GASTEIZKO UDALEKO INFORMAZIO ETA KONTROL AGENTEEN LAN POLTSA Gure indarra gaur egun inoiz baino beharrezkoa den antolakuntzan eta elkarrekin eginiko borroka da. Temario honen laguntzaz lana lortzea gure desioa izateaz gain, gurekin batera eguneroko borroketan parte hartzera gonbidatzen zaitugu.
AMPLIACIÓN DE BOLSA DE AGENTES DE INFORMACIÓN Y CONTROL DEL AYUNTAMIENTO DE GASTEIZ
Nuestra fuerza está en la organización y la lucha solidaria, hoy más necesaria que nunca. Además de desear que consigas trabajo con la ayuda de este temario, te invitamos a compartir con nosotros y nosotras las luchas diarias.
TEMA 3. JUNTA DE GOBIERNO DEL AYUNTAMIENTO DE VITORIA- GASTEIZ
3.1 FUNCIONES EJECUTIVAS Y ADMINISTRATIVAS
TEMA 4. ÓRGANOS DE GOBIERNO
4.1 EL PLENO
4.2. COMISIONES DEL PLENO
4.3. ALCALDE
4.4. TENIENTE DE ALCALDÍA
4.5. JUNTA DE GOBIERNO DEL AYUNTAMIENTO DE VITORIA-GASTEIZ
4.6. CONSEJO SOCIAL DEL MUNICIPIO – FUNCIONES
4.7. ASESORÍA JURÍDICA
4.8. SECRETARÍA DEL PLENO
4.9. JUNTA DE PORTAVOCES
TEMA 5. ALTOS CARGOS Y PERSONAL DE DESIGNACIÓN POLÍTICA DEL AYUNTAMIENTO DE VITORIA-GASTEIZ
TEMA 6. ORGANIZACIÓN ADMINISTRATIVA
TEMA 7. ORGANIGRAMA GENERAL
TEMA 8. DEPENDENCIAS MUNICIPALES
TEMA 9. CENTROS CÍVICOS
1. CENTRO CÍVICO ABETXUKO 2. CENTRO CÍVICO ALDABE 3. CENTRO CÍVICO ARANA 4. CENTRO CÍVICO ARIZNABARRA 5. CENTRO CÍVICO ARRIAGA 6. CENTRO CÍVICO EL CAMPILLO 7. CENTRO CÍVICO EL PILAR 8. CENTRO CÍVICO HEGOALDE 9. CENTRO CÍVICO IBAIONDO 10. CENTRO CÍVICO IPARRALDE 11. CENTRO CÍVICO JUDIMENDI 12. CENTRO CÍVICO LAKUA 13. CENTRO CÍVICO SALBURUA
TEMA 10. REDES DE SERVICIOS Y EQUIPAMIENTOS MUNICIPALES
TEMA 11. SOBRE LA RED DE CENTROS CÍVICOS E INSTALACIONES DEPORTIVAS
TEMA 12. CENTROS CÍVICOS E INSTALACIONES DEPORTIVAS NORMATIVA
12.1 REGLAMENTO DE CENTROS CÍVICOS E INSTALACIONES DEPORTIVAS DEL AYUNTAMIENTO DE VITORIA-GASTEIZ 12.2 REGLAMENTO GENERAL DE INSTALACIONES DEPORTIVAS MUNICIPALES 12.3 REGLAMENTO DE SERVICIOS GENERALES 12.4 NORMAS DE USO DE LA SALA DE ENCUENTRO 12.5 NORMATIVA DE LA RED DE BIBLIOTECAS MUNICIPALES
TEMA 13. PROCEDIMIENTOS
TEMA 14. PROTOCOLO DE ACTUACIÓN EN RELACIÓN A LA ATENCIÓN CIUDADANA
TEMA 15. ATENCIÓN CIUDADANA: NORMAS Y DECÁLOGO
TEMA 16. LEY DE PROTECCIÓN DE DATOS
TEMA 17. PREPARACIÓN CAITB2.0.
INFORMAZIO ETA KONTROL AGENTEEN LAN POLTSARAKO TEMARIOA
TEMARIO AMPLIACIÓN DE BOLSA DE AGENTES DE INFORMACIÓN Y CONTROL
“Euskal Herriak industria politika propioa behar du. El acero no está en venta” kanpaina aurkeztu dugu gaur Basauriko Gerdau enpresaren aurrean. Kanpaina honekin Altzairugintzan ematen ari den prekariezazioarekin amaitu nahi dugu. Alternatiba badago eta bide horretan Nafarroa eta EAEko Gobernuei Hego Euskal Herriko altzairugintzaren jarraipenerako mahaia osa dezaten eskatzen diegu, bertako ekonomiaren interesak babestu eta langileen partehartzea bermatuko dituena.
Altzairugintza, altzairuaren eraldaketa determinantea izan da eta da Euskal Herriko garapen industrialean. Metalaren eraldaketa enpresen ondoan eta enpresen zerbitzura egon da. Labe garaien itxierak inflexio puntu bat markatu zuen arren, garrantzia hori gaur egunera arte heldu da. Euskal Herrian produkzio gaitasuna eta jakintza dago jarduera honekin jarraitzeko. Eredu industrial honi esker biderkatu egiten dira zerbitzuetako lanpostuak. Adibide gisa, EAEn, 2014an 2.261 miloi euro esportatzen ditugu portu, tren eta errepideetatik.
Gaur egun produkzioa gora doa, 2014an 4,2 milio tona ekoiztu dira EAEn. Datuak positiboak izan arren, ez dira inondik inora altzairugintzan dauden arazoen adierazle. Sektore honen eraldaketa iraunkorra da eta ezin esan eraldaketa positiboa denik.
Guretzat, bi gako determinante daude egoera hau azaltzeari begira. Euskal Herrian altzairugintza enpresa haundiak, bertoko enpresariek sortutakoak dira, bertoko jabetza zutenak. Enpresari hauek, bere garaian, dirutza handiak irabazteko, multinazional haundiei euren enpresak saltzea erabaki zuten. Multinazional haundi hauen helburu bakarra, edozein baldintzetan, edonon, euren irabaziak haundiagotzea da. Langileen gainetik, jendartearen gainetik eta ingurumenaren gainetik. Eta bigarrenez, azken lan erreformek aukera ematen diete enpresariei langileei beraien dibidendoetarako nahi dutena lapurtzeko.
Honek enpresaz enpresa forma ezberdina hartu du, guztietan langileen gainean jarriz euren irabazi nahien ardura, mehatxua eta txantaia orokorra da. Adibide gisa, hauxe da enpresa haundienetako egoera:
Corrugados Azpeitia eta Corrugados Lasao: itxita, Gallardo taldearen erabakiz. Condesa: salduta, baina salmenta gauzatu gabe, informaziorik gabe, Enplegu Erregulazio Espedienteak. 5 lantoki ditu Euskal Herrian. Celsa Taldea: Laminaciones Arregiko gatazka konpondu barik. 3 lantoki ditu Euskal Herrian. Arcelor: etengabeko txantaia egoeran, produkzio eteteekin. 8 lantegi ditu Euskal Herrian. Tubos Reunidos eta Tubacex: emaitzak hobetu dituzte, Tubacex Cantabrian deslokalizatu zen, Tubosen eskubide murrizketa planteamenduak eman dira. Gerdau: salmenta mehatxupean, informazio gabe, honezkero 23 kaleratze burutu dira. 3 lantoki ditu Euskal Herrian
Guzti honengatik, altzairugintzan diharduten langileen lan baldintzak gogor salatu nahi ditugu. Altzairugintzako langileen prekarietate egoera salatu nahi dugu. Ez, zuzeneko langileen soldatei dagokienean, baina bai, aldi baterako kontratu kopuruei dagokienean, azpikontratetan lan egiten duten langileei dagokienean, kontratazio berriek pairatzen duten diskriminazio egoeran, eta batez ere, lan osasunari dagokionean. Onartezina da euren lanpostuan, azken 3 urteotan Hego Euskal Herrian, 11 langile hiltzea altzairugintzaren sektorean.
LABen ALTERNATIBA altzairugintzan
• Enpresen txantaiari stop! Ezin da langileon bizkar jarri egoeraren ardura, enpresa askotan egiten ari den bezala, mehatxuak egun batean bai eta hurrengoan ere bai, irabaziak haunditzeko. Hitzarmen duinak behar ditugu enpresa guztietan, erreformetatik blindatuta, eta eskubideak bermatzen dituzten klausula sozialak azpikontratazioan. Hemen lan egiten dugunok hemen erabaki behar dugu.
