LABeko Zerbitzu Pribatuetako delegatuek prekarietatearen bukaeraren hasiera irudikatu dute. Malgutasuna, soldata eskasak, gehiegizko lanaldiak, jai egunetako lana, kaleratzeak, ordu extrak, subkontratazioa eta etengabeko ordutegi aldaketak bezalako hitzekin prekarietatea definitzen zuen harresi bat sortu ondoren, piroteknia soka batekin hau lehertu arazi dute.
Dohaintza txikiak bildu eta lan eta gizarte prekarietatearen aurka egitea helburu duen Correscales izeneko kanpaina martxan da. Bilbon hasi eta Bartzelonara joango de lasterketa honekin 150.000 euro bildu nahi dira greba mugagabean dauden kolektiboentzat. LABek bat egin du kanpainarekin eta Euskal Herrian egingo diren ekimen ezberdinatan hartuko du parte.
Correscales 2016 ekimenaren aldarrikapenekin bat eginez gaur Euskal Herriko zein Kataluniako mugimendu sozial, sindikal eta politikoetako ordezkariek, LABeko idazkari nagusia Ainhoa Etxaide tarteko, dinamikaren aurkezpena egin dute Bilbon. Ekimen honek, Movistar-Teléfonicak azpikontratatutako Teknikoen (Marea Azul delakoaren) grebari erreleboa hartu dio eta otsailaren 18tik 22ra Bilbo eta Bartzelona batuko dituen prekarietatearen aurkako 800 km-ko errelebo-lastarketa bat da. Estatu mailan inoiz egin den crowdfunding handiena jarri dute martxan greba eta borroka sozialetarako erresistentzia-kutxa bat eratzeko asmoz, eta LABek laguntza ekonomikoaz gain logistika lanetan parte hartuko du.
Greba mugagabean dauden kolektiboentzako funts kooperatiboa, dokumentala eta 800 kilometroko lasterketa Bilbotik Bartzelonara. Correscalesek 150.000 euro bildu nahi ditu sare bitartez lortutako dohaintza txikien bidez, Espainiako estatuan inoiz egin izan den kanpainarik handiena, hain zuzen ere. (http://goteo.cc/correscales).
Beren ekarpena egin duten 360 gizarte mugimendu, sindikatu, talde eta ehunka lagun baino gehiago dira protagonistak. Elkartasunak gainezka egin digu: gaurdaino, Katalunian 40tik gora hitzaldi, aurkezpen eta bestelako babes jarduera egin izan dira; Euskal Herrian ere, dozena inguru antolatu dira. Orain, jasotako konfiantza funts komun bat martxan jartzea ahalbidetuko du prekarietatearen aurka borrokatzeko.
Duela hilabete batzuk Movistarreko milaka langilek abiatutako bidea da hau, muturreko zapalkuntzaren kontra altxatu ziren bi hilabete pasa luzatu zen greba indartsua eginez, gizartean isla nabarmena izan zuena. Gaurkoan, taldean berreskuratuko dugu borroka horren lekukoa; lehenik eta behin, greba horri aurre egiteko erabili ziren dozenaka milaka euroak itzulita eta, ondoren, hurrengorako oinarri ekonomikoa sortzen.
Guk ekin genion bide honi, baina inoiz ez genuen lortuko gure kabuz arituz gero. Orain, borrokarako, berotasunerako eta konplizitate sare bat ehuntzen jarraituko dugu ibilbidean zehar. Otsailaren 18an Bilbotik abiatuko gara, Iruñerako bidean, gau eta egunez jarraituko dugu korrika Aragoiko Goi Pirinioetatik, aurretik Donostia bezalako hiriak zeharkatuta. Tokian tokiko borrokak babesteko, Esako 8ekin elkartasuna agertuko dugu, dirua bilduko dugu Correscalesek igaroko dituen dozenaka herri eta hirietan, eta azaldu egingo dugu nola Movistarrek eta beste enpresa askok dozenaka milaka familien bizitzak izorratzen dituzten.
Gure bizitzarengatik korrika egingo dugu, Huesca, Lleida, Vilafranca, Reus, Tarragona, Sant Boi, Cornellà; Bartzelonaraino heldu arte otsailaren 22an, Mobile World Congress irekitzeko ekitaldian egoteko, teknologiarik aurreratuenak prekarietatearen eskailerak oinarri dituela gogorazteko.
Ondorengo estekan (https://goo.gl/UkiQL8) ibilbide zehatza eta 18tik 22ra arte egingo dugun Bilbo eta Bartzelonaren arteko ibilbidearen irteera eta helmuga ordutegiak topatuko dituzue.
IBILBIDEA
LAB eta ELAetik Eusko Jaurlaritzari jakinarazi genion bere eskuetan lan-poltsa bat utziko dugula. EEEak eragingo liekeen pertsonak egongo lirateke hemen. Tresna hau Hezkuntza Saila eta gainontzeko enpresa esleipendunen esku utziko dugu, kontratazio berriak lan-poltsa honetatik egin daitezen.
Eusko Jaurlaritzatik aukera hau lantzeko asmoa jakinarazi digu. Gure aldetik, enpresa hauetako batzordeetan eragingo dugu horrela izan dadin.
Hezkuntza Sailarekin batzartu ondoren egin zen langileen asanbladaren ondoren, grebarekin jarraitzea erabaki genuen. Langileei ondo iruditu zaie lan-poltsaren proposamena, subrogazioa ziurtatzeko ezintasunaren aurrean. Enplegu Erregulazio Espedienteak eragiten dien langileentzako irteera da, ez du espedientea eragozten baina lan-etorkizunerako ate bat zabalik geratzen da. Aldarrikapen nagusi bi ditu grebak. Batetik, enpresak espedientea aurkeztea eta horrela zenbat langileri eragiten dion ezagutu eta nortzuk diren jakitea, horrela lan-boltsak osatzeko.
Birpentsatzen prozesuak aurrera darrai. Jardunaldi eta unibertsitate sindikalaren ostean, eskualdez eskualde taillerrak egiten ari dira. Sindikalgintza indartsuago eta eraginkorragoa egiteko asmoz abiatutako eztabaida prozesua da LABena eta sindikatu guztiko partaideak burubelarri daude hortan.
Igorren ere tailerra egin dute, Hego Uribe-Arratiako eskualdeko kideak bertako Kultur Etxean bildu dira.
Pasa den ostegunean Arrain Logic enpresako buruzagiaren ilobak LABeko delegatu bat fisikoki erasotu zuen. Erasotzaileak, enpresako langile ere badenak, lotsa gutxirekin gure ordezkaria salatu du jazarpena egotzita. Gure delegatuari babes eta elkartasuna helaraztearekin batera, LABetik enpresa beldur eta mehatxupean aritzea ez dugula onartuko adierazi nahi dugu eta horretarako beharrezko diren neurri guztiak hartuko ditugu.
Bada denbora Arrain Logic enpresak langileak jazartzen dituela presioen bitartez. Hauteskunde Sindikaletan LABek ordezkaritza lortu zuen eta ordutik, presio guzi horiek gure delegatuaren aurka zuzendu dira. Pasadan ostegunean buruzagiaren iloba eta enpresako langile ere badenak, fisikoki erasotu zuen delegatu bat. Eraso hori nahikoa ez eta ilobak LABeko delegatua salatuko du jazarpena egotzita.
LAB sindikatuak argi eta garbi salatu nahi dugu Zornotzako Zubieta Poligonoan dagoen eta Eroskirentzako arrai fresko hornikuntzan diharduen, ARRAIN LOGICeko gure delegatu eta militantearen aurkako jazarpen eta erasoa. Gainera, gure delegatuari gure babes eta elkartasun osoa ere helarazi nahi diogu.
Enpresaren papera argia izan da, alde bateko kontakizunari baino ez dio begiratu; jarrera horrekin, guk salatzen dugun egoerari indarra emanez. LABek ez du onartuko enpresa horretan beldur eta mehatxupean aritzea. Beharrezko neurri guztiak hartuko ditugu horrelako egoerarik gehiago gertatu ez daitezen.
Asteazkenean, urtarrilak 27, 12:30ean, gezurretan oinarritutako epaiketa azkarra egongo da gure delegatuaren aurka. Delegatu honen aurkako erasoa, delegatu guztien aurkako eta sindikatuaren beraren aurkako erasotzat hartzen dugu, eta horregatik, egun horretan bertan, eguerdiko 12:00tan, kontzentrazioa deitu dugu Durangoko epaitegiaren aurrena. Eraso eta jazarpen guztien aurka, Gora langile borroka!
Onartezina da Donostian EAJ eta PSEk gutxien duten pertsonei, hau da, Diru-Sarrerak Bermatzeko Errenta (DSBE) edo Larrialdi Sozialeko Laguntzak jasotzen dituztenei udal instalazioetara sarbidea murriztea arratsaldeko 5etatik aurrera. EAJ eta PSEren udal gobernuak berriro erakusten du bere politika egiteko modua, klasista eta gutxien dutenekiko diskriminatorioa dela.
Premiazkoa da donostiarrek eraso berri honen aurrean erantzun dezatela, zuzenketa publikoa eska dezagula, arduradunek neurri honek diskriminatu dituen milaka lagunei barkamena eskatzea eta berehala bazter dezatela. Onartezina da Udaletik estigmatizazio soziala eta klaseen araberako banaketa susta dezatela. “Politika zaharra”, inposizioa eta diskriminazioak ez dute gure jendartean lekurik izan behar eta eskubideen edozein urraketa dagoenean salatu behar dugu, oraingoan bezala.
Eskandalua da kolekitbo horiek diskriminatzeko asmoa izatea, DSBEra jo behar dutenak euren miseriazko soldaten erruz hilabete amaierara iritsi ezin dutelako.
EAJ eta PSE Kirol Txartela Soziala duten Donostiako 1.700 familiak mespretxatzen eta diskriminatzen ari dira. 4.000 lagun inguru, euren interesetan soilik pentsatzen duten eta herritarren zati handi batek bizi duen errealitatea izkututatu nahi duten politikoek eskubideak urratuko dizkietenak.
Diskriminazioaren alde egiten dute, Donostia klasistaren alde. Honen aurrean herritarren zerbitzura, batez ere beharrizan larrienak dituztenen zerbitzura egongo den hiriaren alde, solidarioago eta justuagoa izango den hiriaren alde egiten dugu.
Neurri diskriminatorio hau Kirol Txartela Sozialaren “hobekuntza” moduan justifikatzeko nahia, Ibabe Kiroletako Delegatuak egin duen moduan, iraina da donostiar guztiontzat, ezin dugularik horrelakorik onar. Horregatik, berehala dimititzea exijitzen dugu.
Akats informatiko baten ondorioz ez zaie 2016ko ekaineko aparteko paga aurreratu. Bakantedun hainbat sukaldari eta garbitzaileri gertatutako egoera honen berri izandakoan, LABek langileen eskutik jasotako informazioarekin Nomimen Zerbitzura jo du eta honek hainbat arazo ematen ari den aplikazio informatikoaren gainean jarri du ardura.
Huts honen konpoketak denbora bat emango du, hala ere, badirudi otsailean zehar egin diotela ordainketa honi 169 langileri “ofizioz”.
Beste behin ere prekarietate handien eta soldata txikien jasotzen duten langileak dira emandako pribatizazioen biktima, honek suposatzen duen Eusko Jaurlaritzako beste langileekiko diskriminazioarekin batera.
