2026-06-17
Blog Page 1105

Langabeziak gora egin du, batez ere emakume eta gazteen artean

admin
-
0

Gabonetako kanpainaren amaierak langabeziaren gorakada handia sortarazi du. Hego Euskal Herrian, urtarrila amaieran erregistratutako langabezia 199.905 pertsonetakoa zen, aurreko hilabetean baino 6.745 langabe gehiago. Hala ere, langabeziaren hazkundea ez da berdina izan gizon eta emakumeontzat. Langabe berri gehienak emakumezkoak dira (5.266).

Normalean urtarrila ez da enpleguarentzat hilabete hona izaten. Aurten, langabeziaren %3,5ko gorakadarekin hasten dugu urtea. Edozein kasutan, nabarmendu beharrekoa da gorakada hau bereziki gogorra izan da 25 urtetik beherako gazteen artean, abendukoarekiko %6,3ko igoerarekin.

Hilabeteak daramatzagu salatzen suspertze ekonomikoa eta irabazien tasa berriz osatzeak ez dakartela kalitatezko enplegurik. Eta orain enplegu prekarioa nolako erraztasunarekin aienatzen den konprobatzen dugu, batez ere urtaroko kanpainei lotuta dagoenean.

Patronala bere abantailazko posizioa baliatzen ari da esplotazio eredu gubidagabea inposatzeko, gero eta oinarrituagoa dagoena behartutako aldibaterakotasunean eta prekarietatean.
Gainera, badago prekarietatea dakarren beste faktore garrantzitsu bat: soldatak. Lan erreformek eta negoziazio kolektiboaren aurkako erasoek are gehiago ahuldu dute langileen indar korrelazioa enpresarioekiko. Modu honetan, PPren gobernuak soldaten beherakada prozesu zorrotza inposatu du, gehiengo sozialaren bizi-baldintzetan eragin negatiboa duena, suspertze ekonomikoa arriskuan jarriz eta Gizarte Segurantzaren gero eta defizit handiagoaren kausetako bat izanik.

Azkenik, itzelezko langabezia estrukturala eta iraupen luzekoa ditugu. Fenomeno honek hartu duen dimentsioa oso arazo larria bihurtu da, batez ere euren prestazioak agortu dituztenentzat.
Honekin lotuta, gogoratu behar da iazko abenduan 78.652 pertsona zeudela langabeziagatiko prestazioren bat jasotzen zutenak, baina hauetatik 62.115 soilik dira enplegu zerbitzu publikoek langabetutzat jotzen dituztenak. Hortaz, ikuspegi zorrotz batetik, langabeziagatiko babes sistemaren benetako estaldura tasa %32,2koa da.

Honek esan nahi du langabezian dagoen hiru lagunetatik bik ez dutela langabeziagatiko prestaziorik jasotzen. Eta honi gehitu behar zaio Eusko Jaurlaritzak ez duela agindutakoa bete, hau da, Lanbideko bulego batzutan goizeko seiretatik hasita sortzen diren iladak desagertaraztea, askotan Diru-Sarrerak Bermatzeko Errentaren hilabeteetako atzerapenak erreklamatzeko.
 

 

 

ACBko langileak eta azpikontratetakoak bat egin dute

admin
-
0
ACBko langileak eta azpikontratetakoak bat egin dute

Argazkia @ikercasanova
ACBko langileek batzarrean LABek proposatuta ACBko langileak eta azpikontratatutako langileak barnebilduko dituen batzorde bat osatzea erabaki dute, lantokiaren etorkizunaren alde borrokatzeko. Langileen arteko zatiketari aurre egin eta horrelako batzorde bat eratu izana eredugarria da LABentzat. Prekarietatea hedatzeko tresna paregabea da azpikontratazioa, eta honi aurre egiteko langile batasuna bultzatzea beharrezkoa da. 

Txantaia eta mehatxua erabiltzen duen ARCELOR MITTALen aurrean, soilik langile borrokak eta mobilizazioak lor dezake multinazionalaren txantaia ez gailentzea, herritarrak, gizarte osoa delako kaltetua. 1.000 lanpostutik gora daude jokoan. ACB bideragarria da, eta ez dugu onartuko enpresaren itxiera.

Sestaon bizi den egoera, altzairugintza sektorean bizi den egoera larriaren adibide bat gehiago da, Euskal Herriko altzairugintza sektorearen etorkizuna lanpostuak barne dago jokoan.
 

 

 

La actual crisis económica necesita de medidas reales

admin
-
0
La actual crisis económica necesita de medidas reales


Ayer, 1 de febrero, se abrió el plazo para que las familias de Barakaldo soliciten las ayudas de emergencia social. Dos horas más tarde ya eran 1.678 las familias que contertaron una cita. En cuartro años el número de solicitantes se ha elevado un 44% y la cuantia asignada sin embargo ha sido congelado. Ante esta situación diferentes agentes sociales y sindicales exigimos se tomen medidas reales contra la actual crisis económica que sufre la cuidadanía.

NOTA DE COLECTIVOS SOCIALES Y SINDICALES DE BARAKALDO
"Ante la apertura del plazo para solicitar las “Ayudas de Emergencia”: exigencia de medidas reales contra la actual crisis económica.

Este lunes, 1 de febrero, se ha abierto el plazo para que las familias de Barakaldo soliciten las ayudas de emergencia social -y las ayudas económicas municipales- para poder cubrir parte de los gastos relacionados con el acceso y mantenimiento de la vivienda habitual: alquileres e hipotecas; o para hacer frente a los pagos de luz, agua y comunidad. Además, de la atención sanitaria no cubierta por Osakidetza: gafas, dentista…

Este lunes a las dos del mediodía habían concertado una entrevista 1.678 familias; y se estaba concediendo cita para el 21 de abril.

No es de extrañar esta situación. Hay que tener en cuenta que en los últimos 4 años se ha producido un incremento del 44% de las familias del municipio que vieron concedida una ayuda social para hacer frente a sus necesidades más básicas. Sin embargo, el equipo municipal de gobierno mantiene en el mismo periodo de tiempo congelada la asignación destinada a las ayudas sociales: 850.000 euros anuales.

Por este motivo, esta mañana se ha realizado una concentración ante el Ayuntamiento de Barakaldo con el ánimo de visualizar las consecuencias del cierre de empresas emblemáticas como la ACB; las décadas de aplicación de planes de reconversión industrial; o las políticas de recortes sociales y en materia laboral.

En concreto, se han instalado una serie de enseres de una vivienda; y diferentes objetos representativos de las iniciativas contra los recortes: tijeras de grandes dimensiones; en concreto, de más de dos metros. Además, de tiendas de campaña, sacos de dormir, esterillas, tendederos, ropa, mesas, sillas, cazuelas, platos, hornillos…

Frente a la insuficiente dotación presupuestaria desde el “Equipo de Gobierno” se apuesta por endurecer los requisitos de acceso a las ayudas de emergencia social y las ayudas económicas municipales. Además, de aprobar decretos de alcaldía que recortan en un 50% la cuantía de las prestaciones a las que tienen derecho las familias para hacer frente a sus necesidades más básicas: vivienda, alimentación, vestuario y atención sanitaria.

Política de recortes a sumar a la falta de personal (trabajadoras sociales y administrativos) del “Equipo de Ayudas Económicas”. Personal encargado de gestionar las solicitudes. Esta situación provoca demoras de 5 meses en la tramitación y resolución de los expedientes.

Por otro lado, se sigue sin crear un parque municipal de viviendas en alquiler social para aquellas familias afectadas por los desahucios de su vivienda habitual. En concreto, hay señalados 8 desahucios para este mes de febrero.

En esta línea de recortes sociales cabe destacar que no se asigne ninguna partida presupuestaria para la creación de un albergue municipal para personas “sin techo”, aun constatándose su necesidad. Incumpliendo, de paso, la “Ley de Servicios Sociales” que obliga a la puesta en marcha de un albergue en municipios con más de 20.000 habitantes.

Por eso, y un año más, volvemos a exigir otra política social y unos presupuestos más justos y solidarios; y volvemos a manifestarnos en defensa de los servicios sociales municipales.

COLECTIVOS SOCIALES y SINDICALES DE BARAKALDO:

Asamblea Parad@s, Barakaldoko Gazte Asanblada, Berri-Otxoak, Centro Asesor de la Mujer, Argitan.

ELA, LAB, ESK y STEILAS."
 

