2024-04-17
HomeZerbitzu PublikoakOsasungintzaOsakidetzak sarean aurrera daraman osasun berrantolaketa ez da modu egokian ematen ari

Osakidetzak sarean aurrera daraman osasun berrantolaketa ez da modu egokian ematen ari

LAB sindikatuak Eusko Jaurlaritzako Osasun Sailari eta bere Sailburu den Jon Darpóni pasadan ostiralean ume zazpikiaren heriotza eragin zuten jazoeren inguruko ikerketan gardentasuna eta ardura exijitzen die. Umeak arnas gelditze bat izan ostean udaltzaingoak Santiago Ospitalera eraman zuen eta handik Gurutzetako Ospitalera bideratu zuten, bertan egun gutxitara hil zelarik. 

LAB sindikatuak Eusko Jaurlaritzako Osasun Sailari eta bere Sailburu den Jon Darpóni pasadan ostiralean ume zazpikiaren heriotza eragin zuten jazoeren inguruko ikerketan gardentasuna eta ardura exijitzen die. Umeak arnas gelditze bat izan ostean udaltzaingoak Santiago Ospitalera eraman zuen eta handik Gurutzetako Ospitalera bideratu zuten, bertan egun gutxitara hil zelarik. 

Era berean hainbat komunikabideen, Correo esaterako, kazetaritzako deontologia-kodea bete dezaten eskatu nahi diegu, datuak kontrastatuz eta egia errespetatuz. Mota honetako jazoerek jendartean sortzen duten egonezinaz jakitun, medio honek herritarrei informazio okerra bidali zien titularren bitartez, kontraste eskasekoa bederen. Ez da egia anbulantziak falta zirenik. Lau anbulantzia eta UVI mugikor bat zeuden prest, azkena bertaratzen ari zena bere irteera geldiarazi zenean.

Hala ere umea hil egin zen eta honen aurrean galdera ezberdinak sortzen zaizkugu. Larrialdien koordinazio zentroak interbentzioa modu egokian kudeatu zuen? Santiago Ospitalean pediatria larrialdi zerbitzua egon izan balitz emaitza berdina izango litzake? Txagorritxuk UCI pediatrikoa izanez gero berdina pasako zatekeen? LABetik aspaldi ari gara salatzen pediatriaren egoera: Osakidetzak umeen arreta pediatrikoa familia medikuen bitartez betetzen du. Santiago Ospitalaren ondoan diren auzoetako umeren batek larrialdi bat badu Txagorritxu Ospitalera eraman behar da, Osakidetzak pediatria ospitalarioa ezabatzea erabaki baitzuen lehenik eta urte batzuk geroago Santiagoko larrialdi pediatrikoa Txagorritxun zentralizatu zelako. Adintxikiko batek zainketa intentsiboak behar izanez gero, Txagorritxuko helduen UCIan jasotzen ditu,; gerora, egoera okerrera badoa, Gurutzetakora bideratzen da.

Arabako larrialdi pediatrikoen zerbitzuak ezin dira Txagorritxu Ospitalean bakarrik kokatuak egon, modu honetan urjentziak kolapsatzen direlako. LABen ustez Osaskidetzak sarean aurrera daraman osasun berrantolaketa ez da modu egokian ematen ari, eta Araban, bereziki Santiago Ospitaleko zerbitzuak Txagorritxukoan zentralizatzeko nahia dela eta osasun arreta herritarrengandik aldentzen ari da. Arabako osasungintzako profesionalek ematen ari den desoreka larritasunez ikusten dute eta zerbitzuren baten beharra izan duten erabiltzaileak ere ondoriak zeintzuk izango diren ikusten hasi dira.

Osasungintza Publiko bat eraikitzeko garaia da. Gardena, parte hartzailea (langileak, herritarrak, eragile sozialak…) eta kriterio ekonomizistan bakarrik oinarrituko ez dena.

 

 

 

AZKEN ALBISTEAK | ÚLTIMAS NOTICIAS

Ernaik gazte blokea osatuko du Maiatzaren Leheneko Iruñeko manifestazioan

Ernai gazte antolakundeak gazteentzat bizi baldintza duinak aldarrikatuko ditu Maiatzaren Lehenean, eta bat egingo du LABek deitu duen mobilizazio nazionalarekin. 11:00etan Trinitarios plazatik abiatuko den gazte blokean parte hartzera dei egin diete gazteei. Gazteen mobilizazioak Sarasate pasealekuan egingo du bat LABen manifestazioarekin.

Envases Metalurgicos de Álava enpresan bi langile kaleratu dituzte azken 6 hilabeteetan

Pasa den martxoaren 27an egin zuen Laudioko enpresak azken kaleratzea.

Kontzentrazioa Bizkaiko Grafikagintza sektoreko patronalaren aurrean

Apirilaren 29an eta 30ean eta maiatzaren 22an eta 23an greba deitu dugun LAB-ELA-CCOO-UGT sindikatuok CEBEKi eskatu diogu datorren osteguneko bileran sindikatuen plataforma bateratuari erantzun positiboa emateko.