2024-07-24
HomeZerbitzu PublikoakOsasungintzaLABen ustez, Osakidetzako Zuzendaritza 2011ko EPEren gainean egiten ari den kudeaketa onartezina...

LABen ustez, Osakidetzako Zuzendaritza 2011ko EPEren gainean egiten ari den kudeaketa onartezina da

Osakidetzako Zuzendaritza 2011ko EPEaren kudeaketa pentsaezina den eraginkortasun eta gardentasun falta punturaino eramaten ari da, prozesuan bertan parte hartu duten milaka eta milaka izangairekiko inolako errespeturik agerturik.

Azken asteotan, bi adibide ezin argiago ditugu. Administrari Laguntzaile kategorian formakuntza neurtzeko irizpide aldaketa; eta plaza beste nonbaiten atera duten langile batzuentzat “berariazko zerbitzu eginkizunak” sortzea, orain jarduten duten zentroan geldi daitezen.

Lehenengoari dagokionez, Osakidetzak formakuntza neurtzeko Epaimahaiak egindako irizpide aldaketa ontzat eman du, baina irizpideak zeintzuk diren ez du publiko egin. Nahiz eta eskaera egiten duten izangai guztiek euren espedientea ikusteko eskubidea izango dutela esan, hori ez da nahikoa. LABek eusten dio eskaerari: EPE eta kategoria guztietan izangaiak baloratzeko irizpideak argi eta garbi adierazi, eta publiko egin modu zehatz batean eta puntuazioarekin. Hauxe da putxerazo, entxufe eta irregulartasunekin amaitzeko bide bakarra.

Bestaldetik, Osakidetzak bere arau propioak ez dituela betetzen salatu nahi dugu, beste leku batean plaza atera duten langileak euren oraingo lanpostuan gera daitezen “berariazko prozesuak” abiatu baititu. LABek plaza ateratzen duten pertsonei ahalik eta lasterren euren bizitokitik ahalik eta gertuen egotea ahalbidetuko dien EPE sistema baten alde egin dugu. Baina holako prozesuak langile guztiontzat izan behar dira, irizpide objektibo eta publikoetan oinarriturik, ez gardentasun faltan eta txantxullotan oinarriturik, aukera berdintasunerako eskubidea urratuz.

Hau al da PNVk behin eta berriro aldarrikatzen duen kudeaketarako ahalmena?
 

 

 

AZKEN ALBISTEAK | ĂšLTIMAS NOTICIAS

Eusko Jaurlaritzak onartutako langile publikoentzako soldataren igoerak erosahalmenaren galera eta Madrilekiko menpekotasuna dakar, beste behin ere

LABek Eusko Jaurlaritzaren Gobernu Kontseiluak langile publikoentzat (*) onartu berri duen %2ko soldata igoera salatzen du. Ikasturte honetan hiru greba eta hainbat mobilizazio egin ditugu soldata eta enplegua hemen erabakitzeko, bertan negoziatu eta adosteko. Hauek dira Jaurlaritzak agindutako azken neurriaren aurka azaltzen ditugun argudioak:

Prekaritateak dakarren lan segurtasun ezak hil egiten du

Gipuzkoako Kale Garbiketa sektoreko alderdi sindikal guztiak, ELA sindikatua izan ezik, pasa den uztailarean 10ean, Iruñean, gaueko txandan bere lana egiten zuen bitartean, lan istripuan hildako FCC-ko (Iruñerriko Mankomunitateko azpikontrata) langilearen familia, lagun eta lankideei elkartasuna eta babesa helarazteko, gaur uztailak 24, elkarretaratzea egin dugu Gipuzkoako FCC-ko egoitza nagusiaren parean, Hernaniko Zubiondo poligonoan.
00:20:31

Osasun sistema publikoa indartzeko neurriak aurkeztu ditugu

Langileen gehiengorik gabe Osasun Itunik ez dago.