2024-02-29
HomeZerbitzu PublikoakOsasungintzaOsasungintzako murrizketak zentro berrien inaugurazioekin estaltzen saiatzen direla salatu dute

Osasungintzako murrizketak zentro berrien inaugurazioekin estaltzen saiatzen direla salatu dute

Astelehenean, hilak 18, osasungintza publikoan pairatzen ari diren murrizketak salatzeko, sindikatuek, Arabako Osasun Enpresa Batzordeak eta Pertsonaleko Batzorde guztiek, Salburuako osasun zentroaren aurrean elkarretaratzea egin zuten. Bertan Jon Darpon eta Iñigo Urkulluk zeuden zentroa inauguratzen.

Jon Darponek zentro berriak inauguratuz jarraitzen du. Bitartean murrizketak zabaltzeko aprobetxatzen du. Hala da, zentro berriak irekitzen ditu, baina ez du langile gehiagorik kontratatzen; hau da, beste zentroetako langileak hartzen ditu zentro berrietan jartzeko.

Adibide bezala, Aranbizkarra auzoko zentroan 3 famili mediku, 4 erizain, 2 pediatra eta 3 administrari laguntzaile gutxiago egongo dira, beste zentroetan bezala, Habana, Olagibel, Gazalbide…

Gauza bera beste zerbitzu batzuetan gertatzen ari da. Call Center da beste adibide bat. Ez dute plantillarik berritu; beste zentroetatik hartu dituzte langileak eta Call Center honetan moldatu dituzte.

HUAko errealitatea oso nabarmena da. Laborategi guztiak zentralizatu egin dute eta honen bitartez ebentualak kaleratzeko aprobetxatu dute.

HUAko kanpoko kontsultetan gertatzen ari diren arazoak ez dira atzean geratzen. Santiago Ospitaleko eta Txagorritxu Ospitaleko kanpoko kontsulteen trasladoa erabili dute murrizketak aplikatzeko.

Jon Darponen asmoa agerian geratzen ari da. Osakidetzarentzat, Jon Darponentzat ez da erabiltzailea edo gaixoa inportanteena. Garrantsitsuena murrizketen aplikazioa da, besterik ez da.

Lehen esan dugun bezela, gauza hauek guztiak, hau da, murrizketa hauek guztiak estaltzeko Jon Darponek eta Iñigo Urkulluk osasun zentro berriaren irekitzearena erabiltzen dute, hori bai, kontratazio berririk egin gabe. Osakidetzak eta PNVk kea saltzen jarraitzen dute.
  

LAB sarean
{module[111]}

       

AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.