2025-12-23
Blog Page 1168

LABek Arriaundiko 5 langile kaleratuen berronartzea exijitzen du

admin
-
0

Arriaundi Bingen Vizcarra buru duelarik, lanpostuen kontra doa. Azkena bost langileen kaleratzea izan da. Bere gestio txarra eta zuzendaritzaren inkonpetentziak Arriaundiko goxotegia hondamendira eramango du. Bere helburu zitalak lortzeko, Goxotegiko atala astiro astiro hiltzen uzten ari dira. LAB Arriaundiko langileekin batera dago eta ez du enplegu suntsiketarik onartuko.

LABen eskaerak Arriaundiko zuzendaritzari
– Berehalako 5 langile kaleratuen beronarpena.
– Bateratua den irtenbide bat bilatzea.
– Goxotegiko langile guztien subrogazioa.
 

 

 

LABek Bizkaiko Osasun Mentaleko Sarearen egoera salatu egin du Eusko Legebiltzarreko Osasun Batzordean

admin
-
0

LAB sindikatuko kide eta Osasun Mentaleko langile bik parte hartu dute gaurko Osasun Batzordean. Bertan, azken urteotan Osakidetzako Zuzendaritzak alor honetan harturiko antolakuntza erabakien errepasoa egin dute eta, era berean, LABen jarrera argi utzi dute: osasun mentala urte luzetan kokatua izan den lekutik ateratzeko eta modernizatzeko unea da, baina inondik inora hospitaleetako oheak itxiz; langile kopurua murriztuz eta sektorea pribatizatuz.

Izan ere, aipaturikoak dira, hain zuzen ere, azken hilabeteotan Bizkaiko Osasun Mentaleko langileek burutu dituzten mobilizazioen zergatiak. Zentzu honetan, LABen aldarrikapenak dira, besteak beste: Europarekin parekatzen den diru inbertsioa osasun mentalean; plangintza egoki eta demokratikoa, errekurtsoak optimizatuz; familiak laguntzeko gastu soziala igo; MIR, PIR eta EIR kopurua handitu, gorantz doan eskaerari aurre egiteko behar beste profesional lortze aldera; langile guztiontzako formakuntza egoki eta eguneratua.
 

 

 

LABek Bizkaiko Osasun Mentaleko Sarearen egoera salatu egin du Eusko Legebiltzarreko Osasun Batzordean

admin
-
0
LABek Bizkaiko Osasun Mentaleko Sarearen egoera salatu egin du Eusko Legebiltzarreko Osasun Batzordean

LAB sindikatuko kide eta Osasun Mentaleko langile bik parte hartu dute gaurko Osasun Batzordean. Bertan, azken urteotan Osakidetzako Zuzendaritzak alor honetan harturiko antolakuntza erabakien errepaso egin dute eta, era berean, LABen jarrera argi uztea ere: osasun mentala urte luzetan kokatua izan den lekutik ateratzeko eta modernizatzeko unea da, baina inondik inora ospitaleetako oheak itxiz; langile kopurua murriztuz eta sektorea pribatizatuz.

Izan ere, aipaturikoak dira, hain zuzen ere, azken hilabeteotan Bizkaiko osasun Mentaleko langileek burutu dituzten mobilizazioen zergatiak. Zentzu honetan, LABen aldarrikapenak dira, besteak beste: Europarekin parekatzen den diru inbertsioa osasun mentalean; plangintza egoki eta demokratikoa, errekurtsoak optimizatuz; familiak laguntzeko gastu soziala igo; MIR, PIR eta EIR kopurua handitu, gorantz doan eskaerari aurre egiteko behar beste profesional lortze aldera; langile guztiontzako formakuntza egoki eta eguneratua.
 

 

 

Edurne, Jabi eta Luz delegatuekin solasean

admin
-
0
Edurne, Jabi eta Luz delegatuekin solasean

Edurne Lekunberri, jabi Arriola eta Luz Ibañezek errepikatzea erabaki dute, hauteskunde sindikal hauen ostean beste lau urtez arituko dira lankideen eskubideak defendatzen. Iraultzeneko taldearekin aritu dira berriz aurkezteko arrazoi eta hemendik aurrera izango dituzten erronken inguran (170. zenbakia).

