Lan osasunaren pribatizazioa bilatzen duen mutuen legea salatzeko kanpainaren baitan, LAB sindikatua pasadan astean Tafalla eta Irurtzunen izan zen. "Lan osasuna osasunbidean" lemapean LABeko kideak Tafallako Gizarte Segurantzaren bulegoen aurrean eta Irurtzungo osasun zentroan bildu ziren Mutuen baliabideak eta konpetentziak publikoak bilaka daitezela exijituz.

Irurtzunen 30 bat delegatuk Mutualitateen erreformaren inguruan eztabaidatzeko batzarra burutu zuten, eta bertatik mutuak desagerraraztearen alde azaldu ziren. Era berean, Mutuen baliabideak eta konpetentziak publikoak bilakatzearen alde lan egiteko konpromezua hartu zuten.