2025-12-14
Blog Page 1076

Prekarietatetik irtetea gure eskubidea da eta hortara goaz

admin
-
0
Prekarietatetik irtetea gure eskubidea da eta hortara goaz

Indarkeria sexista, indarkeria fisiko edo psikologikotik haratago doa, indarkeri sexistak milaka aurpegi ditu. Horregatik, gaur, azaroaren 25an, Emakumeenganako Indarkeriaren kontrako Nazioarteko eguna dela-eta, emakumeek lan munduan pairatzen duten prekarietatea azalaratzeko asmoz Gasteizko Boulevard merkataritza-gunean mobilizatu gara. Bertan sektore honetako langileek bizi duten prekarietate egoera salatuz.  

Prekarietatea, azken urteetan jendarte osoan hedatu eta langile sektore ezberdinetara zabaldu den errealitatea bada ere, emakumeontzat ez da gauza berria. Aspalditik pairatu baitugu, egonkortasun ez honek suposatzen diguna erlatibizatzera eta egoera hauek arruntzat jotzera eraman gaitu. Baina ez, egoera hauek ez dira normalak.

Gure soldata eskasak ez digu bermatzen bizimodu duin bat izatea; gure ordutegiak ez digu gure familia edo lagunekin egotea uzten; hainbatek lanaldi partziala dugu eta hilabete bukaerara heltzea ezinezkoa zaigu; emakume askori, emakume izateagatik, gure soldata osagarri (etxerako diru sarrera gehigarri) moduan hartzen zaigu eta ez digute besterik eskaintzen, ez soldata duinik, ez lan baldintza onik.

Hau ondo baino hobeto ezagutzen dute merkataritza sektoreko langileek. Horregatik bertan jarri du hitzordua gaur LABek. Gure eskubideak berreskuratzeko bidean lehen urratsa egoera hauek normalak ez direla ikustaraztea da, horregatik Gasteizko Boulevard merkataritza gunean langileek pairatzen duten prekarietatea azaltzen duten esku orriak banatu dituzte. Ondoren, beren kezkak jaso eta horren araberako eskaintza egin nahi diegu.

Emakumeon prekarietatea ez da ustekabea. Sistema patriarkalak ondo diseinatutako estrategiaren ondorio zuzena baizik. Gure bizitza proiektuak modu aske batean garatu ahal izatea baldintzatu nahi du. Emakumeok jasaten dugun prekarietatea indarkeria da eta egoera honi buelta ematea ZureESKUbidea.

Horregatik Sara eta Mikelek, ekintza sindikaleko kanpainari gurekin ekin zioten bi langileek, egindako gonbiteari eutsi diogu. Lan baldintza duinak dituen lanpostu bat izateko eskubidea dugu eta elkarrekin aterako gara prekarietate egoera honetatik.
 

 

 

“Esperientziak batuz euskal osasun sistema publikoaren alde” jardunaldiak bihar Bilbon

admin
-
0
“Esperientziak batuz euskal osasun sistema publikoaren alde” jardunaldiak bihar Bilbon


Bihar, hilak 26, denon artean Osakidetzaren gainean egiten dugun diagnostikoa konpartitzeko, alternatiba zein izan daiteken gogoetatu, eta alternatiba hori sustatzeko indarrak biltzeko komenientziaren inguruan aritzeko jardunaldiak antolatu ditu LABek Bilboko Arrupe Etxean. “Esperientziak batuz euskal osasun sistema publikoaren alde” izenarekin 9:30etan emango zaio hasiera jardunaldiari. 

Alde batetik, atzeraldi ekonomikoaren aitzakiarekin EAEko osasun sistema publikoan, osakidetzan alegia, era askotako murrizketak egin dituzte, eta egoera geroz eta okerragoa da lan baldintzak, zerbitzuaren kalitatea zein prestazioei dagokienean: kopago sanitarioa, gero eta langile sanitario zein ez sanitario gutxiago izatea, pribatizazioak, ginekologia zerbitzuen murrizketak, C hepatitisa duten gaixoak sendatu ditzaken medikamentua ez ematea….

Langileak haien lan baldintzen defentsan ari dira, baina ez hori bakarrik, baita Osakidetzak ematen dituen zerbitzuak kalitatezko gutxieneko baldintzetan emateko ere.

Bestetik, badira herri eragile asko, bakoitza bere arazo partikularraren ikuspegitik, Osakidetzako zerbitzuen gabezien aurrean antolatzen eta borrokan ari direnak: pentsionistak kopagoaren kontra, TOPA plataforma pribatizazioaren kontra Tolosaldean, guraso elkarteak pediatria zerbitzuen murrizketen kontra, mugimendu feminista ginekologia zerbitzuen murrizketen kontra, euskalgintza euskerazko zerbitzuek aldarrikatuz, …

Borroka horietako bakoitzak askoz indar handiagoa hartuko luke baldin eta denon arteko gogoeta bateratu baten baitan indarrak batzeko gai izango bagina. Hori izango litzateke jardunaldi hauekin bilatzen duguna: denon artean Osakidetzaren gainean egiten dugun diagnostikoa konpartitu, alternatiba zein izan daiteken gogoetatu, eta alternatiba hori sustatzeko gure indarrak biltzeko komenientziaren inguruan aritzea.

Ikusten duzuenez jardunaldiok, LABek antolatuak izan arren, denon artean zerbait bateratua eraikitzeko helburua dute, eta horrexegatik garrantzi handia ematen diogu eragileen parte hartzeari.
 

 

 

Merkataritzako akordio markoa, urrats bat esparru propiorako bidean

admin
-
0

Bi urte dira honezkero LABek patronal zein sindikatuei EAEko esparruan akordio marko sektorialak sortzea proposatu ziela. Euren artean dago merkataritzakoa, hitzarmen sektorialek erreformaren ondorioz negoziazio-eremu estataletik jaso behar zituzten erasoetatik babesteko, negoziazioa debekatuz edo gaiak lapurtuz. Bestalde, enpresa eremutik ere etor zitezkeen erasoetatik ere babesten ditu hitzarmenak (enpresakoan sektorialean jasotakoa okertzeko aukera). Orduan kritikak baino ez genituen jaso ELA zein patronalaren aldetik, akordio-markoek ezertarako balio ez zutela esanez.

Gaur, azaroaren 25ean, eta gure proposamenetik urte bi igaro ondoren, LABek lortu du sindikatu zein patronala erakartzea merkataritzako hitzarmen sektorialak babestuko dituen akordio marko batera. Lorpen partziala da, LABen helburua zelako eta delako aipatu akordio marko horretan hitzarmen sektorialetan jasotakoa enpresa-hitzarmenetan okertzea mugatuko duten neurri posible, legal eta beharrezkoak sartzea. LABek konpromisoa erakusten du orain arte bezala lanean jarraituko duela aipatu neurriak sartzea lortzeko.

LABek urte luzeak daramatza Euskal Esparrua aldarrikatzen. Honen bidez arautuko lirateke lan harremanak Euskal Herrian. Gaur sinatutakoa bezalako merkataritzako akordio markoak Esparru propioa lortzeari begirako pausoak dira, eta agerian uzten dute bere beharrizana. Hau ez da LABen aldarrikapena soilik. Ematen du beste eragile patronal eta sozialek hausnarketa berdina egiten dutela.

Euskal Herrian Lan Harremanetarako Euskal Esparrua garatzen jarraitzeko urratsak eman behar ditugu, akordio marko gehiagorekin edo gure hitzarmen kolektiboak babestuko dituzten akordio interprofesionalekin, lan-baldintzen prekarizazioa eta langabeziari amaiera emango diogen akordioekin. LABek bere prestasuna adierazten du bide hori zeharkatzeko.

Orain dei egiten diogu patronalari Akordio Markoez gain, negoziazio kolektiboa ere desblokea dezan, lan-zentroetan bizi diren arazoei erantzungo dieten eskaintzak eginez, lan-baldintzen prekarizazioari, bereziki.

Bestalde, ELAk hausnarketa sakona egin behar du. LABen ekimen hura, erraietatik kritikatu zuena duela bi urte, orain beharrezkoa da merkataritzako hitzarmen sektorialak balioan jartzeko. Bigarrenik, gehiengoa duen sindikatuak gure negoziazio esparruen defentsan buru-belarri sartzeko beharra duela, denbora pasatzen utzi eta etsi beharrean.

Azkenik, CCOO eta UGTri aipartzea ulertezina eta bateraezina dela EAEn akordio markoak sinatzea gure negoziazio esparruak esparru estataletik datozen erasoetatik babesteko, eta modu paraleloan Madrilen hitzarmen estatalak sinatzea esparru autonomiko eta herrialdekoetan negoziatzea debekatzen dutenak, hala nola kontserberak, kolektibitateak, eraikuntza… edo hau ezerezean uztea gaiak lapurtuz. Ezinezkoa da hemen gauza bat egiten egotea eta kontrakoa Madrilen.
 

 

 

AZAROAK 25. PREKARIETATEA INDARKERIA DA!!

admin
-
0

Prekarietatea, azken urteetan jendarte osoan hedatu eta langile sektore ezberdinetara zabaldu den errealitatea bada ere, emakumeontzat ez da gauza berria. Emakumeok aspalditik pairatzen dugun fenomenoa da prekarietatea. Aspalditik pairatzen egon izanik ere, askotan prekarietate honek suposatzen diguna erlatibizatzera eta egoera hauek arruntzat jotzera eraman gaitu.

Baina egoera hauek ez dira normalak:
 
• Etxeko lanak zein zaintza lanak nagusiki emakumeon erantzukizuna izatea ez da normala. Emakumeek 3 ordu eta 33 minutu eskaintzen dizkiote egunero etxeko lanei, eta 4 ordu 15 minutu zaintza lanei, aldiz gizonak ordu bat eta 29 minutu eskeintzen diete lehenengoei, eta 3 ordu eta 17 minutu bigarrenei.
 
• Lan munduan planteatzen diren bateragarritasun neurriak nagusiki emakumezkoei zuzenduak egotea eta emakumeak izatea neurri hauen hartzaile nagusiak ez da normala (bateragarritasun neurriak hartzen dituztenen %94,5a emakumeak dira). 
 
• Lan merkatuan emakumeak modu orokortu batean lanaldi partzialetara bideratuak izan izana ez da normala (lanaldi partzialetan diharduten langileen %77,8a emakumeak dira). 
 
• Hilabete bukaerara heldu ahal izateko lanaldi partzialeko hainbat lan egitera behartuak egotea ez da normala (emakumeen kasuan pobrezia erreala %6,1 ean ezartzen da eta gizonezkoen kasuan %5,6an).
 
• Kontratua lanaldi partzialekoa izan baina azkenean lanaldi osoa betetzera derrigortuak egotea ez da normala. 
• Pairatzen dugun ezegonkortasuna ez da normala (emakumezkoen behin behinekotasun tasa %27,9koa da gizonezkoen %22,6aren aldean). 
 
• Gure lankide gizonezkoak baino gutxiago kobratzea ez da normala (gizonak emakumeak baino %36,2a gehiago irabazten dute). 
 
• 1.200 euroetara heltzen ez diren lansariak jasotzea ez da normala.
 
• Kasu askotan lan merkatu araututik kanpo dauden lanbideak egitera derrigortuak egotea ez da normala.
 
Emakumeok pairatzen ditugun egoera guzti hauek beraz ez dira normalak, are gehiago, emakumeok pairatzen dugun prekarietatea ez da kasualitatea. Sistema patriarkalak ondo diseinatutako estrategiaren ondorio zuzena da. Sistemak emakumezkoak prekarietatera kondenatu gaitu, gure burujabetza ekonomikorako eskubidea lapurtu, menpeko izaki nahi gaituelako. Gure bizitza proiektuak modu aske batean garatu ahal izatea baldintzatu nahi du. Emakumeok pairatzen dugun prekarietatea indarkeria da!
 
Jendartearen gehiengoak indarkeria sexista indarkeria fisiko, psikologiko edota indarkeria sexualarekin lotzen badu ere, indarkeria sexista haratago doa, indarkeria sexistak milaka aurpegi ditu, horietako bat lan munduan emakumeok jasan behar dugun prekarietatea. Prekarietatearen kontrako borroka hortaz eragile sozio-ekonomikoen agendetan lehentasunezko borroka izan behar du. Eta borroka horretan emakumeak ezinbesteko protagonistak izan behar dugu. Gure eskubideen alde borrokatu eta mobiliza gaitezen, prekarietatetik irtetea gure eskubidea da!!

 

 

 

Elkarrizketa sozialeko mahaia bertan behera uzteko eskatzen dugu

admin
-
0
Elkarrizketa sozialeko mahaia bertan behera uzteko eskatzen dugu


Aurreko astean bildu zen elkarrizketa sozialeko mahaian Confebaskek egin zuen proposamen aztertu eta baloratzeko agerraldia eskaini dugu gaur. Sindikatuaren iritziz proposamen honekin Confebaskek kontsolidatuak dauden eskubideak eta egoerak txikitzeko ahalmenak eskatzen ditu. Ez du eredu berririk planteatzen, enpresaren diktadura ezartzea baino ez. Proposamenaren baloraziotik haratago, hemendik aurrera sindikatuak martxan jarriko dituen iniziatiben berri eman dugu. Besteak beste, elkarrizketa sozialeko mahai bertan behera uzteko eskatu dugu.

Garbiñe Aranburu, Ekintza Sindikaleko Idazkariak, eta Ainhoa Etxaide Idazkari Nagusiak gertutik begiratu diote Confebasken proposamenari. Hala Confebaskek eskatzen dituen erraztasunak globalizazioaren ondorioz sortutako egoera berrietara moldatzeko “onartezin eta iraingarriak” direla esan du Aranburuk, egoera berrietara moldatzeko argudioaren atzean “malgutasun inposatua” dagoela gaineratuz. “Lanpostuak suntsitzea ekarriko duen malgutasuna”.

Confebaskek bere proposamenean soldatak irabazien eta produktibitatearen araberakoak izatea eskatzen duela ere salatu nahi izan dugu gaurkoan, erabaki hau hartuz gero soldata murrizketa baten aurrean aurkituko bait ginateke. Bestalde, Garbiñe Aranburuk azaldu du patronalak Negoziazio Kolektiboari ematen dion “aitortza bakarra” enpresen bitarteko izatea dela da. Hau gutxi bailitz, Negoziazio kolektiboa zurruna dela eta eskubide gehiegi bermatzen dituela diote. Lan harreman eredu modernoaren eztabaida Patronal eta sindikatuen artean egin beharrekoa dela ere defendatzen dute proposamenean, baina ahazten dute, ez gaudela baldintza berdinetan eztabaida horri ekiteko, ez ditugula joku arau berdinak.

Adarjotze bat
Proposamen hauek hitz gutxitan laburbildu ditu Etxaidek, “adarjotze bat da, astakeria bat”. LABeko idazkari nagusiaren hitzetan “hau ez da ekimen mediatiko bat, bide oso bat dago honen atzean. Inposaketa eta aldebakartasunaren bidetik jarraitu nahi dute eta proposamen honekin horretarako abantaila berriak eskuratu nahi dituzte lan harreman guztiz antidemokratikoak ezartzeko”. Confebaskentzat lan eskubideak, Eskubideak babesteko eta ziurtatzeko araudi eta hitzarmenak eta noski, bere erabakiei aurre egiteko prest gauden eta harresiak eraikitzeko gaitasuna dugun sindikatuak soberan daude, eta hori salatu dugu gaur ere.
Lehiakortasunaren izenean, prekarietatean sakonduko duen lan harreman eredua da Confebaskek proposatzen duena. Lan kostuen murrizketaren bidetik jarraitzeko apustu argia. Ez du inolaz ere berrikuntzaren edota balio erantsiaren aldeko apustua egiten. Eta honek ondorio larriak ekarriko ditu; herria (gehiengoa) pobretzen den bitartean, enpresen (gutxi batzuk) etekinak handitzea ekarriko du. 

Hau dena nahikoa ez balitz Etxaidek larritzat jo du “patronal atzerakoienari alfonbra gorria” jarri izana Jaurlaritzak. CONFEBASK horrelako proposamenak egitera ausartzen bada, bide horretan laguntzeko prest dituen Gobernua eta sindikatuak dituelako da. Hor dago elkarrizketa sozialerako mahaia, “gehiegikeri bat da”. Are gehiago, mahai hau “defizit demokratiko” argiarekin jaio zela gogoratzen badugu. Gehiengo sindikala ez dago bertan, bai ordea sindikatuak ilegalizatzea eskatzen duen patronal bat baita Parlamentuan lan harremanen ereduaz benetako eztabaidarik sekulan planteatu ez duen gobernua ere. Hau honela izanik galdera zuzena egin du Etxaidek: “Zer gehiago gertatu behar du mahaia bertan behera uzteko?”

Ez diegu utziko
Egoera larri honen aurrean LAB ez da isilik egongo eta hainbat iniziatiba martxan jarriko ditu. Honela, Parlamentuak Mahaia bertan behera utzi dezala eskatzeko alderdi guztiengana zuzenduko gara, Confebasken proposamenaren irakurketa zabalduko dugu langileen artean, lantokietan proposamenari harresiak jartzeko iniziatibak aztertuko ditugu eta langileak aktibatzen eta mobilizatzen jarraituko dugu.

  

 

 

Merkataritzako ordutegien liberalizaziorik ez, HEMEN “0”

admin
-
0
Merkataritzako ordutegien liberalizaziorik ez, HEMEN “0”


Datorren igandean, azaroak 29, eta merkatari, kontsumitzaile eta sindikatu ezberdinek deituta, igande eta jai-egunetako komertzioen irekiaren aurrean gizarteak duen kontrako jarrera erakusteko moblilizazioa izango da Bilbon. "Hemen 0" lelopean eguerdiko 12:00etan emango zaio hasiera manifestazioari Moyua Plazatik.

 

 

 

 

 

Patronalaren jarrerak Arabako Ostalaritzako gatazka areagotzen du

admin
-
0

Arabar Ostalaritzako patronalaren jarrera onartezin eta arduragabeak sektorea egoera jasanezinera eraman du. Langileek pairatzen duten egoera salatzeko mobilizazioekin jarraitzeko erabakia hartu dugu. Honela, azaroaren 26an, Gasteizen ospatuko den Turismo Iraunkorraren Mundu Gailurra aitzakia harturik, Europa Biltzar Jauregiaren aurrean mobilizazituko gara sektoreko sindikatuak. 

UGT, ELA, CCOO eta LABen OHARRA
ARABAKO OSTALARITZA HITZARMEN PROBINTZIALA
PATRONALAREN JARRERA GATAZKA AREAGOTZEN DU

EKINTZA: GASTEIZEN MUNDU GAILURREKO TURISMO IRAUNKORRAREN IREKIAREN HARIRA, MOBILIZAZIOA OSTALARITZAREN HITZARMENAREN DEFENTSAN.

EGUNA: 2015EKO AZAROAK 26AN, OSTEGUNA.

ORDUA: 9.30TIK 10.45RA

TOKIA: EUROPA KONGRESU JAUREGIA.

Arabar ostalaritzako patronalen aldetik langileriari erakusten ari duten errespetu eta seriotasun falta, baita jarrera onartu ezina eta arduragabea ere, sektorea egoera jasanezinera eramaten ari dute.

Prekarietate eta esplotazioaren igoera kontutan izanda, eta abenduan, hitzarmenaren iraunaldia bukatzeko arriskuarekin, sektorea ordezkatzen dugun sindikatuok mobilizazioak areagotzeko eta gogortzeko behartuta gaude.

Azaroak 26an gure hirian irekiko da garrantzi handiko ekitaldi internazional bat, ostalaritza sektorearekin zer ikusi zuzena duena: Mundu gailurreko turismo iraunkorreko ekitaldia, hau aukeratu dugu hitzarmenaren mahi negoziaketan parte hartzen dugun sindikatu guztiek, sektorea bizi duen egoera jasanezina salatzeko.

Mobilizazioekin jarraitzeko behartzen gaitu patronalak.

Gasteizen 2015eko azaroak 24an.

NOTA DE UGT, ELA, CCOO y LAB
CONVENIO PROVINCIAL DE HOSTELERÍA DE ARABA
LA ACTITUD PATRONAL PROVOCA EL ENDURECIMIENTO DEL CONFLICTO 

ACTO: MOVILIZACIÓN EN DEFENSA DEL CONVENIO DE HOSTELERÍA, CON MOTIVO DE LA APERTURA DE LA CUMBRE INTERNACIONAL DEL TURISMO SOSTENIBLE EN VITORIA – GASTEIZ

DÍA: JUEVES, 26 DE NOVIEMBRE DE 2015

HORA: DESDE LAS 9.30H A LAS 10.45H

LUGAR: PALACIO DE CONGRESOS EUROPA

El nulo respeto a los/as trabajadores/as del sector, la falta de seriedad y, en definitiva, la actitud tan irresponsable como inaceptable de las dos patronales de hostelería en Araba están llevando al sector a una situación insostenible.

Conscientes de una realidad de precariedad y explotación creciente, y con la amenaza del fin de la vigencia del Convenio encima de la mesa, los Sindicatos representados en el sector nos vemos en la obligación de endurecer progresivamente las movilizaciones convocadas.

El próximo día 26 de noviembre se dará apertura en nuestra ciudad a un evento internacional de primer orden y estrechamente ligado con el sector hostelero. Siendo así, la Cumbre Internacional del Turismo Sostenible de Vitoria – Gasteiz será el momento y el lugar elegido por los Sindicatos representados en la Mesa Negociadora del Convenio Provincial de Hostelería, para denunciar con el mayor eco mediático la insostenible situación de una de las piedras angulares del sector turístico.

Vitoria – Gasteiz, a 24 de noviembre de 2015

 

Baditugu alternatibak: Sistema aldatu, ez klima!

admin
-
0
Baditugu alternatibak: Sistema aldatu, ez klima!


"Baditugu alterbatibak: Sistema aldatu, ez klima!" lelopean datorren larunbatean, azaroak 28, manifestazioa izango da Bilbon kapitalismoak gure bizitzak eta ama-lurra mehatxupean jartzen dituela salatzeko eta alternatibak aldarrikatzeko. Pariseko COP21 Gailurra hasi aurretik, mundu mailan asteburu horretan burutuko diren mobilizazioekin bat egiten dugu Euskal Herrian ere. 

Baditugu alternatibak: Sistema aldatu, ez klima!

Alternatibak dituen herria, bizirik dagoen herria da. Horixe irudikatzeko asmoz eta Parisko COP21aren aurrean Alternatiben Herriak antolatzeko deiari erantzunez, urriaren 24an “Alternatiben Herria” antolatu eta ospatu zen Bilbon, Europako beste leku askotan bezala. Gaur COP21aren aurrean mobilizatzeko mundu mailako deialdiari erantzuna ematera gatoz berriro.

Gure bizitzak eta ama-lurra mehatxupean daude: klima aldaketa, natur baliabideen pribatizazioa eta xahutzea,produkzio eta kontsumo eredu jasanezina, desberdintasunen areagotzea, bazterketa sozialaren gorakada, eskubide sozialen ahultzea, orden patriarkalaren indartzea, zerbitzu publikoak pribatizatzeko irrika, gure kabuz erabaki eta antolatzeko ahalmen-gabetzea, etab.

Sistema da aldatu behar dena, ez klima. Eta guzti honen aurrean soluzio faltsuak bakarrik eskaintzen ditu kapitalismoak. Deialdia hau burutzen dugunok, alternatibak ditugu hurrengo egunetan Parisen hartu beharko liratekeen eta aurreko goibileretan hartu diren erabaki okerren aurrean: 

  • Euskal Herriko marko araugile eta instituzionalean naturak bere forma guztietan dituen eskubideak txertatu. Eskubide hauek betearazteko beharrezkoak diren politika publikoak egin eta hauek aurrera eramateko baliabide ekonomikoak bideratu; lurzorua, baliabide naturalak eta bizitzeko moduen kudeaketarako, beti komunitatearen mesedetan egiteko.
  • Parte hartze sozialerako tresnen sorrera eta sortzen diren parte hartzerako iniziatibak ez zapaltzea. 
  • Administrazioek eta sektore pribatuak berotegi efektuko gasen murrizketa konpromiso lotesleak hartzea, planetaren berotzea 2ºCtik beherakoa izan dadin.
  • Euskal Herriko lurraldeak, energia nuklearraren produkziotik libre deklaratzea, Garoñako Zentral Nuklearra lehenbailehen ixtea, hidrokarburoen bila Kantauri itsasoko prospekzioak eta petroleoa ateratzeko frackinga bezalako teknika zentzugabeak alboratzea, edo eskistozko hare eta bituminosoen erabilera. 
  • Plan zehatza energia berriztagarri eta ordezkagarriak sortzeko, petroleoaren osteko gizarterako trantsizioan urratsak emateko.
  • Energia burujabetza, baliabideen demokratizazioa, tokian tokiko elektrizitatearen banaketa sarearen bermunizipalizazioa, eta energia efizientzia handituz energia aurrezteko lan egin. 
  • Bidaiarien garraioaren kudeaketa publikoa; mugikortasunaren murrizketan, intermodalitatean, irisgarritasunean eta energia kontsumo gutxienekoan oinarritua. AHTari ez, erabilera sozialerako euskal trenbide sareari bai. Hirietako mugikortasun jasangarria eta aktiboa bultzatu. 
  • Kontsumo arduratsua sustatzeko kultura sozial eta instituzionala sortzea eta hondakinak gutxitu, berziklatu eta berrerabiltzeko programa eragingarriak jartzea, behin betiko erraustegiak bezalako sistema sostengaezinak alboratuz.
  • Elikadura burujabetza politikak efektibo egitea, eta produkzioa eta kontsumoaren arteko harreman orekatuak izatea.
  • Lurraldearen antolaketa zerbitzuetara sarbidea bermatu ahal izateko eta produkzio eta kontsumoaren arteko harreman zuzena bultzatu ahal izateko. 
  • Ekonomiaren trantsizio ekologiko, sozial eta justurantz pausuak eman, aldi berean kalitatezko enplegua sortuz.

Arrazoi guzti hauengatik, datorren larunbaterako, azaroak 28rako manifestazioa deitzen dugu Bilbon eguerdiko 12etan Iberdrola Dorretik hasitaBaditugu alternatibakk/ Sistema aldatu ez klima lemapean. Pariseko Gailurra hasi aurretik, mundu mailan asteburu horretan burutuko diren mobilizazioekin bat egiten dugu beraz Euskal Herrian ere. Bilboko manifestazio honetaz gain, gainontzeko herrialdeetan ere deialdiak izango dira hurrengo asteburuan: Iruñean igande goizean elkarteratzea burutuko dute, Donsostian larunbat arratsaldean bizikleta manifestazioa izango da, eta Gasteizen ere mobilizazioa lotzen ari dira bertako eragile ezberdinen artean.

Bilboko manifestazioarekin bat egiten dugu eragile sozial eta sindikal hauek: Coke EZ, Fracking EZ, Goiener Elkartea, EKM-MOC, Deshazkundea, Biziz-Bizi, EHNE Bizkaia, HIRU, LAB, STEILAS, Ekologistak Martxan, CCOO, AHT Gelditu! Elkarlana, 15M, ESK, Greenpeace, ELA, Bilboko Auzo Elkarteen Federazioa eta Sumendi.
 


 

 

Euskal Telebistako langileei kendutako soldataren %5a itzuli beharko zaie

admin
-
0

2010eko maiatzean PSOEk «krisiari aurre egitearren» bankuei dirua emateko helburuerekin Estatu osoko administrazio publikoetako langileen soldatak %5ean murriztea erabaki zuen. Orain Auzitegi Konstituzionalak Euskal Telebsitako langileei urte hauetan murriztutako soldata itzuli beharko zaiela adierazi du.

2010eko maiatzean PSOEk «krisiari aurre egitearren» bankuei dirua emateko helburuarekin hartutako neurrien artean Estatu osoko administrazio publikoetako langileen soldatak %5ean murriztea erabaki zuen. Erabaki hura «nahiko solidarioa» ez zela augudiatuta, PSEren eskuetan zegoen Jaurlaritzak EAEn erabakia sektore publiko osora hedatzea erabaki zuen, administrazio publikoez gain sozietate publikoak ere barnebilduz. Gogora dezagun EITB Taldeko sozietateak ez direla administrazio publiko, baina EAEko sektore publikoko sozietateak direla.

EITBko Zuzendaritza sindikatuokin bildu zen neurriaren aplikazioa negoziatzeko asmoz. Sindikatuek uko egin genion «langileei dirua nola lapurtu» behar zieten negoziatzeko. Zuzendaritzak Jaurlaritzaren agindua betez soldata murriztu zien langile guztioi.

EITBko sindikatu guztiok neurriaren aurka helegiteak jarri genituen EAEko Auzitegi Nagusian, baina honek atzera bota zuen. Ondorioz Auzitegi Gorenera jo genuen.

Auzitegi Gorenak Euskal Telebistako helegitearen kasuan konstituzionaltasun auzia planteatuta, Auzitegi Konstituzionalera bideratu zuen helegitea. Auzitegi Konstituzionalak hartutako erabakiaren ondorioz EUSKAL TELEBISTAKO LANGILEOI URTE HAUETAN MURRIZTUTAKO SOLDATA ITZULI BEHARKO ZAIE, ETA TAULAK LAPURRETA HORI GABE JARRAITU BEHARKO DUTE. Erabakia uztailaren 31n BOEn argitaratu zuen, eta jakin berri dugu.

Itzarriren ekarpenen murrizketaren kasuan ordea ez du onartzen konstituzioaren kontrako jokabiderik.

ERABAKIA SOILIK ETBKO LANGILEEI ERAGITEN DIE. Gogora dezagun salaketa kolektiboak jartzeko garaian enpresa bakoitzean gehiengoa duen sindikatuak jarri izaten dituela, gainontzeko sindikatuek bat egiten dutelarik. EITB Taldeko sozietate ezberdinetan helegiteak jartzeko garaian, auzia irabazi den tokian, ETBn, gehiengoa LABek zuen; EITBn eta Eusko Irratian ELAk; eta EITBNETen ez zegoen ordezkaritza sindikalik. Beraz soldataren murrizketaren erabakiaren nulitateak ez die eragiten Eusko Irratiari, EITBri eta EITBNETi.

Hiru sozietate hauetan bide juridikoa agorturik, geurea dena berreskuratzeko ekintza sindikala eta instituzionala baizik ez da gelditzen. Horrela ba, mobilizatu eta bestelako ekimenak abiatu beharko ditugu.

Auzitegi Gorenak arrazoia eman zigunean LABek dagoeneko hainbat iniziatiba abiatu zituen dirua EITB Taldeko langile guztioi itzultzeko: Zuzendaritzari berari, Administrazio Kontseiluan eta Legebiltzarrean proposamen bana eginez.

EAJren jarrera dirua ez itzultzeko «segurtasun juridiko eza» izan da. Beno ba, ORAINGOAN EZ DU AITZAKIARIK DIRUA EZ ITZULTZEKO. Oraindik ere 2012ko abenduko bigarren pagaren %75a itzultzeko aukera legala eta ekonomikoa badu Jaurlaritzak, baina ez du nahi.

BERAZ EITBKO LABEK BERRIRO EXIJITZEN DIO ZUZENDARITZARI ETA EUSKO JAURLARITZARI LANGILEOI KENDUTAKO DIRUA LEHENBAILEHEN ITZULTZEKO. EZ SOILIK EUSKAL TELEBISTAKOEI BAIZIK ETA TALDEKO LANGILE GUZTIOI. 2010ETIK HILERO-HILERO KENTZEN DIGUTEN %5A ZEIN 2012KO ABENDUKO PAGATIK ZOR DIGUN GUZTIA.

 

 
1...1,0751,0761,077...1,580Page 1,076 of 1,580

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus