Uztailaren 2an LOMCEren aplikaziorako ateak gehiago zabaldu ziren. DBHko eta Batxilergoko curriculumak onartu ziren eta ondorioz datorren ikasturtean derrigorrezko hezkuntza osoan LOMCEren aplikazioa bermaturik dago. Ustez, hezkuntza arloan UPNren azken ikuskizuna izan daitekeela ematen du, baina auskalo zer gehiago lotuko duten joan aurretik.

LABek, LOMCEri ateak itxi nahi dizkio, lege arrotza izateaz gain, atzerakoia eta baztertzailea ere badelako. Ate berriak ireki nahi ditugu Hezkuntza Sistema propioaren bidean, non hezkuntzak demokratikoa, partehartzailea, inklusiboa, euskalduna, hezkidetzailea eta laikoa izan behar duen.

Horrenbestez, LABek Nafarroako Gobernu berriari eskatzen dio Hezkuntza Propioa garatzeko pausuak eman ditzala eta ezinbeztez LOMCEren aplikazioa bertan behera utz dezala.