Asteazkenean lan istripu larria egon zen Abadiñoko Fundiciones San Vicente enpresan; ondorioz, langile bat larriki zauritu zen eta gaur goizean 45 urteko gizona hil egin da. Euskal Herrian 2015. urtean laneko istripuen ondorioz hildako 12. langilea da, eta Durangaldean hildako bigarrena, urtarrilean Zornotzako Forest Trafic enpresan gertatu zen beste ezbeharra.
Apirilaren 28a (Laneko Osasunaren Nazioarteko Eguna) iristear dagoela, ezinbestez, lan istripu eta heriotzekin bukatzeko lan karga eta erritmoen kontrola, laneko prebentzioa eta segurtasunaren bermea eta prekarietatearekin bukatzea ezinbestekoak direla argi utzi nahi dugu .
Bide horretatik, gaur egun indarrean dagoen sistema honen aurka eredu berri bat exijitzen dugu, langileon eskubide eta osasuna beste edozeren gainetik lehenetsiko dituena.