2024-04-15
HomeUncategorizedNafarroako irakaslegoaren aurka ultraeskuinak abian jarri duen intoxikazio eta desinformazio kanpaina salatu...

Nafarroako irakaslegoaren aurka ultraeskuinak abian jarri duen intoxikazio eta desinformazio kanpaina salatu du LABek

Kanpaina arbuiagarri honek agerian uzten du UPN eta PPk ez dutela beraien iragan frankistarekin hautsi. Honen adibide dugu frankismo garaian erabilitako jardun higuingarrienetarikoa bat berreskuratzeko ahaleginetan dabiltzala: irakasleen “zerrenda beltzak”.

Lehenik eta behin, gure lankideei eta zenbait ikastetxeei zuzendutako gezur eta faltsukeriak salatu nahi ditugu. Zelatatutako irakasleei gure elkartasun osoa adierazi nahi diegu.

Nafar irakaslegoaren ideia eta iritziak zelatatu eta kontrolatu izanak, sistema totalitarioetan erabilitako Orwelen kontrol sozial teknika dakarkigu burutara.

Helburu jakin bat dugula salatzen dute, irakaskuntza doktrinatzeko erabiltzea, baina egun doktrinatzaileak direnak ezkutatzeko aitzakia besterik ez da: UPN eta PP.

Wert jaunak LOMCE legeak ikasleak espainoltzeko helburua duela esan zuen.

Kanpaina lotsagabe honekin, euskarazko irakaskuntza kriminalizatu eta estigmatizatu nahi da. Barcina, Wert, Iribas eta Albak, Francok euskarari zion gorroto bera erakusten ari dira.

LABetik irakaslegoak egiten duen lana goraipatu nahi dugu, pertsona aske, kritiko eta euskaldunak izateko gure apustua aldarrikatuz.

Ez gara lotsatzen eta ozen diogu: guk kalitatezko eskola euskaldun, kritiko, aske, hezkidetzaile eta laiko baten aldeko apustua egiten dugu non esku-sartze doktinatzailerik ez den onartuko.
  

AZKEN ALBISTEAK | ĂšLTIMAS NOTICIAS

50. urteurrenaren harira, Maiatzaren Lehenean manifestazio eta jaialdi nazionala antolatu ditugu Iruñean

LABen 50.urtemugako ospakizun betean dator aurtengo Maiatzaren Lehena. Une gozoa da sindikatuarentzat, zalantzarik ez. Hala ere, ez diogu gure bilakaerari bakarrik begiratzen. Gure misioa langileen lan eta bizi baldintzen alde borrokatzea da, eraldaketa soziala eta aldaketa politikoak eragitea.

Intersindikalarekin mobilizatuko da LAB Maiatzaren Lehenean Baionan, bazterketa gaindituz

Prentsaurrekoa egin dugu Baionako Merkatuan LAB, CFDT, CGT, UNSA, FSU eta Solidaires sindikatuok aurtengo Maiatzaren Lehenean bertan egingo den manifestazioa iragartzeko. Bertan izan da Argitxu Dufau Ipar Euskal Herriko bozeramailea, izan ere, aurten LAB intersindikalarekin batera mobilizatuko gara langileen egunean, urte luzez pairatu behar izan dugun bazterketa gaindituz.

Amazonen borrokan jarraitzen dugu

Enpresaren jarrerak ezin itxiagoa izaten jarraitzen du, langileon beharrizanei entzungor egiten jarraitzen duelarik. Hala ere, borrokan, lanuzteak egiten eta kalera ateratzen segitzen dugu. Atzo, igandea, hilaren 20ra arte luzatuko den lanuzte-aldia abiatu genuen Trapagarango lantokian, eta gaur goizean goiz manifestazioan atera dira langileak Bilboko kaleetan barrena.