2024-03-29
HomeZerbitzu PribatuakTelekomunikazioakLanuzte eta mobilizazioak Lanalden enpresaren jarrera salatzeko

Lanuzte eta mobilizazioak Lanalden enpresaren jarrera salatzeko

Lanaldeneko enpresa batzordeak zuzendaritzak duen mehatxu jarrera publikoki salatu zuen atzo. Enpresak Contact-Centerretako lan hitzarmena eta Lan Harremanen Kontseiluan adostutako akordioak behin eta berriro urratu eta Lan ikuskaritzak egindako ebazpenak ez ditu errespetatzen.

Enpresa Batzordeak langileei mehatxu eta kaleratzeen bitartez jardunaldi murrizketak inposatzen dizkiela salatu du, bien bitartean langile berriak kontratatzen ditu lan berdina egiteko.

Adibide gisa, 8 urteko antzinatasuna zuen langile batek salmenta kopuru jakin batera ez iristea argudiatuz diziplinazko eraizpena jaso izana aipatu dute. Komitearen arabera benetako arrazoia langileak bere jardunaldiaren orduen murrizketa sinatzeari uko egin izana da.

Gertakari hauek direla eta, Enpresa Batzordetik hainbat mobilizazio jarri dituzte martxan. Martxoaren 21 eta 24ean enpresaren eraikinen aurrean konzentrazioak egin ostean, atzo Lan Ikuskaritzan izan ziren enpresaren jarrera salatzen. Gaur Bilboko eta Derioko enpresako eraikinen aurrean egingo dute protesta goizeko 11:00etatik 12etara eta datorren martxoaren 27 eta 28rako lanuzteak iragarri dituzte goizeko 11:00etatik 11:00etara eta arratsaldeko 17:00etatik 18:00etara.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.