2023-12-07
HomeMaiatzaren Lehena 2014Milaka langilek krisitik ateratzeko berma direla aldarrikatu dute Euskal Herriko zazpi herrialdeetan

Milaka langilek krisitik ateratzeko berma direla aldarrikatu dute Euskal Herriko zazpi herrialdeetan

LABen Maiatzaren Leheneko deialdiari jarraituz milaka langile irten dira kalera euskal langileoi eta Euskal Herriari zor zaigun erabakitzeko eskubidearen alde borrokatzera. LAB sindikatuak eskualdeka burutu du 2014ko Maiatzaren Lehena, langileon aldarriak hamarnaka herri eta zazpi herrialdeetara zabaldu delarik.

Lehen orduan kotxe karabanak egin dira eskualde ezberdinetan (Busturia-Lea Artibai, Durangaldea, Iruñerria…) Maitzaren Lehenean langileon eskubideen alde eta eguerdiko manifestazioeta deituz.

Durangoko Kotxe karabana

Manifestazio goiztiarrenak Iparraldekoak izan dira, goizeko 11:00etan Baiona, Maule eta Ziburun egin direnak hain zuzen.

Maule (@kazetainfo)

DONIBANE LOHIZUNE (@kazetainfo)

BAIONA (@ehKz_eu)

Hego Euskal Herrian mobilizazio gehienak eguerdiko 12:00etan hasi dira eta karakterizazio ezberdinekin krisitik ateratzeko langileok gure etorkizuna erabakitzeko dugun eskubidea aldarrikatu da.

IRUN

LAUDIO

LIZARRA

DURANGO

GASTEIZ (@patxibengoa)

Iruñean, besteak beste, bost bloke ezberdinetan banatu dira: zerbitzu publikoen, industriaren, zerbitzuen, gazte, langabetu, pentsiodun eta prekarietatea sufritzen duen pertsona ororen eskubideen defentsan.

IRUÑEA

Donostian, ibilbidean zehar geldialdi ezberdinak egin dira Kutxabanken pribatizazioaren kontra, enpleguaren defentsan eta langileok eta Euskal Herriak erabakitzeko dugun eskubidearen alde.

DONOSTIA (@aidegatxo)

Hego Uriben “Bertoko borrokan biharko garaipena” lelopean Bediatik Lemoara joan den Martxa burutu dute eskualdeko errealitate gordina azaleratzeko.

Hego Uribe. Lemoatik Bediara martxa

Buruntza-Goierri eskualdean mobilizaziok hiru herri ezberdinetan egin dira, Hernani, Tolosa eta Ordizian.

TOLOSA

HERNANI

Ainhoa Etxaide, LABeko idazkari nagusia, Bilboko mobilizazioan hartu du parte eta bertan egindako interbentzioan langileok eta Euskal Herriak burujabetza prozesu bat aurrera eramateko duen beharra aldarrikatu du. Euskal Herriak behar duen justizia sozialerako giltza erabakitzeko eskubidean oinarritzen dela azpimarratu du Etxaidek, eta prozesuaren bermea langilegoaren parte hartzean kokatu du.

BILBO (@alternatiba)

Langileak berriro ere kalean egoteak eta mobilizazio jendetsuak izatearen garrantziari erreparatuz eman dio hasiera Etxaidek bere interbentziori, eta “milaka langile independentista LABek deitutako 28 mobilizazioetan; Oionetik Maulera, Bilbotik Tuterara” ikusteak sindikalismoa herri bat garela adierazteko tresna bat badela,“horretara jartzen bagara”, erakusten duela adierazi du.

 

 

AZKEN ALBISTEAK | ĂšLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.