2026-11-18
HomeZerbitzu PublikoakIrakaskuntzaNafarroan ikastetxetako liburuen sorgin ehiza

Nafarroan ikastetxetako liburuen sorgin ehiza

Iribas kontseilariak prentsaurrekoa eman du gaur urriak 1 asteazkena. Bertan adierazi du Nafarroako “errealitate instituzionala” urratzen omen dituzten 22 liburu aurkitu dituela, Torquemada inkisatzailearen tankeran plazan berriz sua piztuz.

Hau ez da berria, UPNren obsesioetako bat euskal ikaskuntzarekin eta kulturarekin zerikusia duten ikasmaterialak eta baliabideak erretzea da; euskalfobia sintoma argiak. Pasaden ikasturtean D ereduko irakasleen aurkako kanpainari ekin zioten eta orain ikasmaterialak ditu ikusmiran.

Hezkuntzak baditu beste hainbat afera potolo konpontzeke, baina Iribasen azken agerraldietan argi ikusi da, Nafarroako hezkuntza sisteman hainbat arrakala zabaldu direla, besteak beste, PAI, LOMCE eta murrizketek eragindakoak. Sortutako arrakalak estaltzeko, arreta kanpaina politikora bideratu dute, ezker abertzalea eta inguruko sindikatuak, doktrinamendu eta manipulazioan ari direla esanez. Honen haritik dator, prentsaurreko berean LOMCEri aurre egiteko Euskal Herrian Gure Hezkuntza plataformak ateratako Gidari buruz eginiko aipamen maltzur eta manipulatzaileak.

Gaur egun UPNk ez du nafar gehiengoa ordezkatzen. Gobernua duela probesten du aldebakarreko erabakiak hartzeko, Nafar Jendartearen gehiengoaren nahien kontra, parlamentuaren gehiengoaren aurka eta Hezkuntza Komunitatearekin inolako kontsultarik egin gabe.

Iribasek botatako mehatxuen gainetik LAB sindikatuak euskal curriculuma, euskal kultura eta ikasle euskaldun eleanitzak bermatuko dituen kalitatezko hezkuntza sistema baten alde lanean jarraituko du.

LAB sindikatuak, Iribas kontseilariaren dimisioa eskatzen du, hezkuntzan ditugun arazoei aurre egiteko gaitasunik ez duelako eta mamuak besterik ez dituelako elikatzen.
 

 

 

AZKEN ALBISTEAK | ÚLTIMAS NOTICIAS

LABek, ELAk, UGTk, CCOOk eta ESK-k greba-egunak deitu ditugu Petronorren azpikontratetan, negoziazioaren blokeoaren aurrean

Petronorren azpikontratetako langileek urteak daramatzate lan-baldintza oso gogorrak jasaten. Soldata duinak, enplegu-egonkortasuna, atsedenaldi egokiak, lan-arriskuen prebentzioa eta lan-baldintza duinak aldarrikatzea ez da pribilegioak eskatzea: findegiaren jarduera egunero posible egiten duten langileentzako eskubideak eta bidezko hobekuntzak dira.

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.