Auzitegi Konstituzionalak adierazten du preso politiko ohiek eskubidea dutela langabeziagatiko laguntza kobratzeko kartzelatik atera ondoren. LABen pozik gaude Auzitegi Konstituzionalak eman duen azken epaiarekin. Honetan, inkonstituzionaltzat jotzen da eta hortaz, ez da aplikagarria, kartzelaratzearen ondoren langabeziagatiko zigorra ukatzeak preso politikoentzat suposatzen duen zigor gehiagarria.

Orain konstituzioaren aurkakotzat jotzen den araua PPren gobernu espainiarrak Giza Eskubideen Europako Auzitegiaren urriaren 31ko epaiari emandako erantzuna izan zen. Europatik etorritako epai honek zenbait euskal preso politiko kartzelatik ateratzea ekarri zuen euren zigorren luzapena legez kanpokotzat jo zutelako.

Itzelezko presarekin jokatu zuen PPren gobernuak eta horrela, 2014ko aurrekontuen legea probestu zuen kolektibo honi laguntza kentzea zekarren araua txertatzeko.

EAEko Auzitegi Goreneko Sozialeko Aretoak onartu zuen, LAB sindikatuaren defentsa juridikoaren eskariz, arau honen aurreko inkonstituzionalitate auzia aurkeztea Epaitegi Konstituzionalaren aurrean.

EAEko Auzitegi Gorenak planteatutako argudioak askotarikoak eta sendoak dira (euren artean diskriminazioa, zigo bikoitza eta neurriak duen helburu mendekatzailea), Epaitegi Konstituzionalak horietako bati buruzko iritzia eman du soilik, hau da, aurrekontuen legea erabiltzea bere helburuetatik aparte dagoen zerbaitetarako. Epaitegi honen arabera, ahaleginik ere ez du egin Espainiako gobernuak neurriak politika ekonomikoko irizpideei erantzun diezaien. Gainera, epaiak dione bezala “neurriak dakarren aurrezkiak, edozein kasutan, oso apala dela ematen du”.

Horrela, LABek Enplegu Zerbitzu Publikoari eskatzen dio, berehala zuzendu eta ahalik eta lasterren laguntzak ukatzen dituzten espedienteak berrazter ditzan, kartzelatik ateratako preso politikoei bidegabeki ukatu zaizkien eskubideak bueltatuz.