2025-12-31
Blog Page 1160

Langile bat larri zaurituta Arantzan zuhaitzak mozten lanean ari zen bitartean

admin
-
0

Abenduak 10ean, Arantzan, Bortzirietan lan istripu bat gertatu zen langile bat larri zaurituta suertatu zelarik. M.H. 23 urteko langile Errumaniarra, larri zaurituta gelditu zen arratsaldeko 15:30ak aldera mendian lanean zegoelarik zuhaitz bat gainera erori zitzaionean. Langileak Lesakako Agiña Egurrak enpresarentzako egiten zuen lan.

LAB sindikatutik gure babes eta elkartasun guztia helarazi nahi dizkiegu senitarteko, lagun eta orokorrean langile klase guztiari. Aldi berean langile klaseak orokorrean pairatzen dugun prekarietate eta lan ezbehar kopurua salatu nahi ditugu. 

Lan istripu hau bertze lan istripu bat da jadanik Euskal Herrian luzeegia den lan istripuen zerrendan Ez dugu ahantzi behar nahi istripu honek langilearen heriotza ekarri ez badu ere, emaitza bertzelakoa izan zitekeela, eta jadanik 35 direla Euskal Herrian lan istripuetan aurten hil diren langileak, horietatik 7 Nafarroan izan direlarik. 

Aldi berean, gogoratu eta salatu egin behar da, pasa den urtean gutxienez 50 langileek galdu zutela bizitza lanean Euskal Herrian. 

LABetik sortzen zaigun zalantza nagusia ia langile honek segurtasun neurri eta Lan arriskuen prebentzio neurriak betetzen ote zituen. Are gehiago kontutan hartuta istripua gertatu zen tokia sarbide zaileko tokia zela, hain sarbide zaila langilea jasotzeko helikopteroak ezin izan zuela joan zegoen lainoarengatik. 

Azpimarratu nahi dugun bertze gauzetako bat mendian zuhaitzak mozten lanean aritzen diren langileen lan baldintzak dira, etorkinen kontratazio ugarirekin eta prekarietate handi batekin, beheranzko kontratuekin eta lan gogor eta arriskutsuak egitera behartuak egoten direlarik. 

LAB sindikatutik garbi dugu mobilizazioa eta borroka direla gure esku ditugun arma bakarrak lan istripuekin eta hauek sorrarazten dituzten kausa eta faktoreekin bukatzeko. 

Honengatik guztiarengatik LABetik lan istripuak sorrarazten dituzten kausak salatzen jarraituko dugu, eta lanean eta borrokan jarraituko dugu laneko segurtasuna lehentasun bat izan dadin eta ez interes ekonomiko eta enpresarialen menpe egonen den gauza bat. 

Aldi berean Arantzan gertatu den lan istripu honen kausak argitzea exijitzen dugu, eta beharrezkoak diren neurriak hartzea asteazkenean gertatu zena berriro gerta ez dadin. 

LAN ISTRIPU GEHIAGORIK EZ!! ¡¡NO MÁS ACCIDENTES LABORALES!!
 

 

 

Bi akordio sinatu ditugu Loramendiko egoitzan

admin
-
0

LABek oso positibotzat jotzen du SR Loramendin lorturiko akordioa, langileen eskakizunak asetutz, Hirugarren Adinekoentzako Zentroetarako Bizkaiko IV. Hitzarmen Kolektiboari lotura argia idatziz geratzea lortu da besteak beste.

Prozesuaren balorazioa
Sanitas Loramendiko enpresa komitearen gehiengoak, LAB eta UGTko kideez osatua dagoena, iV. Hirugarren Adinekoentzako Zentroetarako Bizkaiko Hitzarmen Kolektiboak araututakoa hobetzen dituen bi akordio izenpetu zituen pasa den Abenduaren 3an, horrela 2014ko Ekainean hasitako prozesu negoziatzaileari bukaera ematen zaiolarik. 

