NAFARROAKO HEZKUNTZAKO MAHAI SEKTORIALAREN LABen IRAKURKETA
Ostiralean Nafarroako irakaskuntzako Mahai Sektorialean Administrazioak datorren ekainean burutuko diren Irakaskuntzako oposizioen berri eman zuen. Guztira 320 plaza lehen hezkuntzako kidegoan, baina kopuru hau behin behinekoa da, Mahai Orokorrak onartu behar baitu. Bigarren Hezkuntzako oposizioak datorren ikasturterako aurreikusi dira.
Egun aurkeztu dizkiguten oposizioen edukiak ikusi ondoren, aurretik aipatutako beharrei eta egitasmoei ez dietela erantzuten esan dezakegu, inongo irizpide pedagogikorik kontuan hartu ez duelako eta gutxieneko beharrak asetzeko baliagarria ez direlako. Azkar eta presaka egindako deialdia da irakasleen artean etsipena sortuko duena kopuru murritza delako eta denboraz berandu ateratzen delako.
Deialdi honek benetako beharrei erantzuteko irizpideak ez ditu kontuan hartzen, besteak beste, murrizketak (ratioak, ordu lektiboak), D ereduaren balizko zabalpena, PAIren ustezko moratoriaren ondorioak, behar bereziak dituzten ikasleak artatzeko baliabide eta orduak…
Lehenago eskatu genuen bezala oposizio hauek deitu baino lehen, 60/2009 Agindu Foralaren aldaketa nahitaezkoa da, erabat baldintzatzen duelako zerrenden kudeaketa. Hezkuntza Departamentuak hau aldatzeko borondatea erakutsi du.
Orduan, LABek garbi esan zuen oposizioak emankorrak eta baliagarriak izateko legealdi osorako planifikazio baten beharra dagoela. Ahalik eta zabalena plaza kopuruari dagokionean eta kalitatezko irakaskuntzari erantzunen diona.
Behin eta berriro, LABek garbi adierazi du seriotasunez aztertu behar dela zein den oraingo irakaskuntzako errealitatearen abiapuntua eta ikasturte honetan egoeraren diagnosi sakona egin behar dela, etorkizuneko beharrak identifikatzeko eta planifikazio on baten bidez kudeatzeko. Besteak beste, murrizketak bertan behera geratzen balira irakasle kopurua handituko litzatekeelako eta bestetik, D ereduaren zabalpenak sortuko lituzkeen beharrak asetzeko.
Bukatzeko bere momentuan gainontzeko sindikatuei eta administrazioari luzatutako proposamena inoiz baino aproposagoa dela aldarrikatzen dugu, hau da, ikasturte honetan oposizio deialdirik ez egotea eta bitartean indar guztiak jartzea murrizketak bertan behera geratzeko.
Ezker Abertzaleko 300 bat kidek ABIAN prozesua aurkezteko agerraldia eskaini dugu gaur Donostian. ABIAN prozesuarekin Zutik Euskal Herria eztabaidatik hona aurreratutakoak neurtuz, ezinak aztertuz eta hanka sartzeetatik ikasiz egungo Ezker Abertzaleko belaunaldi militanteok ziklo berri honen bigarren urratsari ekingo diogu. Helburua Euskal Estatua.
Gaurtik hasiko den eta urtarrila bitarte iraungo duen lehenengo fasean gure kidegori emango diegu hitza, hausnarketarako espazioak gaituz eta idatzizko ekarpenak jasoz. Bigarren fasean, urtarriletik aurrera eztabaida prozesuari emango diogu bide, Ezker Abertzalearen proiektuarekin bat egiten duen herritar orori zabalik egongo diren Herri eta auzoetako batzarretan. Honekin batera eztabaida prozesua errepresaliatu politikoak dauden kartzela guztietara eta munduan zehar sakabanatuta dagoen erbesteratuen komunitateari heltzeko ahalegin berezia egingo dugu.
Herritarrak ardatz izango dituen proiektu politikoa eraikitzea da gure helburua, gutxi batzuen interesek gehiengoaren beharrak galaraziko ez dituena. Feminismoa, euskalduntzea, sozialismoa eta independentzia bezalako hitzak proiektu erreal eta eraginkor bilakatzea dugu xede eta ABIAN prozesuarekin guzti hori gauzagarri egitera goaz.
LABetik gure militantziari dei egiten diogu ABIAN prozesuan partehartze aktiboa izan dezan, Euskal herritarrekin batera inposizio eta zapalkuntzekin hautsiz, gaurdanik justizia sozialaren, femininismoaren eta euskararen gainean eraikiko den Euskal Estatua eraikitzeko bidean. EUSKAL HERRIA ZUTIK ETA ABIAN Ezker Abertzalea
Badira bost urte Ezker Abertzaleak Zutik Euskal Herria bere egin zuela. Ezker Abertzalearen estrategia aldaketa handia izan zen. Historiako beste bi unerekin soilik parekatu daitekeen neurriko erabakia izan zen: frankismoaren erabateko zabalkuntzari aurre egiteko izan zen susperraldia eta frankismoaren ondoren haustura demokratikoaren alde erreforma egonkortzea galarazteko hartutakoa. Zutik Euskal Herriak, beraz, aldaketa sakona ekarri zuen. Ordura arte egindako urratsak eta borroka kapitalizatu, ordura arte egindako akatsak zuzentzeko hausnarketa egin eta ziklo berri bat irekitzeko apustuari ekin genion. Oinarri sendoak jarri genituen, askapen nazional eta sozilerako prozesuaren berme bakarra Euskal Herria eta euskal herritarren borondate demokratikoa -inongo kanpo esku hartzerik onartu gabe- izango zirela ebatzita.
Bost urte hauetan gertakari asko jazo dira. Ebatzitako hausnarketa hura abiapuntu hartuta joan gara bidea egiten, batzuetan asmatuz eta bestetan ez, baina zalantzarik gabe esan dezakegu Euskal Herriko egoera politikoari izugarrizko astinaldia ematea lortu dugula eta irabazle den estrategia baten jabe garela. Ziklo bat isteko hautua egin eta ziklo berria ireki zuen Ezker Abertzalearen erabakiak. Herritar orok onura gisa bizi izan duen ziklo berri baten hasiera, ezker independentismoaren babesaren hazkunde nabarmena ekarri duena, bidelagun berrien arteko topalekuak sorrarazi dituena eta gure apustuari sinesgarritasuna eman diona.
Euskal herritarren artean sorturiko ilusioa eta grina ordea ez dira aski izan, besteak beste, Estatuen ukazioari aurre egiteko. Ez dute agertoki politiko normalizaturik nahi eta ez dute egiten utzi nahi, herri gisa ditugun erronka, apustu eta ilusioak geldiarazteko modua ikusi dute, gatazkaren ondorioetan trabatzea. Estatuek beldur diote proiektu politikoen norgehiagoka libre eta demokratikoari. Estatu frantziarrak Ezker Abertzaleak Ipar EHren instituzionalizazioan eszenatoki berriak sortzeko daukan gaitasunari beldur dio. Estatu espainolak, bere aldetik, eta 78an zehaztu ziren estatuaren oinarriak auzitan dauden une honetan, ikara dio Ezker Abertzalearen indar askatzaileari. Horregatik Euskal Herria nazio gisa ukatzen dute; horregatik ez digute autodeterminazio eskubidea onartzen. Horregatik ez digute gure etorkizuna erabakitzen utzi nahi. Eta hori oztopatzeko gatazkaren ondorioei kateatuta nahi gaituzte.
Bakeak, independentziak bezala, espetxean jarraitzen du. Konponbidearen eta herri honek izan ditzakeen proiektu politikoen aurka baliatzeko bahitu politiko gisa dituzte presoak, arrazoi berberagatik bahitu dute gatazkaren konponbidea eta bahitu dituzte gatazkaren ondorioak. Euskal Herrian irekitako agertokiaren aurrean errepresioarekin soilik erantzun dute, gatazka politikoa errepresioaren logikatik irakurtzen jarraitzen dute eta errepresioaren gurpilean lotu nahi gaituzte, errepresio-erantzun gurpilean ito nahi gaituzte.
Ezker Abertzalea ordea ez da joko horretan eroriko, ez gara gurpil horretan trabatuko, aurrera begiratzeko tenorea da; anbizioz. Independentziari eta berton bizi garen emakume eta gizon ororen eskubide sozialak bermatuko dituen Euskal Estatuaren eraikuntzari ateak parez pare irekitzeko abagunea da.
Honainoko bideak honaino ekarri gaitu, ez gehiago eta ez gutxiago baina lortzeke duguna asko da, ia dena. Ezker Abertzaleak bere historian zerbait erakutsi badu, askapen nazional eta sozialren prozesua egoera eta garai politikora berregokitu eta berrasmatzeko gaitasuna izan da. Eta orain ere, etorkizunari begira jarriz eta aurrean dugun erronkari determinazioz erantzunez Ezker Abertzaleak barne hausnarketari ekingo dio, arnas luzeko birdefinizio eta eraberritze estrategikoa izango den ABIAN prozesuari ekingo dio, Euskal Estatua helburu.
Nagusi den egoera goitik behera aldatzea da Ezker Abertzaleak hasieratik izan duen erronka. Hau da, herritarrak ardatz izango dituen proiektu politikoa eraikitzea, gutxi batzuen interesek ez ditzaten gehiengoaren beharrak galarazi. Feminismoa, euskalduntzea, sozialismoa eta independentzia bezalako hitzak proiektu erreal eta eraginkor bilakatzea dugu xede.
Eta ABIAN prozesuarekin guzti hori gauzagarri egingo dugu, Zutik Euskal Herria eztabaidatik hona aurreratutakoak neurtuz, ezinak aztertuz eta hanka sartzeetatik ikasiz egungo belaunaldi militanteok ziklo berri honen bigarren urratsari ekingo diogu.
Asko da azken urteetan lortutakoa, baina korapilo lodiak ditugu askatzeke, erronka handiak lortzeke eta gugan dugu horiek lortzeko konpromiso zintzoena. Asmatu behar dugu independentzia egunero eraikitzen E egunaren esperoan gelditu gabe eta bide horretan preso eta iheslariak etxera ekartzeko adinako indarrak metatzen. Euskal Herria zutik eta abian behar dugulako, Ezker Abertzalea zutik eta abian behar dugulako.
Aldatu gara gu, eta aldatu da ingurua ere. Gaur Ezker Abertzalearen hausnarketa prozesu baten berri ematen ari bagara ere, badakigu ongi jakin ere guk egin nahi dugun bidean beste indar eta sektore batzuk beharrezkoak direla. «Enbor beretik sortuko dira besteak» esan izan dugu maiz eta hori ere egun horrela da, jakin badakigun arren aurrera begirakoan enbor askotatik etorriko diren indarrak metatuz eraikiko dugula Euskal Herri berria.
Guztia dugu irabazteko, independentziaren zikloaren atarian gaude eta ez gara inoren zain egongo. Euskal herritarrekin batera inposizio eta zapalkuntzekin hautsiz, gaurdanik justizia sozialaren, femininismoaren eta euskararen gainean eraikiko den Euskal Estatua eraikitzeko hautua egin dugu. Gatazka politikoaren ondorioak gainditzearen ezinbestekoan berresten gara, euskal preso eta iheslari politiko guztiak etxean izan arte borrokan jarraituko dugularik. Eta badakigu guzti horretarako biderik eraginkorrena, Euskal Herriko sektore herritarrekin batera burujabetza prozesu ahalik eta indartsuena garatzea dela, bada, etorkizunera begira jarriz, bidea nola egin hausnartu eta martxan jartzera goaz.
Abian jartzeko ordua iritsi zaigu, Ezker Abertzaleko oinarri militantea eta kidetza soziala osatzen dugun guztiok eztabaidatzera eta erabakiak kolektibo gisa hartzera goaz. Gaur abian jartzen dugu prozesua integrala izango da, estrategikoa eta parte-hartzean oinarritua.
Lehenengo fase batean, gaurtik hasita eta urtarrila bitartean, gure kidegoari entzun egingo diogu, hausnarketarako espazioak gaituko ditugu, idatzizko ekarpenak bilduko ditugu.
Bigarren fase batean, urtarriletik aurrera, eztabaida prozesuari emango diogu bide, Ezker Abertzalearen proiektuarekin bat egiten duen herritar orori zabalik egongo diren Herri eta auzoetako batzarretan. Halaber, ahalegin berezia egingo dugu hausnarketa eta eztabaida prozesu hau errepresaliatu politikoak dauden kartzela guztietara eta munduan zehar sakabanatuta dagoen erbesteratuen komunitateari. Ez gaitu inork geldituko irabazteko existitzen den lanabesik eraginkorrena baitugu, milaka euskal herritarren konpromisoa.
PP, PNV eta PSOE alderdiek SEA patronalarekin politika fiskalaren inguruan sinatu duten akordio berria dela eta PNV, azken urte hauetan burutzen ari den politika ekonomikoak salatzeko LAB Gasteizen mobilizatu da gaur.
Gertakari hauen aurrean LABek oso argi du, kalera irten eta botere ekonomikoekiko jarrera hauek salatu behar direla eta horretarako konpromisoa gure egiten dugu. Manifestazioa SEAren bulegoen aurretik abiatu da eta PNVren egoitzan amaitu.
La directora del Servicio Navarro de Empleo, Mari Paz Fernandez, ha comparecido hoy en el Parlamento para dar explicaciones por los convenios suscritos entre dicho organismo, UGT y CCOO. LAB exige al Gobierno que rectifique, que ofrezca los datos del 2015 que ha ocultado y que se atenga a las evidencias denunciadas.
En los convenios suscritos en el 2014, que hasta su repentina retirada figuraban en la página web del SNE, queda patente que parte del dinero del Servicio Navarro de Empleo ha ido directamente a pagar nóminas de liberados de la estructura de UGT y CCOO. El análisis de las actividades recogidas en dichos convenios arroja la conclusión de que las actividades se han inventado ad hoc para justificar el pago a UGT y CCOO: se recogen acciones propias de cualquier sindicato tales como "reparto de folletos", "visitas a empresas" o "seguimiento de convenios".
Respecto a los convenios del 2015, el Gobierno de Navarra, escudándose en la "protección de datos", ha eliminado los nombres de las personas de UGT y CCOO que han recibido su nómina con dinero público, evitando que se pueda comprobar si también se ha producido la misma irregularidad. En cualquier caso, aparecen datos escandalosos como que un liberado de CCOO no identificado cobre 68.300 euros, 1.000 menos que la Presidenta del Gobierno, por visitar empresas para "fomentar y analizar la estabilidad y calidad en el empleo y sensibilizar sobre el empleo no declarado".
Ante este panorama, Mari Paz Fernandez se ha limitado ha defender la legalidad de dichos convenios, el mismo pretexto utilizado por UPN en el caso de las dietas de Caja Navarra. Esta actitud no casa con el compromiso del Acuerdo Programático de realizar la "auditoría y revisión de las actuaciones más relevantes desarrolladas en el terreno de la gestión pública". Al contrario, el Gobierno pretende en este caso echar tierra sobre las irregularidades. LAB exige al Gobierno que rectifique, que ofrezca los datos del 2015 que ha ocultado y que se atenga a las evidencias denunciadas.
Urrian egin zen Funtzio Publikoaren Euskal Kontseiluaren bileraren ondoren LABek Euskal Enplegu Publikoaren legearen aurreproiektua atzera botatzeko ekimenak aurrera eramango zituela iragarri zuen. Bada, gainontzeko sindikatuekin hitz egin ondoren aste honetan bertan mozioak aurkeztuko ditu EAEko administrazio publikoetako langile batzordeetan. Hain zuzen ere hainbat oinarrizko arrazoi zerrendatzen dira legea aurrera joan ez dadin.
Modu honetan bai legea atzera botatzearen garrantzia zein oinarrizko arrazoi horiek langile guztiekin partekatu nahi ditugu, eta lehen urratsa eztabaida langile batzordeetara eramatea dela ikusten dugu egokien. Horrela gogoeta ahalik eta erakunde gehienetara eta langile gehienetara iritsiko delakoan dago LAB.
Beraz, ohar honen bidez sindikatu guztiei eta langile publiko guztiei dei egiten diegu mozioarekin bat egin dezaten, langile eta zerbitzu publiko guztientzako berebiziko garrantzia duelako.
Dagoeneko 3 aste pasa dira gure lantokien balizko salmentaren albistea azaldu zenetik. GERDAUk, gaur gaurkoz, ez du oraindik hau gezurtatu. Nahiko adierazgarria da. Noiz komunikatuko digute ofizialki? Salmenta egina dagoenean? Noiz emango du aurpegia kontseilari delegatua den Jainaga jaunak? Duela 3 aste hiru gauza eskatu genizkion enpresari: begirunea, gardentasuna eta informazioa. Enpresak ez du bakar bat ere bete.
Bitartean, enpresak gure lankideak kaleratzen jarraitzen du, Basauriko lantokian zein Azpeitikoan (oraingoz, 8 langile guztira). Enpresak lantokien balizko salmenta erabiltzen ari da, besteak beste, gure lankideen kaleratzeak estaltzeko. Ezin dugu hau baimendu inongo erantzunik eman gabe. Gure enpleguaren etorkizuna gaurdanik borrokatu eta bermatu behar dugu. Enpresaren salmenta eta kaleratzeak ez dira bi gauza ezberdin, enpresako erabaki berdinaren emaitza baizik: gastuak murriztu langileen kontura, inolako erantzunkizunik bereganatu gabe.
CCOO, UGT eta USO sindikatuak kaleratzeak salatzeaz haratago, zer egiteko prest zaudete hauek ekiditeko? Gaurkoan haiek dira kaleratuak, bihar, ordea, gutako edonor izan daiteke.
Azkenik, ez dugu erakundeengandik ez dugu elkartasunik espero, konpromiso zehatzak eta soluzioak baizik. Gasteizko Gerdauko komitearekin izandako bileran Eusko Jaurlaritzak azaldu zuen jarrera erabat onartezina izan zen. Eusko Jaurlaritzak guri galdetzea haiengandik zer espero dugun guganako mespretxuaren adierazgarri da. Jarrera hori herri honetarako sektore estrategikoa den siderurgia babesteko benetako industria planik ez duen seinalerik argiena da.
LABek langile guztiei dei egiten diegu gure lantokien etorkizuna nahiz enplegua defenda ditzagun.
Bi asteren ostean amaituko da Kutxabankek “negoziazio“ itxura emanez eszenifikatu duen antzerkia. Bertan, CCOO eta Pixkanakaren laguntzarekin, enplegu suntsiketa ahalbidetu da. Lotsagarri deritzogu sindikatu sinatzaileek enplegu suntsiketa hori honelako argudioekin justifikatzea: “zuhurrak izan behar gara, eta arriskutsua izango litzateke enpresak pertsona asko kontratatzea”.
Honek, Kutxabankeko zuzendaritzak, CCOO eta Pixkanakarekin, enplegua suntsitu, prekarizatu, behinbehinekotasuna mantendu, azpikontratatu eta zerbitzuak kanpora ateratzeko apustua egin duela konfirmatzen du. Guzti hau kostuak murrizteko aitzakiarekin, Kutxabankeko presidente Villalabeitia Jaunari, soldata %73an igo zitzaion bitartean.
Atzo esan genuen bezala, 300 aurrejubilazio inguru eta 30 kontratu (bi urtetan) baino ez dituzte proposatzen, 200 behin-behineko kontratu dauden bitartean. Honek lanpostu galera dakar, azken lau urteetan suntsitu diren mila postutik gorari gehitu beharrekoa. LABen iritziz ez da onargarria guzti hau benefizioak izana aldarrikatzen duen enpresa batean gertatzea. Hau, kutxabankeko zuzendaritzak, CCOO eta Pixkanakarekin, nagusiki Euskal Herrian errotuta dagoen plantillari eman nahi dioten azken kolpea baino ez da.
Kutxabanken zuzendaritzatik ematen ari diren urratsak Euskaltelen eman zirenen antza haundia dute. Hartan ere, Kutxabanken bezala, PNVk ezarri zuen zuzendaritza lanpostuak suntsitzen hasi zen gero enpresa pribatizatzen amaitzeko. Hori bai, zuzendaritza aberastu egin zen operazio horrekin, diru mordoa poltsikoratu zuten “bonusen” bidez, eta ziur gaude hantzeko zerbait gertatuko dela Kutxabanken ere.
LABek Kutxabanki exijitzen dio enplegu duina sortu eta gazteria kutxabanken sartzeko apustua egin dezala. Hain zuzen ere, Euskal Herriko gaztedia inoiz baino hobeto formatua dago eta gai da beren hoberena emateko Herri honetako ekonomia eta pertsonen zerbitzura dagoen proiektu sozial eta publiko batean eta erreferente positibo izango dena.
Argi dago, kutxabanken zuzendaritzak eta Sabin-Etxetik politikoki agintzen dutenek, enplegu suntsiketa masiboa zabaldu, pribatizazioaren alde egin, eta interes politikoen eta partidistei soilik begiratzea erabaki dutela. Ez dituzte haintzat hartu ez egunero komisioak, IRPH, zoru klausulak… ordainaraziz zigortzen dituzten bezeroak, ezta egunero beren lana aurrera daramaten entitateko langileak, ezta Euskal Herriaren etorkizun ekonomikoan duen ardura estrategikoa ere.
LABek proposamen hau baztertzen du eta Kutxabanken zuzendaritzari eta arduradun politikoei norabide aldaketa bat exijitu eta gure ustez garrantzitsuak diren erronkei eutsi diezaietela eskatzen du: enpleguaren sorrera eta herri honen zerbitzura dagoen banka publiko eta sozial gisa erreferente izaten jarrai dezala.
Nestor Salvador Galindo Brasileño MST eta Kolombiako CNAko kideekin zegoelarik atxilotua izan da. Polizi indarrek egiten dieten jazarpena salatzeko SATeko nazio arduradunek 2013. urtean sistema juridikoari intsumiso aitortzea erabaki zuten.
Polizi jazarpen honen ondorioz SATeko 600 militante judizialki prozesatuak daude, milioi bat euro inguruko isunak dituzte eta kartzela zigor eskaera dezente dituzte.
LABek elkartasuna eta sostengua adierazi nahi die SATeko militantzia osoari eta sistematikoki pairatzen duten jazarpena salatzen dugu. LABek Nestor Salvador Galindoren berehalako askatasuna eskatzen du.
Gure lan egoera ez da normala. Prekarietatea olio-orbana bezala zabaltzen ari da langileon artean, laneko babesgabetasun egoera gero eta nabarmenagoa da. Prekarietatea normalizatzeko asmoz, sinestarazi nahi digute dagoena onartu beste erremediorik ez dugula lan bat izateko, baina gertatzen ari den hau ez da normala.
Gaur lanpostu bat izateak ez gaitu pobrezia arriskutik salbuesten, atera kontuak. 1200 euroz azpiko soldatak, egonkortasun eza, lanaldi partzialen ugaritzea, lan ordutegien etengabeko aldaketa, ordu estrak egin beharra… prekarietatera garamatzen baldintzak dira guztiak eta prekarietateari aurre egiteko modu bakarra dago, langileok antolatzea.
Antolatu eta aktibatu, prekarietatearekin amaitu eta lan baldintza duinak lortzeko LABetik planteatzen ditugun bost ardatzen inguruan: enpleguaren defentsaren baitan 35 orduko lanastea; lansari duinen bidean 1200 euroko gutxieneko soldata; aukera berdintasuna; euskara eta lan-osasunerako eskubidea.
Bide horretan, urrats berria ematera goaz. Lan munduan ekintza sindikala berritu eta indartzeko dinamikaren baitan, oraingoan, prekarietateak gogorren jotzen dituen kolektiboei, sektore feminizatuak kasu, sentsibilizazio eta kontzientziazio kanpaina abiatuko dugu. Gure lan egoera, zure lan egoera, ez da normala, eta horri buelta ematea gure esku dago.
EUSKAL HERRIA ZUTIK ETA ABIAN