48 orduren buruan Bilboko Guggenheim Museoan Manpower Groupek azpikontratatuta dituen 18 gida eta hezitzaileak kaleratuak izango dira. Egoera hau oztopatu asmoz irailaren 5ean greba mugagabea hasi zuten. Gaur, hilak 29, paiaratzen duten egoera salatzeaz gain euren eskubideen aldeko manifestu bat eta honen inguruan antolatu duten atxikimendu dinamika aurkeztu dituzte.
Gaur, Guggenheim Bilbao Museoko 18 hezitzaileak, azken urte honetan beren lantoki izan denaren aurrean bildu dira. Bertan abuztuaren 30etik mendeku instituzional honen erantzule diren Marta Arzak Hezkuntza Departamentuko Zuzendariak, Garbiñe Urrutikoetxea Giza Baliabideetako zuzendariak, Juan Ignacio Vidarte Bilboko Guggenheim Museoko Zuzendariak, Bilboko Udalak, Bizkaiko Foru Aldundiak eta Eusko Jaurlaritzak aurpegia ematen ez dutela salatu dute.
18 langile hauen kaleratzea, Museoak bertako beste azpikontratei egindako abisua dela deritzote. Horrez gain, hezitzaileek daramaten borrokari babesa azaldu dieten eta Guggenheim Museoko beste zerbitzuetan lan egiten duten pertsonen kontrako errepresaliak egon direla salatu dute.
Amaitzeko arte eta kultur arloko pertsonen babesa jaso dutela adierazi dute. Jada 225 artistek museoko langileen eskubideen aldeko manifestua izenpetu dute. Gainera, gaurtik aurrera manifestuarekin bat egiten duen orok langileek prestatu duten blogean izenpetzeko aukera izango dute.