2026-01-01
Blog Page 1146

Eroskik Bzero zerbitzua saltzeak 70 lanpostu kolokan jartzen ditu

admin
-
0
Eroskik Bzero zerbitzua saltzeak 70 lanpostu kolokan jartzen ditu

Bzero enpresako LABek prentsaurrekoa eskaini zuen atzo Eroskik zerbitzua lehiaketa batean ateratzearen erabakiaren aurrean duen jarrera azaltzeko. Eroski Bzero enpresako bezeroa izaten jarraitzen ez badu (bezero nagusia da) enpresan dauden beste zerbitzuekin aurrera egitea ziurrenez ez litzateke bideragarria izango (beste bezeroak: Vocento eta Caprabo), horren ondoria 70 pertsonek beren bizibedea galduko luketela suposatzen du.

Eroskiko ordezkariekin hitz egin ahal izatea nahiko genuke, horretarako deia luzatzen diegu, beren erabakiek geure bizibidean eragina dute eta beraiek esatekoa duguna entzutea nahi dugu. Beren isiltasunean jarraitzen badute Bzeroko langileak geure ahotsa entzunarazteko mobilizazio ezberdinak egingo ditugu.

2004ko irailean Eroskiko Bezeroaren Arretarako Zerbitzuak bere ibilbidea hasi zuen Bzero Marketing Integral S.L. enpresan, zerbitzu hori zabalduz joan da eta orain hainbat zerbitzu dira: Eroskiko Kontsumitzailearen Arretarako Zerbitzua, Eroski On Line Erosketako Bezeroaren Arretarako Zerbitzua, Eroski Movil-eko Bezeroaren Arretarako Zerbitzua, Forum Sport-eko Bezeroaren Arretarako Zerbitzua, Kuota Bazkideen Arretarako Zerbitzuak, Hornitzailearentzako Informazio Zerbitzua eta hoiekin erlazian duten haibat kanpaina. Zerbitzua bai telefonoz bai posta elektronikoz ematen da. 2012, 2013 eta 2014 urteetan zerbitzu horrek urteko Bezeroaren Arretarako Zerbitzurik onenaren sari jaso du eta Eroskik hori bere ezaugarri eta lorpen bezala nabarmendu du.

2014ko amaieran, azaroan, Eroskik zerbitzu hoiek lehiaketan batetan ateratzea erabaki duela ezagutu genuen. Momentu horretan Bzeroko enpresa batzordean ordezkaritza duten sindikatuen aldetik Eroskirekin harremanetan jarri ziren zerbitzu hoiek urtetan aurrera atera dituzten, emaitza onekin gainera, langileei buruz zein asmo dituzten jakiteko, hasieran hitz egin nahi dutela adierazten dute baina agenda arrazoengatik 2015eko urtarrilera arte atzeratzen dute. Baldintza-agirian subrogaziorako eskubidea errespeta dadin eskatzeko asmoa duten jakin nahi izan dugu baina estatu mailako Contact Centereko Hitzarmenera igortzen gaituzte, hitzarmen horretan ez da subrogazio eskubiderik jasotzen. Eroski beti ari da bere bezeroekin, bertako ekoizleekin, bertako iraukortasunarekin duen konpromezuari buruz hitz egiten baina geure kasuan Madrilen egiten den hitzarmen batetara igortzen gaitu. Eroskirekin elkartzeko saiakerak egiten jarraitu arren ez dugu erantzunik jaso.

Eroski Bzero enpresako bezeroa izaten jarraitzen ez badu (bezero nagusia da) enpresan dauden beste zerbitzuekin aurrera egitea ziurrenez ez litzateke bideragarria izango (beste bezeroak: Vocento eta Caprabo)., horren ondoria 70 pertsonek beren bizibedea galduko luketela suposatzen du. Subrogazio ezkubidea izan ezkero (Eroski plataforman lan egiten duten pertsonak 33 eta 37 tarte horretan daude, batzuk aldika bakarrik egiten dute lan) enpresan lan egiten dugunon ia lanpostu erdiak mantenduko genituzke, baina besteek kolokan jarraituko lukete.

Bere zerbitzua lehiaketan ateratzea Eroskik hartutako erabakiak ekarri dituen ondorioei buruz Eroskiko ordezkariekin hitz egin ahal izatea nahiko genuke, horretarako deia luzatzen diegu, beren erabakiek geure bizibidean eragina dute eta beraiek esatekoa duguna entzutea nahi dugu. Beren isiltasunean jarraitzen badute Bzeroko langileak geure ahotsa entzunarazteko mobilizazio ezberdinak egingo ditugu.
 

