2026-07-01
Blog Page 1078

Araluceko langileen urrakortasuna lan baldintzak inposatzeko ez erabiltzea exijitzen diogu BATZi

admin
-
0

BATZek bere trokelgintzako negozioa handitzeko asmoz Araluce enpresa erosteko interesa erakutsi zuenetik, negoziaketak ematen ari dira BATZ eta Araluceko zuzendaritzen eta langileen ordezkarien artean. Gure harridurarako, urte hasieran salerosketaren berria jaso eta BATZeko zuzendaritzarekin negoziaketa hasi denetik, honek ez du negoziatzeko inongo asmorik erakutsi. Hasiera hasieratik, aurkeztutako proposamen bakarra lan-baldintzak okertzea izan da.

LABek “negoziaketa” honen aurrean Araluceko langileek bizi duten egoera ezagutarazi nahi du. Hau da, salerosketa aurrera eramateko ezinbesteko baldintza bezala jarri du langileen soldata eta lan baldintzak %16a murriztea. Baldintza hau inposatzeko BATZek erabili duen argudio nagusia zera izan da, ezberdintasunik ez sortzeko ezinbestekoa dela langile talde bien baldintzak parekatzea.

LABek argi utzi nahi du ezinezkoa dela ezberdinak diren bi kolektibo parekatzea. BATZeko langileak kooperatibistak direlako, beraien eskubide eta betebeharrekin, eta Aralucekoek inoren konturako langileak izaten jarraituko dutelako.

Nahiz eta argi izan ez dagoela arrazoirik salerosketa Araluceko lan baldintzen murrizketarekin baldintzatzeko (lan baldintza hauek hitzarmen kolektiboan araututa daudelako), enpresa batzordeak proposamenak egin ditu jarrerak hurbiltzeko asmoz: %9ko soldata murrizketa 2016rako 4 urteko epean urte bakoitzeko %3ko errekuperazioa lortuz.

Baina BATZeko zuzendaritzak neurri guzti hauek baztertu ditu, aukera guztiak % 16ko soldata eta lan baldintzak murrizketara mugatuz; hilabeteak negoziatzen pasatu ondoren oraindik beharrizana justifikatu ez duen arren eta Aralucen enplegua mantentzeko inongo bermerik eman ez duen arren.

LABen, bestelako langile guztiok bezala, jakin badakigu enpresa honek bizi duen egoera zein den, eta horregatik azken urteotan sakrifiziorako eta konpromisorako gaitasuna erakutsi dugu akordio ezberdinak sinatuz. Akordio horiek, lan eskubide eta baldintzen murrizketa bat suposatu duten arren, hauetan ekoizpenaren bideragarritasuna bilatu izan da kasu guztietan.

Horregatik, BATZeko ordezkariei hauxe exijitu nahi diegu ez dezatela beraien laneko etorkizunarekin arduratuta dauden langileen urrakortasuna erabili beraiek nahi dituzten lan baldintzak inposatzeko. Ondorioz, kooperatibako zuzendaritzari birpentsatu eta bere jarrera aldatzeko deialdia luzatzen diogu. Helburua, salerosketa honetan Arratiako lan baldintza eta enplegua bermatuko duen akordiora heltzea da.
 

 

 

Mecánica Mallabik lanpostuen suntsiketa eta espekulazioa bultzatzen ditu

admin
-
0
Mecánica Mallabik lanpostuen suntsiketa eta espekulazioa bultzatzen ditu

ALFA Taldeko lan zentroetan 2012. urtean Hartzekodunen Konkurtsoa onartu zenetik, enplegu suntsiketa eta iruzur ekonomikoa ezagutu ditugu. Hartzekodunen Hitzarmena 2014ko urtarrilaren 14an onartu zen. Horrek, ez zuen inolako konponbiderik ekarri ordea. Kudeaketa txarraren ondorioz, zorren ordainketa atzeratu eta erdia besterik ez ordaintzeaz gain, enplegu suntsiketa handia egon da eta langileen sufrimendu, kaleratze eta soldatak erabili dituzte haien akats guztiak izkutatu asmoz.

Orain, daukaten zorrari ezin diotela aurre egin esan eta Mecánica Mallabiren likidazioa eskatu dute. 81 langile kale gorrian utzi nahi dituzte. Ez dute kapitalean diru injekziorik egitea pentsatu ere egin, nahiz eta talde berekoa zen Industrias GOLen salmentarekin hainbat milioi posltsikoratu dituzten.

LABek ez dugu inondik ere horrelako sarraskirik onartuko, ezta Mecánica Mallabiko langileek ere. Langileen gutxieneko aldarrikapenei ez diete kasurik ere egin eta, ondorioz, maiatzaren 5etik greba mugagabean daude.

ALFA Taldeko arduradunen erantzukizuna salatzera goaz, langileen aurkako etengabeko erasoaldi honen erantzuleak baitira.

Langileak, bide honetan, borrokan daude. Horregatik, gaur Mallabitik Eibarrera Martxa egin dute goizean. Eibarren, ALFAren aurrean kontzentrazioa egin dute bukatzeko, zuzendaritzari dagokion ardurarekin joka dezala eta enpleguaren defentsa egin dezala eskatuz.

Eusko Jaurlaritzari ere dei egin nahi diogu egoerari dagokion arduraz erantzun diezaion eta ALFA Taldea, espekulazioaren aldeko kudeaketatik enpleguaren aldeko jardunera pasatzera derrigortu dezala.
 

 

 

Tubacexeko zuzendaritzaren jarrera salatzen dugu

admin
-
0


Tubacexeko LABen atal sindikalak bere kontrako jarrera adierazi nahi du enpresako zuzendaritzak, lantegiko egoera ekonomikoaren harira, plazaratu duen azkeneko oharraren aurrean. Azkenaldi honetan ikusten ari gara nola, petrolioaren merkatua, kostu energetikoa eta Txinako konpetentziaren aitzakiapean, Euskal Herriko hainbat enpresa benetako antzerki batera ari diren batzen, helburu bakarrarekin: beren langileen eskubideen kontrako neurrien, aldi baterako enplegu erregulazio expedienteen (EEE), lantegien itxieren eta abarren inposaketa zuritzeko asmoz.

Aurretik beste batzuk egin duten moduan, ematen du oraingoan Tubacexeko Zuzendaritzak bideak irekitzen dituela norabide horretan, komunikabideetara igorritako oharrek argi uzten diguten moduan.

Gogoratu nahi dugu enpresak ekitaldi desberdinetan izan dituen irabaziak, baita 2015ean ere, sektore berdineko beste enpresa askok galerak izan zituztenean. Gogoratzekoa da ere, merkatuaren egoeraren arrazoiak mahaigaineratzen dituzten aldi berean, ez dietela uko egiten planta berriak eraikitzeko inbertsioei (kasu honetan Kantabrian) beti ere kostuen murrizketa jo-puntuan jartzen dutelarik, eta ez kostu energetikoena zehazki. Beraz, argi eta garbi ikusten dugu zeintzuk diren beraien helburuak.

Era berean, egoeraren jabe gara eta badakigu, momentua iristerakoan, ez dugula instituzioen laguntzarik izango. Beste enpresetako kideekin ikusi dugu dagoeneko (Arcelor Zumarraga eta Sestao, Tubos Reunidos de Galindo eta Amurrio, Basauriko Gerdau…), zuzendaritza desberdinen argudioak berrestera mugatzen dira bidea zabalik utziz nahi dutena egiteko. Eta enpresek euren asmoak aurrera eramaten dituztenean, instituzioetatik ez diete inolako arazorik jartzen eta horien erabakia babesten ez dutela esatera mugatzen dira.

Argi utzi nahi dugu Tubacexeko LABek ez duela onartuko neurri hauetako baten aplikatzea eta aurrera eraman ez daitezen lan egingo du.
 

 

 

Jazarpen sindikala mintzagai maiatzaren 17an

admin
-
0
Jazarpen sindikala mintzagai maiatzaren 17an

Datorren maiatzaren 17an "Contra la represión sindical Rafa eta Bodalo askatu" izenburupean jazarpen sindikalaren aurkako hitzaldia egingo da Mendabiako Kultur Etxean. LAB sindikatuak eta Andaluziako SATek antolatutako ekimenari arratsaldeko 19:00etan emango zaio hasiera. Bertan, besteak beste, Ainhoa Etxaide eta Diego Cañamero izango dira.

 

 

 

AHT eta proiektu txikitzaileen aurka hartu TXIRRINKA

admin
-
0
AHT eta proiektu txikitzaileen aurka hartu TXIRRINKA

AHT Gelditu! Elkarlanak eta hainbat talde sozial zein sindikalek, 2016ko maiatzaren 20, 21 eta 22an TXIRRINKA izeneko ekimena burutuko dugu. Txandakako bizikleta martxa honetan parte hartuko duten gizarte eragile eta kulturtaldeek, elkarri lekukoak pasatuz, lau zutabetan Euskal Herria zeharkatuko dugu Bergarako AHTren korapiloan batu eta helmugaratzeko. “Lurra zaindu, eredu soziala eraldatu! AHT eta proiektu txikitzaileak borrokatu!” leloa izango da ekimen honen ardatza.

TXIRRINKAren zutabeen datak eta ibilbideak:


INFORMAZIOA GUZTIA [HEMEN]

 

Hezkuntza Sistema Propioa IRUTEN

admin
-
0
Hezkuntza Sistema Propioa IRUTEN

LAB Irakaskuntzako arlo ezberdinetako langileek agerraldi egin dute gaur. Bertan Euskal hezkuntza sistema IRUTEN dinamika aurkeztu dute. LABek ezinbesteko jotzen du Euskal Herriak egun, zein etorkizun hurbilean, behar duen hezkuntza eredua gaurdanik iruten hastea. Azken urteotan garatutako oinarrietan aurrera egin nahi du LABek: inposizioak salatzeaz gain, Euskal Herriak behar duen hezkuntza sistemaren bidean urratsak ematea.

Badira nazio bat egituratzeko orduan funtsezkoak diren osagaiak. Hezkuntza horietako bat da, baina hori baino gehiago ere bada. Hezkuntza nazio baten etorkizuna bermatzeko ezinbesteko tresna da. Belaunaldi berriek osatuko baitute biharko jendartea. Jasotzen duten heziketa nolakoa, biharko jendartea halakoa. Horrela, hezkuntza euskaldunak jendarte euskalduna sortuko du; hezkuntza askatzaileak, jendarte askea…

LABek urrats berri bat eman nahi du bide horretan. Honako ekarpena egin nahi du, hain zuzen ere: Hezkuntza Sistema Propioa Iruten dinamika. Eta zergatik IRUTEN? Bada, ezinbestekoa jotzen dugulako Euskal Herriak egun, zein etorkizun hurbilean behar duen hezkuntza eredua gaurdanik iruten hastea. Gaurdaino, hamarkadaz-hamarkada, eskuz-esku landu dugun hari korda zahar horrek etorkizuna iruten jarraitzeko balio behar digulako, eta etorkizuna gure herriari jantzi berri bat lantzetik pasatzen delako. Bide honetan, azken urteotan garatutako oinarrietan aurrera egin nahi du LABek: inposizioak salatzeaz gain, Euskal Herriak behar duen hezkuntza sistemaren bidean urratsak ematea. Maiz adierazi dugun bezala, desobedientzia ez delako ezetza adieraztea soilik, bide propioa ere jorratu behar baita.Horregatik gaurdanik hasi nahi dugu iruten etorkizuneko euskal estatuak izan behar duen gona berria, gona gorria.

Hezkuntza hizpide, hausnarketak, zalantzak eta tresna eraginkorrak partekatzeko asmotan bakoitzaren errealitatean oinarriturik abiatu nahi dugu dinamika hau. Betiko topikoak garaitu eta hezkuntzaren gainean ikuspegi berri eta fresko bat osatzeko asmoz. Horregatik hezkuntza komunitatea osatzen dugun norbanako nahiz eragile ezberdinei zuzentzen gatzaizkizue zuen ekarpena ere funtsezkoa baita!

Izan ere, herri-ikuspegitik abiatutako tokian tokiko lan praktikoa funtsezkoa dela deritzogu. Eta elkarrekin urrats berriak emateko aukeran sinesten dugu (ikasleak, langileak, familiak zein herritarrak; haur hezkuntza, lehen hezkuntza zein bigarrenekoak; unibertsitatekoak, ikastetxe batekoak zein bestekoak, musika eskola zein bestelako eragileak).

Antolatu dugun dinamikaren helburuak honakoak dira:
• Euskal hezkuntzaren xedeez gaineko hausnarketa burutu.
• Hezkuntzaren baitan biltzen garenon arteko esperientziak ezagutu.
• XXI. mendeari so Euskal Herriak behar duen eskola ereduaren gaineko adostasunak bildu.
• Hezkuntza Sistema Propioaren bidean tresna eraginkorrak osatu.

Dinamika honek hezkuntzaren baitako objektu izatetik, subjektu izaterako jauzia ematea du xedea. Hezkuntzarekiko ditugun beharrak, nahiak, ametsak… egingarriak diren heinean, ez dugu uste modurik aproposena hezkuntza sailei so geratzea denik; eurak zer esango zain. Guk geuk, herritarrok ere burutu beharko genituzke hausnarketak eta eztabaidak, denon artean adosteko eta eraikitzeko Euskal Herriak behar duen hezkuntza eredua!

Ainhoa Etxaideren interbentzioa:

Iruten dinamikaren garrantzia azpimarratzea baino irutenen oinarriak azpimarratu nahi ditut. Hezkuntza nazio baten etorkizuna bermatzeko ezinbesteko tresna da. Halako hezkuntza halako Herria izango dugu. Hezkuntza garrantzitsua da eta ez gaude esku arrotzetan uzteko prest. Askotan ikasle, irakasle, guraso eta herritar bezala esan digute ze garantzitsua den hezkuntza, gure seme-alaben hezkuntza aukeratzen denean arduraz jokatzeko eskatu digute, baina hezkuntza nolakoa, nola antolatu eta nundik eraiki behar den erabakitzerako orduan bizkarra eman digute. Hezkuntza sistemaren eraikuntzan protagonista izan nahi dugu, eragile izan nahi dugu, ez gaude instituzio eta gobernuen esku uzteko prest.

Protagonista izango bagara, urrats bat eman dugulako da, gure ekimenez eta inori baimenik eskatu gabe. Ez dugu hezkuntza sistema berri bat egingo LOMCEaren inguruan, ezta LOMCEa hemen aplikatzeko mahai baten inguruan eseriko ere. Gure ustez, gure ekimenez denok batera urratsak emanez, desobedientziari daukan balioa emanez eta baimenik eskatu gabe irekiko dugu biderik emankorrena.

Askotan galdetu digute zein den aldarrikatzen dugun sindikalismo berritu hori. Gure ustez hau da, sindikalismoa langileekin egitea, etorkizunari begira egitea. Gure aldarrikapenek ibilbide gehiago dute herritar eta langileen artean instituzioetan baino. Tresnak eskaini behar ditugu aldarrikapen horien gainean urratsak emateko, praktika politiko eta sozial berriak irekitzeko. Hau da langileen zerbitzura dagoen sindikalismo bat eta ez agortuta dauden bestelako eremu batzuetan kateatuta dagoena.

Negoziazio kolektiboa lapurtu digute, interbentzio instituzionaleko esparruak antzuak dira. Beraz gure interlokuzioa, gure aldarrikapenak defendatzeko tresna eta markoak berreskuratuko baditugu horrelako dinamiketan indar egiten dugulako izango da.

Beraz hemendik aurrera tresna bat gehiago dugu esku artean.

 

 

 

LABek udal zerbitzuen publikotasuna bermatuko duen udal legearen alde egingo du

admin
-
0

Apirilean EAEko Udal Legea onartu zuen Gasteizko Legebiltzarrak, gure udal zerbitzuak eta udalak arautuko dituen lehen lege autonomikoa. Horrenbeste denbora luze Udal Lege propiorik gabe egon eta gero, beharra baino premia zegoen hura adosteko. LABen ordea, ez dugu uste udal langileen ikuspegitik aurrerapauso handia izan denik. Eta horrenbeste urte eta gero pixka bat gehiago itxoin genezake, eragile sozialekin negoziatu eta negoziaziotik sortuko zen lege bat egiteko.

Apirilean EAEko Udal Legea onartu zuen Gasteizko Legebiltzarrak, gure udal zerbitzuak eta udalak arautuko dituen lehen lege autonomikoa. Horrenbeste denbora luze Udal Lege propiorik gabe egon eta gero, beharra baino premia zegoen hura adosteko. Izan ere, lege estatalaren azken erreformak,
lege autonomikoaren faltan, ordura arte udalen menpe ziren zenbait eskuduntza berrean behera uzten baitzituen. EAJ eta EH Bilduren artean ituna egin eta gero pentsa genezake Euskal Herriko alde honetan, EAEn, eraikuntza nazionala modu parte hartzailean eta herritarren zerbitzura egiten lagunduko lukeen lege bat izango genuela, euskal herritar eta udal langileen eskubideak bermatzen lagunduz.

LABen ordea, ez dugu uste udal langileen ikuspegitik aurrerapauso handia izan denik. Eta horrenbeste urte eta gero pixka bat gehiago itxoin genezake, eragile sozialekin negoziatu eta negoziaziotik sortuko zen lege bat egiteko. Ziur gaude, gainera, prozesu parte hartzaile batetik sortu izan balitz Udal Legea ez zela onartu dena izango, zerbitzu publikoen, langileen eta herritarren interesen alde berme gehiago izanen lukeela baizik.

Legeak gabezi hori izan du jaio baino lehen. Eremu instituzionalean ohituta gauzkaten bezala, negoziazioak iraun duen bi urteotan, ez da negoziaziorik ez harremanik egon elemu horretan jarduten dugunekin. Ez dugu parte hartzerik izan eta, hortaz, ez dugu legearen mamia ezagutu ia
onartu den arte. Beraz, LAB sindikatuarentzat oinarrizko kontua den Negoziazio Kolektiboari muzin egin zaio.

Legea eskuratu ahal izan dugunean hasi gara aztertzen eta argi-ilunak baloratzen, udal langileon ikuspegitik, eta alde ilunak gailendu dira. Ez ditugu ukatuko legeak dituen alde onak: euskararen normalizazioan ematen dituen urratsak, udaletan herritarren parte hartzerako egiten den ahalegina, udalek eskuduntzak egonkortzeko eta berri batzuk eskuratzeko ematen duen ezinbesteko urratsa (nahiz eta hauek hurrengo Lege baten esperoan geldituko diren). Baina urrats
hauek oso xumeak izan dira.

Ilunek pisu handiagoa daukate guretzat: Estatuaren Legearen menpekoa da eta hantig ezartzen diren mugetan mugitzen da, ez die pribatizazioei bidea ixten, zerbitzu publikoen kalitatearen eta
langileen lan baldintzen kaltetan. Enplegu publikoaren atalean apenas ez du ezer esaten, sable eta gu asko kezkatzen gaituen Zuzendaritza Profesionalaren irudiarena. Zuzendaritza Profesionala, Enplegatu Publikoaren Lege proiektuan aipatzen dena, hemen gauzatzen da eta LABek ez du begi onez ikusten enpresetako buruak udalen arduretan ardutea (lege honek horri ateak irekitzen dizkio). Bestalde, lege honek udalei euren eskumenak garatu ahal izateko /nantziazioa beraten dien arren, de/zitaren helburua betetzea beste kontsiderazio guztien gainetik jartzen da, Estatuko
Legearen aginduetara, eta honek mugatu egiten du udalen jarduera eta zerbitzu publikoen
garapena.

Gure ustez, zerbitzu publikoak garatzeko bidea bermunizipalizazioa eta errebertsioak dira eta Lege hau, hori bermatze aldera urrats bat izan zitekeen, pribatizazioei bidea itxiz eta errebertsioak emateko tresnak ezarriz. Zerbitzu publikoak esku pribatuetan uzten eta langliegen baldintzak etengabe okertzen eta prekarizatzen dituen ildoari amaiera eman behar zaio eta hau, ezinbestez, langileen eta herritarren beharrei erantzunez egin behar da, hitza eta erabakian parte hartzeko bideak jorratuz. Udalek, eta instituzioek orokorrean, beste bide bat jorratu beharko lukete, erakundeen demokratizazioa eta zerbitzu publikoen garapena.

LABek lanean jarraituko du zerbitzu publikoak garatzeko eta publi/katzeko helburuaz, eta Zuzendaritza Profesionalaren irudi hori ezein udaletan gauzatu ez dadin borrokatuko da. Norabide honetan, onartu berria den Udal Legean beharrezkoak diren aldaketak egin daitezen ere egging dug lan.
 

 

 

Arte Ederretako Museoko azpikontratetako langileek greba egingo dute maiatzaren 16an

admin
-
0
Arte Ederretako Museoko azpikontratetako langileek greba egingo dute maiatzaren 16an


Azpikontratatutako langileek kontzentrazioa egin dute gaur Museo atarian. Bertan, langile bezala bizi duten lan-egoera tamalgarria salatu dute. 34 dira kolektibo hau osatzen dutenak, denak Manpower Global Solutions enpresako langileak. Mobilizazioan bertan iragarri dute maiatzaren 16an egingo duten greba eguna.

Langileek adierazi dute zerbitzu publiko eta kultural bezala ematen dutela aupregia egunero, eta “duintasuna” eskatzen dutela bizi duten egoera latzean.

10 urte inguru daramatzate lanean, eta izoztuta dute soldata, hau da, azken urteotako berdina kobratzen dute. Euren lanpostuek ez dute inolako egonkortasunik, subrogazioa ez dagoelako bermatua.

1.200 eurotik gorako soldatak eskatu dituzte. Gaur egun, 880 eurotako soldata dute (hori lanaldi osoan ari direnek).

Museoaren jendaurreko aurpegia dira, erakusketa aretoetan balio handiko artelanak zaintzen dituzten pertsonak, bisitariei harrera egin eta sarrerak ematen dizkietenak, askotariko talde anitzei bisitaldiak eta tailer artistikoak eskaintzen dizkietenak, bisitarien zalantzak argitu eta euren iradokizunak eta kexak biltzen dituztenak, arte bilduma ezagutzera ematen dutenak…

Publikoari harrera zuzena egiten diotenak dira, eta agerikoa da museoak instituzio bezala, ezinbestekoa duela publikoa, bisitaririk gabeko museoa artelan biltegia baino ez delako. Langileak prekarietatean murgilduta dituen museo publikoa ez da inoiz izango ez kultura erreferente bat ezta jendartearentzako aberastasun iturri.

Bilboko Arte Ederren Museoak bere egitekoa betetzeko funtsezkoak dituen langileen lan baldintza duinak bermatzea eskatzen dugu. Eta Bilboko Udala, Bizkaiko Foru Aldundia eta Eusko Jaurlaritzak osatutako Patronatoari beharrezkoak diren neurriak hartzea eskatzen diegu areto zaintzaile, txarteldegiko langile, hezitzaile eta denda zein harrerako langileek laneko duintasuna berreskura dezaten, eta kalitatearen aldeko apustua eta lanaren defentsa egitea.

 

 

 

2.000 sinadura baino gehiago haurreskola txikien inguruko politika egokia aldarrikatzeko

admin
-
0
2.000 sinadura baino gehiago haurreskola txikien inguruko politika egokia aldarrikatzeko

Haurreskola txikien inguruko politika egokia aldarrikatuz 2.000 sinadura baino gehiago aurkeztu ditu LABek EAEko Hezkuntza Ordezkaritzan. Hain zuzen ere, landa eremuko haurreskola txikiekin egoeraren aurrean, sindikatuak, pasa den urtean eskualde konkretu batzuetan martxan jarri zuten kanpainari segida emateko, aurten ere sinadura bilketa egin du langile, familia eta oro har, inguru hoietako biztanle eta kargu publikoen laguntzarekin.

Jarraian dituzue dira Haurreskolak Partzuergoak argitaratutako “Printzipio orokorrak eta erabaki metodologikoak. Helburu orokorrak eta lanerako edukiak” liburuan irakurri ahal ditugun aipuak. Hoiek dira Haurreskolak Partzuergoaren ustezko doktrina.

– HAURRESKOLAK PARTZUERGOAren helburuek bi asmo dituzte: Haur Eskoletan matrikulatutako haurrei hezkuntza osoa ematea eta familiei gizarte laguntza ematea.

– Familiei laguntza zerbitzua ematea, bi urtetik beherako haurrak zainduz eta haietaz arduratuz seme-alabak dituzten Familientzako Laguntza Planaren parte da, eta familia bizitza eta lan bizitza bateratzen laguntzeko ematen da zerbitzu hori.

– Landa eremuetako biztanleei kalitatezko hezkuntza zerbitzua eta laguntza zerbitzua jasotzeko aukera ematea (Europako Batzordeak 2000ko martxoaren 14an emandako Erabakian finkatutakoak).

Baina pasa den ikasturtetik, Zuzendaritza batzordeak landa eremuko haurreskola txikiekin zorrotz jokatzea erabaki du. Batetik, zabalik mantentzeko (3 haur matrikulatuta egon ezean haurreskola itxi egingo da). Eta bestetik, ordutegia murriztuz, nahiz eta 8 orduko zerbitzua ordaindu, 7 ordu zabalik mantenduko dira 5 haur matrikulatuta egon arte. Haurreskola txikien inguruan hartutako erabakiekin, kolokan jartzen ari da horien biziraupena, landa eremuko biztanleen eskubideak eta landa eremuak bizirik jarraiteko derrigorrez beharrezkoak diren zerbitzuen kalitatea.

Datu guzti hauek kontuan hartuta, LABek pasa den urtean eskualde konkretu batzuetan martxan jarri zuten kanpainari segida emateko, aurten ere sinadura bilketa egin du langile, familia eta oro har, inguru hoietako biztanle eta kargu publikoen laguntzarekin. Gutxi gora behera, 2.000 sinadura jaso ditugu eta horiek, Eusko Jaularitzaren Hezkuntza Sailean erregistratu ditugu gaur.

Bihar, maiatzaren 11n, Haurreskolak Partzuergoaren Batzar Nagusia bilduko da Lakuan. Horretan, misio eta helburu orokorren aurkezpena egiteaz gain, 2014-2015 urteetako kontu orokorrak onartu eta 2016 urteko aurrekontua aurkeztuko dira. Gure ustez, horretan dago gakoa. Aurkeztuko dituzten aurrekontuek ematen diguten informazioa da Eusko Jaularitzak haurreskoletarako inolako inbertsiorik ez egitea erabakita duela. Pasa den kurtsoan, tramuen araberako kuoten eredua martxan jarri zenean, Zuzendaritzak argi utzi zuen, neurri hau gauzatzeko inbertsio gehiagorik egingo ez zuela eta beketarako orain arte erabiltzen zen diru partida erabiliko zela. Kuota sistema berri honek beste ondorio batzuk ekarri ditu: Egokitzapenerako kuota altuagoa da, matrikulazioa egiteko tramiteak zaildu dituzte, egoera ekonomikoa aldatzekotan ez da kuota egokitzen eta 2 urteko geletako kuota garestitu da

Zerbitzu publikoa diren heinean, haurreskolak denon eskura egoteko, egiten diren inbertsioak gehitu, haurrak matrikulatzeko irizpideak eta kuotak aldatu beharra dago. Aurrekontuetan, haurreskolak aintzat hartu eta partida handitzea ezinbesteko baldintza da, zerbitzuaren kalitatean eragin ahal izateko.

 
 

Arriskuan dagoen umeentzako plaza kopurua / Arriskuan dauden lanpostuak

Eragiten dion biztanleria eta hazkunde tasa

 

Bataz beste familiek beste haurreskolaren bateran joateko egine behar duten distantzia (Km)
Arrankudiaga
10 plaza / 2
994 – %24,39
5 km
Artea
21 plaza / 1
759 – %15,68
3 km
Aulestia
20 plaza / 2
654 – % -0,92
14,5 km
Berriatua
10 plaza / 2
1223 – %22,09
11 km
Dima
21 plaza / 2
1427 – %30,12
8 km
Gautegiz
10 plaza / 1
857 – %3,23
9 km
Ispaster
10 plaza / 1
705 – %16,64
7,5 km
Mallabi
21 plaza / 2
1214 – %8,31
5,5 km
Mañari
20 plaza / 2
522 – % 14,13
7 km
Aia
21 plaza / 2
2024 / % 22,23
13 km
Albiztur
10 plaza / 2
300 / %9,9
8,5 km
Alkiza
10 plaza / 1
350 / %39,19
6,5 km
Altzo
10 plaza / 1
350 / %27,81
5,5 km
Baliarrain
10 plaza / 2
148 / %35,05
4,5 km
Igeldo
21 plaza / 2
Daturik ez
8,5 km
Elduain
10 plaza / 2
245 / %11,68
6 km
Errezil
10 plaza / 2
601 / % -0,33
10,5 km
Eskoriatza
42 plaza / 2
4109 / %4,15
8 km
Ezkio-Itsaso
20 plaza / 2
155 / %7,75
9 km
Gabiria
10 plaza / 1
509 / %12,22
8 km
Gaintza
10 plaza / 1
123 / %-7,75
4,5 km
Ikaztegieta
10 plaza / 1
484 / %20,21
3,5 km
Larraul
10 plaza / 1
250 / %53,25
6 km
Lizartza
10 plaza / 1
657 / %6,7
8 km
Olaberria
21 plaza / 2
935 / %4,67
6,5 km
Orendain
10 plaza / 2
190 / %19,25
4 km
Zerain
10 plaza / 1
257 / %4,37
3,5 km
Arraia-Maeztu
10 plaza / 1
707 / %-0,95
14 km
Bastida
10 plaza / 2
1500 / % 13,36
11 km
Barrundia
10 plaza / 2
939 / %31,25
10,5 km
Bernedo
10 plaza / 2
539 / %4,23
14 km
Erriberabeitia
21 plaza / 2
1494 / %55,84
15,5 km
Erriberagoitia
20 plaza / 2
860 / %33,22
22,5 km
Okondo
21 plaza / 2
1148 / %19,19
13 km
Samaniego
10 plaza / 1
275 / %2,84
10 km
Zuia
34 plaza / 2
2414 / %15,68
20 km
GUZTIRA
544 plaza / 59
 
 

 
Haurreskolak Partzuergoaren proiektuak euskalduna, doakoa, unibertsala, kalitatekoa, eraldatzailea eta partehartzailea izan behar du eta LAB horretara doa. Eredu berri baten beharra daukagu, hezkuntza sistema berri bat behar dugu non 0-3 zikloak daukan garrantzia aitortuko zaion. Horregatik, LABen apostua, Hazkuntza sistema berria gaurdanik IRUTEN.
 

 

 
1...1,0771,0781,079...1,632Page 1,078 of 1,632

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus