Martxoaren 24an, 48 urteko I.I.P. langilea lan istripu baten ondorioz hilik suertatu zen. Hain zuzen Poligono Comarca II-an (Barbatain-Ezkirotz) dagoen Ega Perfil, S.A. lantegian zendu zen. Langilea, bere kamioian deskargatzeko zeukan karga, manipulatzen ari zen eta bere gainean erori zitzaion 5.000kg-ko bobina metalikoa.

«15 hildako lan istripuetan Euskal Herrian 2014ean»

Eraildako langilea autonomoa zen eta subkontratazio kate luze baten kaltetua izan da. Izan ere, Ega Perfil enpresak duen FORFRESA probeedorak Transportes JJIL enpresa subkontratu zuen eta JJIL enpresak Transportes RIVED enpresan subkontratatu zuen. Hau da, funtzio bat egiteko 3 subkontratazio!!

Heriotza salatzeko ostiralean, martxoaren 28an, eguerdiko 13’00etan lan istripua gertatu zen Ega Perfil,S.A. enpresaren aurrean kontzentrazioa egingo dugu. Halaber, LABek Ega Perfil enpresan duen ordezkari sindikalaren bitartez 2 orduko lan uztea deitu du. Zehazki 13’00etatik 15’00etara bere produkzio guztia geldituko dute.