 

 

LABek ordezkaritza handitzen jarraitzen du EITBn, EITBNETen bi ordezkari berri lortuta

admin
-
0

Gaur otsailaren 11n EITBNETen hauteskunde sindikalak egin dira, EITBn Internet zerbitzuez arduratzen den lantokian. M4Fko kontratako lankideak sententziaz EITBNETeko langile bilakatu direnez plantilla handitu da eta ordezkari batetik hiru ordezkari sindikal izatera pasatu da EITBNET. Hauteskunde partzialak egin dira bi ordezkari berri aukeratzeko, eta biak LABekoak hautatu dira. Beraz EITBNETeko hiru ordezkariak LABekoak dira.

Parte hartzea %77koa izan da. Lehen hautagaiak bozken %85a jaso du, eta bigarrenak %71. Emaitza honek langileek ematen duten beste babes eta bultzada garrantzitsu bat suposatzen du LABeko sail sindikalak EITBn egiten duen lanarentzat.
 

 

 

Esplotatzaileen aurka eta gazteen lan eskubideen alde, ekin borrokari!

admin
-
0
Esplotatzaileen aurka eta gazteen lan eskubideen alde, ekin borrokari!

LAB eta ERNAI gazte antolakundearen aliantzaren baitan “Gazteontzako Lan Eskubideen gida” aurkeztu genuen gazteek ditutzen lan eskubideak ezagutu eta aldi berean borroka tresna gisa erabiliz ukatuak zaizkigun eskubideen aldeko borroka indartu eta bestelako eredu sozioekonomikoa eraikitzeko. Gaur, urrats berri bat emanez, Donostian elkartu gara "Esplotatzaileen aurka ekin borrokari!" lelopean egingo diren lehen mobilizazioan. Bihar Gazteizen dugu hitzordua.

Krisiaren aitzakipean aurrekaririk gabeko erasoak jasaten ari da euskal gazteria. Besteak beste lan baldintzen okertuz, ikasteko zailtasuna areagotuz edo politika sozialetan murrizketak aplikatuz langile klasearen prekarietate egoera betikotu nahi dute. Egoera larri honen aurrean unea da dagozkigun eskubideen berri izan eta norabide berean bultzatzeko.

{linkr:related;keywords:ernai;limit:5;title:Albiste+gehiago}

 

 


LABek gezurtatzen du, asteburuan Tafallan jazotako ustezko liskar batzurekin erlazionatuz argitaratutako informazioa

admin
-
0

LABek guztiz gezurtatzen du sindikatu honi erreferentzia eginez zabaldutako informazioa. Guardia Zibilaren iturriak aipatuz komunikabide desberdinetan jasoak izan diren ustezko gertaera horietan ez da LABeko abokaturik inplikaturik egon.

Aipatu informazioa zenbait hedabideren aldetik inolako kontrasterik egin gabe hedatu izana larria da, areago, LAB sindikatuak beti ateak irekita dituenean ezein informazio kontrastatu nahi duen ororentzat. Kritikaz eta kezkaz hartzen dugu aipatu hedabideek kalitatezko edozein jarduera informatibo bermatzeko eta medioaren seriotasuna eta lan informatiboa ziurtatzeko ezinbestekoa den oinarrizko printzipio honi bizkar eman izana. Komunikabide horiei eskatzen diegu egiazkoa izan ez den informazio guztia zuzentzeko. 

LAB sindikatuaren izena gisa honetako gertaerekin nahasi nahi izana ez da kasualitatea. Intentzionalitate politikoa ikusten dugu honen atzean. Egozten zaizkigun arduren larritasuna aintzat hartuta, ez dugu baztertzen honen aurrean neurriak hartzea, eta prozedura legalak abiatzea. 
  

 

 

Lourdes: “LAB feminismoaren aldeko lana egiten duen sindikatua da”

admin
-
0
Lourdes: “LAB feminismoaren aldeko lana egiten duen sindikatua da”

Lourdesek zortzi urte daramatza Osakidetzan lanean era behineko batean. Denbora honetan bertako langileek era askotako murrizketak jaso dituztela argi ikusi du; ez hori bakarrik, honek osasun zerbitzuaren eskaintzan izan duen eragina. Egoera honi buelta emateko erreferentzia nagusia LABengan aurkitu du.
 

 

 

«Soldatak igotzeko momentua da, sortzen den aberastasuna egokiago banatuz»

admin
-
0
«Soldatak igotzeko momentua da, sortzen den aberastasuna egokiago banatuz»

Gaur medioen aurrean izan dira Ainhoa Etxaide, LABeko idazkari Nagusia eta Garbiñe Aranburu, Negoziazio kolektiboko eta Ekintza Sindikaleko Idazkaria soldaten kontrako azken erasoaren aurrean LABek egiten den irakurketa plazaratu eta martxan jarriko duen estrategiaren berri emateko.

Lehenik eta behin, Patronalaren hitzak gezurtatuz, soldatak “jeitsi” egin direla azpimarratu du Etxaidek, bai sektore publikoan eta baita sektore pribatuan ere. Patronalak esku artean dituen tresna guztiak erabili ditu soldaten kontra egiteko: kaleratzeak, soldatak izoztea, gaurkotu gabe utzi dituzte hitzarmenak, denbora osoko kontratuak kontratu partzialekin ordezkatzea, lanaldiak luzatzea… Guzti honen ondorioz gero eta diru gutxiago dago herritarren esku.

Etxaideren hitzetan egoera honen atzean “erabaki politiko injustoak” daude. Are gehiago erabaki “txarra” dela deritzo, honela ez baitira ari ekonomiak behar dituen konponbideak eraikitzen. Alderantziz “soldatak igotzeko momentua da”, horregatik soldaten eta enpleguaren defentsa lehen mailako borroka izango dira LABentzat. Lantokietan borroka egongo du, baina bide judiziala ere jorratuko du, soldatak murrizteko oinarri judizialik ez dagoelako.
 

 

Hezkuntza Sailak eta Mutualiak haurdun dauden emakumeak diskriminatzen dituzte

admin
-
0

LAB Irakaskuntzako lan-osasuneko arlotik, haurdunaldiko arriskuagatiko prestazioen eskarietan, onartzen ez diren kasu ugari detektatu ditugu. Kontraste bat egin dugu eta datu batek harritu gaitu: proportzioan, ez-onartze hauek gehiago ematen dira ordu gutxiko kontratuetan. Gehiago harritu gaitu baztertzearen arrazoiak. Normalean honetan oinarritzen da: “ez dira lanpostuan haurdunaldiagatiko arrisku espezifikoak kreditatzen, ordu gutxitako karga”. Onartu beharra dugu esposizio denbora eta arriskuaren arteko harremana kontuan hartzen den faktorea dela, arrisku-maila neurtzerakoan.

Hor dator dilema, eta modu errazean azaldu nahi dizuegu. Hezkuntza Sailean lanetik eratorritako arriskuen aurrean amatasuna eta edoskitzaroa babesteko adostutako protokoloa dago. Bertan jasotzen dira helburua, eremua, definizioak, amatasunaren babesa, jarduera-prozedura… Bere laugarren puntuan (amatasunaren babesa) aipatzen du: “Lan Arriskuen Prebentziorako Legearen 26. Artikuluak, amatasunaren babesari dagokionez, zehazten du arriskuen ebaluazioak bere gain hartu beharko dituela haurdun edo berriki erditu diren langileen esposizioak langileen edo fetoaren osasunean modu negatiboan eragin dezakeeen edo arrisku bat izan daitezkeen edozein jardueraren esposizioaren izaera, gradua edo iraupena”. Hau da, arrisku bakoitza metodologia zehatz batekin ebaluatu behar da. Ondorioa lanpostua egokitzea izango da, kasu honetan gauzatzen ez dena. Geratzen den aukera bakarra arriskuagatiko prestazioa da.

Gure kasuan, kanpoko enpresa batek egin dituen ikastetxeen eta lanpostuen arriskuen ebaluazioak ditugu. Ebaluazio hauek neur daitezkeen alderdi batzuk islatzen dituzte, lan-kargak, gorputzaren jarrerak… Haurdun dagoen emakume batek bere egoeraren berri ematen digunean erreferentziazko protokolora jotzen dugu eta ebaluazio espezifikoa eskatzen dugu bere egoerarako. Argitu nahi dugu bigarren ebaluazio hau saileko teknikariek egiten dutela. Hauek aztertu ditugu eta gure ustez lanpostuaren deskribapen soilik besterik ez dira, haurdun dagoen emakumearen atazak kontatuz, arrisku maila ez neurri zuzentzaileak zehaztu barik.

Oinarrizko ebaluazioak, ikastetxearenak eta lanpostuarenak neurtzen ez baditu, zaila da teknikari batek egindakoa urrunago heltzea.

Mutualitatearekin batzartu gara eta honek onartu du aurretiko ebaluazioa osatuta ez badago, espezifikoak zailtasunak izango ditu osorik agertzen. Eta hortik dator gure kezka. Bueltatu gaizen prestazioa ukatzen duen justifikaziora: “ez dira lanpostuan haurdunaldirako arrisku espezifikoak kreditatzen, ordu gutxitako karga”.

Ebaluazioak inon jasotzen ez badu ez dagoela arriskurik, neurtu ere egiten ez baditu, esaldiaren lehen zatia baliorik gabe geratzen da, beraz bigarren atala aztertuz ezin da justifikatzailea izan ordu gutxitako karga, arriskurik ez egotea baizik.

LABetik azken honek kezkatzen gaitu arriskuan jartzen duelako, batetik, pertsonaren osotasun fisikoa eta bestetik, berdintasun printzipioaren aplikazioa. Honen ondorioa kolektibo batekiko diskriminazio argia da, emakumeek osatua eta kontratu prekarioduna. Azpimarratu nahiko genuke diskriminazio horren erantzuleak Hezkuntza Saila eta mutualitatea, gure kasuan Mutualia, direla.
 

 

 

Condesako lanpostuen defentsan eta lantegiaren bideragarritasunaren alde mobilizazioak

admin
-
0
Condesako lanpostuen defentsan eta lantegiaren bideragarritasunaren alde mobilizazioak

LAB eta ELAk mobilizazioak iragarri ditugu Condesa lantegian 800 lanpostu arriskuan daudela salatzeko eta egoerari irtenbide bat topatzeko intentzioarekin. Mobilizazioak datozen lau astetan luzatuko dira eta bitartean bilerak eskatuko dira hainbat eragileekin (Diputazioa, Udaletxeak…) enpresa eta langileen egoera azaldu eta babesa jasotzeko helburuarekin.

LAB eta ELAren irakurketa
CONDESA. KONPONBIDEA ORAIN!
«Jadanik 2 hilabete eta erdi igaro dira, zehazki azaroaren 12an, Condesa enpresak jakinarazi zigunetik Bankuekin nahiz Arcelor Mittal enpresarekin hitzartu zuela hartzekodunen konkurtsoa ekiditeko.

Akordio honi esker, esan ziguten, ez zen inolako arazorik Bankak enpresa finantzatzeko eta Arcelor Mittalek lehen gaiez hornitzeko, jabetzaz aldatzeko unean.

Halaber, dirudienez, hiru lantoki, zehaztearren, Lesakako Zalain Transformados, Berriobeitiko Perfil en Frío eta Legutioko Condesa Fabril Arcelor Mittalen eskura igaroko lirateke. Condesaren beste hiru lantokiek, Saguntoko, Miereseko eta Legutioko Condesa Inox Condesaren esku iraungo lukete.

Dirudienez esan dugu, guri behintzat, Condesak inoiz ez digulako erakutsi aipatu akordioaren edukia zertan den. Hortaz, haien hitzaz eta enpresaz langileek baino gehiago omen dakiten hedabideez fidatu behar dugu.

Jabetzaz aldatzeko data ere eman ziguten: urtarrilak 15.
Bada, enpresak orduan agindu zuenetik ez da ezertxo ere bete. Abenduko aparteko saria kobratu ahal izateko zailtasunak jasan ditugu, enpresak Enplegua Erregulatzeko Espediente berriak eskatu ditu Legutioko lantegientzat. Horren zoragarria izango zen iragarpena, jadanik ez da; begi-bistakoa da urtarrilaren 15a igaro dela eta hemen jarraitzen dugula oraindik. Eta okerrena zera da: enpresa noraezean dabilela iruditzen zaigu. Gure galderei, “ez dakigu” batez erantzuten digute.

Condesak adarra jo digu, eta horretan dirau. Baina tamalez, ez da bakarra.

Duela bi hilabete baino gehiago bilera egitea eskatu genien Eusko Jaurlaritzari nahiz Nafarroako Gobernuari. Oraindik haien erantzunaren zain gaude. Eusko Jaurlaritzak e-mail batez erantzun zigun, ez zuela akordioaren berri eta Condesaren deiaren zain zeudela, jakinaren gainean jartzeko. Dirudienez, oraindik orain deiaren zain daude. Aldiz, Nafarroako gobernua “deituko zaituztegu” esatera mugatu zen. Gaur egun arte.

Horrela jokatuz, langileei, zergen bidez gobernu hauek mantentzen dituzten langileei, izugarrizko begirune eza adierazten diete. Hori eginez, argi eta garbi adierazten digute bost axola diegula. Baina hala ere, ez dira konturatzen argi eta garbi erakutsi digutela herri honetako langileei irtenbideak eskaintzeko asmo politikorik ez dutela, ez dutela alternatibarik, ez eta inolako industria politikarik ere. Eta hori bai da, ELAren eta LABen ustez, benetan larria.

ELA eta LAB ez gaude 800 lanpostu baino gehiago galtzeko arriskuaren aurrean geldirik egoteko prest, 800 familietako bizitzarekin horrela joka dadin. Erantzunak behar ditugu eta eskatzen ditugu. Gure etorkizuna zein izango den ezagutu nahi dugu. Condesa eta erakundeak isilik badaude ere, merezi dugu. ELAk eta LABek, aurrerantzean ere, defendatzen jarraituko dugu Condesaren bideragarritasuna.

ELAk eta LABek, aurrerantzean ere, babestuko ditugu Condesako langileen enplegua eta lan baldintzak. ELAk eta LABek mezu argia bidaliko diegu Condesari, Bankari, Arcelor Mittali zein erakundeei: aurrerantzean ere mobilizatuko gara, enplegua ez dela suntsituko eta gure eskubideak ez direla murriztuko bermatu arte. Gure etorkizunaren defentsan.

Hau guztia dela eta, Condesako lantegietan langileen elkarretaratzeak antolatu ditugu datozen 4 asteetarako. Aste bakoitzean lantoki ezberdin baten mobilizazio bat burutuko dugu. Halaber, hainbat erakundeei (diputazioak, udaletxeak…) bilerak eskatuko dizkiegu egoera azaltzeko eta euren babesa jasotzeko helburuarekin. Ez dugu baztertzen Nafarroako zein Eusko Legelbiltzarreraino gure aldarria eramatea.

Ez bagenu erantzunik jasoko edota jasotakoa langileentzat kaltegarria izango balitz, ez dugu baztertzen mantentzea edota areagotzea mobilizazioen maiztasuna zein euren intentsitatea.

 

 

 

7 greba egun Telelaguntzako Euskal Zerbitzu Publikoan

admin
-
0
7 greba egun Telelaguntzako Euskal Zerbitzu Publikoan

LAB, ELA eta UGT sindikatuek deituta otsailaren 9, 10, 20, 21, 24, 25 eta 26an goizeko 10:00etatik 12:00etara eta arratsaldeko 18:00etatik 20:00etara langileek zerbitzua etengo dute Jaurlaritzak bere gain duen telelaguntza zerbitzua lizitazio bidez kanpora eramateko erabakiak ekarri dizkien eskubide urraketak salatzeko. Gaur Jaurlaritza aurrean lehenik eta enpresa aurrean gerora, protestak egin dituzte langileen eskubideak bermaturik egon daitezela exijitzeko.

LAB, ELA eta UGTren oharra
GREBA DEIALDIA.
TELELAGUNTZAKO EUSKAL ZERBITZU PUBLIKOA

2011ko ekainean, Eusko Jaurlaritzak telelaguntzako zerbitzu publikoa bere gain hartu zuela Euskal Autonomia Erkidegoaren esparruan. Eusko Jaurlaritzak zerbitzu publikoak kanpora eramateko politikari eutsi zion, eta lizitazio baten bidez, telelaguntzako zerbitzu publikoaren kudeaketa TELEVIDA – GSR merkataritza enpresari (egungo UTE GSR – TELEVIDA) esleitu zion.

Bizkaiko langileek, lehen eta orain, enpresaren langile gehienak lurralde honetakoak izanik, Hitzarmen Kolektibo bat negoziatu zuten Bizkaian, zerbitzua kudeatzen duen enpresarekin.

Titulartasun eta kudeatze aldaketak, gure ustez, langileei eta zerbitzu berari ere egin die kalte.

Enplegu baldintzei dagokienez, kontuan hartu behar da, nahiz eta gure zeregina ez den onartzen, gizarte zerbitzuez berba egitea zerbitzu hauen hartzaileez jardutea dela. Gizarte zerbitzuetako langileak, eta hortaz, telelaguntzako euskal zerbitzu publikoaren langileak zerbitzua oinarritzen den zutabeak dira.

Hala ere, zerbitzuak titulartasunaz aldatu izanak eta egungo merkataritza-enpresak egin kudeaketak eragin dute langileen eskubideen aurka aurrez aurreko eta gorabehera handiko erasoa. Lan-araudiaren ez-betetzeak etengabeak izan dira, baita lege-iruzurrean lotutako kontratazioak, hitzarmen kolektiboaz egin diren interpretazio okerrak, Lan Arriskuen Prebentzio legearen ez betetzeak eta zerbitzuaren kaltean lan-zama nabarmenki handitu izana ere.

Aipatu guztia areagotzen da, aintzat hartzen badugu, lan bera egiteagatik, hainbat soldata-eskala erabiltzen direla langileei ordaintzeko. Lan-baldintzei dagokienez, azken lau urtean ez da inolako soldata-igoerarik jazo. Laneko baldintza hauek bere horretan iraungo dute enpresan jazo diren aldaketekin ere.
Zerbitzuan jazotzen diren arazoen jatorria dugu: zerbitzua kanpora eramatea, are gehiago, kontuan hartuz, urtez urte irabaziak pilatzen ari den merkataritza-enpresa batez ari garela; egiaztatze-egituretan langileak ez daude ordezkatuak; langileen eskubideak bermatuko dituen araudirik ez izatea, zerbitzuaren titular berak ezarria; eta Telelaguntzako Euskal Zerbitzu Publiko berarentzat, lanaldia arautuko duen esparrurik ez izatea.

Jazoera hauen nahiz gure aldarrikapenen berri eman diegu, iraganean ere, Eusko Jaurlaritzari, zerbitzuaren titularra eta finantzatzailea delako, zein Legebiltzarreko Taldeei eta enpresa berari ere.
Egia bada ere, aukera eman zigutela Eusko Legebiltzarraren batzorde batean berba hartzeko eta arazoari nolabaiteko irteera eman geniezaiokeela eta gure arazoa kontuan har zezaketela igarri genuela, azkenean, ez zuen aurrera egin.
Langileen Legezko Ordezkaritzak ( LAB, ELA eta UGT) eta langileok erabaki dugu mobilizazioei ekingo diegula.

Mobilizazioak, otsailean, zazpi egunetako greba batean gauzatuko dira (otsailaren 9an, 10an, 20an, 21ean, 24an, 25ean eta 26ean, goizeko 10:00ak eta 12:00ak bitartean eta arratsaldeko 18:00ak eta 20:00ak bitartean). Enpresako langileok mobilizazioak areagotzeko asmoz dihardugu, beti ere, Telelaguntzako Euskal Zerbitzu Publikoan lan egiten duten langileen lan baldintzak negoziatzeko eta arautzeko gertu ez baleude.

Honen bidez, Eusko Jaurlaritzaren Enplegu eta Gizarte politikako sailera eta Legebiltzarreko Taldeengana jotzen dugu gure eskariak bere egin ditzaten eta kalitateko zerbitzua lortzearren, eskaintzen dugun zerbitzuari egokituko zaizkion lan baldintzak berma daitezen. Horrengatik guztiarengatik eskatzen dugu:

• Langile ororen baldintzak arautzeko eta haien zereginak saritzeko helburuan, Eusko Jaurlaritzak enpresa kudeatzailearen eta langileen ordezkaritzaren arteko negoziazioaren buru izan behar du. Honen ondorioz, Telelaguntzako Euskal Zerbitzu Publikoak Erkide mailako Hitzarmen Kolektiboa lortu beharko luke.
• Eusko Jaurlaritzak finkatu ditzala, zerbitzu honi dagokion kontratuan agertzen diren baldintza pleguetan, Telelaguntzako Euskal Zerbitzu Publikoaren Erkide mailako Hitzarmen Kolektiboa nahiz hari dagozkion klausula sozialak, langileen eskubideak berma daitezen.
• Gutxieneko izaeraz ezar dezala jadanik zerbitzuan ezarria zegoen erabiltzaile/langilearen ratioa, zerbitzuaren titulartasuna eta kudeaketa Bizkaiko Foru Aldundiaren esku zegoenean.

Gure asmo ona eta prestasun osoa adierazi nahi dugu Legebiltzarreko Taldeekin eta Enplegu eta Gizarte politikako Saila berarekin ere, beharrezkoak gerta daitezkeen gaiez eztabaidatzeko.

Euskal Herria, 2015eko otsailak 6»

 

 

 

1...1,1451,1461,147...1,583Page 1,146 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus