«Emakumeok gara, beti bezala, enplegu galera honetan kaltetuenak. Oihartzun mediatiko handiko lan gatazkarik gabe, negoziazio prozesurik gabe eta borrokarako aukerarik gabe, kaleratze indibidualen bidez edota lan kontratuak berritu gabe, lan merkatutik kaleratu gaituzte. Datuek hala diote: langabezi osoaren %82a zerbitzu sektorean eman da, erabat feminizatua den sektorean hain zuzen ere.»
Eta enplegua mantentzen dugun emakumeon egoera, oraindik ere prekarioagoa bilakatu da erreforma laboralaz geroztik. Behin- behinekotasun tasak, soldaten inguruko diskriminazioa, segregazio laborala eta horrelakoak mugatzera zuzendu beharrean, erreforma hau kontziliazioan oztopo handiak ipintzeaz aparte, lanaldi partzialeko kontratazioa bultzatu du. Nagusiki emakumezkoei zuzendutako kontratazio mota hau, oraindik ere emakumeon lana etxera sartzen den oinarrizko soldataren osagarritzat ulertzen delako, emakumeon menpekotasuna iraunarazi eta eskubideak murrizten dizkigu.»
{module[111]}