Velatia taldeko enpresetako ordezkariek, astelehenean, irailaren 1ean eguerdiko 12etan, berriz ere elkarretaratzea burutuko dute Zamudion dagoen taldeko egoitza zentralaren aurrean (Teknologia parkea, 104 eraikina). Elkarretaratze honen bidez, Ormazabal y Ciak kaleratutako bi langileren berronartzea eskatuko dute.
Azken hilabeteotan kaleratutako bi langileek berronartzearen alde borrokan jarraitu dute, egunero Gosa lantokiaren aurrean elkarretaratzeak burutuz.
Bitartean, zuzendaritzak langileak EEEan egon ziren bitartean aparteko orduak egitearen aukera eskatu zion enpresa batzordeari (guztiz ilegala den aukera). Orain berriz, borondatezko malgutasuna eskatu die langileei eta aldi baterako langileak kontratu behar izan ditu produkzioa atera ahal izateko.
Horregatik, gure lankidean berronartzea eta behingoz gatazka honi konponbide erreal bat ematea exijitzen diogu enpresa zuzendaritzari.
Zamudion, 2014ko abuztuaren 29an