2024-03-05
HomeIndustriaMetalgintzaMetalgintzako herrialdeko hitzarmenen aldeko atxikimendua adierazten ari dira langileak, LABek enpresetan abiatutako...

Metalgintzako herrialdeko hitzarmenen aldeko atxikimendua adierazten ari dira langileak, LABek enpresetan abiatutako sinadura bilketarekin

EAEko metalgintzako langileen artean herrialdeko hitzarmenen alde LAB sindikatuak abian jarritako sinadura bilketan espero bezala, eta metalgintzako enpresetan oraindik orain sinadurak biltzen ari direlarik, jasotzen ari garen datuek berresten digute EAEko hiru lurraldeetako sektoreko langileek metalgintzako hitzarmenarekiko duten atxikimendua oso handia dela.

Adibide batzuk ematearren: Ormazabal, Technichapa, Gea Iberica, Aeronnave, Giroa Araba, SNA Europe, BSH Krainel, Estampaciones Rubi, Txintxurreta, Consonni, Talleres Bost, Jaso Itsasondo, Indar, JEZ, CIE Udalbide, TS Fundiciones, RTS, Rodisa, Etxetar, Agme, GOL, Alkorta, Transmisiones Europa, Juaristi, Corrugados Azpeitia, GKN, Mecanizados Iketz, Transmisiones La Madalena, Mecanicas Mallabi, Telvent edo Ibaeta Motor enpresetan jasotzen ari garen atxikimendua oso altua izaten ari da, kasu batzuetan, %100ekoa, enpresa hauetako gehienetan enpresa hitzarmena egon arren.

Honek argi uzten du enpresa hitzarmenak ez duela ordezkatzen herrialdekoaren balioa. Gutxieneko erreferentzia betetzen duen hitzarmena behar beharrezkoa da. Herrialdeko hitzarmena denona da, herrialdeko hitzarmenak batzen gaitu, herrialdeko hitzarmenak indarra ematen digu, herrialdeko hitzarmena beharrezkoa da.

Metalgintzako langile guztiok animatu nahi ditugu hitzarmenaren alde sina dezaten; bide batez, sindikatu guztiak deitzen ditugu guztion artean sustatu dezagun aipatu sinadura bilketa eta patronalari argi eta garbi adieraz diezaiogun gure eskubideak babestea erabaki dugula, inposaketa eta erreformen gainetik.

Patronalak aditu behar du metalgintzako langileon aldarria eta berriz aztertu behar du EAEko metalgintzako hiru mahaiei ezarri dien blokeoa.

Bakarrik borroka indartsu baten bidez izango gara gai gure eskubideak mantentzeko. Sinatzaile guztiok mobilizatzen baldin bagara metalgintzako hitzarmena babestuz, geldiezina gertatuko da.

LABek hurrengo martxoaren 19an Bizkaian eta 21ean Gipuzkoan delegatuen asanbladak egingo ditu eta ondoren patronalaren aurrean mobilizatuko gara.

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.