2024-03-05
HomeIndustriaMetalgintzaTS Fundiciones enpresako langileek itxialdiari amaiera eman diote «helburuak nahikoa eta sobera...

TS Fundiciones enpresako langileek itxialdiari amaiera eman diote «helburuak nahikoa eta sobera lortuak»

Enpresan euren lanpostuen defentsan protestan ziren Zestoako TS Fundiciones enpresako langileek itxialdiari amaiera eman diote gaur, Maiatzaren Lehenean, goizeko 08.00etan. Enpresa aurrean, agerraldi publikoa egin dute irten direnean euren irakurketa ezagutarazteko. Eskualdearen egoera azaleratu eta lehenengo planora ateratzea zen helburu nagusia lortutzat eman dute.

Enpresan euren lanpostuen defentsan protestan ziren Zestoako TS Fundiciones enpresako langileek itxialdiari amaiera eman diote gaur, Maiatzaren Lehenean, goizeko 08.00etan. Enpresa aurrean, agerraldi publikoa egin dute irten direnean euren irakurketa ezagutarazteko. Eskualdearen egoera azaleratu eta lehenengo planora ateratzea zen helburu nagusia lortutzat eman dute.

TS Fundiones enpresan itxialdian ziren langileen irakurketa
«Ekimen honekin lortu nahi genituen helburuak nahikoa eta sobera lortuak direlakoan gaude. TS eta gure eskualdearen egoera azaleratu eta lehenengo planora ateratzea zen gure helburu nagusia, eta argi gelditu dira egoera hau iraultzeko alternatibak zeintzuk diren. Argi gelditu da TS-k eta Urola-Kosta eskualdeak bizi duen egoera zein den eta Arantza Tapiak hilabete luzez daramakigun borrokaldiak dirauenetik, lehenengo aldiz egin ditu guri buruzko adierazpen publikoak, berarentzat existitzen garela dirudi.

Beti aldarrikatu izan dugun bezala, TSko langile gara batzuk kanpoan nahi gaituzten arren, eta TSren aldeko hautua aspaldian egina dugu. Ez da gure nahia ezer oztopatzea, modu eraikitzailean bitartekoak jartzea baizik. 

Bide batez, eta Arantza Tapia gure eskualdean bizi den sailburuari, TS-ko langileriak zera helarazi nahi dio:

– Berak asteartean eginiko adierazpenak GEZURRA dira.
– Ez garela sekula berarekin bildu. Eusko Jaurlaritzarekin bildu garen apurretan lan eta enplegu sailarekin bideratuak izan gara, instituzio oso baten aurpegia zuritzeko etahauek elkartasuna soilik emandigute.. Behar duguna ordea konpromisoa da ez elkartasuna, elkartasuna senide eta lagunek ematen digute. EZ DA SEKULA GUREKIN HARREMANETAN IZAN eta jakin badaki oso ondo hasiera hasieratik kriminalizatu gaituela.
– Bilera hori enpresaren bideragarritasunaz hitzegiteko omen da.., horrenbeste denboran eskatu diogun langileokin egoteko eta proiektu baten inguruan eta etorkizun posible baten baitan jarduteko aukera guztiak galdu dituenean?
– Eta garrantzitsuena, TS bideragarria EZ dela dio .. orain dela hilabete batzuk ordea, kontrakoa zioen enpresak eta negoziaketetako lehenengo bileran bapatean erabakia aldatu eta itxiera planteatu zigun..! baina hemen nork eta nola erabakitzen du empresa bat bideragarria den edo ez? Enpresa ezagutzen ez duen eta inongo saiakerarik gabe aritu den Administradore konkurtsal batek? Badirudi aspaldi norbaitek bere bulegotako butakatik erabaki zuela TS ez zela bideragarria izango eta 150 langilek pobreziara joan beharko zutela.
– Arantza tapiak ondo dakien bezela, jaurlaritzak parte hartu du sektore bereko empresa batean, akzionistek duten eta lan berdina egiten duen beste empresa bat diruz lagundua du, beraz argi ikusten da heuren jokua nondik nora doan.
TS-ko langileon ustez, Aspalditik ikusten dugun gauza bat berrestera datoz Arantza Tapiaren adierazpenak: numero gisa eta heuren interes politikoen arabera nahi gaituen Gobernu baten aurrean aurkitzen garela alegia.
 

Hala eta guztiz ere, Idatzi honen hasieratan aipatu bezela, ez dugu ezer oztopatu nahi. Eta beti bezela, gure egoerari irtenbidea emateari begira, ateak irekita jarraitzen dugu heurekin bildu eta egiazko bideragarritasun plan bat burutzeari, honek dakarren proiektu egonkor bati lotua izango dena beti noski.

Bada garaia poltronatatik herrira jeitsi daitezen eta benetan gertutik ezagutu dezaten heuren herri eta eskualdeetan bizi den egoera anker eta gogorra.

Hau horrela, amaitutzat ematen dugu itxialdia, baina ez dugu inondik inora baztertzen, berriro horrelako ekimenak egitea beharrezko bada, TSko langilearenak ez baitu egin oraindik.Bertoko langileak izaten jarraituko dugu eta TSgatik lanean eta mobilizatzen jarraituko dugu.

Eskualdean jaso dgun elkartasunarekin argi gelditu da ez direla gure lanpostuak galduko direnak, eskualdearenak baizik. Egun hauetan jasotako babes eta atxikimenduak IKARAGARRIAk izan dira eta etorkizunari begiratzeko indar hauspoa dira guretzat.

Gaurko egunarekin bat, borrokaldiaren pozaz goaz langilearen eguna den honetan mobilizatzera eta hemendik dei egiten diogu herritar orori gaurko mobilizazioetan parte har dezan.

Borrokatzeak merezi duelako eta borrokan elkar ikusiko dugulako, Milesker jaso dugun babes guztiagatik!

GORA TSko langileria!»

 

 

 

AZKEN ALBISTEAK | ÚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.