Negoziazio kolektiboa soldatak eta lan baldintzak hobetzeko tresnarik nagusia dugu. Are gehiago Euskal Herrian, berezko lan politika garatzeko inongo eskumenik ez baitugu. Gainera, Espainar Estatuko Gobernuak indarrean jarritako lan erreformak orain arte ezagutu dugun negoziazio kolektiboaren eredua zalantzan jartzen du.

Erreformarekin batera, negoziazio kolektiboan dagoen blokeoa larria eta kezkagarria da. Patronala krisiaz baliatzen da eta negoziazio mahaietan ez du inongo proposamenik onartzen. Horren ondorioz, besteak beste, Egurraren industrian, Nafarroako zementuaren deribatuetan eta Eraikuntzan aritzen diren langileen lan hitzarmenak blokeaturik daude. Egurraren Industrian eta Porlanaren deribatuen kasuan 2009tik aurrera eta Eraikuntzan 2010e
tik aurrera.

Orain arte Herrialdeko lan hitzarmenetan langile guztiei aplikatu beharreko gutxiengo lan baldintzak biltzen dira, horregatik Patronala eta Gobernuak bilatzen duten desartikulatze ahalegina eragotzi behar da.

Aurreko guztiarengatik, LAB-Eraikuntza sektoretik gaurko ekintza burutu dugu patronalaren egoitzan. Sektoreko 25.000 langileen egoera salatzearekin batera, Nafarroako esparrua defenditu nahi baitugu. Negoziazioa deblokeatzeko borroka bide bakarra dela, gaurko ekintzarekin mobilizatzeko deia egiten dugu.

Iruñea, 2011ko abenduaren 21ean.