 

 

Salaketa ekintza bat egiteagatik bi gazte feministen kontrako epaia gelditu behar dugu

admin
-
0

Iazko abuztuaren 8an egindako salaketa ekintza batengatik otsailaren 4an bi gazte feministen kontrako epaiketa izango da. LABek auziperatuei elkartasuna adieraztearekin batera, prozedura judizialaren gelditzea exijitzen du, izan ere judizializazioak eta kriminalizazioak arazoaren muinari ihes egin eta ordezkatzen baitute.

1.- Inputatutako bi gazteen aldeko gure elkartasuna adierazi nahi dugu, izan ere judizializazioak eta kriminalizazioak arazoaren muinari ihes egin eta ordezkatzen dute, jaietako guneetan biolentzia matxistaren salaketa publikoa.

2.- Iazko abuztutik sortu eta mantendutako egoerak herritar guztioi eragiten digula haustura nabarmena sortuz, eta erdigunean beharko lukeen biolentzia matxistaren eztabaida bestelakoetara eramateak arazoaren muinari heltzea ekiditen du.

Jai partehartzaileak definitu beharra dago, non guztiok gune publiko guztietan gozatzeko aukera izango baitugun eta, garrantzitsuago dena, eraso eta gehiegikeria matxista guztiak erabat desagertuko baitiren.

3.- Parametro hauetan eztabaida oso bati heldu beharra dago, eta era berean, albo batera utzi behar dira jarrera eta jokaera batzuk, soilik sustatzen dituztenei mesede egiten dielako. Jendarte osoari dei egiten diogu, eta batez ere Udalari, herritarrongandik gertuen dagoen erakundea delako eta jaien eta hauen kudeaketaren arduradun nagusia delako, berehala martxan dagoen edozein prozedura judizial gelditzeko. Era berean, begirunea, elkarrizketa, bizikidetza eta pluraltasuna funtsezko elementu izango dituen jai esparrua eraikitzeko urratsak eman ditzan.
 

 

 

Ez lanean, ez kalean. Eraso sexistarik ez!

admin
-
0
Ez lanean, ez kalean. Eraso sexistarik ez!


Oreretako Galtzarabordako kiroldegiko emakumeen aldageletan kamera topatu izana salatzeko manifestazioa egin zen atzo "Nazkatuta gaude! Erasotzaileak eta babosoak kanpora!" lelopean. Eraso sexisten berri izateaz nazkatuta gaude. Pauso bat aurrera eman beharra dago sistema patriarkalaren aurpegi nazkagarriena bizitzako eremu guztietatik ateratzeko. 

Nazkatuta gaudela eraso sexisten berri izateaz. Oraingoan, lantoki baten barruan izan da, kalearen erreprodukzio bat gehiago den tokian. Sistema patriarkalak bere aurpegi nazkagarriena bizitzako eremu guztietan erakusten digu, arlo pribatu zein publikoan, kalean zein lanean.

Galtzarabordako kiroldegian jazotakoa ez da anekdota huts bat eta ez dugu utziko horrela tratatzen. Emakumeonganako indarkeria bizitzako eremu guztietan jasaten ari gara eta bere egoera gordinenean azaldu behar dela uste dugu. Soilik horrela lortuko dugulako jendartearen kontzientziazioa, eragile sozial zein politikoak pauso bat aurrera emanez, emakumearen ahalduntzerako gure esku dagoen oro eginez.

 

 

 

Condesako etorkizuna bermatzeko neurriak hartu behar dira

admin
-
0

Europako Batzordeak Arcelor Mittal enpresari zein 9 banketxeren batuketari Condesa erosteko baimena eman berri die. Erabakiak langileek bizi duten egoerarekin bukatzeko balioko duela espero dugu LABetik eta jabe berriei zein instituzioei, lantokien bideragarritasuna zein enplegua eta lan baldintzak bermatzeko neurriak har ditzatela eskatzen diegu. 

Gaur egun, Condesako langileak ziurgabetasun handiko egoeran aurkitzen dira. Legutioko Condesako lantokiak EREan daude, lan karga gutxirekin eta Condesako lantoki guztietan abenduko aparteko sariaren %75 kobratu gabe jarraitzen dute. Europako Batzordearen erabakiak egoera honekin bukatzeko balioko duela espero dugu LABetik, lan karga handituz eta egonkortasuna lortuz.