• Eremu publikoaren bultzada, estrategikoa den sektorea delako, beti ere zuzeneko nahiz zeharkako enpleguaren sorrera eta kalitatea baldintzatuz. Berrikuntza eta inbertsioa bultzatu behar dira enpresetan. Baina ezin dute ahaztu sektoreko langileetan inbertsioa egitea, Euskal Herriak mundu mailan lehiatuko badu, langileen gaitasunean oinarritu beharko du.
• Ezin dugu onartu azken urteetan emandako heriotzen aurrean instituzio publikoek ezer ez egitea. Prebentzioa ez da ez gastu, ez inbertsio, prebentzioa ekoizteko baldintza da. Langile zuzenentzat bai, eta azpikontratatutako langileentzat ere bai.
• Burujabetza energia arloan: erreformen gainetik Euskal Herrian erabaki behar dugu gure energia eredua. Honek, egun inposatua zaigunaren kontrakoa izan behar du, interes pribatuak norbanako eta enpresen interesen gainetik jartzen baititu.
• Eta azkenik, guzti hau landu ahal izateko, Altzairugintza Euskal Herrian determinantea den heinean eta multinazionalen epe motzeko interesen gainetik kokatzeko, Nafarroa eta EAEko Gobernuek bultzatutako Hego Euskal Herriko altzairugintzaren jarraipenerako mahaia osatzea eskatzen dugu, bertako ekonomiaren interesak babestuko dituena eta langileen partehartzea bermatu. Baldintza politiko berriak langile eta gizartearen mesedetan kokatzeko aukera dago horretarako borondate politikoa badago.
Erronkariko eskola publikoan sabai zati bat erori da, ondorioz bertako ikasle eta irakasleak ebakuatu behar izan dituzte segurtasun arrazoiengatik. Ez da ezbehar pertsonalik egon gertakaria patio orduan izan delako. Ez da lehenengo aldia Nafarroako Landa Eremuko Eskola batean ikasleen mahai gaineetara sabai zati bat erori edota azpiegitura zaharkituekin loturiko beste hainbat istripu ematen dela, nahiz eta, zorionez, orain artekoan ez den kalte pertsonalik izan.
Jakin badakigu aurreko gobernuen utzikeriari erantzuten diola Landa Eremuko Eskolek bizi duten egoera. Gauzak horrela, aldaketaren Gobernuari, zein, eta modu zuzenean, Hezkuntza Departamentuari, zera eskatzen diogu:
•Lehenik eta behin, urgentziazko prozeduraz, ikasle zein langileriaren segurtasuna bermatu dezala, ikastetxeetan egon litezken arazoen detekzioa eginez eta beharrezko konponketetarako diru partida bat esleituz, udaletxe txikien ezintasun ekonomikoa sahiestuz egoera hauen aurrean.
•Bigarrenik, duela hamarkada luzea hezkuntza komunitateak aldarrikatzen duen Erronkariko Eskola Publiko berria lehen bait lehen sartu dadila Hezkuntza Departamentuaren inbertsio planean.
•Hirugarrenik Nafarroako Landa Eremuko eskolen aldeko apustu garbia egin dezala, hitzez baino ekintzez hornitua, gure lurraldearen giza eta lurralde garapen integral, jasangarri eta orekatu bat helburu.
LABek mobilizazio eguna egin zuen larunbatean Durangaldean "Eremu guztietan prekarietatea borrokatu" lemapean. Eguna ekintza-sindikala berritzeko LABek abiatu duen "ZURE ESKUBIDEAK, ¡ACTÍVATE POR TUS DERECHOS!" dinamikaren barruan sartu da. Azaroko SEPEko datuen arabera, eskualdean 5.000 langabetu baino gehiago daude. Horietatik %57 inguru emakumezkoak dira. Egiten diren kontratuen %37 soilik da emakumeentzako, desberdintasuna areagotuz doa.
Goizean Abadiñoko merkatal-gunean gazteek eta emakumeek pairatzen duten prekarietatearen salaketa zen. Ermuan, 35 orduko lan astearen aldeko apustua aldarrikatu zen langabeziarekin amaitzeko eta Cardenal Orbe plazan kontzentrazioa egin zuten.
Zornotzan, prekarietatearen ondorioz jasaten diren lan-istripuen salaketa eta lan osasunaren aldarrikapena egin zen. Honekin batera, 2015ean lan-istripuz hildako 54 langileak oroitu ziren, 2014an baino 17 gehiago (eta urtea ez da oraindik amaitu). Elorriotik Abadiñora kotxe-karabana egin zen.
Ekintza guzti hauek ELKARRETARATZE batekin amaituko ziren, Durangoko Landakon “EREMU GUZTIETAN PREKARIETATEA BORROKATU” lelopean. Ainhoa Etxaide sindikatuko idazkari nagusia bertan izan zen eta sindikatuaren bost aldarrikapenak gogoratu ziren: 35 orduko lan astea, 1.200 eurotako gutxieneko soldata, aukera-berdinatsuna, lan-osasuna, euskara eta hizkuntza-eskubideak.
Eulate Zilonizaurrekoetxeak, Duralgaldeko LABeko kideak, egin zuen amaierako interbentzioa. Sindikatuaren 35 orduko lan-astea kontuan izanda, eta industrian bakarrik, eskualdean 882 enplegu sortuko liratekeela adierazi zuen, besteak beste.
Azken hilabeteetan irakasleen kontrako eraso ezberdinen berri jaso ostean, LABek bere kezka adierazi nahi du. Gainera, kezka areagotu egiten da gertakerien jakinarazpena irakasleek beraiek eman digutenean. Izan ere, sindikatuak hezkuntza sailetik inolako informaziorik ez jasotzeak eta langileengandik jasotzeak kasu gehiago egon badaudela berretsi egiten du.
Azken erasoak icebergaren tontorra izan daitezkeela pentsatzen dugu. Horregatik, eta icebergaren tamaina jakiteko, Hezkuntza Sailari azken urteotan irakasleek jasandako erasoen datuak sindikatuei heleraztea eskatzen diogu.
Langileen ordezkariekin, datuak mahai gainean, azterketa sakona egin eta arazoari aurre egiteko neurri eraginkorrak bilatu behar dira. Gaur egun erasoen aurrean jarraitzen den protokoloaren eraginkortasuna zalantzan jartzen dugu. Berau berrikusteaz gain, erasoak ez gertatzeko prebentzio neurriak aztertu behar dira.
Gaur egun gazteek bizi duten prekarietatea ezin da larriagoa izan eta horren aurrean alternatiba eraikitzen hastea premiazkoa. Guzti honen inguruan aritzeko Ernai gazte antolakundeak ekitaldia antolatu du bihar, abenduak 12, 18etan, Gasteziko gastetxean “Bizitzeko jaio gara” izenburupean. Ekitaldiaren hasieran, Ainhoa Etxaide, LABeko Idazkari Nagusiak hitzaldia emango du “Burujabetzaren bidean bagoaz” izenburupean.
Botere politiko eta ekonomikoek hartutako erabakien ondorioz gazteak miseriara kondenatuta daude. Honen aurrean eta gazteon bizi premiak aurrera atera ahal izateko sistema kapitalista patriarkarrari mugak jarri eta gaurdanik iraultzeko alternatibak eraikitzen hasteko unea da. Borroka eta antolakuntza ardatz bizitza erdigunean kokatuko duen bizi eredua eraikitzeko bidean aurrera egin behar dugu.
LABek EAJ eta PSEk aurkeztu dituzten 2016rako Gipuzkoako aurrekontuak salatuz elkarretaratzea egin du Batzar Nagusien aurrean. Sindikatuaren iritziz aurrekontu hauek ez dute ongizate ereduaren aldeko aposturik egiten, alderantziz behar handiena dutenei bizkarra ematen die gutxi batzuen mesedetan.
Gipuzkoa, murrizketa sozialik gabeko lurraldea izateari uko egin eta murrizketak mantentzearen aldeko apustua egin dute. Horrela aurrekontuetan politika sozialek duten pisua %48tik %46ran jeitsi da eta adibidez, pertsona helduentzako laguntza partida 3 milio eurotan gutxitzen da.
Ez dute birziklapenaren aldeko aposturik egin nahi, errauskailuaren proiektua inposatu dute. Hala nola, 2016. urtean errauskailura 6 milio euro zuzenduko dituzte eta hurrengo 3 urteetarako 78 milioi euro konprometitu dituzte.
Ez dute fiskalitate justuagoa nahi. Fiskalitateak aberastasuna birbanatzeko eta gizarte justiziarako balio behar du, baina EAJ eta PSEk nahiago dute Fortuna Handiak dituztenei lagundu birbanaketa justu eta solidario egin baino.
Aberastasun eta Fortuna haundien zergan buruturiko aldaketak oraingoz ez dute eragin handiegia diru bilketan. Hain zuzen ere zerga honen bidez 66 milioi euro jasotzea aurreikusten zen eta urgentziazko aldaketa batzuk tarteko 62.000 euro gutxigo bilduko dira. Gipuzkoako Aldundiaren asmoa zerga kentzea eta ondaren gaineko zerga berrezkuratzea. Aldaketa horrek diru bilketan eragin handia izango du.
LABen ustez Gipuzkoan bada bitarteko eta baliabide nahikorik konponbideak eraikitzeko horregatik borrokatzen jarraituko dugu badagoen aberastasuna erabili dezaten egoera sozial justu eraikitzeko eta krisi sozialaren kontra borrokatzeko.
Logiterseko langileek burututako borrokari esker aurreakordio batera iritsi berri dira. Honek lanpostuen eta lan baldintza guztien bermea barnebiltzen du, baita SESE enpresara trasladatuko diren langile guztien aintzinatasuna ere. Lan baldintzak unilateralki aldatzea ere neutralizatzen du komite berria osatu bitarte.
Logiterseko zuzendaritzak VW Navarra-rekin zuen kontrataren galera komunikatu zuenetik eta horrek Logiterseko langileengan izan zitzakeen ondorioak ikusirik, Logiterseko Batzordea enpresarekin aurreakordio batera iritsi zen, aurreakordio hori gaur osteguna Logiterseko langileek berretsia izan da. Aurreakordiok langile guztien lanpostuak eta lan baldintzak bermatzen ditu, hau da, 103 langile hain zuzen ere.
Zuzendaritzarekin akordioa gauzatu faltan, LAB-k Logiterseko langileak zoriondu nahi ditu. Langileek bere osotasunean babesturiko lanuzte partzialen dinamika eta greba mugagabearen deialdiak aurreakordioa langileen interesen meseden jarri du, inposaketa eskubideak bermatzen dituen aurreakordio batetan bihurtu du.Berriro ere, mobilizazioa eta borroka langileen eskubideen bermerik hoberena bihurtu dira.
Honekin batera, VW Navarrak aspaldian darabilen azpikontratazio politika salatu nahi dugu, enpresaren etekinak lehenesten dituen politika hau azpikontraten konpetentzian oinarritzen da eta honek azken finean langileen lan baldintzetan du eragina. Politika hau, VW motoreen iruzurrarekin areagotu egingo dela deritzogu.
LAB-tik Logiterseko eredua harturik VW-ko, azpikontratetako eta hornitzaileen arteko batasuna bultzatuko dugu, VW Navarra ren asmoak geldiarazteko.
Gaur, abenduak 10, Nazioarteko Giza Eskubideen eguna den honetan, euskal preso politikoek eta beren familiek egunero sufritzen duten egoera salatzeko mobilizazioak egin ditugu Euskal Herriko hainbat txokotan. Hain zuzen ere, azken 25 urteotan aplikatu den sakabanaketa politika giza eskubideen kontrako eraso garbia da.
Egoeraren larritasunaren aurrean LABek lanean jarrituko du gai honen inguruan langileriaren aktibazioa eta mobilizazioa lortzeko. Zentzu honetan dispertsioaren aurka eta preso politikoen eskubideen aldeko aldarrikapena lan-munduan zabaltzeko ekimen ezberdinak landuko ditu sindikatuak
Euskal Herrian gatazka politikoaren benetako konponbidea nahi badugu euskal preso eta iheslari guztiak etxera ekarri behar ditugu, eta horretarako herria, langileria kalera irten behar da. LABetik gure konpromisoa adierazten dugu bide horretan lan egiteko eta gure eskuan dagoen guztia egiteko.
