2024-06-25
HomeIrakaskuntzaHezkuntzaNafarroa osoan haurrak D ereduan matrikulatzeko deia egin dugu, horretarako hamaika arrazoi...

Nafarroa osoan haurrak D ereduan matrikulatzeko deia egin dugu, horretarako hamaika arrazoi on dagoela sinetsita

Nafarroan, otsailaren 1etik 7ra eginen dute Haur eta Lehen Hezkuntzako aurrematrikulazio kanpaina. Hori dela-eta LAB sindikatuak D ereduaren aldeko bere konpromisoa eta babesa berretsi nahi ditu. Era berean, Nafarroa osoko familiak animatu nahi ditu haurrak D ereduan matrikula ditzaten, horixe baita herritar euskaldun eleaniztunak izatea ahalbidetzen duen eredu bakarra.

Nafarroan dagoen egoera soziolinguistikoa zein den ikusita, ikasle euskaldun eleaniztunak sortzeko bidean, LABek ezinbestekotzat jotzen du D ereduaren indartzea. 50 urteko esperientzia pilatua du D ereduak, eta gaurko egunean Nafarroako eredu bakarra da derrigorrezko hezkuntza bukatutakoan ikasleak euskaraz ongi komunikatzea ahalbidetzen duena.

Orain dela bi urte LAB sindikatuak egin zuen kanpaina batean adierazi zen moduan, badira hamaika arrazoi haurrak D ereduan eskolatzeko:

1. Ikasle euskaldun eleaniztunak nahi ditugulako.
2. Gure ondare kulturala ezagutzeko eta maitatzeko.
3. Pedagogia aurrerakoian oinarritzen delako.
4. Gurea ezagutuz desberdina dena errespetatzen ikasteko.
5. Irakasleak ereduarekin konprometituak daudelako.
6. Ezagupena barnetik hasten delako. Euskara gurea!
7. Hirugarren hizkuntza batzuk errazago ikasteko.
8. Lan aukera handiagoak izateko.
9. Bide luzea egin duen hezkuntza eredua delako.
10.Emaitza akademiko onak ematen dituelako. 11.Nafarroa hobeto ezagutzeko.

LAB sindikatuak, eragile soziopolitikoa den heinean, gizartearekin duen erantzukizunaren baitan kokatzen du D ereduaren aldeko zeregin hau, eta berriz ere adierazi nahi du Nafarroan eta Euskal herri osoan euskararen ofizialtasunaren eta normalizazioaren mesedetan lanean jardungo duela.

 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.