ONCEko enpresa batzordearen oharra
ONCE bere produktuak Correoseko bulegoetan saltzen hasi da, gaur egun estatu osoan 2.200 bulego dituena. Orain, Opencorri ere eman dio aukera hori.
Honek, kanpoan saltzen den, hau da, ONCEko langileetaz aparte saltzen denaren igoera nabarmena suposatzen du, eta lanpostuen suntsiketaren aldeko beste pausu garrantsitsua da. Zalantzarik gabe, ONCEko produktuen externalizazioa, langileen aurkako eraso larria da, aurrekaririk ez duena, ez bakarrik saltzaileentzat, bulegoetako langileentzat ere. Horregatik, ONCEko Euskadiko Lurralde Delegaritzako Enpresa Batzordetik, akordio honek lanpostuen egonkortasunerako eta erakundearen irudi sozialerako suposatzen duen eraso larri hau salatu nahi dugu. Organo honetatik, akordio hau berehala bertan behera gera dadin eskatzen dugu, langileoi eragingo digun konpetentzia zuzenarekin, langileen eskubideak urratuko direlako. Hau ez da berria, estanko, gasolindegi eta prentsa kioskoetan saltzen baitzen, baina erasoa eta kalteak areagotu egingo dira sinadura honekin.
ONCEren eginkizun nagusia, gizarteak gehien ikusten duena, ezgaitasunen bat duten pertsonak eta batez ere ikusmen ezgaitasuna duten pertsonak kupoia salduz eta lanaren bitartez gizarteratzea da. Enpresa Batzorde honek, akordio honek erakundearen eginkizun sozialari min handia egiten diola salatu nahi du, desargerpenaren eraginaren aukera sortuz. Ezin dugu ahaztu ONCE erakunde publikoa den heinean, onura eta laguntza garrantzitsuak jasotzen dituela urtero. Horregatik, Enpresa Batzorde honetatik, instituzioei deialdi bat luzatu nahi diegu, dagokien arduradunei, jakinaren gainean jar daitezen eta guzti hau kontrola dezaten. Hala ere gizarteak ere badu langileei eta eginkizun sozial honi bultzada bat emateko aukera eta etekina emango ziona; betiko saltzaileari erostea izango zan, kalean eta kioskoetan.
ONCEko Zuzendaritzak badaramatza dagoeneko bost urte politika hau bultzatzen, betiko saltzaileen sarea, diru-iturri nagusiena zapalduz, %95 fakturatzen duena, eta kanpo salmenta paralelo bat zabalduz. Astakeri honek, ONCEk ikusmen ezgaitasuna duten pertsonei bere zerbitzu espezilizatuak prestatzea baimentzen dio.
ONCEko Eukadiko Lurralde Delegaritzako Enpresa Batzordetik, ONCEko Zuzendaritzak markatutako helburuetara ez heltzeagatik saltzaileak kaleratzea edo eta zigortzea ez dela normala ez etikoa uste dugu, konpetentzia zuzena egiten zaien bitartean. Kupoia prentsa-kiosko, estanko, gasolindegi, Corresoeko bulegoetan saltzen denean, ezin dugu ahaztu saltoki hauek askotan, ONCEko saltzaileak lan egiten duen inguruan daudela, hauek bizitza aurrera ateratzen saiatzen ari den tokian.
Betiko saltzaileen saretik 23.000 familia bizi dira zuzenenan, eta zabaldu nahi duten kanpo salmenta sare berritik ez da familiarik bizi. Are gehiago ezgaitasuna duten pertsonen lanpostuen suntsiketa areagotzen da.
Aurreko guztiagatik, ONCEko Euskadiko Lurralde Delegaritzako Enpresa Batzordea, CCOO, ELA eta LABen babesarekin, akordio honen aurka kokatzen da erabat eta mobilizazioa burutuko du datorren Maiatzaren 24an eguerdiko 11,30tan Opencorrek duen dendaren aurrean, Bilbon (Alameda Rekalde 27 kalea).
