2024-07-24
HomeIndustriaMetalgintzaLABek prekarietateari aurre egiteko hitzarmen duinak aldarrikatu ditu Gasteizen

LABek prekarietateari aurre egiteko hitzarmen duinak aldarrikatu ditu Gasteizen

Atzo, hilak 14, Arabako Metalgintzako Mahaia biltzen zen momentuan, LAB sindikatuak mobilizazioa burutu zuen “PREKARIETATErik EZ, CONVENIOS DIGNOS” lelopean. LABek negoziazio kolektiboaren garrantzia azpimarratu nahi izan zuen eta, hortaz, hitzarmen duinak lortzearen beharra prekarietateari aurre egiteko.

Kotxe karabanan Gasteizko kaleak zeharkatu ondoren LHK-CRLtik pasatu ginen Metalgintzako mahaiaren biltzen ari zen orduan,  gerora Eusko Jaurlaritzan bukatzeko. Mobilizazioaren bitartez, LABek negoziazio kolektiboaren garrantzia azpimarratu nahi izan du eta, hortaz, hitzarmen duinak lortzearen beharra prekarietateari aurre egiteko. Aldi berean, interpelazio zuzena egin diogu Eusko Jaurlaritzari patronalaren jarrerari aurre egiteko eta negoziazio kolektiboaren aferan parte aktiboa izan eta erabakiak har ditzan.

Zehazki, gure proposamenean aipatu bezala, hitzarmenek honako ezaugarriak eduki behar dituzte: soldata duinak, lan erreformatik blindatzeko klausulak, enpresetan aplikagarritasunaren bermeak, prekarietatea murrizteko neurriak eta gehiengoaren printzipioa errespetatzea.

Hain zuzen, Arabako kasuan, SEAk jada argi utzi du herrialdeko metalgintzako hitzarmena eragin mugatukoa izatea hobesten duela, eta horrekin batera, erreforma aplikatu nahi duela bai ala bai, malgutasuna handitu nahi duela, eta soldatak eskasak izango direla. UGT eta CCOOrekin batera Madrileko akordioa Arabara ekarri nahi dituzte, beraz, argi dago nornork aprobetxatuko duen erreforma goitik behera, nork zabaldu nahi dituen prekarietatea eta pobrezia langileon artean eta nortzuk dauden prest langileen eskubideak eta lan baldintzak okertzeko.

Horren aurrean, LABetik gure proposamena berretsi eta mobilizazioak bultzatzearen aldeko apustua egiten dugu, langileon aktibazioaren bidez hitzarmen duinak lortu eta prekarietatea murrizteari begira.

 

 

 

AZKEN ALBISTEAK | ĂšLTIMAS NOTICIAS

Mondélezeko enpresa batzordeak enpresaren jazarpen sindikala salatu du

Zazpi hilabeteko negoziazioaren eta 44 greba egunen ostean, enpresaren jarrera guztiz zurruna izaten ari da, ez edukiei dagokienez, baizik eta langileak kikildu asmoz

Microliquideko langileen asanbladak enpresaren azken proposamena ontzat eman du

Langileen mobilizazioei esker Enplegu Erregulazio Espedientearen baldintzak hobetu egin dira.

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.