2024-03-05
HomeHerriak du hitza eta erabakiaGarbiñe Aranburu: "Zertarako erabaki? Bizitzaren prekarizazioari aurre egin eta guztioi lan eta...

Garbiñe Aranburu: “Zertarako erabaki? Bizitzaren prekarizazioari aurre egin eta guztioi lan eta bizi duina bermatzeko”

Zergatik erabaki. Horixe izan zen atzo, Gure Esku Dago dinamikaren eskutik, Bilboko Bizkaia aretoan antolatutako solasaldiaren ardatza. LABeko idazkari nagusi Garbiñe Aranburu hizlarien artean izan zen, eta sindikatuko ordezkariak ez zuen zalantzarako tarterik utzi: "Lan harremanetarako eta babes sozialerako sistema propio bat eraikitzeko erabaki ahalmen osoa behar dugu”.

“Bizitzaren prekarizazio prozesua bizitzen ari gara. Erabaki nahi dugu egungo eredu ekonomikoa eraldatzeko”. Garbiñe Aranbururen hitzak dira hauek, Gure Esku Dago dinamikak antolatutako solasaldian esandakoak. Hala, mahai inguruaren galdera nagusiari zuzen zuzenean heldu zion, erabakitzeko eskubidea, zergatik baino, zertarako den garrantzitsua nabarmenduta: "Zertarako erabaki? Bizitzaren prekarizazioari aurre egin eta guztioi lan eta bizi duina bermatzeko".

Neoliberalismoak herritarrengan kaltea baino ez duela ekarri esan zuen; sektore publikoen pribatizazioa, zaintza lanak emakumeen gain egotea eta babes sozial sistema egokirik ez izatea, esaterako. Horrenbestez, bizitza duin bat bermatzeko erabakitzeko eskubidea ezinbestekoa dela berretsi zuen; “erabaki ahalmen osoa" izatea, alegia.

Atzoko solasaldia osorik ikusteko aukera dago Gure Esku Dagoren webgunean

 

 

 

AZKEN ALBISTEAK | ÚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.