Jabe berriei, bereziki Arcelor Mittali, lantokien bideragarritasuna zein enplegua eta lan baldintzak bermatuko dituen industria plana ahal den azkarren aurkezteko exijitzen diegu eta instituzio guztiei eta, bereziki, Eusko Jaurlaritza eta Nafarroako Gobernuari estrategikoa den proiektu industrial honen etorkizuna babestea eskatzen diegu. 
 

 

 

Lan istripuen atzean prekarietate asko eta prebentzio neurri gutxi daude

admin
-
0
Lan istripuen atzean prekarietate asko eta prebentzio neurri gutxi daude


LABek “Lan istripuak eta gaixotasun profesionalak 2015” azterketa aurkeztu du gaur komunikabideen aurrean. LABek kezkaz ikusten du, 2015ean, lan istripuek eta gaixotasun profesionalek izandako gorakada. Ainhoa Etxaideren arabera “egoera honen atzean prekarietate asko eta prebentzio neurri gutxi aurkitzen ditugu”. Zentzu honetan Gobernuen jarrera salatu du Idazkari Nagusiak, “badakite egoera nolakoa den eta honen aurrean, beste alde batera begiratzen dute”.

Ibon Zubiela Lan Osasuneko arduradunak aurkeztu ditu azterketaren datuak, 2015ean lan istripuek gora egin dutela nabarmenduz, %8,7. Egunero 267 lan istripu gertatzen dira, 5 minuturo bat. 6 egunik behin langile bat hil da lan-istripuz 2015ean. Egunero, 12 gaixotasun profesional kasu aurkitzen dira.

Ainhoa Etxaideren esanetan “gero eta lan istripu gehiago eta gero eta laneko gaixotasun gehiago. Arazoa handitu egin da arazoaren atzean dauden arrazoietan sakondu delako”. Jarduera ekonomikoa handitzearekin batera gora egin dute istripuek, “baina istripuek, jarduerak baino askoz ere hazkunde handiagoa izan dute”.

LABeko idazkari nagusiaren arabera, “egoera honen atzean prekarietate asko eta prebentzio neurri gutxi aurkitzen dugu, beraz, erabaki enpresarialak daude prekarietatearen atzean”.
“Prekarietatea handitzea eta prebentzioan ez inbertitzea hautu bat da, dituen ondorioak ezagutuz egiten den hautua”, Etxaideren esanetan. “Patronalak praktika hauek babestu egiten ditu eta posible izateko politikak eta arauak ziurtatzen ditu, atzean izkutatzen den arriskuaren jakitun”. Izan ere, “enpresariak euren irabaziak handitzeko ari dira prekarietatea erabiltzen eta prebentzioan gutxiago inbertitzen, emaitza zein izango den jakinda”.

Instituzioen egitekoari dagokionez, Etxaidek adierazi du “badakite egoera nolakoa den eta honen aurrean, beste alde batera begiratzen dute. Plan ezberdinak martxan egonda, istripuen gorakada eman da. Porrota begibistakoa da eta planokin jarraitzea, arduragabekeria hutsa”.

Ezagutzen den errealitate hau salatu du LABek baina hainbat arlotako errealitateari dagokion datuen falta ere nabarmendu du, hala nola, autonomoak edo etxeko langileak.

Gaixotasun profesionalei dagokienez. Etxaideren esanetan “ez dira aitortzen, ez dira behar bezala tratatzen eta gainera, negozio eremu bihartu nahi dituzte mutualitateen lege berriarekin”.

Sindikatuak egiten dituen eskaerak azpimarratuz amaitu du agerraldia Etxaidek. Lehenik eta behin, “Osalanek zein Instituto de la Salud Pública y Laboral de Navarra esan dezatela ze erabaki berri eta zein neurri hartuko dituzten egoera hau ezagututa”. Bigarrenik, “Jaurlaritzari eta Nafarroako Gobernuari eskatzen diegu behingoz patronala interpela dezatela guzti hau onartezina dela esateko. Eta parlamentu bietan iragarri dezatela ze neurri hartuko duten igoera honen aurrean”.

 

 

Enpleguaren defentsan kalean

admin
-
0
Enpleguaren defentsan kalean

 

Milaka langile kalera irten ginen larunbatean, bai Sestaon eta bai Iruñean, Arcelor eta TRWko lanpostuen defentsan. Sestaoko kasuan 1.000 lanpostutik gora daude jokoan, zuzeneko langileez gain azpikontrata eta hornitzaileei eraten baitie erabakiak, eta TRWen EEEak zuzeneko 250 langileri eragiten die.

Bi kasutan eskualdei ematen zaien kolpe latz baten aurrean aurkitzen gara. Txantaia eta mehatxua erabiltzen ari dira patronalaren beharrak hasetzeko eta langileok ezin dugu hori onartu. Horrela esan genuen larunbatean eta berdin jarraituko dugu hemendik aurrera ere.
 

 

 


CONDESAko langileak interes izkutuen biktimak gara

admin
-
0
CONDESAko langileak interes izkutuen biktimak gara

Condesak, Arcelorrek eta bankuek sinatutako akordioren onespenaren zai, kezkaz ikusten dute langileek egungo egoera, baita etorkizuna ere. Hain zuzen ere EREan segitzen dute, lan karga eskasarekin eta abenduko aparteko pagaren %75a jaso gabe. Egoera honen aurrean langileek ez dute etsiko eta enplegu eta eskubideen defentsan borrokan jarraituko dute.

CONDESA FABRIL (komitearen gehiengoa) eta CONDESA INOXeko langileen ordezkarien balorazioa:

Gaur, urtarrilak 29, Europatik onespena eman behar diote Condesak, Arcelorrek eta Bankuek sinatutako akordioari. Eman zaigun enegarren epemuga, orain arte inoiz bete ez direnak. Guk egoera berean jarraitzen dugu: ez dakigu ezer egungo egoeraz ezta gure etorkizunaz ere, EREan segitzen dugu, lan karga eskasarekin eta gainera abenduko aparteko pagaren %75a ez ziguten ordaindu. Aski da!

Norbaitek ez ditu bere betebeharrak betetzen eta berriro gu, langileok erdian, egoera larri bat sufritzen eta inolako azalpenik jaso gabe. Prozesu luzea daramagu eta informazioa behin eta berriro ukatu zaigu, bai Condesatik, bai Arcelorretik baita Bankuetatik ere. Haien arteko interes izkutuen biktimak gara gu eta azken gertaerak kezkatzen gaitu: zergatik ez dago dirurik gure soldataren zati bat ordaintzeko? Non dago diru hori? Gurea dena erreklamatuko dugu mobilizazioetan, kalean, lantegian, instituzioetan eta epaitegietan. Ez dugu lapurketarik onartuko, ez gure eskubideena ezta gure diruarena ere ez.

Eusko Jaurlaritzatik ere ez dugu asko espero. Arantxa Tapiak eta Industria Sailak gurekin biltzen ez direnez, Legebiltzarrean azalpenak eman behar izan zituen eta bere ustez urte amaierarako prozesua bukatuta egongo zen. Hemen gaude, urtarrilaren bukaeran eta egoerak hobetu beharrean okerrera egin du, aparteko paga ez baitigute ordaindu. Zer daki egungo egoeraz Eusko Jaurlaritzak? Zer egingo du? Guri esaten ez digunez, Legebiltzarrean azaltzeko eskatu dugu berriro ere. Guk argi daukagu instituzioek langile eta herritarren eskubideak defendatzeko daudela, eta dugu inolaz ere ulertzen beraien jarrera, ez bada interes partidistengatik mugitzen direla.

Egoera, beraz, larria da. Aste honetan enteratu gara ACB, Arcelorreko enpresa, urtebeteko geldiunea izango duela. Ez dakigu ze ondorio edukiko duen horrek guregan, badakigu ordea Condesa martxan zegoenenan hona ailegatzen zela beraien produkzioaren %30 inguru. Hortaz, baliteke gure egoerak haiei ere eragin izana…

Edonola ere, norbaitek guri etsipena sortarazi nahi badigu jai dauka. Hurrengo aste eta hilabeteetan gure etorkizuna jokoan egongo da eta guk ez dugu etsiko. Indar handiz helduko diogu erronkari, gure enplegu eta eskubideen defentsan borrokatzen jarraituko dugu.
 

 

 
1...1,1041,1051,106...1,627Page 1,105 of 1,627

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus