Alfa Taldeko langileek Infogune bat zabaldu dute Eibarko Untzaga plazan, daramaten borrokari buruz informatzeko eta borroka beraren arrazoiak gizarteratzeko. Astelehen, asteazken eta ostiraletan egongo da irekita, 9:30etik 12:30era eta 17:00etatik 19:30era.
Dagoeneko 66 dira greba egunak, bi hilabete baino gehiago. Enpresak emandako azken pausua 131 pertsonentzat epaitegian ERE bat aurkeztea izan da.
Infogunearekin batera, langileek elkarretaratzeak egingo dituzte goizean zein arratsaldean; 12:00etan eta 19:00etan, hurrenez hurren. Enpresa batzordeak mobilizazioetan parte hartzeko deia luzatu dute.
