2025-12-31
Blog Page 1158

Aldi bateko ezintasunari buruzko dekretuak gure osasuna patronalaren irizpide ekonomikoen esku uzten du

admin
-
0
Aldi bateko ezintasunari buruzko dekretuak gure osasuna patronalaren irizpide ekonomikoen esku uzten du

Gaur bozkatzen da Madrilgo Kongresuan Mutualitateen Legearen onarpena. Aldi bateko ezintasunari buruzko 2014/625 Errege Dekretuarekin batera, zentzu honetan egindako erreformen zikloa isten du, momentuz.

LAB sindikatuak orain arte egindako kritikak berresten ditu. Mutualitateei ia erabateko boterea ematen dien erreforma bat da, gure osasuna patronalaren irizpide ekonomikoen esku utziz. Era berean, oinarriak finkatzen ditu, laster, pribatizazioan sakontzen jarraitzeko. Adibide nabarmenena da mutualiteak gizarte segurantzaren mutualitate deituko direla, ez laneko istripu eta gaixotasun profesionalena.

Lege berri honetatik bi ondorio nagusi atera ditzakegu:

• Langileriaren gaineko kontrola areagotu egingo da. Lan osasun eskubidearen urraketa nabarmena emango da, lan eskubideen prekarizazioan urrats bat gehiago
• Mutualitateei eskumen gehiago ematen zaizkie, pribatizazioa sistema publikoaren kaltetan.
 

LABetik aldarrikatzen duguna da:

• Lan osasunerako eskubidea bermatua izan dadin, enpresari elkarte diren mutualitateen desagerpena aldarrikatzen dugu. Bestela langileon osasuna irizpide ekonomikoen arabera, etengabe murrizten ari delako.

• Honekin batera eskatzen duguna da lan osasun eskubidea babestuko duen eredu publikoa. Lan Harremanetarako eta Babes Sozialetarako Euskal Esparrua behar dugu. Gizarte segurantzan ahalmen legegile osoa izan dezan, horrela osasun sistema publiko propio bat eraikiz, non lan osasunerako eskubidea bermatua izango den.

• Gasteiz eta Iruñeako Gobernuen zeregina izan behar da langileon lan osasun eskubidea bermatzea, horretarako:
 

– Langileon lan osasunaren galeraren konplize izan nahi ez badute, lege honen aurkako jarrera argia azaldu dezatela eskatuko dugu.
– Gizarte Segurantzen Insitutu Nazionala eta mutualitateekin kolaborazio akordiorik ez sinatzea eskatzen diegu
– Mutualitateen baliabideak, sistema publikoan sartzea eska dezatela.
 

Lantokietan kanpaina bat jarriko dugu abian:

• Langileak informatu eta kontzientziatzeko, lege aldaketa guzti hauen ondorioz gure osasun eskubideak nola kaltetuak izango diren ikustarazteko. Azken hilabete hauetan horretan ari gara jada, hainbat batzar egin ditugu.

• Kanpainaren helburua ez da informazioa zabaltzea soilik baizik eta langileak lantokietan eraso berri honen aurrean eragile aktibo bilakatzea. Nola? Kontigentzia arruntak gizarte segurantzan jarrai dezaten eskatuz eta kontingentzia profesionalak mutuatik Gizarte Segurantzaren Institutu Nazionalera pasatzea eskatuz.

• Horrelako akordioak bultzatuko ditugu enpresetan, mutualitateen eskumena gutxituz joan dadin. Mutualitateari sistema publikoarenak diren eskumenak ez egozteko helburuz. Honela osasun publiko eredu propio baten aldeko urratsak emanez.

 

 

 

Kutxabankeko langileek LABi emandako babesak pribatizazioaren bidea okerra dela erakutsi dute

admin
-
0
Kutxabankeko langileek LABi emandako babesak pribatizazioaren bidea okerra dela erakutsi dute

LABetik oso modu positiboan baloratzen ditugu Kutxabankeko hauteskunde sindikalen emaitzak. Nabarmentzekoa da Euskal Kutxen estrategia pribatizatzaile eta likidatzaileak defendatu dituzten eta lan-baldintzak okertu eta enplegua suntsitzen duten erabaki enpresarialak laguntzera mugatu diren aukera sindikalak hondoratu izana.

96 ordezkari aukeratzen ziren arren (2010ean 111 aukeratu ziren) datuak argiak dira:

– LABek bere ordezkaritza handitu du, 18 ordezkaritik 20ra.
– ELAk bere ordezkaritzari eutsi dio, 31rekin.
– CCOOk behera egin du, 28 ordezkaritik 21era.
– Pixkanakak behera egin du, 29 ordezkaritik 18ra.

Honetaz gain, LABek Nafarroako delegatua lortu du. Honekin, 21 ordezkari lortu ditu LABek Hego Euskal Herrian. Iparraldeko bi ordezkariak ere LABenak izanik, 23 delegatu ditu guztira sindikatuak Euskal Herrian.

EAEko botoen portzentaiari dagokionez, LAB %16,82tik %21,58ra pasatu da.

Nabarmentzekoa da Euskal Kutxen estrategia pribatizatzaile eta likidatzaileak defendatu dituzten eta lan-baldintzak okertu eta enplegua suntsitzen duten erabaki enpresarialak laguntzera mugatu diren aukera sindikalak hondoratu izana. 

Emaitza hauek gure jarrera indartzen dute, batetik, kalitatezko enplegua eta konkista sozial eta sindikalak bermatzeko Lan Harremanetarako Euskal Esparruaren exijentzian, bestetik, Kutxabanken pribatizazioa bururaino eraman dadin eta akzioak kapital pribatu eta espekulatzaileari saltzea eragozteko determinazioan.

Euren bozkarekin gure hautagaitzak babestu dituzten 500etik gora langileei eskerrak ematea baino ez zaigu geratzen, datozen urteotan orain arte bezala borrokan jarraituko dugunaren konfidantzan.

MOBILIZAZIOA BILBON

“Euskal Herrian finantza sistema publikoa, Kutxak-Kutxabank pribatizaziorik ez” plataformak lanean darrai Kutxabank eta gainontzeko kutxen pribatizazioaren kontra eta Euskal Herriarentzako sistema finantziario propio baten alde. Guzti hau aldarrikatzeko atzo Bilboko Kutxabank-en egoitzaren aurrean mobilizatu ginen

 

 

 


Hitzetatik ekintzetara: Haurreskolak Partzuergoko kuotak egokitu

admin
-
0
Hitzetatik ekintzetara: Haurreskolak Partzuergoko kuotak egokitu

LAB eta STEE-EILASeko Haurreskolak Partzuergoko langileon ordezkariok, alderdi politikoei, hezkuntza eskubide unibertsala den heinean, doakotasunaren bidea jorratzea eskatu genien. Orain, Cristina Uriartek, Eusko Jaurlaritzako Hezkuntza Sailburuak, komunikabideen aurrean 2015-16 ikasturterako Haurreskolak Partzuergoko kuota sistema diru sarreren arabera aldatzeko aukera aztertuko zutela iragarri zuela kontutan izanda, hitzetatik ekintzetara pasatzeko eskatzen diegu.

HITZETATIK EKINTZETARA: 
HAURRESKOLAK PARTZUERGOKO KUOTAK EGOKITU!

Iazko ikasturte amaieran, LAB eta STEE-EILAS sindikatuetako Haurreskolak Partzuergoko langileon ordezkariok, alderdi politiko guztiekin bildu ginen, hezkuntza eskubide unibertsala den heinean, doakotasunaren bidea jorratzeaz gain, 0-3 zikloaren egoeraz eta aitortzaz aritu ginen. 

Erronda honen emaitza Legebiltzarrak Haurreskolak Partzuergoari eta Hezkuntza Sailari ahalik eta eperik laburrenean matrikulazioa irizpideak familien egoera eta beharretara egokitzea eskatu zaiela izan da. Besteak beste, zerbitzu publiko honek dituen kuotak, familien diru sarrera eta ordutegien araberako beharretara egokituz progresibotasunean oinarrituz. Horretarako gaur egun dagoen goiko kuota muga bezala hartuaz eta orain arteko ordutegi aukeretan, tarteko ordutegia txertatuz. 

Bestalde, Cristina Uriartek, Eusko Jaurlaritzako Hezkuntza Sailburua, aurreko maiatzean komunikabideen aurrean 2015-16 ikasturterako Haurreskolak Partzuergoko kuota sistema diru sarreren arabera aldatzeko aukera aztertuko zutela iragarri zuen. 

Gauzak horrela, hitzetatik ekintzetara pasatzeko beharra aldarrikatzen dugu. Horrela, ikasturte hasieran, Hezkuntza sailaren aldetik gai honen inguruan berririk ez zegoela ikusita, sindikatuok Eusko Jaurlaritzari, erantzunik jaso gabe dauden bilera eskaerak bidaltzeaz gain, ekimen bat proposatu genion haurreskoletako hezkuntza komunitateari (familia, hezitzaile, udala,…); Haurreskola bakoitzeko Jarraipen batzordearen bitartez, Eusko Jaurlaritzako Hezkuntza saila interpelatzea, Parlamentuaren eskaera gauzatzera behartuz. Betiere, doakotasuna lortzeko bidean urrats bat dela ulertuz. 

Jakin badakigu, ekimen honek oihartzun handia izan duela gure haurreskoletan, eta familia, hezitzaile eta udalen arteko bileretan gai honen inguruan hitz egitea eta aldeen inplikazioa lortu dugu, kasu askotan, kide guztien sinadurak bilduz. Horrela, Donostiako Haurreskoletako Jarraipen batzorde guztietan dokumentua sinatu da. Bestelako jarrera azaldu dute, Bilboko eta Gasteizko udalek, kasu askotan udaleko ordezkariak eskaerarekin ados egonda ere, euren alderdietatik ez sinatzeko agindua jaso dute. 

Lana eta familia uztartzeko neurriek eraso zuzena jaso duten momentu honetan, Legebiltzarrak eskatutakoak garatzeko ezinbestekoak izango dira bestelako aurrekontuak, hain zuzen ere, goian aipatutako neurriak bermatuz, eta Haurreskolak Partzuergoari bideratzen zaizkion diru partidak handituko dituztenak. 

Haurreskolak partzuergoari bideratutako aurrekontuak, %7,4ko jaitsiera izan du, ondorioz, Euska Jaurlaritzak ekintza gutxi egiteko asmoa duela adierazi du. 

Guk Haurreskolak Partzuergoaren zerbitzuaren kuotak berraztertzea eskatzen diogu, zerbitzu publiko hau jendarte osoak erabiltzeko aukera izan dezan. 

Amaitzeko, gainontzeko alderdi politikoei, orain arte egin dugun moduan, Partzuergoak dituen aurrekontuak ez onartzea eskatzen diegu, gaur egun, ziklo honek daukan garrantzia aitortzen badugu, proiektua hau doakoa eta kalitatekoa izateko urrats berriak emateko garaia izango da. 
 

 

 

Euskal Herriko Pentsiodunen Plataformak PPren gobernua “pentsiodunen lepotik barre egiten” ari dela salatu du

admin
-
0
Euskal Herriko Pentsiodunen Plataformak PPren gobernua “pentsiodunen lepotik barre egiten” ari dela salatu du

Euskal Herriko Pentsiodunen Plataformak mobilizazioak iragarri ditu datorren abenduaren 19 eta 20rako PPren Gobernuak iragarritako pentsioen %0,25eko igoera "pentsiodunen lepotik barre egitea" dela salatzeko. Abenduaren 19an Bilboko Plaza Biribilan eguerdiko 12:00etan eta Gasteizen Virgen Blancan 11:30etan elkarretaratzeko deia egin dute. Donostian berri abenduaren 20an mobilizatuko dira Bulevarrean 12:00etan.

Euskal Herriko Pentsiodunen Plataformaren oharra
2015ean PENTSIOAK %0,25 IGOTZEA
PENTSIODUNEN LEPOTIK BARRE EGITEA DA

«PPren Gobernuak argitu ditu dudak: 2015ean gure pentsioak %0,25 igoko dira.

• 2010, 2011, 2012 eta 2013an gure pentsioak KPIren azpitik igo baziren, orain% 0,25 "igo"ko dituztela esan digute. Baina guk galdu egiten dugu: pentsiodun gehienentzat %0,25 hori hilean euro t´erdi delako eta eguneroko oinarrizko lehengaiak askoz gehiago igo direlako: argia %11, janariak %4-6 eta gauza gehienak %3-4 Esandakoa aski ez eta BEZaren igoera gehiegizkoak beste kolpe bat eman digu. Eta horrek diru sarrera eskasak dituenari egiten dio min bereziki.

• Ez dugu ahaztuko Kopagoak ekarri diguna: 417 botika oso osorik gure poltsikotik ordaindu beharra. Gurutze Gorriak berriki esan duen bezala, asko igo da behar den unean behar den botika ez hartzeagatik larrialdietara eraman duen jende kopurua.
• Eta jakina: lehen doan genituen beste botikak ere %10 ordaindu behar ditugu orain.

• Adituek esaten dutenez,Hego E.Herrian pentsiodun familia unitateak hilean 1.000 €. behar ditu gutxieneko, duintasunez bizitzeko. Baina 255.240 lagun daude 700era iristen ez direnak. Eta beste 116.000 esandako 1000 eurotara iristen ez direnak. Pentsiodunen %57 bi taldeen artean. Hori pobrezia eta larritasun handia da, batez ere emakume eta gabeziaren bat duten pentsioa dutenentzat.

Buka dezagun urteroko %0,25arekin. Gero eta eskasagoa izango da gure eguneroko premiei aurre egiteko, eta gaurko eta biharko pentsiodunak pobreziaren hatzaparretatik ezin ateraz biziko gara. Ezinbestekoa da PP, PNV eta UPNek “pentsioak izozteko duten ohitura zuhurrarekin amaitzea”.

Hego Euskal Herriko Eskubide Sozialen Karta, berriki 50 eragile sozialek eta gehiengo sindikalak onartua izan denak, Pentsioen Duintasunaz hitz egiten du eta beste sektore sozial batzuekin lankidetzarako esparrua eskaintzen digu.

Ordua da pentsionistok gure aldarrikapenak planteatu eta gure borroka antola dezagun Ez digute ezer emango, kendu egin beharko diegu. Horixe da Historiak erakusten diguna. Jendea kalera atera dadin, lanean ari gara. Ez gara begira geratuko : Atera gaitezen plazetara. Gure pentsio duinen eta gure seme, alaba eta biloben alde.

Euskal Herriko Pentsionisten Plataformak

ELKARRETARATZEAK:
Bilbon, abenduaren 19an Plaza Biribilan eguerdiko 12etan
Gasteizen: abenduaren 19an Virgen Blancan 11:30etan
Donostian: abenduaren 20an Bulevarrean 12etan»

 

 

 

LABek Landakoko igerilekuetako langile baten kaleratzea salatzen du

admin
-
0

LABek salatzen du DENDAK BAIk (Landakoko polikiroldegiko tabernaren eta Tabirako igerilekuaren egungo kudeatzailea) langile bat kaleratu izana. Kaleratze honi buruz hainbat eta hainbat gezur esan eta salaketa egin dituzte. LABek langilearen berrartzea eskatzen du. Kaleraketa salatzeaz gain, kontzesioetan ematen diren irregulartasunak salatzen ditu ere.

Zer ari da gertatzen Tabira eta Landakoko igerilekuetan? Zer dela eta ez dute kobratzen langileek? Zergatik ez dute kobratzen mutualitatetik bajan dauden langileek? Nolatan, berau gizartegintzako enpresa izanik eta Durangoko udala haren arduradun zuzena, ez dute han gertatzen ari denaren berri?

LABek premiazko bilera eskatu dio Durangoko udalari, han gertatzen denaren arduraduna delako.

Dendak Bai (bi negozio hauen ustiatzeaz arduratzen den egungo emakiduna) egoera honen arduradun egiten dugu ere. Zer ari da gertatzen bi esplotazio hauetan? Zergatik, behargin batzuk, hilabete osoan lan egin ostean 100 euro besterik ez diztuzte irabazten? Inork uste du soldata horrekin bizi edo biziraun daitekeenik?

Gure aburuz, udalak berehala heldu behar dio gai honi, zelako irregulartasunak ematen diren ikusteko eta Dendak Bairi, eta bide batez, haren gerentea den Santiago Reyes Ruizi eskatzeko dagozkion azalpenak eman ditzan eta argitu ditzan ematen ari diren irregulartasunak, argitu ditzan Dendak Baik sortu duen enpresak Gizartegintzako enpresa batek ustiatzen duen mota honetako negozioei eskatzen zaizkien baimen guztiak dituen.

Hortaz, irmotasunez eskatzen dugu Durangoko udalak berehala azter dezala bi esplotazio hauetan gertatzen dena, hura arduradun zuzena delako, eta berehala har berrartu dezatela kaleratu duten behargina.
 

 

 

Abenduaren 20an benetako politika industriala exijitzeko manifestazioa Gasteizen

admin
-
0
Abenduaren 20an benetako politika industriala exijitzeko manifestazioa Gasteizen

Datorren abenduaren 20an ELA, LAB eta ESK sindikatuok eta ALESTIS, ARKEMA, CANDY, CONDESA, CORRUGADOS AZPEITIA, ECN CABLE GROUP, FUNDICIONES WEC, LAMINACIONES ARREGUI, TEPSA eta TS FUNDICIONES enpresetako gure sail sindikalek mobilizazioa deitzen dugu Gasteizen, "Benetako politika industriala orain, en defensa del empleo" lelopean. Mobilizazio honekin enpresa hauetako eta beste hainbat enpresetako langileek bizi dugun egoera ikusarazi nahi dugu, agerikotasun hori aldaketak eskatzen dituen erantzun kolektibo bihurtuz.

Abenduak 20
MANIFESTAZIOA GASTEIZEN
12:00etan Artiumetik

ELA, LAB eta ESK-ko sail sindikalak: Alestis, Arkema, Candy, Condesa, Corrugados Azpeitia , Ecn Cable Group, Fundiciones Wec, Laminaciones Arregui, Tepsa, TS Fundiciones

Ez da berria, krisian daramatzagun azken 6 urteotan ehunka langilek euren lanpostua galdu dute eta lantegi asko itxi dira. Pobrezia handitzen ari da, ukitzen duen guztia miseriaren hatzaparretan harrapatuz: enpresa txikiak, saltoki txikiak eta gure seme-alaben etorkizuna. Hau guztia gertatzen ari da elite politikoa, Urkullu lehendakaria buru dela, hazkundeaz, enplegun sorreraz eta hobekuntzaz hitz egiten ari den bitartean. Titular handi horiek helburu bakarra dute, gizarteak bizi duen errealitatea ezkutatzea.

Gertatzen ari dena gertatzeko aurrez erabaki politiko asko hartu dira. Lehena, lan erreformaren bidez enpresa handiei eta multinazionalei botere mugagabea ematea, enplegua suntsitu eta lan baldintzak prekarizatzeko. Bigarrena, langile klasearen aurkako eraso honi normaltasun instituzional eta sozialaren itxura ematea. Normaltasuna, aurreko politiken ildo bera mantenduz, enpresariak finantzatzen jarraitzeko, aintzat hartu gabe enplegua suntsitzen ari diren ala ez, aberastasuna banatzen duten ala ez. Hala erakusten du aurkeztu berri den industriako aurrekontuak. Normaltasuna, halaber, Gobernuaren, Confebasken eta UGT-CCOOk osatutako gutxiengo sindikalaren artean elkarrizketa sozialeko mahaia eratzerakoan, politika horiek bermatu eta ezer ez dela aldatuko ziurtatzeko.

Bizi dugun egoera kalera ateratzea guztiz beharrezkoa dugu, Gobernua, begirale izateari utzi, eta aktore izatera pasatu dadin, langileekin eskuz esku lanean hasiz. Eusko Jaurlaritzak erakusten duen elkartasunak ez du jaten ematen. Jaten ematen duena da bere boterea baliatzea CANDYk jarraipena izan dezan (Tapia sailburuak esaten duen moduan), ECN, ARKEMA eta FUNDICIONES WEC itxi ez daitezen, LAMINACIONES ARREGUI, TEPSA, TS FUNDICIONES eta CORRUGADOS AZPEITIAn behin betiko konponbidea negoziatu dadin, ALESTISen produkzioa hemen mantentzeko, CONDESAn kaleratzeak eta murrizketak eman ez daitezen… Finean, zekenkeria saritua izan beharrean, erasotua izan dadin. Horretarako, ordea, borondate politikoa behar da, mobilizazio honekin exijitzen duguna.

ELA, LAB eta ESK sindikatuek deitzen dugu mobilizazioa, une honetan gatazkan diren enpresetako gure sail sindikalekin, enpresa batzordean gehiengoa osatzen dugun lantokietan. Gehiengo horri esker babesa ematen zaie kaleratzeak eta fabriken itxiera indiskriminatuak onartzen ez dituzten langile guztiei. Borroka egiten den bitartean alternatiba badago. Patronalak bere nahieran jokatzea onartzeko prest ez dagoen langile klaseari dei egiten diogu Gasteizko kaleak hartzera eta bestelako etorkizun bat aldarrikatzera. Justiziazkoa da eta eskubidea dugu enplegua sortuko duen ekintza politikoa aldarrikatzeko. Horren alde borroka egingo dugu.
 

 

 

FVEM Aldi Baterako Laneko Enpresa bihurtu da

admin
-
0
FVEM Aldi Baterako Laneko Enpresa bihurtu da

LAB sindikatua Federación Vizcaina de Empresas del Metaleko egoitzaren aurrean protesta egin du gaur Aldi Baterako Laneko Enpresa (ABLE) modura jardungo duela salatzeko.

PREKARIETATEARIK EZ! BIZKAIKO METALEKO HITZARMENA ORAIN!

Dagoeneko gauza ezaguna da FVEMek lan erreformaren aldeko apustu argia egin duela Bizkaiko metaleko langileen lan baldintzak okertzeko asmo bakarrarekin. Argi eta garbi adierazi ziguten hori gaizki izendatutako negoziazio mahaia delako horretan. Orain legedia bere alde daukatela gogorarazi ziguten eta etekina atera nahi dute. Langileontzat prekarietatea eta pobrezia besterik ez dizkigute eskaintzen. Baina hau gauza jakina den arren, orain FVEM, aurreko guztia nahikoa ez balitz, egoera horretaz baliatu nahi da bereak ez diren funtzioak bereganatzeko. Honela jakin genuen prentsaren bidez, ABLE moduko bat bilakaturik, langileak zuzenduko dituztela enpresetara, azken hauek izan ditzaketen beharrak asetzeko. Beren erabakiekin langabezia sortzen duten horiexek gero beren ondorioak kudeatu nahi dituzte. Patronalari ez dagokio hau egitea, bai ordea, hitzarmena negoziatzea, justu ukatzen digutena. Gainera, oso larritzat jotzen dugu patronalak kontratazioa kontrolatu nahi izatea. Hau da, patronalak berak kontrolatuko du ze langilek lan egin dezakeen eta nortzuk ez. Honek, ustez gainditutako garaietara eramaten gaitu berriro ere.

Begi bistan dago, beraz, FVEMi ez zaiola interesatzen prekarietatearekin bukatzea, ongi baidatorkio, erakunde gisa, bere negozioarekin jarraitzeko. Hau da tristeena, zuen aberastasuna herriaren miseria da. Baina LABek ez du utziko. Prekarietatearen aurkako borrokan eta bestelako lan harreman eredu baten alde jarraituko dugu. Hor kokatzen da, hain zuzen ere, gaurko mobilizazioa. Eta, bide horretan, ezinbesteko tresna da Bizkaiko metaleko hitzarmena.

Eusko Jaurlaritzaren eta gainontzeko sindikatuen ixiltasunaren gainetik, LABek langile guztientzat izango den metaleko hitzarmenaren alde tinko jarraituko du.
 

 

 

La plantilla de Ecoenerg铆a pide al Gobierno Navarro que no acepte ninguna oferta que no asegure los puestos de trabajo

admin
-
0
La plantilla de Ecoenerg铆a pide al Gobierno Navarro que no acepte ninguna oferta que no asegure los puestos de trabajo

El pasado 5 de diciembre la Administración Concursal hizo entrega a todos los trabajadores y trabajadoras de la planta de ECOENERGIA NAVARRA de Artajona la notificación de despido. Los únicos representantes que no suscribieron el acuerdo fueron los representates de LAB en Ecoenergía Navarra, quienes, aun habiéndose hecho efectivos los despidos, anuncian que seguiran peleando por el mantenimiento de la planta y los empleos.

NOTA DE LOS TRABAJADORES Y TRABAJADORAS DE ECOENERGIA NAVARRA

«Queremos informaros de que el pasado viernes 5 de diciembre la Administración Concursal nos hizo entrega, a todos los trabajadores y trabajadoras de la planta de ECOENERGIA NAVARRA de Artajona, de la notificación de despido. Esta notificación viene precedida del acuerdo alcanzado entre la propia Administración Concursal y la mayoría de los representantes de los trabajadores que formaban la mesa de negociación (UGT y CCOO). Los únicos representantes que no suscribimos el acuerdo fuimos los de Ecoenergía Navarra (LAB) y el motivo no fue otro que la responsabilidad que tenemos, no ya sólo con los y las trabajadoras de la planta que se quedan en la calle sino con todo el pueblo de Artajona que tanto nos está apoyando y que con el cierre de la planta va a ver mermado gravemente su tejido industrial por no hablar del impacto negativo que ello también produce en su desarrollo agrícola y ganadero.

Por todo ello y a pesar de que ya se hallan hecho efectivos nuestros despidos vamos a seguir peleando por el mantenimiento de la planta.

En esta linea nos han informado que a día de hoy cuatro posibles compradores pugnan por quedarse con los activos del grupo de cogeneración Neoelectra. Al parecer, de los cuatro, tres se comprometen a la recolocación de todos los trabajadores y trabajadoras y a asumir la deuda. Por ello reivindicamos al Gobierno de Navarra que así como se comprometió en su día de palabra con nosotros y nosotras a la hora de defender la planta que lo demuestre haciendo un requerimiento firme a la Administración Concursal y al Juzgado Mercantil de Barcelona para que no acepten ninguna oferta de ningún comprador que no asegure el mantenimiento de la planta de Artajona y la recolocación de los trabajadores despedidos.»

 

 

 

LAB exige la inmediata readmisi贸n de los trabajadores despedidos en AKI Durango

admin
-
0
LAB exige la inmediata readmisi贸n de los trabajadores despedidos en AKI Durango

LAB se ha concentrado hoy a la mañana frente a la empresa de bricolaje AKI en Durango para pedir la inmediata readmisión de los dos trabajadores despedidos y entre ellos el del afiliado de LAB Jose Manuel Zuazo “Suso”.

Parece ser que la que nueva dinámica de la dirección de AKI en Durango es, o aceptas los cambios y las imposiciones o el despido como camino de salida.

LAB denuncia las mentiras vertidas en la carta de despido por parte de la dirección de AKI. Todas y cada una de ellas son burdas mentiras y afirmaciones injustas y que solo sirven para que alguien de la dirección de AKI justifique este despido como disciplinario.

Es curiosos que nuestro afiliado estuviese intentado promover elecciones sindicales y que fuese un defensor de los trabajadores y trabajadoras frente a la dirección en su puesto de encargado.

Una vez más tenemos un caso de despido caprichoso y de bulto ante el acoso al sindicato LAB, el cual no va a cejar en su empeño de defender todos y cada uno de los trabajadores y trabajadoras que vean amenazados sus derechos.

LAB exige la inmediata readmisión de los trabajadores despedidos en AKI Durango

JAZARPEN SINDIKALIK EZ
 

 

 
1...1,1571,1581,159...1,583Page 1,158 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POL脥TICA DE PRIVACIDAD

www.lab.eus