Akordioen ezaugarriak
Alde batetik, Paktu erorkorra berrituz, 2015ko Abenduaren 31ra arte, betiere negoziazioa eta bake soziala baldin badago (orain arte gertatu bezala) indarrean egongo dena hitzartu dugu. Bestetik, LABentzako sekulako lorpena dena sinatu dugu, hots, langileen bizi kalitatea eta eskainitako zerbitzuaren kalitatea hobetzen dituen Akordioa finkatzea lortu dugu. 

Lehenaren arabera, 2014 eta 2015rako soldata igoeraz (0,6 eta 0,3 hitzarmen sektorialaren gainetik) eta Igandetako PLUSaren gehikuntzaz (2 € hitzarmenaren 1,7€ beharrean) gain, iV. Hirugarren Adinekoentzako Zentroetarako Bizkaiko Hitzarmen Kolektiboak agintzen duen jaiegunetako konpentsazioa eta lizentziak hobetzen dira ere bai. Horrela, orain arteko lizentziez aparte (aurreko akordioei esker lorturikoak direnak), familiartekoen gaixotasunengatiko lizentzia berria ere lortu dugu. Baita erabilera libreko ordu gehiago ere, 2014erako egun oso bat disfrutatuz, eta 2015erako 2 lanegun edukiz. Jaiegunak, hitzarmen kolektiboak araututakoaz aparteko konpentsazioa izango du; 3 jaiegunez lan egiteagatik, 4 egun segitu deskantsatuko dute langileek, laugarrena lanegun efektiboa balitz kontatzen delarik. 

Bigarrenak, LABentzako ezinbesteko marra gorria zena erregulatzen du. Gerokultoreen egutegi berria eta oporrentzako sistema berria indarrean egongo dira beste akordio batera heldu arte.

Bada, hiru asteburuz lan egin ostean hurrengoa libre izatetik (hitzarmenak dioen moduan), bi lan egitera eta hirugarrena deskantsatzera pasako dira Loramendiko gerokultoreak. Gainera, 6 pertsonez osaturiko langile taldeak osatuko dira oporretako rotazio sistema hobetzeko asmoz. Azkenik, enpresa jardunaldi murriztuak dituzten langileekin akordio indibidualetara iritsiko da lanaldi horiek handitzeko intentzioz. 

Negoziazio prozesua
LAB Loramendiren aburuz, Bizkaiko sektoreko lan baldintzak iV. Hirugarren Adinekoentzako Zentroetarako Bizkaiko Hitzarmen Kolektiboaren mahaian arautu beharreko gaia da eta horrela defendatu izan dugu beti. Horregatik, hura sinatu eta publikatu arte, ez genuen enpresa eremuan negoziaziorik ireki nahi. Guretzat ezinbestekoa da langile guztientzat derrigorrezko aplikazioa duen hitzarmen kolektiboa izatea eta hobetuz joatea; errespetuagatik eta elkartasunagatik. Horrela ere hitzarmen kolektibotik beheragoko baldintzak sinatzeko arriskua alde batera uzten dugu. Testuinguru horretan, iV. Hirugarren Adinekoentzako Zentroetarako Bizkaiko Hitzarmen Kolektiboa sinatu bezain laister, Loramendiko Mahaia ireki genuen zentroari loturiko eskakizunak lortzeko asmoz. 

Plantilak, bestalde, antolakuntza kaxkarra edo ezaz kexu zen eta ondoriozko erabaki enpresarial latzak eta kezkagarriak jasaten zituzten. Enpresa, bitartean, zentruaren okupazioagatik larrituta zegoelarik eskusarekin, plantila erabiltzaile kopuruaren arabera ajustatzen zuen (adibidez denbora mugak eta funtzioak aldatuz) eta ondorioz, Komiteak horri urgentziaz heldu beharreko gaia zela salatu eta aldarrikatu zuen.

