2026-11-20
HomeZerbitzu PublikoakOsasungintzaOsakidetzak osasun pribatua bultzatzen du gripearen aurrean

Osakidetzak osasun pribatua bultzatzen du gripearen aurrean

Gripe kasuen gorakadari aurre egiteko eta, ahal den neurrian, ospitaleetako urgentzietan pilatzen diren gaixoak atenditzeko, Osakidetzak 15 ohe kontzertatu ditu San Juan de Dios ospitale pribatuarekin. Kezkagarriena da hau gertatu dela Gorlizeko ospitalean 30 oheko solairu oso bat itxita egon denean 10 urtez eta inguruko San Eloy eta Santa Marina ospitale publikoetan ere ohe libreak zeuden bitartean. Beraz, errekurtso publikoak erabili baino lehen, osasun pribatuen esku jarri egin dira.

Urgentzietan pazienteen pilaketa eguneroko ogi bihurtu da ospitaleetan. Azalpena zera da: kudeaketa kaskarra, kontratazio falta eta gero eta ohe gehiago itxita ospitale publikoetan. Zein helbururekin ez dira erabiltzen ohe hauek eta ospitale pribatuetakoak kontratatzen diren?

Hala ere, kasu honetan San Juan de Dios ospitale pribatuko oheak ez direnez nahikoak izan, Osakidetzak Gorlizeko 30 oheko solairua ireki behar izan du, azken momentuan, presaka eta korrika, baldintza minimorik gabe: 10 urtetan trasteleku bezala erabilia izan den lekua, bat-batean garbitu, hornitu eta pazienteekin bete. Erabateko deskontrola.

Beraz, Osakidetzari diru publikoa osasun sistema publikoan inberti dezala exijitzen diogu. Osasun pribatua garestiago eta txarragoa da. PNV-k badaki, baina arlo honetan ere negozioa lehenesten dute.
 

 

  

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.