Edurne Lekunberri, LABeko delegatua Iruñerriko Egunsenti haurreskolan

Luz Ibañez Juaristi, LABeko delegatua BIHARKO enpresan

Jabi Arriola, delegado de LAB en la empresa PINE


{linkr:related;keywords:iraultzenElkarrizketa;limit:15;title:Bideo+gehiago}

Santi Brouard eta Josu Muguruza gogoan

admin
-
0
Santi Brouard eta Josu Muguruza gogoan

Santi Brouard eta Josu Muguruza, 30 eta 25 urte erahil zituela gerra zikinak. Bihar, azaroak 15 Euskaldunan eta azaroaren 20an Bilboko Errekalden omenaldia jasoko dute bi militante abertzaleek. "Apur ditzagun kateak" lelopean Sortuk omenaldia egingo die bihar Bilboko Euskaldunan arratsaldeko 18:00etan.
 

 

 

LABeko Heldu eta Pentsiodunen Batzar Nazionala Amurrion

admin
-
0
LABeko Heldu eta Pentsiodunen Batzar Nazionala Amurrion

LAB sindikatuko Helduak eta Pentsiodunak Arloak Batzar Nazionala burutu du gaur Amurrion. Besteak beste, independentziak guztioi ekarriko lizkiguten onuretaz mintzatu dira bertan.
 

 

 

EHUko LABek Jaurlaritzaren aurrekontuek unibertsitate publikoa arriskuan jartzen duela salatu du

admin
-
0
EHUko LABek Jaurlaritzaren aurrekontuek unibertsitate publikoa arriskuan jartzen duela salatu du


LAB sindikatua Jaurlaritzari 2015ko aurrekontuak onartezinak direla eta unibertsitate publikoa arriskuan jartzen duela esan dio gaur Bilbon egindako elkarretaratzean. LABek ez du onartzen UPV/EHUren funtzio publikoa arriskuan jartzea eta Errektoreari, unibertsitatearen jardunerako behar diren baliabideak exijitzea eskatzen dio.

EUSKO JAURLARITZAREN 2015erako AURREKONTUAK, ONARTEZINAK. UNIBERTSITATE PUBLIKOA ARRISKUAN 

1. Onartezinak, arriskuan jartzen dutelako UPV/EHUren izaera publikoa. Finantziazio pribatua edo tasen igoera justifikatzeko diru nahikorik ez izatea aitzakia ezin hobea bihur daitekeelako pribatizazioaren bidean. 

2. Onartezinak, enplegua, soldatak eta lan baldintzak arriskuan jartzen dituztelako. Aurrekontuetan aurreikusitakoarekin UPV/EHUk ezin izango duelako Jaurlaritzak iragarri duen 2012ko aparteko ordainsariaren %25 ordaindu. Are gehiago pertsonaleko egungo kostuak behar bezala ez aurreikusteaz gain beste administrazio publikoek igoerak eta hobekuntzak iragartzen dituzten bitartean UPV/EHUko langileentzat ez dutelako  halakorik aurreikusten.

3. Onartezinak, Euskal Unibertsitate Sistemaren Legeak agindutakoa baztertuz, egungo finantziazio eredua arriskuan jartzen dutelako. Nahiz eta 3/2004 Legeak horrela agindu, oraindik UPV/EHUk ez duelako ezagutzen finantziazio nahikoa izango duen ez 2015eko ekitaldirako ezta, Unibertsitate Planaren eskutik, 2018arte garatu nahi dituen proiektuak finantzatzeko. 

4. Onartezinak, arriskuan jartzen dutelako Unibertsitate Plana eta Urte Askotariko Planaren ondorioz sortutako eraikuntza berrien irekiera. UPV/EHUk bost eraikuntza berri (Leioako Plataforma Zientifikoa, Bioteknologia Zentroa eta Biofisika Zentroa; Gasteizko Ikerkuntza eta Ikasketa Aurreratuetako Zentroa eta Donostiako Prestakuntza eta Berrikuntzarako Balioanitzeko Zentroa) martxan jartzeko asmoa bazuen ere ezin izango duelako egitasmo hori gauzatzea finantziazio nahikorik izan gabe.

5. Onartezinak, ezin delako  aurrekontuetan ezer aurreikusi gabe medikuntza fakultate berria eraikiko dela iragarri. Are gehiago, indarrean izan behar zen Urte Askotariko Inbertsio Plana bertan behera utzi ondoren horrelako iragarpena lotsagarria dela deritzogu. 

6. Onartezinak, arriskuan jartzen dituztelako  datozen urteetarako ikerkuntza proiektuak. Egun ezinbestekotzat jotzen eta behin eta berriz goraipatzen diren ikerkuntza eta berrikuntza garatzea ezinezkoa izango delako inbertsiorik gabe. Eta bi egiteko horien oinarrian EAEn UPV/EHUk buruturiko ikerkuntza lana azaltzen da eragile nagusi gisa. Baina 2011-2014 Unibertsitate Planak aurtengo abenduaren 31n epe-muga badu ere eta 2015erako Aurrekontu-proiektua aurkeztu bada ere, oraindik 2015-2018 Unibertsitate Plan berria ez dugu ezagutzen.

7. Onartezina, beketarako 2014an baino bi milioi gutxiago aurreikusten direlako 2015erako aurrekontuetan. Aurten unibertsitateko bekentzat ia 30 milioi egon badira ere, 2015erako aurreikusten dena ez da heltzen 28 milioira.

LABek ez du onartzen UPV/EHUren funtzio publikoa arriskuan jartzea eta Errektoreari, unibertsitatearen jardunerako behar diren baliabideak exijitzea eskatzen dio. UPV/EHUk etorkizunik izatea nahi badu, Eusko Jaurlaritzak urtea bukatu baino lehen onartu behar diren  Aurrekontuetan finantziazio nahikoa bermatu behar du 2015 eta hurrengo urteotan irakaskuntza eta ikerkuntza, enplegua eta lan-baldintzak ez daitezen nabarmen okertu.

1. Grafikoa. Eusko Jaurlaritzaren ekarpenak UPV/EHUri. 2010-2015 bitarteko bilakaera.

 
DATUAK

1.    Gastu arrunterako aurrekontu-proiektuak 2014an baino 1.463.000 € gehiago jasotzen ditu, baina:

  • 2012ko aparteko ordainsariaren %25a  2.800.000 € dira.
  • Pertsonalaren gastu-irristatzea  gutxienez 1.100.00 €  suposatuko du.
  • Hornigaien gastu-igoerarik ez da aurreikusi.

2.    Inbertsio eta azpiegiturak:

  • 2014an 6.000.000 €  aurreikusi ziren; 2015erako ezer ez (0 €).
3.    Bekak:
  • 2014an 29.695.900 € jasotzen ziren aurrekontuetan. 2015ean aurreikusita dagoena 27.803.700 € dira (-1.892.200 €).
 
 

  

 

 

TS FUNDICIONESeko langileak borrokan jarraitzen dute

admin
-
0

TS Fundiciones enpresaren likidazio planaren barruan, administradore konkurtsalak eta epaileak lehen fasean aurkezturiko eskaintzarik ez onartzea erabaki dute. Bi aukera posible azaldu dira; Gonvarri Renewable Industries enpresarena bata eta bestea Zpa Pecky Txekiako enpresarena. Langileek administradore eta epailearen arduragabekeria salatu dute erabaki honen aurrean eta borrokan jarraituko dutela jakinarazi dute.

TS Fundicioneseko ELA eta LABen irakurketa (Zestoa)

TS FUNDICIONESeko langileek borrokan jarraitzen dugu
«TSko langileak (nahiz kaleratuak izan ginen TSko langile sentitzen baikara), gure egoeraren berri eman nahi dugu:
TS Fundiciones enpresaren likidazio planaren barruan, administradore konkurtsalak eta epaileak lehen fasean inongo eskeintzarik ez onartzea erabaki dute. Fase honetan enpresa osoa erosteko aukera zuen edonork.

Bi izan dira TS Fundiciones erosteko aurkeztu diren eskeintzak. Horietako lehena Gonvarri Renewable Industries enpresak aurkeztua, 3 urtetan 120 langilerentzat lana emango zuen proiektua zen, inbertsioak jasotzen dituen bideragarritasun plana. 

Bigarren proiektua, Zpa Pecky Txekiako enpresarena da, miloi bat euroko eskeintza egin du, baino ez du beharrezko %5ko fidantza jarri, eta ez dugu eskeintzari buruzko informazio gehiegi.

Administradore eta epaileak fase hau hutsik uztea erabaki dute, eskeintzak hobetzeko aukera eman gabe, nahiz eta onartutako likidazio planean horretarako aukera ematen zen.

Arduragabekeria haundia da eskeintzak hobetzeko aukera ez eman izana, jakinik prozesua 2 hilabete atzeratzea dakarrela, eta ez dakigu honek TS Fundiciones irekitzeko azken aukera ixten duen ala ez. Administradore konkurtsalak, eskeintza berririk egongo den ez dakiela esan digu, eta ez dago eskeintza egin dutenek mantenduko dutenaren inolako bermerik.

Gure beldurra da, interes espekulatiboa gailenduko ote den. Jakin badakigu, konpetentzia berria eragoztea beste asmorik ez duten enpresari putreak inguruan dabiltzala.
Interes askoko joko baten erdian gaude langileak, gu eta gure familiaren etorkizunarekin jolasean dabiltza. Gizartearen beharrean aurretik dirua jarri dute.

TS Fundicioneseko ELAk eta LABek errekurtsoa aurkeztu dugu epailearen autoaren aurrean, lehen fase hau bukatutzat eman ez dadin, eta aukera guztiak arakatu daitezen enpresaren bideragarritasuna ebrmatzeko. Epaitegiak onartzea espero dugu, beti defendatu duguna bete dadin: TS BIDERAGARRIA ZEN, DA ETA IZANGO DA.

Instituzio guztiei -jaurlaritza, diputazioa, epitegia…-prozesu honetan inplikatzeko eskatzen diegu, TSFUNDICIONESek etorkizuna izan dezan.

Tsko langileek gure eskubide eta etorkizunaren alde borrokan jarraituko dugu.»

{linkr:related;keywords:ts-fundiciones;limit:5;title:Albiste+gehiago}

 

 

 

LABek Funtzio Publikoko mahai orokorrera ez joateko erabakiari eusten dio

admin
-
0

Gaur ostirala, hilak 14, Eusko Jaurlaritzak Funtzio Publikoko Mahai Orokorrerako deialdi berria egin du. Berriro ere Eusko Jaurlaritzak gai zerrenda itxi eta mugatu baten inguruan aritzeko deitu gaitu sindikatuak; itxia, administrazioak berak definitzen duelako zeintzuk diren “negoziagai” dauden gaiak eta zeintzuk ez; eta mugatua, gai horietan zertaz eztabaidatu daitekeenaren mugak berak ere aldebakarrez ezartzen dituelako.

Gai zerrendan planteatutako puntuen artean 2015eko lanaldia aurkitu dugu, baina jakin badakigu bilera bera neurri hau (eta antzekoak) luzatzeko baino ez duela erabiliko. Horregatik aurreko ikasturtean Mahai Orokorrean ordezkaritza dugun lau sindikatuok bertatik altxatzea erabaki genuen. Gaur gaurkoz, egoerak ez du hobera egin, murrizketa berriak aplikatu diren heinean, okerrera baizik, eta bileran ez du lanaldiaren arazoa konpontzea planteatuko. Horregatik ezinbestekoa deritzogu horrelako neurrien garapenean inongo babes sozialik ez ematea Urkulluren Gobernuari. Zentzu horretan LABek gaurkoan ez parte hartzea erabaki du.

Bestetik, gai zerrendan 2012ko pagaren zati baten berreskurapena ere proposatzen dute, alegia, egun Estatuko Aurrekontuen Legeak baimentzen duen berbera; LABek, paga osoa berreskuratu behar dugula aldarrikatzen du, Estatuko Legediak ezartzen duena behin eta berriz aplikatzeak lan baldintza eta zerbitzu publikoen murrizketa besterik ez baitakar, eta gainera, gure zerbitzu publikoak zein gure lan baldintzak geuk erabakitzeko eskubidea baitugu. Jaurlartitza zuzentzen ari den Gobernu honek Estatuak erabakitzen dituen murrizketak inposatzea du xede nagusia.

PNVk zuzentzen duen Funtzio Publikoko Sailak, azken urte luzeotan langileen kontrako neurriak inposatu besterik ez du egin. Zertarako deitzen du orduan Funtzio Publikoko Mahai Orokorra? Zer antzezlan irudikatu nahi du horrelako deialdiekin? Jaurlaritza honek negoziazio kolektiborako eskubide urratzen ari da behin eta berriz, inposizioa besterik ez dagoelarik negoziazio itxurak eginez eta langileoi iruzur egiten saiatuz.

Honen aurrean gogoratu nahi dugu LAB sindikatuak hurrengo aste eta hilabeteetan Administrazioa eta zerbitzu publikoen eredua finkatze aldera PNVk onartu nahi dituen lege egitasmoak (Administrazioarena, Enpleguarena, Udalena, Segurtasunarena…) baldintzatzeko mobilizatzen jarraituko duela, hurrengo egunetan aurkeztuko dugun dinamikaren bitartez.

 

 

 
1...1,1671,1681,169...1,583Page 1,168 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus