2024-03-19
HomeZerbitzu PribatuakOstalaritzaOstalaritzako langileak babesteko neurriak eskatzen ditugu

Ostalaritzako langileak babesteko neurriak eskatzen ditugu

Hego Euskal Herriko Ostalaritzan ezarri diren murrizketak direla-eta -Nafarroan erabateko itxiera izan da-, LAB sindikatuak sektoreko langile guztiak babesteko neurriak eskatzen ditu. Besteak beste, ostalaritzaren inguruko jarduera oro pandemiak bereziki eragindako aktibitate gisa deklaratzea eskatzen dugu. Ondorioz, sektorea babesteko neurri ezohikoak ahalbideratzea.

LAB sindikatutik gogor salatu nahi dugu ostalaritza sektorea bizitzen ari den kriminalizazioa. Krisi egoera honetan, Ostalaritza behin eta berriz izaten ari da kolpatua, behin eta berriz lege mugapenak aplikatuz edota kutsatzeen erantzule eginez. Guk argi dugu honen atzean gobernuen kudeaketa eza ezkutatzeko asmoa dagoela.

Kate luzea dago taberna bakoitzaren atzean, hala nola ekoizle zein banatzaileak, garbitzaile edota aholkularitzak, eta ondorio latzak eragiten ari dira murrizketok langile askorengan. Baina erabaki politikoak debeku eta isunak arautzera mugatzen ari dira soilik, inolaz ere ez sektorea babesteko neurrietara.

Aldi berean, ezinbestekoa iruditzen zaigu kontratupeko langile ororentzako neurri bereziak hartzea, izan behin-betikoak, behin behinekoak edota kontratu ezarengatik babes juridiko gabe dauden milaka langileak. Bada garaia sektorean ematen diren gehiegikeriak behar bezala ikuskatzekoa, jardunaldiak erregularizatzea eta gutxieneko jardun eta soldatak arautzekoa.

Une honetan, lehentasunezkoak dira ostalariak babesteko neurriak, lokalen alokairuen gainekoak edota autonomo zergari dagozkionak. Baina laguntza oro enplegua bermatzeari baldintzatuak egon behar dira, kaleratzeak debekatuz eta langileen langabeziak osagarrituz.

Azaroaren 7rako Hego Euskal Herriko hiriburuetan deitu diren protestetarako gure atxikimendu publikoa adierazten dugu. Ostalaritza kriminalizatzearen aurka aterako gara, bai eta ostalaritzako langileak babesteko neurriak eskatzera ere.

AZKEN ALBISTEAK | ÚLTIMAS NOTICIAS

Martxoaren 22an egingo da Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera

Ostiral honetan, martxoaren 22an, Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera egingo da. Hitzarmen honek 15 urte daramatza berritu gabe. LABen ideiak argi ditugu, ezinbestekoa da azken 15 urteetan sektoreko langileek galdutako eros ahalmena berreskuratzea eta lanaldia jaistea. Bi puntu hauek izango dira LABen helburu nagusiak.

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.