2024-09-20
HomeZerbitzu PribatuakMerkataritzaNegoziazio eremua hona ekartzearen alde egingo dugu, H&M-k Max Centerreko denda...

Negoziazio eremua hona ekartzearen alde egingo dugu, H&M-k Max Centerreko denda ixteko asmoen aurrean

Pasa den urtarrilaren 9an H&M enpresak Max Center-eko denda ixten zutela jakinarazi zigun. Neurri honekin 34 langile kaleratuko lituzkete. Komunikazio horretan kaleratze kolektiboa planteatzen zuen eta estatu mailako EEE batean kokatzen zituen langileak, Espainiako estatuko beste 6 dendarekin batera.

LABentzat, EEE horren barruan sartzea Euskal Herriko negoziazio eremua saltatu eta hemengo ordezkaritza gutxiengoan uztea izan da. Beraz, urtarrilaren 16an eratu zen negoziaketa mahaian argi utzi genion enpresari, kasu honetan, Bizkaiko langile eta zentroei buruz Bizkaian negoziatzea exijitzen dugula. Guretzat lehentasuna Max Centerreko langileen birkolokazioa ahalbidetzea izango da. Asko kezkatzen gaitu miloikako onurak dituen enpresa batek zentroak itxi eta langilez husteko hartu duen bideak. Eta horren aurrean borrokarako prest agertuko gara.  

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.