Gutxieneko soldata “hemen eta orain” ezartzeko deia egin du GarbiƱe Aranburu koordinatzaile orokorrak, horretarako “baldintza berriak” sortu direla nabarmenduz.
LABek Delegatuen Batzar Nazionala egin du gaur Bilbon, Miribillako Bizkaia Frontoian, 1.500 delegatu ingururen parte hartzearekin. LABeko bi koordinatzaile orokorrek hitz egin dute bertan. Igor Arroyok, ekitaldi hasieran, sindikatuaren 50 urtetako ibilbidea goraipatu du. āEuskal sindikalismoaren koordenadak errotik aldatzea lortu dugu. Kontraboterea, independentismoa, euskaltzaletasuna, feminismoa, antirrazismoa, ekosozialismoa. Guk altxatutako banderak, guk garatutako eredu sindikala nagusitu da, nagusitzen ari da Euskal Herrianā.
Etxebizitzaren egoera larria ere hizpide izan da ekitaldian. Horrela, Madrilgo Sindicato de Inquilinas Etxebizitza Sindikatuko kide batek hartu du parte, bideoz, baita Abiatu LABeko Ekintza Sozialeko komunitateko kideek ere. Etxebizitzaren gaiarekin LABek urrats berriak emango dituela aurreratu dute.
LABen ibilbide antirrazista balioan jarriz, Euskal Herria harrera herria dela azpimarratu dute hurrengo hitzartzeek, Txefi Roco idazkari antirrazista eta EƱaut Aramendi eta Argitxu Dufau Ipar Euskal Herriko militanteen eskutik. Azken biak epaitu egingo dituzte migranteei Bidasoaren alde bietan pasabide segurua izaten laguntzeagatik eta JāAccuse autoinkulpazio dinamika hauspotzeko eta urtarrilaren 26an Irun eta Hendaia artean egingo den mobilizazioaren deialdia zabaltzeko baliatu dute euren hitzartzea.
2024an hildako 61 langileak ere gogoan izan dituzte ekitaldian. Jarraian, LABek irailean aurkeztutako dinamika konfederaleko aldarrikapenek izan dute euren lekua, 1.600 euroko gutxieneko soldatak; 30 ordutako lan asteak eta zerbitzu publikoek (Osasunbidea eta Hezkuntzako langile banaren eskutik).
GarbiƱe Aranburu koordinatzaile orokorraren eskutik etorri da hitzartze nagusia. Presoen etxeratzea eta Palestinaren askatasuna aldarrikatu ondoren, kapitalismoaren egungo fasea ezaugarritu du, ultraeskuinaren gorakadaren aurrean āEuskal Herria irla bat ez delaā azpimarratuz.
Testuinguru ilunaren aurrean, azpimarratu du LABek baduela alternatiba: ākapitalari eremu guztiak lehiatzea, lantokiak, kaleak, instituzioak eta baita baloreak ereā.
Fiskalitatearen inguruan, zehaztu du patronalak erabakitzen duela zerga-politika. āAldian-aldian eztabaida pizten da, ia ezer ez aldatzeko. Horretarako daude patronaleko kideak, Petronor, Iberdrola eta konpainiako lotsagabeak, ahora irekitzen dute eta EAJ obeditu egiten du. Hemen ez dago aldaketarik, Urkullu eta Pradales gauza bera dira funtseanā.
1.600 euroko gutxieneko soldata da LABen aldarrikapen nagusietako bat, eta hari honetatik tiraka, “hemen eta orain” ezartzeko momentuaren garrantzia azpimarratu du, adieraziz āsindikatu guztiakā daudela ados patronalari akordio interprofesional baten negoziazioa eskatzean. āSindikatu subiranistok Lanbidearteko Gutxieneko Soldata bat ezartzeko eskumena izatea eskatzen dugu, Lan Harremanak eta Babes Sozialerako Euskal Esparru baterantz jotzeko egiturazko neurri batā eta gehiago zehaztuz, āEusko Jaurlaritzak akordio interprofesional bat negoziatzeko eskatu behar dio CONFEBASKi, gure errealitatearekin bat datorren gutxieneko soldata bat ezartzekoā.
Ekitaldia amaitzearekin batera bertaratutakoek manifestazioa egin dute Arriagaraino.
