emateko. PNV, PP eta PSEri aurkezturiko osoko emendakinen aurrean, sindikatuak bertan behera utz ditzatela eta kalitateko gizarte zerbitzu publikoen alde eta lan baldintza duin batzuen alde lan egin dezatela exijitzen die.
Markel Olanok, PNVko Biltzarkideak proposamena onartezina zela esan zuen, gizarte zerbitzuen ereduaren inguruan aldaketa oso handia delako, batez ere kudeaketa publikoaren inguruan aurrerapausuak eman nahi direlako. PNVren gizarte zerbitzuen eredua pribatizazioa eta merkantilismoarena da. Gizarte zerbitzu merkeak nahi dituena kalitateko arreta eta lan baldintza prekarioen kontura.
LABentzat oso positiboa da Gipuzkoako Foru Aldundiak ereduaren gainean egin nahi duen aurrerapausua, eta gure sostengua ematen diogu. Eta horregatik ere PNV, PP eta PSEri haien osoko emendakinak bertan behera uzteko eta Gipuzkoako kalitateko gizarte zerbitzu publikoen alde eta lan baldintza duin batzuen alde lan egiteko exijitzen diegu.
Elkarrizketa sozialerako kontseilua: patronala, UGT eta CCOOen artean duru publikoa banatzeko txiringito berria
Nafarroan aldaketa sozial eta politikorako aukerak inoiz baino handiagoak direnean, herritarrek bozkatu ez zuten Foru Hobekuntzak ezarritako Erregimena ahultzen ari denean, egungo egoeraz probetxu ateratzen duten eragileek bat egin dute berriro ere. Pasa den astean UGT eta CCOOek argazki lotsagarria oparitu zioten Yolanda Barcinari, berpizte ekonomikorako ustezko neurrien aurkezpenean txontxongilo gisa azaldu zirenean.
Orain, UPN eta PSNk mesedea itzuli diete, euren artean diru publikoa banatzea beste emaitzarik izango ez duen txiringito berria (Elkarrizketa Sozialerako Kontseilua) sortzea adostuz. Denek ala denek mesedeak egiten dizkiote elkarri, orgia endogamiko izugarrian, nafar langileriaren lan eta bizi baldintzak 1995ean Elkarrizketa Soziala delakoa hasi zenetik txarrenak direnean. Caja Madrid-eko kreditu txartel beltzak Nafarroan ere badira: dirulaguntzak, kontseiluak, mahaiak, akordioak eta Nafarroa galbidera eramaten ari den elite ekonomiko eta politikoari mesede egiten dioten eszenifikazioak. UGT eta CCOO, Patronalaren eta UPNren morroi bilakatu dira, lau sos (baino zertxobait gehiagoren) truke: 20 milioi euro inguru urtero. Zorionez, gero eta langile gehiagok eman diete bizkar saldutako sindikatu hauei, aurtengo urtarrilaren 1etik hona 54 ordezkari sindikal galdu izana erakusten duen bezala.
LABek Urriak 3 eta 4ean Portugal ospatu den sindikatuen Nazioarteko Konferentzian izan da
LABek Urriak 3 eta 4ean Portugaleko Palmela hirian ospatu den sindikatuen Nazioarteko Konferentzian parte hartu du nazioarteko Idazkaritzako Gaizka Zuriarrainek ordezkaturik. Bi egunetako nazioarteko konferentzia hau Portugaleko Zerbitzu Publikoetako FNSTFPS federazioak antolatu du, Munduko sindikatuen Federazioaren (FSM, WFTU) laguntzaz.
Aipatzekoa da Urriak 3an Munduko Sindikatu Federazioak 69. urteurrena ospatzen duela. Eta urtero Nazioarteko ekintza eguna deitzen du FSMak. Aurten Langabeziaren dramaren aurrean, Langabezia borrokatu beharra aldarrikatu da.
Horrela, nazioarteko konferentzia honetan “Langabezia Borrokatu, Lan Duinaren alde!” lelopean garatu den dokumentua eztabaidatu da. Dokumentu honek Langabezia aztertzen du esparru desberdinetik: zergaitiak, azpierregistroa,…
LABen interbentzioan Euskal Herriaren egoera azaldu, egin diren borroken berri eman eta etorkizunean ditugun erronkak azaldu dira. Langile mugimenduak egun jasaten duen kriminalizazioak ere izan du tokia, non, Urtzi eta Telle gazteek jasaten ari diren jazarpena salatu da. Jazarpen honek duen helburua gizarte protesta mugimendua bildurtu eta deuseztatzea da. Vallecaseko Alfon gaztearen egoeraren berri ere eman da testuinguru honetan.