2024-03-05
HomeZerbitzu PribatuakSalgaien GarraioaNanukeko langileak kalera irten ziren atzo negoziazio eta kaleratutako lankidearen berronartzea eskatzeko

Nanukeko langileak kalera irten ziren atzo negoziazio eta kaleratutako lankidearen berronartzea eskatzeko

Greba mugagabean diren Nanuk enpresako langileek atzo manifestazioa egin zuten Elorrion kaleratutako lankidearen berrartzea eta enpresa hitzarmen duin baten alde. Bihar Musika Joaldi Masiboa antolatu dute eta besteak beste Sen, Gose, Sermond’s, Itziarren semeak, Dirty Brothers, Iheskide eta Siroka taldeak elkartasuna adierazteko bertan izango direla jakinarazi dute.

Kaleraturiko langilea musikaria izaki, haien borrokaren berri eman eta elkartasuna jasotzeko antolatu dute ekimen deigarri hau. Eskualdeko eta Euskal Herriko musikariei dei egin diete beren babesa adieraziz instrumentuak hartuta bertara gerturatzeko. Tartean hainbat musikari eta talde ezagun ere izango dela aurreratu dezakegu jada:SEN, GOSE, SERMOND´S, ITZIARREN SEMEAK, DIRTY BROTHERS, IHESKIDE, SIROKA…

Musika joaldi masiboa izango da, une batez burrunba bihurtuko dena. Ekimenaren berri ematearekin batera, antolatzaileek (NANUKeko langileek) deialdia luzatu nahi dute: talde batean jo, bakarlaria izan edo instrumenturen bat jotzen duen musikari orori dei egiten diote parte hartzera. Bihar larunbata, goizeko 11:00ean izango da hitzordua ELORRIOn, EROSKIK duen plataformako kamioien sarreran.

 

LAB SAREAN
{module[111]}

      

AZKEN ALBISTEAK | ĂšLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.