LABen Maiatzaren Leheneko deialdiari jarraituz milaka langile irten dira kalera euskal langileoi eta Euskal Herriari zor zaigun erabakitzeko eskubidearen alde borrokatzera. LAB sindikatuak eskualdeka burutu du 2014ko Maiatzaren Lehena, langileon aldarriak hamarnaka herri eta zazpi herrialdeetara zabaldu delarik.
Manifestazio goiztiarrenak Iparraldekoak izan dira, goizeko 11:00etan Baiona, Maule eta Ziburun egin direnak hain zuzen.
Hego Euskal Herrian mobilizazio gehienak eguerdiko 12:00etan hasi dira eta karakterizazio ezberdinekin krisitik ateratzeko langileok gure etorkizuna erabakitzeko dugun eskubidea aldarrikatu da.
Iruñean, besteak beste, bost bloke ezberdinetan banatu dira: zerbitzu publikoen, industriaren, zerbitzuen, gazte, langabetu, pentsiodun eta prekarietatea sufritzen duen pertsona ororen eskubideen defentsan.
Donostian, ibilbidean zehar geldialdi ezberdinak egin dira Kutxabanken pribatizazioaren kontra, enpleguaren defentsan eta langileok eta Euskal Herriak erabakitzeko dugun eskubidearen alde.
Hego Uriben “Bertoko borrokan biharko garaipena” lelopean Bediatik Lemoara joan den Martxa burutu dute eskualdeko errealitate gordina azaleratzeko.
Buruntza-Goierri eskualdean mobilizaziok hiru herri ezberdinetan egin dira, Hernani, Tolosa eta Ordizian.
Ainhoa Etxaide, LABeko idazkari nagusia, Bilboko mobilizazioan hartu du parte eta bertan egindako interbentzioan langileok eta Euskal Herriak burujabetza prozesu bat aurrera eramateko duen beharra aldarrikatu du. Euskal Herriak behar duen justizia sozialerako giltza erabakitzeko eskubidean oinarritzen dela azpimarratu du Etxaidek, eta prozesuaren bermea langilegoaren parte hartzean kokatu du.
Langileak berriro ere kalean egoteak eta mobilizazio jendetsuak izatearen garrantziari erreparatuz eman dio hasiera Etxaidek bere interbentziori, eta “milaka langile independentista LABek deitutako 28 mobilizazioetan; Oionetik Maulera, Bilbotik Tuterara” ikusteak sindikalismoa herri bat garela adierazteko tresna bat badela,“horretara jartzen bagara”, erakusten duela adierazi du.
Ainhoa Etxaide: «Langileriak badu gauzak aldatzeko gaitasuna»
Ainhoa Etxaideren adierazpenak medioen aurrean
LABek milaka lagun bildu ditu Nafarroan aldaketa sozial eta politikoaren alde
Parte hartzearen datuak
Mobilizazioen argazki galeria
ARGAZKIAK SAREAN
#langileokerabaki (Twitter)
#langileokerabaki (Flickr)
@labsindikatua (Twitter)