Laburbilduz, Asanblada eta Komiteak Plataforma bateratua adostu zuten eta lehenengo momentutik enpresak ezeztatu zuen, zentroak hainbeste dirurik ez zuela argudiatuz. Loramendiko Mahai Negoziatzailearen bilerak beraz, etekinik gabekoak izan ziren, langileriak benetako negoziazio baten aldeko (plataforma bateratu horretatik abiaturiko negoziazioa) apustua egin zuen arte, izan ere, mobilizazio eta greba plangintza burutu eta komunikatu zuen arte. 

BALORAZIOA
LABek oso positibotzat jotzen du SR Loramendin lorturiko akordioak langileen eskakizunak asetuak gelditzen direlako: 

  • Hirugarren Adinekoentzako Zentroetarako Bizkaiko IV. Hitzarmen Kolektiboari lotura argia idatziz geratu da.
  • Gerokultoreen egutegi berria, langile zein erabiltzaileen bizi kalitatea hobetzen duena.
  • Aurrerapausua handia suposatzen duen opor sistema berria.
  • Jardunaldia handitzeko bakarkako akordioetara heltzeko konpromisoa.
  • Zentroaren okupaziora lotuta ez dagoen enplegu egonkortasuna; enpresak ezin du lanpostu hutsa amortizatu.
  • SR Loramendiri, soilik, lotuta dagoen bake soziala egon behar du.
  • Soldata igoerak
  • Baimenen hobekuntza

Enpresak jakin badaki Loramendiko plantila honek demostratu izan duen konpromisoa eta komunikatutako mobilizazio eta greben aurrea, beharrei egokitutako benetako negoziaziori ekin zion ezinbestez. LABek ondoriozta dezake, markatutako helburuak lortuak direla eta honenbestez plantila zoriondu nahi du bai akordio berengatik, bai eta erakustitako jarreragatik.

ZORIONAK LORAMENDIKO LANGILEAK! EUTSI ESKAKIZUNEI, BORROKAZ LORTUKO DITUZUE ETA!
 

 

 

Euskal Herriaren burujabetza feministarantz Emakume Abertzaleon VI. Topaketa Feministak bihar Ondarroan

admin
-
0
Euskal Herriaren burujabetza feministarantz Emakume Abertzaleon VI. Topaketa Feministak bihar Ondarroan

Bihar, hilak 13, Emakume Abertzaleon VI Topaketa Feminista burutuko da Ondarroan. Euskal Herriko Bilgune Feministak antolatuta eta herriz-herri Topaketaren eta bertan jorratuko diren gaien inguruko argibideak eman ostean, bihar, Burujabetza feminista helburu, hausnarketari hasiera-jarraipena emango zaio. Topaketen arratsaldeko mahai inguruan Ainhoa Etxaide, LABeko idazkari nagusia izango da, besteak beste, "Trantsizio feminista: intzidentzia politikoa, estrategiak eta boterea(k)" gaia aztertzen.

Emakume Abertzaleon VI Topaketa Feministaren ataria

Egitaraua

09:00 Sarrera KOFRADIAN
10:00 Ongi etorria eta eztabaidaren aurkezpena
10:30 Lantaldeetan eztabaidagai: "Kapitalismo heteropatriarkala Euskal Herrian. Zeintzuk dira aldaketa feministarako gakoak?"
13:00 Ondorioak josiz

14:00 Bazkaria

16:00 Mahaiaren bueltan: "Trantsizio feminista: intzidentzia politikoa, estrategiak eta boterea(k)"
Hizlariak: Ainhoa Etxaide Amorrortu, Ana Murcia Guevara,Idurre Eskisabel Larrañaga, Josebe Iturrioz Lopez, Jule Goikoetxea Mentxaka eta Saioa Iraola Urkiola

20:00 Eguneko ondorioen kontaketa eta ekitaldi irekia

22:00 Jostorratzak dantzan! Festa feminista! — Euskabareta, Endemaño, DJ Gure Besta eta Las marines.
 

