Gaur egun gazteek bizi duten prekarietatea ezin da larriagoa izan eta horren aurrean alternatiba eraikitzen hastea premiazkoa. Guzti honen inguruan aritzeko Ernai gazte antolakundeak ekitaldia antolatu du bihar, abenduak 12, 18etan, Gasteziko gastetxean “Bizitzeko jaio gara” izenburupean. Ekitaldiaren hasieran, Ainhoa Etxaide, LABeko Idazkari Nagusiak hitzaldia emango du “Burujabetzaren bidean bagoaz” izenburupean.

Botere politiko eta ekonomikoek hartutako erabakien ondorioz gazteak miseriara kondenatuta daude. Honen aurrean eta gazteon bizi premiak aurrera atera ahal izateko sistema kapitalista patriarkarrari mugak jarri eta gaurdanik iraultzeko alternatibak eraikitzen hasteko unea da. Borroka eta antolakuntza ardatz bizitza erdigunean kokatuko duen bizi eredua eraikitzeko bidean aurrera egin behar dugu.