2024-07-14
HomeIndustriaMetalgintzaZumarragako Arcelor Mittali buruz hedabideetan zabaltzen ari den informazioaren aurrean

Zumarragako Arcelor Mittali buruz hedabideetan zabaltzen ari den informazioaren aurrean

Gaur, beste behin ere, Euskal Herrian ekonomikoki trakzio-enpresa den eta lanpostu kopuru garrantzitsua sortzen duen enpresa batek zalantzan jarri du bere jarraikortasuna. Beste behin ere, langileek komunikabideen bidez jakin dute Arcelor Mittal multinazionalaren asmoen berri. Errespetu falta izugarria da, lantegia itxiz Zumarragako jarduerarekin behin betiko amaitzearen aldeko apustua egiten ari dira, argitu gabe zergatik, zertarako eta zenbat denboran, eta azaldu gabe langileekin eta eskualdearekin konpromisorik hartuko den.

Gogoratu nahi dugu Arcelor Mittal Zumarragako langileek soldata eta lan baldintzen murrizketa jasan zutela iaz, CCOO eta UGTk sinatutako akordioaren eraginez. Alabaina, aurreikusten zen bezala, horrek ez du inolako bermerik ekarri multinazional honetan. Bistan da multinazionalarentzat akordio hark zuen balioa.

Herri honek ezin du onartu itxiera industrial gehiagorik. LABek lantegi honek aurrera egin dezan defendatzen eta borrokatzen jarraituko du, bertako langileen lan eskubideen alde, eta Euskal Herrian Arcelor Mittal taldeak dituen gainerako lantegietako beharginen eskubideen defentsan.

Zumarragan, 2014ko abuztuaren 29an
 

 

 

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.