 

 

LABek Agoitzeko musika eskolan ordezkaritza lortu du

admin
-
0
LABek Agoitzeko musika eskolan ordezkaritza lortu du

Ordezkari berriak, plantila osoaren babesa jaso du. Aste berean Doneztebeko musika eskolan lortutakoarekin batera, bi gehiago dira. LAB, ordezkaritza osoaren %65arekin, musika eskoletan sendotzen doa.

Ez dira garai onak musikarentzat Murrizketa hotsak datozkigu handik eta hemendik

LOMCE legearen ondorioz, Arte Hezkuntza (Musika eta Artea) lehen hezkuntzan, eta Musika DBHn, derrigorrezko irakasgai izatetik hautazkoa izatera igaro dira, “Arte Eszeniko, Musika eta Dantza” batxilergoa ezabatzen den bitartean. Ematen duenez, Nafarroako Gobernuak ikastetxe bakoitzaren esku utziko du datorren ikasturtetik aurrera Arte Hezkuntza eta Musika ikasle guztientzat bermatzeko ala hautazko gisa eskaintzeko erabakia.

Nafarroako Gobernuak Udal Musika Eskolak finantziatzeko diru partida %33an murriztu du 2008tik hona, horietako askoren bideragarritasuna kolokan jarriz.

Tokiko administrazioaren erreformak eragin kaltegarria izan dezake Udal musika eskoletan. Estatu mailan onartutako legearen arabera, 20.000 lagunetik beherako udalerrietan Musika Eskolena udal eskumen izateari utzi eta Gobernu autonomikoen eskumen izatera pasako da. Gobernuak erabakiko du eskumen horrekin zer egin: udalengan delegatu; “errentagarriak” iruditzen ez zaizkion Musika Eskolak itxi eta sare propioa osatu; edota Musika Eskola batzuk pribatizatu. Hain zuzen ere, zerbitzu publikoak pribatizatzea da tokiko administrazioaren erreformaren helburu estrategikoa. Nafarroan sei hilabetez atzeratu da estatu mailakoa egokituko lukeen lege propioaren diseinua, eta langileok geure hitza entzunarazi behar dugu eztabaida horretan. 

Gelditzen eta atzera botatzen ez baditugu, neurri hauek guztiek enplegua suntsituko dute (suntsitzen ari dira jada) musikaren arloan, herritarrei musika-hezkuntza jasotzeko aukera zailduko diete eta musika eskolako langileon lan baldintzak okertuko dituzte.
 

 

 

Askatasun sindikalarekiko bere konpromisoa adieraztea eskatuko diogu bihar Legebiltzarrari

admin
-
0
Askatasun sindikalarekiko bere konpromisoa adieraztea eskatuko diogu bihar Legebiltzarrari

Confebaskek Gobernu espainiarrari ELA eta LAB sindikatuak erregistrotik kanpo utzi eta "de fakto" ilegalizazio bat bultzatzen ari zela salatu ostean bi sindikatuek eragile politikoak interpelatu eta posizio bat hartu zezaten mozio bat sartu zuten legebiltzarrean. Gai honen inguruan, EH Bilduk interpelazio zuzena bideratu dio Lehendakariari eta bihar goizean, 10etan, tratatuko da Legebiltzarrean.
 Legebiltzarrean LAB eta ELAk aurkezturiko mozioa
 Moción presentada por LAB y ELA en el Parlamento Vasco

Guzti honen inguruko azalpenak AMAIA MUÑOA ELAko Idazkari Nagusiaren Ondokoak eta GARBIÑE ARANBURU LABeko ekintza sindikala eta negoziazio kolektiboko idazkariak emago dituzte bihar, hilak 12, 11etan Legebiltzarraren aurrean.
 

 

 

Emakumeon aurkako indarkeria salatzeko manifestazioa Abadiñon

admin
-
0
Emakumeon aurkako indarkeria salatzeko manifestazioa Abadiñon

Abadiñon gertatutako erailketa sexistak salatzeko, bihar hilak 12, arratsaldeko 19:00etan Matienako Traña Plazatik manifestazioa deitu dugu Euskal Herriko Emakumeon Mundu Martxako Plataformako kideok. Egin diezaiogun aurre emakumeon aurkako indarkeriari. Gainontzeko herrialdeetan ere mobilizazioak ostiralean ohiko ordu eta lekuetan.

ABADIÑON ERAILDAKO BI EMAKUMEEN HARIRA, EUSKAL HERRIKO EMAKUMEEN MUNDU MARTXAREN ADIERAZPENA

«Atzo Abadiño asaldatuta jaiki zen eta horrekin batera, Euskal Herri osoa. Jakin genuen bi emakume, ama-alaba, haren gizon eta suhiak erail zituela haien etxean. Emakumeon aurkako beste eraso honen aurrean Euskal Herriko Mundu Martxaren Plataformak honako hau adierazi nahi du:

– NAZKATUTA gaude. Haserre ez, oso haserre. Beste behin ere, emakumeon aurkako indarkeria kasu baten aurrean gaude, eta gainera, kasu honen krudelkeria aintzat hartuta, gure gaitzespen osoa eta salaketa irmoa egin nahi dugu ezer baino lehen.

– Kontziente gara, emakumeon aurkako indarkeriak ez duela etenik, eta honen aurrean ezin dugu gure amorrua, nekea eta haserrea besterik adierazi.

– Salatu nahi dugu, beste behin ere kasu honi eman zaion trataera publiko zein mediatikoa. Salatu nahi dugu, hasiera batetik genero indarkeriarekin lotzeko jarritako erresistentziak hainbat kargu publiko, adierazpen zein komunikabideengatik. Besteak beste, herriko alkatearen lehen hitzak “oso arraroa litzatekeela” esanez, edo hainbat telebista kateetan bestelako teoriei emandako pisua “gizon bakar batek hori dena ezin egin” zezakeela argudiatuz.

– Ba gogorarazi nahi dugu, tamalez ez dela hain arraroa eta berriz ere, ardura publikoa duten horiei prudentziaz jokatzeko ardura exijitzen diegu.

– Azken aste hauek gogorrak izaten ari dira emakumeon aurkako indarkeria dela medio, eta ezin dugu ahaztu Euskal Herrian urtea amaitzear doala 5 emakume erail dituztela dagoeneko, Bilboko gizon batek bere bi alabak erail zituela Asturiasen berriki eta eta egunero ditugula bortxaketa, eraso eta abarren berri.

Beraz, ozen diogu: nazkatuta gaude eta ez gara isilduko! Emakumeok aske bizitzeko eskubidea dugulako,

Elkarretaratzeak deitu ditugu ABENDUAK 12 ostiralerako, Euskal Herriko herri eta hiriburuetan, eta bereziki deialdia luzatu nahi dugu Matienako Traña Plazatik irtengo den manifestaziora joateko ostiralean bertan izango dena 19.00etan (Bizkaiko mobilizazio guztiak Matienako manifestaziora bideratuko dira).

GORA BORROKA FEMINISTA!
GORA EMAKUMEON BIZITZAK!

Euskal Herrian 2014ko abenduaren 10ean»
 

 

 

Sindicatos y empresas de la Animación Sociocultural y Educación Medioambiental alcanzan un acuerdo

admin
-
0

En el mes de febrero ambas partes negociarán las particularidades a incorporar en el I Convenio de Intervención Social. Las centrales sindicales desconvocan los paros convocados en el sector a lo largo del mes de diciembre.

NOTA de ELA, CCOO,  LAB, ESK y UGT
La patronal Zeharka y el resto de empresas representativas del sector, después de un proceso de discusión y diálogo, han tomado en consideración la propuesta sindical de regular las condiciones laborales del sector de Ocio Educativo y Animación Sociocultural y Medioambiental como un ámbito funcional más del I Convenio de Intervención Social de Araba.

En este sentido, la patronal y empresas del sector y los sindicatos ELA, CCOO, LAB, ESK y UGT han acordado abrir un proceso de negociación reglada, con el apoyo técnico o intervención del Consejo de Relaciones Laborales, en el que se traten diversos temas, que alcanzado un acuerdo, serían incorporados al I Convenio de Intervención Social de Araba con el objeto de que sea este el convenio de referencia. Se ha fijado el comienzo de las negociaciones el día 29 de enero de 2015.

Los sindicatos firmantes valoramos de forma muy positiva la mera decisión de formar parte del convenio de Intervención Social, porque supone propiciar la fortaleza de la unión de más empresas y actividades que comparten el carácter de servicio público dirigido a las personas y a la comunidad, financiado en su mayoría por instituciones públicas, pero gestionado por empresas.

Por parte de las empresas había la necesidad de constatar que las administraciones públicas principales financiadoras de estos servicios asumirían el cumplimiento de un acuerdo que firmáramos empresas y sindicatos. Precisamente porque éramos conscientes de esa necesidad, la parte sindical ha acudido a las instancias pertinentes en Diputación Foral de Araba y Ayuntamiento de Gasteiz, donde se nos ha recordado que el marco de negociación de las relaciones laborales es el de empresas y sindicatos, y que a las administraciones públicas solo compete respetar el resultado de esas negociaciones. Finalmente, parece que las empresas han llegado también a constatar esa voluntad de las administraciones, a pesar de las dificultades presupuestarias que estas han alegado.

El acuerdo alcanzado hoy es sin duda en gran medida resultado del compromiso y la movilización de las trabajadoras y trabajadores del sector. A todos ellos y ellas hemos convocado a una asamblea, que tendrá lugar hoy mismo a las 20,30 de la tarde, donde presentaremos los términos del acuerdo, y se propondrá desconvocar los paros parciales previstos a partir de mañana y a lo largo de todo el mes de diciembre, ya que esta convocatoria estaba sujeta a la consecución de un acuerdo en los términos en los que hemos conseguido hoy con la representación empresarial.

En Vitoria-Gasteiz, a 11 de diciembre de 2014

ELA – CCOO – LAB – ESK- UGT
 

 

 

Manifestación mañana en Sestao contra la destrucción de empleo

admin
-
0
Manifestación mañana en Sestao contra la destrucción de empleo



LAB llama a la manifestación que este viernes 12 de diciembre partira a las 19:30 de la Plaza del Kasko de Sestao para denunciar que Ezkerraldea va a más: más paro, más pobreza y más precariedad. Esta manifestación convocada con otros sindicatos, colectivos sociales, asambleas de desempleados y desempleadas, asociaciones de comerciantes y comites de empresa y delegadas de personal quiere poner en el centro del debate político el triste liderazgo de esta comarca en las tasas de desempleo y pobreza. 

-Cerca de 21.500 personas están desempleadas; lo que representa el 23% de la población activa. De las cuales el 68% no perciben ningún tipo de subsidio o prestación.

– Estos altos porcentajes de paro y precariedad conllevan un aumento considerable de las situaciones de desigualdad social. Así, no es producto de la casualidad que más de un tercio de las familias padecen situaciones de pobreza o dificultades para llegar a fin de mes: el 9’2% sufre pobreza de mantenimiento; en un 3’5% de acumulación; y real en un 6’5%. A lo que unir el 14’1% que tienen algún grado de ausencia de bienestar.

•Lo cual ha conllevado que cada vez más familias acudan a Cáritas, la Cruz Roja o al Banco de Alimentos. En concreto, 19.000 familias subsisten gracias a la labor asistencial de estas entidades benéficas.

•A lo que sumar que cada semana son desahuciadas de sus viviendas 15 familias.

En esta comarca que ha sido el motor economico de Bizkaia y ha abanderado la lucha por los derechos de la clase trabajadora y por las condiciones de vida digna, tenemos que tomar conciencia de nuestro poder para cambiar el modelo economico y politico que rescata a los bancos y desahucia a las personas. Es el momento de decir alto y claro que queremos para nuestra zona: Ezkerraldea va a mas: a mas justicia social, a mas derechos para las personas,a mas riqueza para la clase trabajadora.
 

 

 

Bizkaibuseko sindikatuek Aldundiari eta enpresei hitzartutakoa bete dezatela eskatzen die

admin
-
0
Bizkaibuseko sindikatuek Aldundiari eta enpresei hitzartutakoa bete dezatela eskatzen die

Bizkaibuseko sindikatuek urrian egindako mobilizazioen ondorioz Aldundiarekin lortutako akordioan, bai Aldundiak eta bai enpresek, konpromiso batzuk hartu zituzten. Konpromiso horiek betetzeko data abenduaren 14an amaitzen da, eta nahiz eta Aldundiak badakien bilera bat egin beharra duela, langileen ordezkariek ez dute inongo berririk jaso. ELA, UGT, CCOO, USO eta LAB sindikatuek hitzartutako bete dezatela exijitu, eta bete ezean mobilizazio berriei ekingo dietela iragarri dute.

BIZKAIBUS-EKO SINDIKATUEN OHARRA

«ELA, UGT, CCOO, USO eta LAB sindikatuek abenduaren 9an egin duten batzarraren ostean eta abenduaren 14ean izango diren kontzesio aldaketen harira ELA, UGT, USO eta LABek (CCOOek bere aldetik eginen du irakurketa) honako hau esan nahi dute:

1. Urrian egindako mobilizazioen ondorioz Bizkaiko Aldundiarekin akordio batera iritsi ginen. Honen arabera Aldundia eta enpresak hainbat konpromiso betetzea hitzartu zen.

2. Aldundiarekin hitzartu zen akordioak zioen, azken honek kontzesio aldaketak izan aurretik 2013ko urrian zeuden lanpostuak ziurtatuko dituen linea berrien inplementazioa eta lehenagotik daudenen hobekuntzen berri emango zuela. Konpromiso hau denek ezagutzen dugu.

3. Bizkaiko Foru Aldunadiarekin izandako bi bileren ostean, sindikatuok ez dakigu, nola barneratuko diren Aldundiak kendu nahi zituen lanpostuak. Ez dakigu ze linea hobetuko diren, ezta frekuentziak, ezta ibilbideak, hau da ez dakigu Aldundiak bere hitza beteko duen.

4. Abenduaren 14ean martxan jarriko den proiektu berriaren aurrean, Aldundiak badaki bilera bat egin behar duela 14a baino lehen, bilera horretan lanpostuak ziurtatuko dituen argazki erreal bat egin behar da. Gaur, oraindik ere, ez dakigu bilera hori egingo den edo ez, non Aldundiak aurkeztu beharko lukeen deuseztatu behar zituen lanpostu horiek nola sortuko dituen. Hau kontzesioen aldaketa baino 5 egun lehenago.

5. Enpresak ez dira errespetatzen ari sindikatu eta Aldundiarekin hitzartutakoa, behin eta berriz eskatu badugu ere ez daukagu pertsonalaren zerrenda lan poltsa egiteko.
Horregatik, espero dugu Bizkaiko Foru Aldundiak Bizkaibus zerbitzuko argazkia ematea eta enpresek lan poltsa egiteko zerrendak ematea. Hala egingo ez balute ez lukete beteko greba mugagabea bertan behera uztera eraman gituen akordioa. Ez bada hitzartutakoa betetzen eta ez badira lan postuak ziurtatzen urrian egin genuen moduan erantzun beharko dugu.

Bilbon 2014ko urriaren 9an

ELA – UGT – USO – LAB»

 

 

 

1...1,1591,1601,161...1,583Page 1,160 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus