2025-12-23
Blog Page 1066

Krisi ekonomikoak aberatsak aberastu eta gainontzekoak pobretzen gaitu

admin
-
0

LABetik txostenak egin ditugu aberatsek krisia jendarte osoaren kontura are gehiago aberasteko erabili dutela salatzeko. Salatu dugu galerak sozializatzeko politikak, burbuila finantzieroen ondorio, krisia betikotu besterik ez zutela egingo banku eta akziodunen irabazien mesedetan. Eta behin eta berriro esan dugu aitzakia perfektua zela laneko esplotazioa, prekarietatea eta bazterkeria soziala areagotzeko.

Oxfamek desberdintasunen hazkundeari buruz egindako txostenean jasotako datuek gorago aipatutakoak baieztatzen dituzte.

Biztanleriaren %1ak, aberatsenek, gutxien dutenen %99ak baino aberastasun handiagoa izateak baliorik gabe uzten du krisitik ateratzeko estrategia neoliberala.

Baina hemen, Euskal Herrian, inpunitate osoz jarraitzen dute krisian sartu gintuzten aberastasunaren banaketa desorekatuko politika berdinek. Aberatsek zerga iruzurra egiten dute. Kapitalaren errentek lanaren errentek baino gutxiago ordaintzen dute. Zerbitzu publikoak erabiltzen dira gutxi batzuk horren kontura negozioa egin dezaten, prestazioen kaskartze eta murrizketekin. Bankuei oparitutako dirua ez da ekonomia produktiboan inbertitzen, espekulazioan baino eta gure herriari, Estatua eta bere konpartsa-lanetan aritzen direnen eskutik, politika propioak egiteko aukera ukatzen zaio, gure ehun produktibo eta sozialari egokitutakoak euskal jendartearen mesedetan.

Eskubide Sozialen Kartak eta Altenatiben Herriak bultzatutako mobilizazioa dinamikan berresten gara eta gure ustez, behin betiko amaiera jarri behar zaio estrategia horri. Kartaren programa sozialarekin sintonian lehentasunak aldatu eta mobilizazio soziala areagotu hau lortzeko bermerik onena bezala.
 

 

 

Gurutzetako ospitaleko sukaldean enpresa pribatu bat sartuko da

admin
-
0
Gurutzetako ospitaleko sukaldean enpresa pribatu bat sartuko da

Ezkerraldea-Enkarterriko OSIaren Zuzendaritzak janarien-horniketarako kudeaketa sistema berria ezarri nahi du Gurutzetako ospitalean. Eredu aldaketak ospitaleko sukaldean enpresa pribatu bat sartzea suposatzen du. Hau salatzeko ESK, ELA, UGT, CCOO eta LAB sindikatuek elkarretaratzea burutu dute ospitale aurrean.

ESK, ELA, UGT, CCOO eta LABen irakurketa:

Ezkerraldea-Enkarterriko OSIaren Zuzendaritzak janarien-horniketarako kudeaketa sistema berria ezarri nahi du Gurutzetako ospitalean, 14 hornitzailetatik bakarrera pasatuz.
Isilpean egin den aldaketa da, ez dituzte ospitaleko es langile ez sindikatuak informatu. Bere aurpegirik beltzena erakutsi digu Osakidetzak. Gardentasun faltarena.

Ez dago aldaketa honetarako arrazoirik esparru ezberdinetan onartzen baitzen Gurutzetako ospitaleko sukaldearen kalitate altua eta koste apala. Ospitaleko erabiltzaileak oso pozik zeuden eredu honekin. Gainera, zerbitzu honen kostearen azterketak ahalbidetzen digu ondorioztatzea Osakidetzako ospitaleetatik, pribatizatuta daudenak eta hornitzaile bakarreko sistema hartu dutenak direla gehien gastatzen dutenak.

Eredu aldaketak ospitaleko sukaldean enpresa pribatu bat sartzea suposatzen du, modu esklusiboan, unitate honetako janariak kudeatzeko eta inolako beharrizanik gabe, egun sukaldeko langileok betetzen ditugun funtzioak bere gain hartzea dakar.
Ospitaleko sindikatuontzat eta sukaldeko langileontzat, erabaki honen atzean dago zerbitzu publiko honen aldeko pribatizazioaren eta euren irabazia baino nahi ez duten enpresak sartzearen aldeko Osakidetzaren apustua. Irabazia, honezkero eredu honekin lanean ari diren Osakidetzako beste zentro batzuen esperientziagatik, kalitate txarragoko produktuak eskuratuz eta dieta urriagoekin soilik lor daiteke.

Aldaketa honek ekarriko duenaren adibidea Nafarroako ospitaleetako sukaldeen pribatizazioarekin ikusi dugu. Mediterranea de Catering azpikontratatu zen bertan. Nafarroako sektore publikoa fiskalizatzen duen Comptosen Ganberako txosten batek adierazi zuen pribatizazioak ez zuela ekarri diru-aurrezkirik, kontrara, 670.000 euro garestiagoa izan zen. Zerbitzu berriak kalitate-neurgailurik ez izatea ere larritzat jo zuen. Pribatizazioa asko kritikatu zuten erabiltzaileek eta salaketek egunkarietako orriak bete zituzten.

Azken batean, eredu berri honek Gurutzeko ospitalearen pribatizazioa erraztuko duen pertsonal-berregituraketarako oinarriak jartzea suposatzen du.

Horregatik ari gara sukaldeetako langileak mobilizazioetan. Datorren asteartean, urtarrilaren 19an, kontzentrazioa egingo dugu 11:30ean Gurutzetako ospitalearen sarreran pribatizazio hau salatu eta kalitatezko sukalde publikoa defendatzeko.
 

 

 

Eskola jantokietan beherapenik ez, enplegua bermatu

admin
-
0
Eskola jantokietan beherapenik ez, enplegua bermatu

Eskola-jantokien zerbitzuaren esleipen prozesua amaitu da, baina amaiera ez da pozgarriegia izan ez langileentzat ezta kalitatezko zerbitzuarentzat. Egoera hau salatzeko gaur Eusko Jaurlaritzaren aurrean mobilizatu gara sukalde eta administrazioko langileen subrogazioa ziurtatu eta bermatu dezan eskatzeko.

Eusko Jaurlaritzak prozesu berritzaile eta ekitatiboa bezala aurkeztu zuen, zerbitzuaren kalitatea hobetzeko helburuarekin enpresa berriak sartzeko aukerarekin.

Amaitu da prozesua eta Eusko Jaurlaritzak ez ditu helburuok bete: ez da enpresa berririk sartu eta gainera, euretako bat (Gastronomia Baska) desagertu egin da esleipenen artean eta interes ekonomizista lehenetsi dute, prezioen jaitsiera nabarmena onartuz.

Gastronomia Baskako langileek arazo larria dute sukalde zentralean. Beste enpresa batzutara subrogatutako monitoreek enpresako langileen %60 suposatzen dute eta jangeletako zerbitzu osoaren galera (13.000 menu eguneko). Begirale hauek subrogatuak izango dira eta menuak beste enpresa esleidunetan prestatuko dira. Arazoa menuok prestatzen zituzten eta 700 begiraleen koordinaketa administratibo eta antolaketa kudeatzen zuten langileentzako da, ez baitute subrogaziorako eskubiderik.

Hori dela eta zuzenean interpelatu nahi ditugu Hezkuntza eta Enplegu Sailak euren erantzunkizuna nabarmenduz:

– Enpresa honetan eman den enplegu suntsiketaren aurrean, etorkizun larriarekin utziz.
– Bertako enpresei emandako babes apala, multinazionalak eta estatu mailako enpresak lehenetsiz.
– Kalitatearen aurretik prezioa lehenestea esleipen prozesuetan.

Hori dela eta, sektorean gehiengoa duen LAB sindikatuak Eusko Jaurlaritzari eskatuko dio, Sail bi horien bidez, sukalde eta administrazioko langileen subrogazioa ziurtatu eta bermatu dezan. 

 

 

TRW multinazionalak Landabengo lantokian 250 kaleratze ekar ditzakeen EEE proposatu du

admin
-
0
TRW multinazionalak Landabengo lantokian 250 kaleratze ekar ditzakeen EEE proposatu du

Gaur, goizeko 09:00etan, TRW enpresa zuzendaritzak eta langileen batzordeak egin duten bileran, enpresak jakinarazi du 250 kontratu iraungitzeko prozesuari ekin diola azken lau urtean 100 milioi euro baino gehiagoko irabaziak lortu dituen arren.

Gaur funtsezko eguna da Landabengo TRWaren lantokian. Goizeko 09:00tan, enpresak batzordea deitu du jakinarazteko lantegi honetan Enplegua Erregulatzeko Espedienteari ekingo ote zion eta zenbat langileri eragingo zien.

Sindikatuko kideek esan digutenez, enpresak 250 iraizpen proposatu ditu, non, eta gogora dezagun, joan den ostiralean, prentsaurrekoan, batzordeak salatu zuenaren harira, azken lau urtean 100 milioi baino gehiagoko irabaziak izan dituen eta dibidendutan 59 milioi banatu dituen enpresa honetan!
Langile denak, uneotan, 24 ordutako greba egiten ari dira. Gaurko egunez egingo den bileran erabakiko da zer egintza eta mobilizazioak egingo diren iraungitze espedientea leheneratzeko.

Komiteak eskatu du ere Nafarroako Gobernuak lehentasuntzat har dezala langileak eta hauen lanpostuak babestea; bide batez, salatu dute ere, TRW enpresak nafar guztion diru-laguntzak jaso dituela, eta aipatu dirutza multinazionalak dituen beste lantegietara desbideratzen ari dela zeharka.

 

 

 


Kezka EAEko ikastetxeetan hatzetako margoek osasunean sor ditzaketen kalteen aurrean

admin
-
0

Ikastetxeetan antzeman zen amiantoaren kasua ezagutu ondoren, oraingoan ezagutu dugu hatzetako pinturak osasunarentzat kaltegarria izan daitezkeela.
Alerta Kontsumoko Euskal Institutuaren (Kontsumobide) eskutik etorri zaigu, zeinak ohartarazten baituen Jovi eta Alpino markek, besteak beste, kalteak eragin diezazkioketela osasunari, pozoitzeak eta infekzioak sor ditzaketela. Azpimarratu, marka horiek erabili ohi direla ikastetxetan.

LABek kezka adierazi nahi du honen aurrean. Kezkatu egiten gaitu EAEko Hezkuntza Sailak nola kudeatu duen berriro honelako arazoa.

Sindikatuei ez zaigu inoiz honen berri eman. Zirkular baten bidez egin zezaketen, ikastetxeekin egin den bezala. Gure ustez, sindikatuko ordezkariak garenez, ikastetxeetan osasun arriskuekin zerikusia duten egoerak ezagutu beharko genituzke.
Prebentzio politika egokia izan dadin maila guztietan ezarri behar da, ez da ulertu behar oinarrizko langileengan uzten den zeregintzat. Are gehiago, aipatu oinarrizko langile horiek, lan arriskuei dagokienez, daukaten prestakuntza eskasean erreparatzen badugu.

Ez dugu ulertzen Cristina Uriarteren saila erabiltzen ari den isiltasun dinamika. Informatuak gaudela bakarrik aurkez ditzakegu prebentzioari loturiko proposamenak. Informazioak errazten du osasunaren zaintza. Prestakuntzak egokia izan behar du eguneroko zereginean jasan ditzakegun arriskuak eragozteko eta ezabatzeko.

Dakiguna hedabideen bidez jakin dugu. Ez deritzagu biderik hoberena esparruak partekatzen ditugun eragileen arteko harremanari eusteko.

Sail horrek berriro agertu du ezer gutxi kezkatzen dela, edo ez dela kezkatzen, harremanetarako bidea zabalik edukitzeko, nahiz eskola komunitatea osatzen dugun eragile guztienganako eta gutako bakoitzarenganako nolabaiteko sentikortasuna agertzeko.
Amiantoarekin gertatu bezala, LABek ez du utziko hau guztia isilarazten saia daitezen. Inguratzen gaituzten eta gure osasunari kalte egin diezaioketen produktu eta gai guztien egiazko erregistroa egin dadin egingo dugu lan.
 

 

 

Elkarretaratzea egingo da Bilbon aktibista feminista kurdoen erailketa salatzeko

admin
-
0
Elkarretaratzea egingo da Bilbon aktibista feminista kurdoen erailketa salatzeko

Pakize, Fatma eta Seve, aktibista feminista kurdoen erailketa salatu eta elkartasuna adierazteko Emakumeen Mundu Martxan elkarretaratzea egingo du datorren ostegunean, hilak 21 Turkiako Enbaxada aurrean (Gran Via 65). LABek mobilizazio honekin bat egiten du eta herritarrei bertaratzeko deia luzatzen die. 
 

 

 

Iritsi dira beherapenak eskola jantokietako esleipenetara

admin
-
0

Eskola-jantokien zerbitzuaren esleipen prozesua amaitu da, baina amaiera ez da pozgarriegia izan ez langileentzat ezta kalitatezko zerbitzuarentzat. Eusko Jaurlaritzak prozesu berritzaile eta ekitatiboa bezala aurkeztu zuen, zerbitzuaren kalitatea hobetzeko helburuarekin enpresa berriak sartzeko aukerarekin, baina ez da hala izan.

Amaitu da prozesua eta Eusko Jaurlaritzak ez ditu helburuok bete: ez da enpresa berririk sartu eta gainera, euretako bat (Gastronomia Baska) desagertu egin da esleipenen artean eta interes ekonomizista lehenetsi dute, prezioen jaitsiera nabarmena onartuz.

Gastronomia Baskako langileek arazo larria dute sukalde zentralean. Beste enpresa batzutara subrogatutako monitoreek enpresako langileen %60 suposatzen dute eta jangeletako zerbitzu osoaren galera (13.000 menu eguneko). Begirale hauek subrogatuak izango dira eta menuak beste enpresa esleidunetan prestatuko dira. Arazoa menuok prestatzen zituzten eta 700 begiraleen koordinaketa administratibo eta antolaketa kudeatzen zuten langileentzako da, ez baitute subrogaziorako eskubiderik.

Hori dela eta zuzenean interpelatu nahi ditugu Hezkuntza eta Enplegu Sailak euren erantzunkizuna nabarmenduz:

– Enpresa honetan eman den enplegu suntsiketaren aurrean, etorkizun larriarekin utziz.

– Bertako enpresei emandako babes apala, multinazionalak eta estatu mailako enpresak lehenetsiz.

– Kalitatearen aurretik prezioa lehenestea esleipen prozesuetan.

Hori dela eta, sektorean gehiengoa duen LAB sindikatuak Eusko Jaurlaritzari eskatuko dio, Sail bi horien bidez, sukalde eta administrazioko langileen subrogazioa ziurtatu eta bermatu dezan.

Datorren asteartean, otsailaren 19an, LABek kontzentrazioa egingo du Eusko Jaurlaritzako Bilboko Delegaritzaren aurrean (Gran Via, 85) Hezkuntza eta Enplegu Sailekin bilera eskaria erregistratzeko
 

 

 

LABek desplazamendua bezalako arrisku faktoreak kontuan izatea eskatu die enpresa eta administrazioei

admin
-
0

Atzo, urtarrilaren 14an, Aitor Bugallo langilea hil zen auto-istripuz lanera zihoala. Istripua goizeko 06:00etan izan zen, Orbea enpresara zihoala. Lan istripu berean BRUSS enpresako beste langile bat zauritu da. LABen izenean, gure doluminik sentituenak helarazi nahi dizkiegu hildako langilearen senide eta lagunei.

Hiru langile hil dira lan istripuz Euskal Herrian urte hasieratik, euretatik bi, Durangaldean.

Lan istripuak ez dira beti lan zentruetan edo lan ordutegietan ematen, lanerako bidean izaten diren istripuak (in itinere deitutakoak) ere laneko istripu dira. Errepideak ere arrisku faktore izaten dira askotan langileentzat. Hainbat langile hiltzen da errepideetan, lanera bidean.

Askotan, enpresak langileek lanera bidean egin behar dituzten desplazamenduak kontuan hartu gabe kokatzen dira. Ez dira kontuan hartzen sarrera eta irteerako ordutegiak, errepideen egoera edo garraiobide publikoak erabiltzeko aukera. Enpresek ez dute mugikortasun azterketarik egiten enpresaren errealitatea ezagutzeko, lanaldiaren barrukoak zein lanera joateko edo lanetik bueltatzekoak, arrisku-mailak txikitzeko neurri kolektiboak ezartzeko.

Administrazio publikoek mugikortasun plan horiek exijitzen dituzte baina ez dute kontuan hartzen errepideen egoera. Badakite istripuak ohiko diren puntu beltzak daudela, baina ez dute inolako neurririk hartzen. Gainera, ez dute garraio publikoaren bidez desplazamendu segurua errazten, azken urteotan bizitzaen ari garen murrizketa politika dela-eta.

LABetik egoera hau salatu nahi dugu eta enpresa eta administrazioei arrisku faktore hauek (desplazamendua) kontuan hartzea lanera joateak langileon osasun edo bizitzaren galera ekar ez dezan.
 

 

 

Pobrezia eta etxebizitza mintzagai Arrasaten

admin
-
0
Pobrezia eta etxebizitza mintzagai Arrasaten

Igandean, hilaren 17an, Arrasateko Irati Tabernan "Pobrezia eta Etxebizitza eskubidea Euskal Herrian" hitzaldia burutuko da Elkartzen eta LABek antolatuta. Hitzaldiko hizlariak Xabi Lasa eta Guillermo Perea Gasteiztarrak izango dira. 
 

 

 
1...1,0651,0661,067...1,583Page 1,066 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus